Сентябрё

О Дэл дя лэ Исусости зор, кай во тэ ришый всаворэ лэ манушэндирэ проблемы. Кала о Исусо терэлас чудеса, во доԥэндя, кай можэт тэ ришый всаворэ проблемы, савэ амэ екжэнэ никала на уласа. Например, лэстэ исин зор тэ улэл лэ манушэндар само бари бида, када о бэзэх, саво амэнди пэрэдяпэ, ай кадяжэ о насвалимос и смэрть (Матф. 9:1—6; Римо 5:12, 18, 19). Лэ Исусостирэ чудеса доԥэндэ, кай во можэт тэ исцэлий лэ манушэн разнонэ насвалимастар и дажэ тэ рий лэ мулэн каринг и жызня (Матф. 4:23; Иоан. 11:43, 44). Инке во можэт тэ улэл и фартэ барэ ураӷаноря и тэ видаравэл анда мануша лэ найвужэн (Мар. 4:37—39; Лука 8:2). Сар жэ драго тэ ӷанас, кай о Иегова дя пэстирэ Шавэсти кацаво зор! Амэ можэм тэ авас уверени, кай всаворэ лэ Дэвлэстирэ обещянии исполняца, кала лэла тэ правий лэско Царство. Лэ Исусостирэ чудеса сыкавэн, со во стерэла, сар царё андо небесно Царство. w23.04 3, абз. 5—7

Андэ бари собрания тут моӷут най часто тэ пушэн и, возможно, тути дэкала камэлпэ тэ бэшэс, тэ ашэс мулком и просто тэ ашунэс. Но на сдэпэ! Подӷотовь каринг кажно встреча най ек каминтариё. Тоди, если тут на пушлэ пэ пэрви абзацоря, тутэ авэла возможность тэ дэс атвето май интя. Кала ӷотовишся каринг и статья анда «Сторожэво башня», погиндосар, сар кажно абзацо поджал каринг и тема. Важ када тутэ авэна май бут гиндоря, сар тэ атветиш. Кадяжэ подӷотовь каминтариё каринг кодэла абзацоря, андэ савэ росԥэнэнпэ пала састэ библейски гиндоря. Важ кода кай пэ кацавэ абзацоря май трудно атветить и ужэ най кадя бут ваздэн о вас. Но со, если тут всаек на пушэн ужэ най ек собрания? Англа авэр собрания поджа каринг о ԥрал, саво проандярэл и статья, и ԥэн, пэ саво абзацо ту камэс тэ ответиш. w23.04 21, 22, абз. 9, 10

О Иосифо анда вся оди прилэлас о руковоцтво лэ Иеговастар, и важ када во смоӷ тэ ашэл лашо хулай. Андэ Библия росԥэнэнпэ пала трин случаёря, кала о Дэл ԥэнэнас лэсти, сар лэ хуласти андо ери, со во трэбуй тэ терэл. И кажно разо во ӥто кандэлас, дажэ кала через када фартэ парудёлас лэстири жызня (Матф. 1:20; 2:13—15, 19—21). Кодэлэса, кай о Иосифо кандэлас лэ Дэвлэс, во фэрияс ла Мария, подритярэлас и заботияспэ пала латэ. Тоди и Мария инке май фартэ любияс лэс и столас пэр лэстэ инке май бари патив. Кучутнэ хула́я, сости тумэ можэте тэ сытён кай о Иосифо? Родэн и советоря анда Библия пала кода, сар тэ заботинпэ пала пэско ери. Прилэн кадэла советоря дажэ тоди, кала через када тумари жызня фартэ парудёла, и тоди тумэ сыкавэна любовь каринг и хулаи и тумаро брако ашэла инке май бахтало. Ек ԥэй анда Вануа́ту, сави миростэ май бут чем 20 бэрш, ԥэнэн: «Кала мэрно хулай старыийпэ тэ арақэл и тэ прилэл лэ Иеговаско руковоцтво, мэ став пэр лэстэ инке май бари патив. Мандэ по ди спокойно и мэ патяв, кай во приля правильни ришэнии». w23.05 21, абз. 5

