Mare muhle — Lenn jon o djipen pale?

HOI PENELL I BIBLA?

An i bibla hi tardo, gai “kolla, kai meran, pale djido wenna” (Jesuseskre bitchepangre [Apostelgeschichte] 24:15, O DEBLESKRO DROM).

HOI DELL MANGE KOWA?

Miro dji well sorleda (2. Korintarja 1:3, 4).

O baro Dewel lell miri traash glan o merepen (Hebrearja 2:15).

Me nashte dikau len pale (Johanni 5:28, 29).

HOI I BIBLA PENELLA HI TCHATCHO!

Kate nashte dikeh hoske:

• O baro Dewel dell o djipen. Pral o baro Dewel penell i bibla, jop “das lauteren o djipen” (Gilja [Psalm] 36:9; Jesuseskre bitchepangre [Apostelgeschichte] 17:24, 25, O DEBLESKRO DROM). Te kras jop o djipen, nashte dell jop o djipen ninna papale.

• O baro Dewel annas len pale. I bibla penell menge, gai ochta manushe o djipen pale lan: Tarne, pure, morsha, djuwja, ninna tchawe. Jek lenda his rahreda muhlo, ha kola wawa. Jop his shtar diwessa muhlo. Mer haiwah: Hi jek, ha rahr i muhlo bude gar djiwella, o baro Dewel nashte dell len o djipen pale (Johanni 11:39-44)!

• O baro Dewel khamell kowa o djiesta. Jop lell o merepen krik (1. Korintarja 15:26). O Jehowah khamell i soor dran o merepen te lell. Jop khamell leskro djiesta te djangrell lo i muhlen pale pre, te dikell lo len djides ap i phup pale (Hiob 14:14, 15).