1 Каринфо

15 Ԥрала, мэ камав инке еқвар тэ шав сама пэ лащи новость, сави мэ тумэнди росԥэндэм. Тумэ прилинэ ла и патяе андэр латэ. 2 Тумэ спасынпэ, если састэс ритярдён кодэлэсти, сости сытярэл и лащи новость. Если тумэ кадя на терэн, тоди тумэ евья линэ тэ андярэн кадэя время.

3 Со май пэрво мэ росԥэндэм тумэнди пала кода, со уӷанглэм екжэно, — кай, сар пистромэ андэ Свынти Лила, о Христос муля пала амаро бэзэх. 4 Во сас притидо и по трито дес жунделя, сар ԥэнэнпэ андэ Свынти Лила. 5 О Христос сыкаделя лэ Кифасти, ай тоди лэ 12 апосталонэнди. 6 Посли када во сыкаделя май бут чем 500 ԥралэнди сразу. Бут андар лэндэ инке жундэ, ай дэсавэн ужэ нинай. 7 Потом о Христос сыкаделя лэ Иаковости, ай тоди всаворэ апосталонэнди. 8 Само послиднё во сыкаделя манди, ԥэнэса кодэлэсти, ко арақаделя найдоԥирадо.

9 Мэ само цыкно анда апосталоря и на затердэм, кай пэр мандэ тэ ԥэнэн апостало, важ кода кай мэ ӷонисаравас лэ Дэвлэско ӷурто. 10 Но о Дэл здиқля пэр мандэ па пэско баро ковло ди, и акана мэ кацаво, саво мэ сым. И во най евья здиқля пэр мандэ па пэско баро ковло ди, важ кода кай мэ стодэм май бут зор, чем всаворэ вонэ. Но мэ стердэм када най мэрнэ зорэса, ай кай о Дэл здиқля пэр мандэ па пэско баро ковло ди. 11 Вижал, амэ росԥэнас тумэнди ек алав — неважно, мэ или вонэ, — и тумэ патяе андэ када.

12 Если амэ росԥэнас, кай о Христос жунделя, тоди васо дэсавэ андар тумэндэ ԥэнэн, кай и мулэ не моӷут тэ жундён? 13 Важ кода кай если и мулэ не моӷут тэ жундён, тоди, вижал, и о Христос на жунделя. 14 Ай если о Христос на жунделя, тоди евья вся, со амэ росԥэнас, и кадяжэ евья кода, андэр со тумэ патяе. 15 Тай инке вижал, кай амэ хохавас по Дэл. Амэ хохаимаса доԥэнас, кай во жундярдя лэ Христос, но када най кадя, если па чачимастэ и мулэ не моӷут тэ жундён. 16 Важ кода кай если и мулэ не моӷут тэ жундён, тоди и о Христос на жунделя. 17 Если о Христос на жунделя, тоди вся, андэр со тумэ патян, евья. Тумаро бэзэх на сас простисардо. 18 Тоди и кодэла, ко муля сар лэ Христоско ученико, мулинэ пэ вся и время. 19 Если амэ надеисавас по Христос кати андэ кадэя жызня, тоди амэ со май бибахталэ мануша анда всаворэ!

20 Но амэ ӷанас, кай о Христос чаче жунделя. Во пэрво, ко рисайля каринг и жызня. 21 Важ кода кай о миро ля тэ мэрэл через ек мануш, кадя и тэ жундёл о миро лэла через ек мануш. 22 Сар через о Адамо всаворэ мэрэн, кадя через о Христос всаворэ жундёна. 23 Но кажно андэ пэстири время: о Христос сас пэрво, потом, кала во рияпэ, — кодэла, ко лэ Христостирэ. 24 Посли када, андэ послидни деса, во стерэла кадя, кай нисо на ашэлапэ лэ правителёнэндар, лэ барэдэрэндар и лэ зоралэндар, ай тоди пэрэдэла о право тэ правий пэстирэ Дэвлэсти и Дадэсти. 25 Важ кода кай во трэбуй тэ правий, пока о Дэл на бироя всаворэ́ вороӷонэн. 26 И о послиднё вороӷо, савэс на ашэла, — када и смэрть. 27 О Дэл «дя лэсти право тэ хулаий пэ вся». Но кала ԥэнэнпэ «дя право тэ хулаий пэ вся», амэ полас, кай во на хулаий пэ кодэва, ко дя лэсти кадэва право. 28 Ай кала о Дэл дэла лэсти право тэ хулаий пэ вся, тоди и екжэно о Шаво сыкавэла, кай во кандэл лэ Дэвлэс, саво дя лэсти право пэ вся. И ек о Дэл лэла тэ хулаий пэ всаворэ*.

