Uvod ko 7. deo

Ko akava deo vaćeri pe ando period kotar 80 berš đi vladinđe o kralj Saul hem o kralj David. Ko početko, o Saul hine ponizno hem darandilo ando Jehova, ama hari palo odova ov meninđa pe hem na šunđa e Jehova. O Jehova odbacinđa le hem palo disavo vreme vaćerđa e Samuilese te pomazini e Davide te ovel kralj kova ka vladini ko Izrael palo Saul. O Saul hine ljubomorno hem manglja te mudari e Davide, ama ov nijekh puti na irinđa lese lošnipaja. O Jonatan, e Sauleso ćhavo, đanđa so o Jehova birinđa e Davide hem odolese hine lese verno. O David ćerđa nekobor phare grehija, ama uvek prihvatinđa e Devlese savetija. Ako isi tumen ćhave, pomožinen len te haljon kobor tano važno uvek te šunen e Jehova hem okolen kas ov ćhivđa te vodinen amen.