O tsiro glan mende — Ha dikell lo wri?

HOI PENELL I BIBLA?

O baro Dewel “khossella hake swar [träni] ap lengri jaka tele. Un o merepen dell gar buder, witar [ninna] kek bibacht, kek ropen un kek duka, kowa hoi his, dell gar buder” (Debleskro tsiro [Offenbarung] 21:4, O DEBLESKRO DROM).

HOI DELL MANGE KOWA?

Me djinau: An ko tsiro dell kek naslepen, kek bibacht buda (Jesajah 25:8; 33:24).

Me djinau: An ko tsiro dell i buhti, gai bachteles krella (Jesajah 65:21-23).

Me djinau: An ko tsiro dell an ko perfekt djipen kek merepen buda (Gilja [Psalm] 37:11, 29).

HOI I BIBLA PENELLA HI TCHATCHO!

Kate nashte dikeh hoske:

• O baro Dewel nashte krell i newo tsiro! I bibla penella, gai o baro Dewel Jehowah o sorlesta hi (Dewleskro tsiro [Offenbarung] 15:3). Jop khamell, gai dell kek bibacht, ninna kek merepen buda. Hoi jop khamella, krell lo ninna. Kek nashte rikerell les pale. O Jehowah “krell nai halauter” (Mateo 19:26, O DEBLESKRO DROM).

• O baro Dewel khamell i newo tsiro te krell! O Jehowah khamell peskro tselo djiesta te djangrell lo kolen pale pre, gai meran (Hiob 14:14, 15). I bibla tchinell pral o Jesus, gai kras lo i naslen pale sasto. Hoske kras jop kowa? Lengro naslepen khaitas les (Marko 1:40, 41). An ko kooma hi o Jesus ha leskro Dad, o Jehowah (Johanni 14:9).

  Mer nashte patsah les: Hake dui – o Jehowah un o Jesus – khamenna, gai well kek menda nashedo. Jon khamenn maro djipen bachteles te krell – un jaake well kowa ninna (Gilja [Psalm] 72:12-14; 145:16; 2. Petro 3:9)!