Kon si o Del?

1. Sostar numa le Devles te rudyinas?

O chacho Del si kodo, kon sakofelo kerdas. Les chi kerdas khonyik, thaj voj chi nachola (Salmongi [Zsoltárok] 90:2). Lestar si la Bibliaki shukar vorba (1Timoteusheske 1:11). Lestar si amaro trajo, anda kado les trubul te rudyinas. Dikh: Viziovongi (Jelenések) 4:11.

2. Sosko si o Del?

Khonyik na dikhlas le Devles, ke voj duxo aversar sellemo si, thaj ando cheri beshel. Voj naj manush (Janoshesko 1:18; 4:24). Kana dikhas jekh shukar luludyi, jekh shukar bar, o xamasko, ande kadala dichol le Devlesko kamipo thaj leski bari godyi. E intrego luma kodo sikavel, ke voj sosko baroj. Dikh: Romaicko 1:20.

Pal o Del majbut zhanasa andar e Biblia. Vi kodo shaj zhanas, so kamel, thaj so na, thaj sar grizhil pal le manusha. Dikh: Salmongi 103:7–10.

3. Si anav le Devles?

O Jezush kodo phendas: „Amaro Dad, kon san ando cheri, te suntosardyol tyiro anav” (Matevesko 6:9). Le Devles but rango si, de anav feri jekh, so pe sako shib kaversar phenen. Pe romani shib kade phenas, Jehova, de si kon Jahve phenen. Dikh: Salmongi 83:18.

Le Devlesko anav ande but Biblia avri line, thaj Raj, thaj Del shute andre. De kana iskirinde e Biblia, karing 7000-var sas andre le Devlesko anav. Kana o Jezush pal o Del sityardes le manushen, pinzharavadas lenca lesko anav. Dikh: Janoshesko 17:26.

Dikh o filmo: Si anav le Devles?

4. Grizhil pal amende o Jehova?

Anda kodo si but nasulimo, ke o Jehova chi grizhil pal amende? Kavera kadi gindyinen, kamel te zumavel amen, kodolesa ke dikhel amari dukh. Kado naj chacho. Dikh: Jakabesko 1:13.

O Del patyivindas amen, ke mukhlas te keras kodo, so kamas. Kado kuch si amenge (Jozhueski 24:15). Butzhene pengi slobodija pe kodi hasnin, nasul te keren kaverenge, kade o pharimo inke majbaroj. O Jehova kana dikhel kado, briga si ande leste. Dikh: Genezarimaski (1Mózes) 6:5, 6.

O Jehova grizhil pal amende. Kodo kamel, shukar trajo te avel amen. Na butara nacharela e dukh, thaj pustila kodolen, kon kadi keren. O Jehova zhanlas, ke sostar mukhlas o nasulimo, numa pe jekh vrama. Pe kadi vorbil o 8. kotor. Dikh: 2Peteresko 2:9; 3:7, 13.

5. Sar shaj zhas majpashal karing o Del?

O Jehova kodi phenel, majpashal le rudyimasa te zhas karing leste. Pe sakoneste tele dikhel (Salmongi 65:2; 145:18). Voj jertisarel amenge. Dikhel kodo, kana kamas lossh te avel ande leste, inke vi atunchi, kana kado pharo si. Vi doshales shaj zhas pashal karing leste. Dikh: Salmongi 103:12–14; Jakabesko 4:8.

O Jehova das amaro trajo, kade sakonestar majfeder si te kamas les (Markosko 12:30). Te kamas le Devles, pe kodo si te inkrel amen, majbut te sityuvas pe leste, thaj te keras kodo so mangel. Kade majpashal shaj zhas karing leste. Dikh: 1Timotesheske 2:4; 1Janoshesko 5:3.