01. SITYARIPO
Sar shaj zhutil tuke e Biblia?
Butzhene roden pushajipe pe kodo, ke sostar si nasulimo, sostar si dukha, sostar trubul te meren le manusha. De na feri pe kadala vorbi roden pushajipe, vi pe kodola, ke sar zhanen majfeder te trajinpe ande kadi luma, sar shaj roden penge love, sar shaj trajil majfeder lenge familija. E Biblia na feri pe kadale bare gindura del palpale vorba, vi ande kodo zhanel te zhutil tu, ke aba tu majfeder te zhanes te trajis ande kadi luma. Pinzhares kasave manushes, kaske zhanesas kadala vorbenca te zhutis?
1. Pe soske pushajipe del amen palpale vorba e Biblia?
E Biblia zhutil te hatyaras kadala vorbi: Sostar kerdas amen o Del? So si atunchi pala soste meras? Sostar marenpe le manusha jekhaveresa? Sostar si but chorrimo ande luma? So kamel o Del la phuvasa? E Biblia butezhenenge zhutindas ande lengo trajo.
2. Sar shaj hatyaras ame majmishto?
E Biblia lasharel amaro trajo. Zhutil majfeder te trajil amari familija, vi ande kodo zhutil, sar shaj tordyuvas avri kana pharimo si ame, thaj losshasa te keras amari butyi. Kana pe kadala vorbinasa, dikhesa, so sityarel pe kadala e Biblia. Shajke jekh hatyaresa kodolesa, ke e intrego Biblia zhanel te zhutil tuke ande tyo trajo (2Timoteus 3:16).
Kado publikaciovo ande kodo zhutil, majfeder te zhanes te hatyares e Biblia. Shaj rodes avri la Bibliake vershura, thaj shaj dikhes sar aven kethane kodole vorbenca, so sityos.
PINZHAR MAJFEDER!
Pinzhar sar zhutindas e Biblia kaverenge, sar shaj rakhes lossh kana ginavesla, thaj sostar si lasho, te manges varikas, te zhutil tuke te shaj hatyaresla.
3. E Biblia drom sikavel amenge
E Biblia drom sikavel, kaj te ushtyavas aba akanak. Vi kodo phenel amenge, inke so si angla amende.
Ginaven o Asharimata 119:105, thaj vorbinen kadala pushajipe:
Kon iskirindas o Asharimata, sar dikhlas pe Biblia?
Tu sar dikhes pe Biblia?
4. E Biblia vorba del pe tye pushajipe
Jekha zhuvja, anda Biblia dine palpale vorba pe kodola pushajipe, so aba but bersh rodelas. Dikhen o VIDEOVO, thaj vorbinen pa kadala pushajipe:
Soske pushajipe sas la romnya?
Sar zhutindas lake e Biblia?
E Biblia pe kodo ingrel te shos opre pushajipe. Ginaven o Mate 7:7, thaj vorbinen pa kado pushajipo:
Soske pushajipe rodes pe soste palpale del vorba e Biblia?
5. Losshasa shaj ginaves e Biblia
Butzhene losshasa ginaven e Biblia, thaj kodo gindinen, ke kado lashoj. Dikhen o VIDEOVO, thaj vorbinen pa kadala pushajipe:
So gindinen le terne pa ginaipe?
Sostar gindinen kaversar, pa Bibliako ginaipe?
E Biblia kodo iskiril, ke kasave vorbi del, sosa zor zhanel te del amen, thaj losshasa shaj dikhasa anglal. Ginaven o Roma 15:4, thaj vorbinen pe kado pushajipo:
Tu kames te zhanes so shinavel e Biblia, so zor, thaj lossh del tut?
6. Kavera shaj zhutin anda kodo, sar zhanes majfeder te hatyares e Biblia
Buthzene, kon korkore ginaven e Biblia, kodo gindinen, ke vi kaverenca lashoj te vorbinen pe late. Ginaven o Aposhtola 8:26–31, thaj vorbinen pe kado pushajipo:
Sar shaj hatyaras e Biblia? (Dikh o 30. thaj 31. versho.)
Le manusheske andar e Etiopia zhutimo trubundas, te hatyarel le Iskirimata. Vi ande amare dyesa butzhenenge lashoj, te vorbinen kaverenca pa e Biblia
SI KON KADO PHENEN: „La Bibliako sityaripo feri lel amari vrama.”
Tu so phenes pe kado? Thaj sostar phenes kado?
O BARO GINDO
E Biblia lashi vorba del pe amaro trajo, thaj pe amare bare pushajipe, lossh, thaj zor del le manushen.
Gindin palpale
Soski lashi vorba rakhas ande Biblia?
Soski vorba del pe amare pushajipe e Biblia?
So kames te zhanes andar e Biblia?
RODE!
Ginav pe kodo, sostar si lashi la Bibliaki vorba pe amare dyesa.
„La Bibliako godyaveripo mindig lashoj” (Sama Lel, 2018. 1. kotor)
Dikh kodo, sar zhutindas e Biblia jekh mursheske, kaske dukh sas ande lesko jilo, zhi kathar cino sas.
Ginav pe kodo, soski lashi vorba del e Biblia la familijenge.
Pinzhar, sar vorbil pe kodo e Biblia, ke kon inkrel ande pesko vast e luma.