Βοηθίνεν Οντουλέν σο Κερένα-λεν Μελέτη τι Τζαν κο Συναθροίσεις

Ο συναθροίσεις ισί μπουτ σημαντικές για τι ντας λατρεία. (Ψλ 22:​22) Σαρέ οντουλά σο γκιντίντιβενα για τι ντεν λατρεία ι Ιεχωβάς λένα χαρά ντα ντικχένα λατσσιπέ. (Ψλ 65:4) Ο τζενέ σο κεράσα-λεν μελέτη, ο πο μπουτ φαρ τζάνα πο λατσσές κάνα να χασαρένα ο συναθροίσεις.

Σαρ κα βοηθίνεν ι τζενέν σο κερένα-λεν μελέτη τι τζαν κο συναθροίσεις; Μα τσσιναβέν τι καλίνεν-λεν. Σικαβέν λένγκε ο βίντεος Σο Αβέλα-πες κο Αίθουσες Βασιλείας; Ντεν-λεν τι αγαβέν σόσκε ο συναθροίσεις ισί αμαρέ λατσσιμάσκε. (lff μάθημας 10) Μπέκιμ κα αβέλας λατσσό τι κερέν λέντζαρ λάφι εκχέ συγκεκριμέ πραγμάσκε σο σικλιλέν κι συνάθροιση ή τι βακερέν λένγκε σο κα ασουνάς εκχέ γιαβερέ συναθροισιάτε. Ντεν-λεν ο έντυπα σο κα τθεράς κι συνάθροιση. Βοηθίνεν-λεν γιαβερέ-ντα τροπόντζαρ. Μπέκιμ χρειαζίντιβενα εκχέ τζενές τι γκερέλ-λεν κι συνάθροιση. Σο-ντα προσπάθεια τι κερέν τουμέν, κα αβέλ μπουτ χουρντί ανγκλάλ κι χαρά σο κα λεν κάνα κα ντικχέν οντουλές σο κερένα-λες μελέτη τι αβέλ πρώτη φαρ κι συνάθροιση.​—1Κο 14:​24, 25.

ΝΤΙΚΧΕΝ Ο ΒΙΝΤΕΟΣ ΒΟΗΘΙΝΕΝ ΟΝΤΟΥΛΕΝ ΣΟ ΚΕΡΕΝΑ-ΛΕΝ ΜΕΛΕΤΗ ΤΙ ΤΖΑΝ ΚΟ ΣΥΝΑΘΡΟΙΣΕΙΣ ΝΤΑ ΣΟΡΑΝ ΑΠΑΝΤΙΝΕΝ ΚΟ ΕΡΩΤΗΣΕΙΣ:

• 

  Σο ευκαιρία αρακχλάς η Νίτα για τι καλίνελ ι τζενιά κι συνάθροιση;

• 

  Σόσκε χαιρίνασα κάνα εκ τζενό σο κερέλα μελέτη αβέλα κο συναθροίσεις;

• 

  Σαρ νιωσάλι η Τζέιντ κάνα γκιλί πρώτη φαρ κι συνάθροιση;