03. SITYARIPO
Shaj patyas ande Biblia?
Ande Biblia but shinaipe, thaj vorbi rakhas. Shajke kames te zhanes, ke so sityarel e Biblia, de vi kodo shaj, ke si kasavo, so chi patyas. Vi chaches shaj patyas ande kodo, so kadi dulmutani ginadyi shinavel, thaj ande lake vorbi? So gindis, shaj patyas ande kodol vorbi, so e Biblia po trajo del? Thaj ande kodo, kana pe kodo vorbil, so inke angla amende si? Milliova manusha gindin kade, ke shaj! Dikhas, sostar shaj patyas ande lende vi tu!
1. Ande Biblia chachimo si, vaj feri avri rakhle la?
E Biblia kodo phenel pe peste, ke „uzhes ...iskiril tele le chache vorbi” (Predikator 12:10). So tele iskiril, kodol pelepe. Thaj pe manushende pe kaste iskiril, kodol trajinas. (Ginav: Lukach 1:3; 3:1, 2.) But godyaver manusha zurarde, ke chachoj, so e Biblia pe dulmutane vrami, pe le manusha, pe thana, thaj pe kodo iskiril, so pelepe.
2. Sostar shaj phenes, ke so ande Biblia si vorbi, kodol vi adyes lashej?
E Biblia pe but thana aba dulmut zhanelas, so le manusha inke atunchi chi pinzharenas. Vorbil vi pa kodo soskoj o trajo, e phuv, thaj vi pe kavera butya. Ande kadala but si, so inke chi zhanenas atunchi, kana iskirinde la. So le manusha vi ande amari vrama zhanen pal e luma, kodo sikavel, ke e Biblia chachij. Ande lake vorbi mindig shaj patyan, vi akanak thaj biagoresa (Asharimata 111:8).
3. Sostar shaj patyas ande kodo, so e Biblia phenel pe kodo, so avla?
So ande Biblia si profecijia, pe kasave butyande vorbin, so „inke chi kerde” (Izaiash 46:10). E Biblia aba butesa anglal phendas, so perelape, angla soste kodol kerdyile. So ande amare dyesa peren, vi pe kodol uzhes iskiril. Ande kado kotor vorbinasa pa la Bibliake profeciji. Shaj dikhas, ke sa andre pherdyile.
PINZHAR MAJFEDER!
Dikh, sar tordyol pasha Biblia kodo, so le manusha zhanen pa luma, thaj dikh unyi zurale profeciji.
4. So le manusha zhanen pa luma, zurarel kodo, ke e Biblia chachij
Ande dulmutane vrami le majbut manusha ande kodo patyanas, ke e phuv pe varisoste si. Dikhen o VIDEOVO!
Dikh, so iskirindas le Jobeski ginadyi angla kado 3500 bershenca. Ginaven o Job 26:7, thaj vorbinen kado pushajipo:
Sostar si bari kodi vorba, ke e phuv ando khanchi tordyol?
Le manusha feri ande 1800 bersha hatyarde uzhes, ke sar boldelpe o paji. Ande kado si baro, ke so phendas e Biblia butezera bershenca majanglal. Ginaven o Job 36:27, 28, thaj vorbinen kadala pushajipe:
Sostar si baro, ke soske uzhes iskiril, ke sar boldelpe o paji?
Zuraren tyo patyamo ande Biblia le vershura, so opre ginadan?
5. E Biblia anglal phendas bare butya, so pelepe
Ginaven o Izaiash 44:27–45:2, thaj vorbinen kado pushajipo:
So iskirindas e Biblia aba angla kodo 200 bershenca, angla soste pelastar o Babilono?
Sar e historija iskiril, la Perzhiako kraj, o Cirus, thaj leske ketani, angla Kristush ando 539 tele mardas o Babilono. Rigate trade o paji, so sama lelas po foro. Pala soste andre gele ando foro, pe puterde vudara, kade line les andre, ke chi trubundas te marenpe. Aba majbut sar 2500 bersha ke tele marde o Babilono, de inke vi ande amare dyesa tele si mardo. Sosko baroj, ke kado aba anglal iskirindas e Biblia.
Ginaven o Izaiash 13:19, 20, thaj vorbinen kado pushajipo:
Sar pherdyilas andre kadi profecija pa le Babilonosko foro?
So ashilas andar o Babilono ando Irako
6. E Biblia anglal phendas, ke so avla ande amare dyesa
E Biblia kade phenel pe amare dyesa, ke „palune dyesa” (2Timoteus 3:1). Dikh, so phendas e Biblia pe kadi vrama.
Ginaven o Mate 24:6, 7, thaj vorbinen kado pushajipo:
So phenel e Biblia, ke soske avna le palune dyesa?
Ginaven o 2Timoteus 3:1–5, thaj vorbinen kadala pushajipe:
So phenel e Biblia, soske avna le manusha ande palune dyesa?
Ande kadala tu save dikhes?
SI KON KADO PHENEN: „E Biblia paramichengi ginadyi si.”
Tut so zurarel majfeder, ke shaj patyas ande Biblia?
O BARO GINDO
E historija, le profeciji, thaj kodo, so le manusha zhanen pa luma, sa kodo sikaven, ke shaj patyan ande Biblia.
Gindin palpale
E Biblia chachimo phenel, vaj feri avri rakhle la?
So le manusha zhanen pa luma, sar zurarel kodo, ke e Biblia chachij?
So gindis, e Biblia phenel so avla? Sostar ova, vaj sostar nichi?
RODE!
Si kasavo ande Biblia, so naj chacho?
„So le manusha zhanen pa luma, pasha e Biblia tordyol?” (po web)
So sikaven pa le palune dyesa, so dikhas?
„6 Bibliake profeciji, so angla amare jakha pherdyon andre” (Sama Lel, 2011. majushi 1.)
Dikh, sar pherdyile andre le profeciji pa le Gricko Them.
Ginav pe kodo, ke la Bibliake profeciji sar bolde jekhe manushesko gindisarimo pa le Biblia.
a Le profeciji kathar o Del aven, thaj kodo sikaven, so avla.