Aćhov verno e Jehovase

O prava hrišćanija na mangena te mukhen nikase hem nisose te ćhinavi len te služinen e Jehovase. Sigurno hem tu osetineja tut ađahar. O Jehova cenini odova so hijam verna olese. (Čitinen 1. Letopisa 28:9.) Sose šaj te ovel amenđe pharo te aćhova verna e Jehovase hem so šaj te pomožini amen ko odova?

1. Sar disave manuša mangena te peraven amen andi vera?

Disave manuša ka mangen te ćhinaven amen te služina e Jehovase. Koj tane odola manuša? On tane odola so mukhlje o ćaćipe hem akana vaćerena hovajba andi Jehovasi organizacija sose mangena te peraven amen andi vera. Odola manuša vićinena pe otpadnikija. Isto ađahar, disave religiozna vođe vaćerena hovajba amendar. Ako na hijam oprezna, šaj te ciden amen ando Jehova. Odolese, nane mudro te khuva ki rasprava asavke manušencar, te čitina olenge knjige, ja te dikha odova so ćhivena ko internet. So valjani te ćera ked neko pherela amari godi te na služina e Jehovase? O Isus phenđa: „Mukhen len. On tane korore vođe. A ked o kororo igari e korore, o solduj ka peren ki jama“ (Matej 15:14).

2. Sar šaj amare odluke te mothoven so hijam verna e Jehovase?

O mangipe premalo Jehova ka podstaknini amen te cida amen ando religije kola lađaćerena e Devle. Odova značini so na ka ćera disavi buti, na ka khuva ko disave organizacije niti ka ćera bilo so soj tano povezimo olencar. O Jehova phenela amenđe: „Ikljoven ando [Baro Vavilon], mo narodo.“ (Čitinen Otkrivenje 18:2, 4.)

SIKLJOV POBUTER

3. Arakh tut ando okola so vaćerena hovajba

So valjani te ćera ako neko lošno vaćeri andi Jehovasi organizacija? Čitinen Poslovice 14:15, hem palo odova vaćeren ando akava pućibe:

• Sose na valjani te verujina ko sa odova so šunaja?

Čitinen 2. Jovanova 9-11, hem palo odova vaćeren ando akala pućiba:

• Sar valjani te ponašina amen premalo otpadnikija?

• Iako na vaćeraja olencar, sar šaj on ipak te utičinen upro amende?

• So mislineja, sar bi ovela e Jehovase ako bi amen šunaja sar neko vaćeri lošno olestar ja andi olesi organizacija?

4. Aćhov verno e Jehovase ked avera grešinena

So valjani te ćera ako đanaja so neko ki skupština ćerđa disavo ozbiljno greh? Te dikha jekh načelo ando Zakon kova o Jehova dinđa e Izraelconenđe. Čitinen Levitska 5:1.

Ako đanaja so neko ćerđa ozbiljno greh, tegani valjani te đa hem odova te phena e starešinenđe. Ama, angleder te ćera odova, šukar bi ovela te podstaknina odola osoba oj kokri te đal hem te vaćeri e starešinencar. Ako oj na đala te vaćeri lenđe, tegani amen ka mothova so hijam verna e Jehovase ađahar so ka phena e starešinenđe odova so đanaja. Sar odoleja šaj te mothova amaro mangipe premalo. . .

• Jehova?

• okova kova grešinđa?

• avera ki skupština?

5. Cide tut ando Baro Vavilon

VIDEO: Cide tut ando baro Vavilon (5:06)

Čitinen Luka 4:8 hem Otkrivenje 18:4, 5, hem palo odova odgovorin ko akala pućiba:

• Da li pana hijum član ki disavi religija?

• Da li hijum deo andi disavi organizacija koja tani povezimi disave religijaja?

• Da li mi buti ko bilo kova način tani povezimi disave religijaja?

• Isi li disave buća ko mo životi kola mothovena so pana hijum povezimo disave religijaja?

• Ako mo odgovor ko bilo kova ando akala pućiba tano „ja“, tegani so valjani te ćerav?

But tano važno te ane odluke kola ka pomožinen tut te ovel tut čisto savest hem te aćhove verno e Jehovase.

SO SIKLJILJAM

Te šaj te aćhova verna e Jehovase, valjani te ćhinava te družina amen okolencar kola mangena te ciden amen ko lošno drumo.

Te ponovina

• Sose na valjani te šuna odova so o otpadnikija sikavena?

• So valjani te ćera ako šunaja so jekh phral ćerđa ozbiljno greh?

• Sar mothovaja so šunaja o upozorenje te ikljova ando Baro Vavilon?

RODE POBUTER

So valjani te ćere ked neko vaćeri hovajba ando Jehovase svedokija?

„Da li isi tut tačna informacije?“ (Stražarska kula, avgust 2018)

Sar šaj te đanav da li disavi organizacija ja diso so ćerava tano povezimo e Bare Vaviloneja?

Čeren buti e Jehovase ko krajo ando „poslednja dive“ (Stražarsko kula, oktobar 2019, kotar 16-18. odlomko)

So šaj disave protivnikija te ćeren te peraven amen andi vera?

Ma mukh neko te hovavi tut (9:32)

Ko iskustvo „Kotar tiknipe rodinđum e Devle“, čitin sose jekh svešteniko menjinđa pi vera.

„I Biblija pomožini e manušenđe te menjinen po životi“ (Stražarska kula, 1. jul 2011)