И евреёря, савэ рисайлэ анда Вавилонско плено, трэбуй сас тэ ашэн свынто народо важ пэско Дэл (Втор. 7:6). Канешно, када на сыкавэлас, кай на трэбуй сас тэ парудён. Бут евреёря арақаделэ андо Вавилоно, и, возможно, пэрэлинэ дэсавэ обычаи кай вавилоняноря. Через дэсавэ бэрша посли кода, сар рисайлэ и пэрви евреёря андо Израилё, о правителё Неемия фартэ удивисайля, кай дэсавэ бэяцэ, савэ арақаделэ андо Израилё, на дэнас дума пэ еврейско шыб (Втор. 6:6, 7; Неем. 13:23, 24). Хэба моӷли кадэлэ шаворэ и щеёра тэ полюбин лэ Иеговас и тэ тэлён лэсти, если вонэ на полэнас и шыб, пэ сави сас пистромэ и Свынто Писания? (Езд. 10:3, 44). Вижал, кодэлэ евреёнэнди трэбуй сас тэ пристон бут зор, кай бут со тэ парувэн. И андо Израилё лэнди авелоп тэ стерэн када пэ бутэстэ май вушэро, важ кода кай котэ понабут терэнас кадя, кай упалэ тэ авэл вужи поклонения лэ Иеговасти (Неем. 8:8, 9). w23.05 15, абз. 6, 7

Жалко, но дажэ если амэндэ сас бари жылания и амэ застависарасас пэс, всаек амэнди можэт тэ авэл ԥарэс тэ жас каринг пэстири цэль. Например, через и нэожыдани трудности амэндэ можэт тэ на авэл время, кай тэ домардювас пэстири цэль (Эккл. 9:11). Или через авэр ԥаримос амэ можэм тэ умэкас и вас и амэндэ на авэла зор (Прит. 24:10). Ай через о нэсовершэнство амэ можэм тэ шылисавас и када на дэл амэнди тэ пашувас каринг пэстири цэль (Римо 7:23). Кадяжэ амэ можэм просто тэ цыювас (Матф. 26:43). Со поможыя амэнди тэ на помэкаспэ, кала кацаво терэлпэ? Сэр, если тутэ варисо на вижыля, када на сыкавэл, кай ту када никала на стерэса. Андэ Библия ԥэнэнпэ, кай кала амэ жас каринг пэстирэ цэли, амэндэ авэна трудности. Но андэр латэ кадяжэ ԥэнэнпэ, кай амэндэ вижала лэн тэ пэрэандярас. Чаче, кала амэ жас каринг пэстири цэль, хоть и исин ԥаримос, амэ сыкавас лэ Иеговасти, кай камас тэ радосарас лэс. Сар жэ лошавэл о Иегова, кала диқэл, кай ту на парашэс тэ домардёс пэстири цэль! w23.05 30, абз. 14, 15

И пианерско служэния сытярэл лэ тэрнэ ԥралэс тэ дэл дума разнонэ манушэнца. Кадяжэ кадэя служэния сытярэл лэ манушэс правильно тэ тратий пэстирэ ловэ (Флп. 4:11—13). Кай тэ служыс сар общё пианеро, тути поможыя, кай спэрва тэ послужыс сар подсобно пианеро. Бут подсобни пианероря ӷэт май интя ашэлэ общи. Потом англа лэндэ ԥэрнаделэ май бут возможности, например тэ участвуют пэ стройка или тэ служын андо Вефилё. Кадяжэ всаворэ ԥрала трэбуй тэ старыинпэ, кай тэ авэн барэдэр ԥрала андэ собрания. Важ када вонэ трэбуй тэ авэн кацавэ, сар пала барэдэр ԥрала пистромэ андэ Библия. Андэ лэ Дэвлэско Алав драго дэлпэ дума пала мануша, савэ стодэ англа пэстэ кацави цэль (1 Тим. 3:1). Но спэрва о ԥрал дэсави время трэбуй тэ послужый, сар помошнико андэ собрания. И помошникоря андэ собрания дэн бари помощь андэ разни вопросоря. И барэдэр ԥрала и помошникоря андэ собрания — када найӷорди мануша, савэ заботинпэ пала лэ Иеговастирэ бакрорэ и анда вся оди росԥэнэн пала Дэл аврэнди. w23.12 28, абз. 14—16