29 Ай со авэла кодэлэнца, ко болдёл важ кода, кай тэ мэрэл? Если и мулэ на жундён, состэ вонэ кадя болдён? 30 Состэ тоди и амэ никала на фэрисарас пэстири жызня? 31 Кажно дес мэ моӷу тэ хасарав пэстири жызня. Ԥрала, када чаче кадя, сар и кода, кай мэ абуросарав тумэнца, кодэлэнца, ко андярэл лэ Христостири лэ Исусостири время, амарэ Барэ Хуластири. 32 Если мэ борисававас лэ дыконэ жывотнонэнца андо Ефе́со, сар и авэр миро, тоди со манди кадэлэстар? Если и мулэ не моӷут тэ жундён, тоди «хам и пам, всаек тэся мэраса». 33 На́ дилярэн корко пэс. О найлашо круӷо римой тумаро лашо порядко*. 34 Обгиндонпэ и терэн кода, со правильно. На́ терэн бэзэх, важ кода кай дэсавэ андар тумэндэ па чачимастэ на ӷанэн лэ Дэвлэс. Мэ ԥэнав када, кай тэ лажаварав тумэн.

35 Но варико пушэла: «Сар жундёна и мулэ? Сави лэндэ авэла тила?» 36 Со дэ страни вопросоря! Кода, со ту сеисардян, не можэт тэ жундёл, если спэрва на хындёла. 37 И ту сеис най кода, со ужэ вибареля, ай о зэрно, пшэнично или варисаво авэр. 38 Но о Дэл барярэл лэс кадя, сар лэсти уӷодно, и кала кажно зэрно вибарёл, вонэ най еқэндар. 39 Кадяжэ най всаворэндэ, кастэ исин тила, вой еқэндар. Мануша, жывотни, чирикля и маще — всаворэндэ исин тила, но вой лэндэ разно. 40 Исин кодэла, ко по небо, и исин кодэла, ко пэ ԥув. Кодэлэндэ, ко по небо, пэско шукаримос, ай кодэлэндэ, ко пэ ԥув, — авэр шукаримос. 41 Лэ қамэско шукаримос на шолпэ пэ лэ шонэско или пэ лэ черӷаенго шукаримос. Тай инке кай кажно черӷай пэско шукаримос.

42 Кадя жэ и тоди, кала лэна тэ жундён и мулэ. Ужал андо тернимос, ай ваздэлпэ, кай тэ на тернёл. 43 Ужал андо лажаимос, ай ваздэлпэ андо шукаримос. Ужал би зорэско, ай ваздэлпэ барэ зорэса. 44 Ужал манушыкани тила, ай ваздэлпэ тила сар кай и анӷелоря. Если исин тила сар манушэстэ, вижал, исин и тила сар анӷелостэ. 45 Кадя и пистромэ: «Пэрво Адамо ашэля жундо мануш». Послиднё Адамо ашэля анӷело, саво дэл и жызня. 46 Но спэрва сас тила най сар анӷелостэ. Спэрва трэбуй тэ авэл и тила сар манушэстэ, ай кати посли и тила сар анӷелостэ. 47 Пэрво мануш — анда ԥув, во сас стердо анда прахо, ай о дуйто мануш — па небо. 48 Всаворэ мануша андэ кадэя люма шонпэ по пэрво мануш, савэс о Дэл стердя анда прахо. И кодэла, ко по небо, шонпэ пэ кодэва, ко авеля па небо. 49 И сар амэ шаспэ пэ кодэва, ко сас стердо анда прахо, кадя ласа тэ шаспэ пэ кодэва, ко авеля па небо.

50 Ԥрала, камав тэ ԥэнав тумэнди: мануш, савэстэ исин тила и рат, не можэт тэ попэрэл андэ лэ Дэвлэско Царство и кай и тила, сави хындёл, не можэт тэ авэл жызня, сави на хындёл. 51 Ԥэнав тумэнди пала свынто тайна: най всаворэ амэ мэраса, но амэ всаворэ парудюваса. 52 Када терэлапэ важ ек секунда, май ӥто, чем морӷыий и як, кала заӷудия и послиднё труба. Кала вой заӷудия, и мулэ жундёна, кай никала тэ на хындён*, ай амэ парудюваса. 53 И тила, сави хындёл, ашэла тиласа, сави на хындёл, и кодэва, ко можэт тэ мэрэл, ашэла кодэлэса, ко не можэт тэ мэрэл. 54 Ай кала кода, со хындёл, ашэла кодэлэса, со на хындёл, и кода, со мэрэл, ашэла кодэлэса, со на мэрэл, тоди вся ашэла кадя, сар пистромэ: «И смэрть будэр никала на авэла». 55 «Смэрть, кай тиро зор? Смэрть, кай тири сув?» 56 И сув, сави пусавэл и умарэл, — када бэзэх, ай о бэзэх ашэл май зорало через о законо. 57 Но амэ блаӷодарни лэ Дэвлэсти, кай во поможый амэнди тэ победисарас через амаро Баро Хулай о Исусо Христос!

58 Важ када, мэрнэ кучутнэ ԥрала, авэн састэ и на́ змардён. Вся и время стон бут зор андэ лэ Барэ Хуластири дила и на́ бистрэн, кай вся, со тумэ терэн важ о Баро Хулай, никала на авэла евья.