I familja – Hoi krell lat bachteles?

HOI PENELL I BIBLA?

“Bachtele hin kola, kai ap o Debleskro lab shunnena, un kowa ninna krenna, hoi o Dewel penella” (Luka 11:28, O DEBLESKRO DROM).

HOI DELL MANGE KOWA?

Man hi tchatcho gamlepen dran o dji (Efesarja 5:28, 29).

Me lau i latcho sharepen (Efesarja 5:33).

Me hum pre-haademen (Marko 10:6-9).

HOI I BIBLA PENELLA HI TCHATCHO!

Kate nashte dikeh hoske:

• O baro Dewel kras men. “Job hi o tchatcho dad leskre tsele tchawendar an o bolepen un ap i phub” (Efesarja 3:14, 15). Dran kowa haiwah mer, gai hi jop ko jek, gai das men o djipen.

  Tchip tut tchomone glan tire jaka: Te chah tu i latcho chapen un kameh te djinell, har o chapen keredo was, putcheh tu gar koles, kai keras o chapen? Jop kokres djinell les.

  Jaake hi kowa ninna te kamah mer te djinell, har te nai well mari familja bachteles, ninna har te haiwas men feteder. Putchas koles, kai kras men – o Dewel Jehowah (1. Mose 2:18-24).

• O baro Dewel gamell men. O Dewel kamell te witsras halauter, hoi menge phares ap maro dji hi, ap leste. Jop kamell men bachteles te krell. Jop hi menge peskro tselo djiestar gamlo. Shunas ap kowa, hoi jop menge an i bibla penella. Jaake wenn mare droma bachteles kerdo (1. Petro 5:6, 7; Gosewe laba 3:5, 6; Jesajah 48:17, 18).