02. SITYARIPO

E Biblia shukar trajo shinavel

Sar avri pizde

Le manushen pe intrego luma igen but nasulimo, dukh, thaj briga si. Shajke vi tut si dukh, ke nasvalo san, vaj xasardan varikas, kas kames. Thaj shajke pushes: Avla majlasho o trajo? E Biblia del tut palpale vorba pe kado.

1. Sosko shukar trajo shinavel e Biblia?

E Biblia na feri pe kodo vorbil, sostar si kattyi nasulimo. Vi pe kodo vorbil, ke kadal na butara nachona. E Biblia kado shinavel: shukar trajo t’avel tumen, thaj losshasa dikhen anglal. (Ginav: Jeremiash 29:11, 12.) Kadal shinaipe zhutin amen ande kodo, aba akanak majlasho t’avel amaro trajo, thaj vojako trajo te shaj avel amen.

2. Pe soste iskiril e Biblia?

E Biblia kodo phenel, ke „chi avla majbut meripo, chi briga, chi cipipe, chi dukh chi avla majbut”. (Ginav: Sikadyimaski 21:4.) Nacholtar o but chorrimo, o but pharimo, sostar o trajo nasuli, thaj pharoj. E Biblia kodo phenel, ke shukar trajo avla pe phuv, ke paradichomo avla.

3. So shaj zhutil, te zhanes te patyas ande kodola, so e Biblia shinavel?

Butzhene kamenas, majlashi t’avel e luma, de chachikanes chi patyan ande kado. De ande Biblia shaj patyas, ke tye jakhenca shaj dikhes, so tele si iskirime. (Aposhtola 17:11). Te sityosa e Biblia, atunchi zhanes te patyas ande kodola, so iskiril.

PINZHAR MAJFEDER!

Dikh peldi pe kodola, so shinavel e Biblia. Dikh, sar zhutil ande amare dyesa le manushenge.

Kipura: Kipura, so sikaven, ke soskoj o trajo adyes, thaj sosko avla, sar e Biblia shinavel. Le kipura vi jekh-jekh sikadyon.

4. E Biblia biagoresko trajo shinavel amenge

Dikh, so shinavel e Biblia. Savo si majpashal karing tyo jilo? Thaj sostar?

Ginaven le vershura, thaj vorbinen pa lende:

Sar hatyares, zuraren kadal vershura? Vi tya familija, thaj vi tye amalen shaj zuraren?

Gindin andre, ke ande kasavi luma trajis, kaj

KHANYIKAS CHI AVLA NASULIMATA ANDE KADALA:	SAKONO LOSSHALA KADALENGE:
dukh, phurimo, meripe (Izaiash 25:8);	kon mule, pale shaj trajina pe phuv (Janosh 5:28, 29);
nasvalimo, chi avla korro, bango (Izaiash 33:24; 35:5, 6);	sastimo, thaj terni zor (Job 33:25);
xoxajimo (Izaiash 32:16, 17);	but xamasko, shukar kher, thaj lashi butyi (Asharimata 72:16; Izaiash 65:21, 22);
maripe (Asharimata 46:9);	pe intrego phuv pacha (Asharimata 37:11);
nasul gindura thaj pharimo (Izaiash 65:17).	biagoresko trajo ando lashimo (Asharimata 37:29).

Jekh shavoro, kon nasvalo sas aba sastoj, thaj peste kikidel peska deja.

Jekh mursh, kon phuro sas, ternoj, thaj zelenimata ingrel.

5. E Biblia lasharel tyo trajo

Butzhenenge zhaltar lengi voja, thaj inke vi opre xojarel len kodo, so karing pende dikhen. Butzhene zurali butyi keren pe kodo, majlashi t’avel e luma. Dikh, sar zhutin butzhenenge la Bibliake shinaipe aba akanak. Dikhen o VIDEOVO, thaj vorbinen kadala pushajipe:

VIDEO: Avri tordyuvos pasha chachipo (4:07)

Jekh kipo andar o „Avri tordyuvos pasha chachipe” videovo. 1. E Rafika, kana shejori sas dyapoto kidel le manushenca, kon kasavej sar voj 2. E Rafika losshal, kana anglunes si kothe pa le Jehovaske Chache Manushengo kongressushi, thaj kodo dikhel, ke sakofelo manusha mishto hatyarenpe jekhavresa

So azbadas la Rafika?
O xoxajimo chi nachilas, de sar zhutindas lake e Biblia?

La Bibliake vorbi zhutin ande amare problemi, thaj te na avas brigake. Ginaven o Godyaver Vorbi 17:22 thaj o Roma 12:12, thaj vorbinen kadala pushajipe: