2 Каринфо

12 Манди прижалпэ тэ путював. И хоть када нисо на дэл, мэ росԥэнава, со манди сыкаделя лэ Барэ Хуластар, и кай во дя тэ ӷанав кода, со сас згарадо. 2 Мэ ӷанав манушэс, лэ Христостирэ ученикос, саво 14 бэрш палпалэ сас ундярдо каринг о трито небо — на ӷанав, андэ тила или най андэ тила, када ӷанэн о Дэл. 3 Да, мэ ӷанав кацавэ манушэс. Лэс залинэ андо раё* — на ӷанав, андэ тила или отдельно ла тилатар, када ӷанэн о Дэл, 4 и котэ, андо раё*, во ашундя и алава, савэ нащи тэ ԥэнэн и савэ лэ манушэсти на прижал тэ пэрэԥэнэн. 5 Лава тэ путював кацавэ манушэса, ай корко пэса на путювава — кати кодэлэса, пэскати мэ би зорэско. 6 И дажэ если мэ закамава тэ путював, када на авэла найгодявэрнэс, важ кода кай мэ ԥэнава чачимос. Но мэ на лава када тэ терав — мэ камав тэ ашундював пэстиря думаса и диласа. Мэ на камав тэ ашав ашунгло 7 кати важ кода, кай манди сыкаделя варисо необычно.

Кай мэ тэ на запутював и тэ на гиндосарав пала пэстэ фартэ бут, мандэ исин сув андэ тила, и кадэя сув, сар лэ Сатанаско анӷело, терэл манди ԥарэс. 8 Тривар мэ фартэ мангавас лэ Барэ Хуластар, кай во тэ вилэл ла андар мандэ, 9 но во ԥэндя: «Хутила тути, кай мэ ужэ здиқлэм пэр тутэ па пэско баро ди, важ кода кай мэрно зор май драго дицол, кала ту би зорэско». Кочай мэ авава фартэ лошало тэ путював кодэлэса, кай мандэ нинай зор, и тоди лэ Христоско зор лэла тэ ушаравэл ман, сар катуна. 10 Ни акэ, мэ лошало, кала мандэ нинай зор, кала пала амэндэ найпативалэс дэн дума, кала мандэ на хутилэн ловэ, кала ман ӷонин и кала мандэ ԥаримос, саво мэ пэрэандярав важ о Христос. Важ кода кай кала мэ би зорэско, тоди мэ лав зор.

11 Мэ ашэлэм найгодявэрно, и када тердяпэ через тумэндэ. Када тумэ трэбуй сас тэ дэн дума пала мандэ лашэ алавэса, важ кода кай, дажэ если мэ нисо на ашав, мэ нисар най май хужэ, чем тумарэ «ашунглэ» апосталоря. 12 Тумэ екжэнэ диқлэ, со доԥэнэн, кай мэ апостало: кала ашаваспэ састо андэ ԥари время и кала теравас чудеса и необычно, удивительно дила. 13 Исин кати ек, соса тумэ на шонпэ пэ авэр лэ Дэвлэстирэ ӷурторя, — кай мэ важ тумэндэ на сымас покута. Анда ди поизвиняйте ман, кай мэ андэ када обжылэмпэ тумэнца несправедливо.

14 Ужэ до трито мэ тидавпэ тэ авав каринг тумэндэ, но на авава тумэнди покута. Манди трэбуй най тумаро мищимос, ай тумэ екжэнэ. Важ кода кай най и бэяцэ трэбуй тэ отстон и ловэ важ и родителя, ай и родителя важ и бэяцэ. 15 Ай мэ авава лошало тэ отдав вся, со мандэ исин, и дажэ тэ отдав тумэнди пэстири жызня. Если мэ кадя фартэ любисарав тумэн, хэба трэбуй ман тэ любин май набут? 16 И хоть мэ на сымас важ тумэндэ покута, тумэ всаек ԥэнэн, кай мэ сымас «хытро» и астардэм тумэн «хохаимаса». 17 Хэба барваделэм мэ пэр тумэндэ через кодэла, кас мэ бишалавас каринг тумэндэ? 18 Мэ виманглэм лэ Титос тэ жал каринг тумэндэ и бишалдэм лэса еқэ ԥралэс. Хэба о Ти́то барваделя пэр тумэндэ? Хэба на дицолас кай амэндэ ек гиндо? Хэба амэ на жасас еқэ дромэса?

19 Тумэ чаче вся кадэя время гиндон, кай амэ виправисавас англа тумэндэ? Амэ дас дума англа Дэл сар лэ Христостирэ ученикоря. Кучутнэ ԥрала, вся, со амэ терас, амэ терас, кай тэ састярас тумэн. 20 Важ када мэ дарав, кай, кала авава, тумэ авэна най кацавэ, савэн мэ камлоп тэ диқав, и мэ авава най кацаво, савэс тумэ камлоп ман тэ диқэн, но тумэ лэна тэ скандалин, тэ завидуин, тэ холявэн, тэ споринпэ, тэ дэн дума найпативалэс, тэ розындярэн хохавни дума, тэ путён, тэ авэн росшутэ. 21 Можэт тэ авэл кадя, кай о Дэл лажаварэла ман англа тумэндэ, кала мэ упалэ авава. Тоди мандэ дуқала оди пала бут анда кодэла, ко варикала терэлас бэзэх и на каисайля, кай андярэлас пэс мэлалэс, терэлас билажавардимос и бесовестно пэс андярэлас.