Кала лэ царёсти лэ Иосиясти сас 16 бэрш, во камэлас май бут тэ уӷанэн лэ Иеговас и тэ андярэл лэстири время. Но и жызня лэ тэрнэ царёстири на сас вушэро. Бут мануша анда лэско народо тэлёнас лэ хохавнэ дэвлэнди. Лэсти трэбуй сас тэ пристол бут зор, кай када тэ улэл. О Иосия андярдя пэс фартэ смило. Кала лэсти инке на сас 20 лет, во ля тэ вужарэл и страна лэ идалонэндар (2 Лет. 34:1, 2). Амарэ тэрнорэ ԥралора и ԥэёра, тумэ можэте тэ терэн кадя жэ, сар о Иосия и май бут тэ уӷанэн пала Иегова. Тоди тумэ закамэна тэ дэн алав, кай лэна тэ жувэн важ о Дэл. Сар када парувэла тумари жызня? О ԥрал, савэс ақарэн Лука, болделя, кала лэсти сас 14 бэрш. Во приля ришэния: «Акана по пэрво ҭан андэ мэрни жызня авэла и служэния лэ Иеговасти. Мэ камав вся и время лэс тэ радосарав» (Мар. 12:30). Если и ту закамэса тэ стерэс кадя жэ, тут аштярэл бут лашымос! w23.09 11, абз. 12, 13

Кала о апостало Павло пистрояс пэско письмо андэ Фесалоники, ла собранияти котэ сас май мало, чем бэрш. И барэдэр ԥрала андэр латэ, наверно, най вся драго ӷанэнас и терэнас ошыбки. И всаек вонэ ашэнас, кай пэр лэндэ тэ стон патив. Пашол и время, кай тэ авэл и бари бида. Важ када май англэ амэнди, возможно, авэла трэбуй инке май фартэ тэ приашундювас каринг и катутнэ барэдэр ԥрала, чем адес. Возможно амэндэ на авэла связь лэ ԥралэнца анда ӷлавно управления или анда филиало. Сар жэ важно ужэ акана тэ сытювас тэ стас патив пэ барэдэр ԥрала андэ собрания и тэ любисарас лэн. Со бы тэ на авэл, давайте ласа драго тэ гиндосарас и тэ шас сама най пэ лэндирэ нэдостаткоря, ай кай лэнца руководий о Иегова и о Христос. Пристам кадяжэ зор, кай амари надежда тэ авэл жунди. О шлемо фэрияс лэ воиноско шэро. Кадяжэ, кала амэ аштярас англэ о лашымос, — када фэрий амари годи. Амэ полас, кай кода, со камэл тэ дэл амэнди кадэя найлащи люма, па чачимастэ нисо на ашэл (Флп. 3:8). Кала аштярас англэ о лашымос, када поможый тэ ашаспэ спокойни андэ любо ситуацыя. w23.06 11, абз. 11, 12

Кодэла, ко ашунэн ла «диля манушня», трэбуй тэ витидэн, соӷласинапэ вонэ тэ зажан чи най. Амэ ӷанас, васо фартэ важно тэ нашас лэ билажавардимастар. И «дили манушни» ԥэнэн: «И чорданэ пая гуглэ» (Прит. 9:17). Со када «чорданэ пая»? Андэ Библия пала отношэнии, савэ моӷут тэ авэн кати машкар хулай и хулаи ԥэнэнпэ, сар пала лашо паи (Прит. 5:15—18). Кай о мурш и жувли, савэ андо законо брако, исин право тэ радуинпэ кадэлэсти. Канешно, вонэ трэбуй андэ када тэ андярэн пэс ек еқэса вужэс и пативалэс. Но «и чорданэ пая» — када совсем авэр. Када кала машкар мануша, савэ най андо брако, исин кацавэ отношэнии, савэ моӷут тэ авэн кати машкар хулай и хулаи. Обычно, и мануша, савэ кадя пэс андярэн, терэн када чоралэс, сар чордыӷаря, кай нико нисо тэ на уӷанэн. «И чорданэ пая» здэнпэ гуглэ, особено кодэлэнди, ко гиндой, кай лэнди вся обжалапэ кадя. Кадэлэса вонэ хохавэн корко пэс. Важ кода кай о Иегова вся диқэл. Нинай нисави май бари бида, чем тэ хасарас и дружба лэ Иеговаса. Ай кала о мануш полэл, кай о Дэл нэдовольно лэса, нисо «гугло» андэ када нинай (1 Кр. 6:9, 10). w23.06 22, абз. 7—9

