Ha nashte hatseh tu o tchatcho patsepen?

1. Dell kokeres jek tchatcho patsepen?

O Jesus tsikeras kolen, gai nashan les pala, kokeres jek patsepen – o tchatcho patsepen. Ko patsepen hi ha i drom, hoi o djipen hake tsireske anella. Maro Jesus penas: Gar “bud hi kolla, kai ap ko drom djana” (Mateo 7:14). An i Dewleskre jakka hi kokeres ko patsepen mishto, hoi dran leskro tchatcho lab, i bibla, wella. Tchatche patslen hunte well o emligo patsepen; djala gar, gai patsell jek kowa un i wawar kowa. — Dikh pala an Johanni 4:23, 24; 14:6; Efesarja 4:4, 5.

Kate hatseh ninna o Video Anell hako patsepen pash o Dewleste?

2. Hoi penas o Jesus pral chochene christende?

O Jesus penas, gai wenna sawe, gai anenn chochepen pre. Jon hi chochene christe. Jon denn pen wri, ha te wans le tchatche rakepangre. Ninna te penenn le pendar, jon hi i christeskri kangri, nashte haiwell jek, gai hin le kek tchatche christe. Ap hoi haiwah mer kowa? Kokeres o tchatcho patsepen nai anell tchatche rakepangren wri. Jon djiwenn i christiko djipen, ninna hi len i christiki shinia. — Dikh pala an Mateo 7:13-20.

3. Ha nashte hatseh tu i tchatche christen?

Dikass ap pantch kooma, te nai hatsass tchatche christen:

• Jon patsenn, gai i bibla o Dewleskro lab hi. Jon khamenn kowa te krell, hoi i bibla penella. I tchatcho patsepen wella gar dran kowa, hoi i manusha dran pende penenna (Mateo 15:7-9). Tchatche rakepangre djiwenn kowa wri, hoi jon wawaren sikerenn. — Dikh pala an Johanni 17:17; 2. Timoteo 3:16, 17.

• 

  Jon sharenn o Dewleskro lab, Jehowah. O Jesus sharas o Dewleskro lab, ha anas lo les pash i manushende, te brindjerenn jon o Dewles. Job sikeras i manushen ninna, te penenn le an o mangepen, te well o Dewleskro lab sharemen (Mateo 6:9). Hawo patsepen dell pash tumende, gai anell o baro Dewleskro lab, Jehowah? — Dikh pala an Gilja 8:1-3; Johanni 17:26.

• Jon rakerenn pral o Dewleskro Them. O Dewel bitcheras i Jeses, te anell lo o latcho lab o Dewleskro Themestar. Kokeres o Dewleskro Them nai lell i tsele probleme krik. Jaake rar ha o Jesus djiwas, rakeras job pral kowa (Luka 4:43; 8:1; 23:42, 43). Job penas ninna ap peskre bitchepangrende, te anenn jon o lab pral o Dewleskro Them. Te rakerell jek pral o Dewleskro Them, an hawo patsepen hi lo? — Dikh pala an Mateo 24:14.

• Jon rikerenn pen o swetteskro kooma wri. I politikjatar un i harmenationatar rikerenn jon pen wri. Ninna tchingerenn jon pen gar pral phubjakro kooma (Johanni 17:16; 18:36). Jon muken tchi an pengro djipen te well, hoi kola wawar krenna, gai an o swetto djiwenna. — Dikh pala an Jakobo 4:4.

• Jon tsikerenn gamlepen o djiestar ap i wawarende. Dran i bibla was lenge sikedo, gai dikell o Dewel latches ap hakeneste. Gai dikenn jon kowa ninna jaake, tsikerenn jon an pengro djipen. Ninna khamell i tchatcho patsepen kek khurepen. Tchatche rakepangre khamenn sawo kooma gar te krell (Mateo 26:52). Tchatche rakepangre denn i wawaren o djiestar pengro tsiro un hallauter hoi len hi, te atchenn jon sorles. — Dikh pala an Johanni 13:34, 35; 1. Johanni 4:20.

4. Nashte hatseh tu o tchatcho patsepen?

Hawo patsepen krell kowa hallauter, hoi an i bibla tardo hi? Hawo patsepen sharell o Dewleskro lab? Hawo patsepen penella, gai kokeres o Dewleskro Them nai lella i manushengri probleme krik? Hawo patsepen tsikerella gamlepen o djiestar ap i wawarende un djala gar an o khurepen? Hoi penehs tu? — Dikh pala an 1. Johanni 3:10-12.