HRIŠĆANSKO ĐIVDIPE

So šaj te arakha ki knjiga Ov bahtalo zauvek!

Da li sviđinena pe tuće o videa hem o lična pućiba andi knjiga Ov bahtalo zauvek! So mislineja ando deo: „Ako neko phenela”, „Ćhiv tuće cilj“ hem „Rode pobuter“? Save avera buća andi knjiga šaj te pomožinen tut đi ćereja učenikonen? (Mt 28:19, 20).

I knjiga „Ov bahtalo zauvek!“ ki aplikacija „JW Library“. Jekh crta mothovi o deo „Multimedija aso 1. deo“.

Multimedija: Ako više sviđini pe tuće te koristine o štampimo izdanje andi knjiga đi proučineja nekasa, sar šaj lokhe te arakhe o videa hem avera buća? Ko elektronsko izdanje andi knjiga, birin jekh ando štar delija. Tele palo sa o naslovija ando lekcije, šaj te khuve ko multimedija hem odothe ka arakhe sa o videa hem avera buća aso odova deo (dikh i prvo slika).

Opcija „štampimo izdanje“: Ako proučineja nekasa ando elektronsko uređaj šaj but te pomožini tut i opcija „štampimo izdanje“ hem šukar bi ovela nekobor putija te koristine la ko kurs. Ked khuveja ki lekcija, đa upre ko trin tačke hem birin i opcija „štampimo izdanje“. Akija opcija šaj te pomožini tut te ovel tut ki godi sar o materijali andi celo lekcija tano povezimo e temaja. Ako mangeja te irine tut, đa upre ko trin tačke hem khuv ko „elektronsko izdanje“.

I knjiga „Ov bahtalo zauvek!“ ki aplikacija „JW Library“. O crte mothovena o okviri „Da li hijum spremno?“ hem o „Dodatko“.

„Da li hijum spremno?“: Ko akala okvirija šaj te arakha disave uslovija kola jekh manuš kova proučini valjani te ispunini te šaj te đal ki služba ja te krstini pe (dikh i dujto slika).

Dodatko: Ko dodatkija šaj te arakha objašnjenje ando disave važna teme. Ko elektronsko izdanje andi knjiga ko krajo ando svako dodatko isi link kova irini tut ki lekcija odothe kaj aćhiljan (dikh i dujto slika).

I knjiga Ov bahtalo zauvek! valjani te završini pe đi o krajo čak iako i osoba angleder odova krstini pe. Tegani hem ponodri šaj te pisine o satija, naknadne posete hem o kurs. Ako jekh objavitelj tano tuvaja ki služba hem ov šaj te pisini o satija.