O Dewleskro Them – Hoi hi kowa?

HOI PENELL I BIBLA?

O Dewel annell leskri pralstuni pral i tseli phup. Joj atchell hako tsiro koi. O Jesus hi o rai an koi pralstuni. “Un les hi penepaske pral lauter un hakeneste. Kowa atchell jaake hako tsireske” (Luka 1:33, O DEBLESKRO DROM).

HOI DELL MANGE KOWA?

• I tchatchi pralstuni, gai hakenes bachteles krella (Jesajah 48:17, 18).

• An kek tsiro buda naslepen, merepen. I perfekt djipen an gamlepen (Debleskro tsiro [Offenbarung] 21:3, 4).

HOI I BIBLA PENELLA HI TCHATCHO!

Kate nashte dikeh hoske:

• O Jesus tsikerell men, hoi an o Dewleskro Them hallauter newes gerdo wella. Jop penas gai kowa moldes hi, te mangah mer o Dewles te well o Dewleskro Them, ninna te well ap mari phup kowa gerdo, hoi o Dewel khamella (Mateo 6:9, 10). Ninna tsikeras o Jesus hawo bacht o Dewleskro Them annella.

  Ha o Jesus ap i phup his, das lo i boklen te chall, i naslen sastepen un kolen, gai meran, i newo djipen (Mateo 15:29-38; Johanni 11: 38-44). Kowa kras jop te dikas, hoi jop an o glanstuno tsiro, te hi jop o rai pral i tseli phup, menge krella (Debleskro tsiro [Offenbarung] 11:15).

• Hoi ap o swetto glan djala, tsikerell menge, gai o Dewleskro Them gar duhr menda hi. Kanna an maro tsiro dikah mer kurepen, boklepen, ninna i baro krecho ap i phup. Kowa penas o Jesus glan wri. Kowa te dikah mer, hi o Dewleskro Them glan maro wuhda (Mateo 24:3, 7).