Σαρ τι Σικλιαρέν-τουμέν

Σικλιόν Αβριάλ «Πνευματικούς Ύμνους»

«Κάνα νιωθίναβα ότι να τθεράβα καέκ αξία, ο Ιεχωβά ενθαρρύνελα-μαν αντράλ κατά ύμνοι ντα κατά γκιλιά σο ισί κο JW Broadcasting^®».​—Λορέιν, ΗΠΑ.

Ο “πνευματικοί ύμνοι” ισινέ πάντα αντρέ κι λατρεία κι Χριστιανόνγκι. (Κολ. 3:​16) Άμα κα σικλιόν-λεν αβριάλ, ανταβά κα βοηθίνελ-τουμέν ατζέ-ντα κάνα να τθερένα εκ υμνολόγιος ή εκ ηλεκτρονική συσκευή ανγκλά-τουμέντε. Δοκιμάνεν ανταλά ιδέες για τι βοηθίνεν-τουμέν τι σικλιόν αβριάλ ύμνοι ντα γκιλιά.

• Τι διαβάνεν προσεκτικά ο λάφια για τι αγαβέν σο μανγκένα τι βακερέν. Κάνα αγαβένα σο μανγκέλα τι βακερέλ κάτι, ισί πο εύκολος τι θυμίνεν-λες. Ο λάφια σο τθερένα ο ύμνοι, ο γκιλιά ντα ο γκιλιά ι χουρντένγκε ισί κο ιστότοπος jw.org. Τζαν κι ενότητα Βιβλιοθήκη ντα τραμπίνεν Μουσική.

• Γραφίνεν ο λάφια εκχέ χαρτίστε. Ανταβά μάλλον κα βοηθίνελ-τουμέν τι θυμίνεν-λεν ατζέ πο λατσσές.​—Δευτ. 17:18.

• Τι κερέν πρόβες ζουρανέ φωνιάσαρ. Τι διαβάνεν ή τι γκιλιαβέν ο ύμνος μπουτ φαρ.

• Ντικχέν καζόμ πράγματα θυμίνενα. Προσπαθίνεν τι θυμίνεν ο λάφια χωρίς τι τθερέν-λεν ανγκλά-τουμέντε, ντα σοράν ντικχέν σαρ γκιλέν-λεν.