Со тэ терэс, если ту полян, кай лян тэ мангэспэ и тэ служыс лэ Иеговасти най анда вся оди, сар раньшэ? На гиндосар, кай о Иегова будэр на дэл тути пэско свынто зор. Амэ найидиальни мануша, и кода, со амэндэ андо ди, можэт часто тэ парудёл. Если тиро ди ужэ най кадя ԥабол андэ служэния, погиндосар пала апостало Павло. Хоть во старыияспэ андэ вся тэ шолпэ по Исусо, во ӷанэнас, кай най вся и время лэстири жылания тэ служый лэ Дэвлэсти авэла кацави дэ бари. О Павло витидя важ пэстэ тэ терэл лэ Дэвлэстири дила всегда — кала лэсти када камэласпэ и кала най. Кадяжэ и ту, на прилэ и ришэния кати па кода, со тутэ андо ди. Тер кода, со правильно, дажэ если на камэлпэ. Кала ту терэса лашымос, када повлияет пэ тиро ди и через и время тутэ появияпэ и жылания (1 Кр. 9:16). w24.03 11, 12, абз. 12, 13

Амэ можэм тэ сыкавас пэстири любовь каринг и ԥрала и ԥэя и тэ подружысавас лэнца. Андэ собрания моӷут тэ авэн ԥрала и ԥэя, савэндэ разно характеро и культура. Фартэ важно тэ шас май бут сама пэ лэндирэ лашэ качестворя. Тоди амэ ласа тэ любисарас лэн инке май фартэ. Кала амэ пристас зор, кай лэ Иеговастирэ яқэнца тэ диқас пэ авэр, амэ сыкавас, кай любисарас лэн. Амэнди трэбуй авэла тэ сыкавас и любовь, особено кала авэла и бари бида. Сар о Иегова фэрия амэн, кала вой залэлапэ? Акэ со трэбуй сас тэ терэн лэ Дэвлэстирэ служытеля, кала и мидо-персицко армия дя по Вавилоно: «Зажа, мэрно народо, андэ комнаты, савэ андрэ и ԥандав пала пэстэ и вудара. Гарадю пэ най бари время, пока на прожала и холи» (Ис. 26:20). Здэлпэ, кай кадэла алава пистромэ и важ амэндэ, важ кода кай пашол и бари бида. w23.07 6—7, абз. 14—16

О миро трэбуй тэ ӷанэн, кай амэ блаӷоразумни мануша. Пуш пэстар: «Диқэн авэр, кай мэ блаӷоразумно, на тердював пэ пэско и терпеливо? Или авэр гиндон, кай мэ упрямо, строӷо и никала на жав пэ уступки? Приашундював мэ каринг авэр и, кала када возможно, шав сама пэ кода, со камэн авэр?» Со май бут амэ андярас пэс блаӷоразумно, со май фартэ амэ шаспэ по Иегова и по Исусо. Тэ авэс блаӷоразумно — значит тэ ӷанэс, сар пэс тэ андярэс, кала варисо парудёл. Через када моӷут тэ авэн трудности, пала савэ амэ на гиндосарасас. Например, амэндэ моӷут тэ авэн барэ проблемы лэ зорэса. Ай через кода, со терэлпэ андэ политика и андэ экономика, амари жызня можэт тэ ашэл фартэ ԥари (Эккл. 9:11). Дажэ кала парудёл амари назначения андэ арӷанизацыя, када можэт тэ ашэл важ амэндэ ԥаримос. Тэ присытювас каринг када амэнди поможына штар маменторя: 1) прилэн, кай тумари жызня паруделя, 2) диқэн англэ, 3) гиндон кати пала лашымос и 4) поможын аврэнди. w23.07 21, 22, абз. 7, 8

Кала о Даниило сас тэрноро, лэс залинэ анда лэско форо и ундярдэ андо плено андо Вавилоно. Котэ пэр лэстэ сразу шутэ сама. Всаворэ диқэнас, кай лэ Даниилостэ на сас нисаво недостатко, во сас драго пар пэстэ и сас анда лашо ери. Важ када и вавилоняноря линэ тэ сытярэн лэс, кай во тэ ашэл баро мануш андо дварецо кай о царё (Дан. 1:3, 4, 6; 1 Сам. 16:7). О Иегова любияс лэ Даниилос важ кода, кай кадэва тэрно мануш старыияспэ анда вся оди тэ радуий лэс. Кати погиндон: лэ Даниилости сас кати 20 варисоса бэрш, ай о Иегова ужэ сыстояс лэс кацавэ ашунглэ служытелёнэнца, сар о Ноё и о Иово, савэ бут бэрша предано служынас лэ Дэвлэсти (Быт. 5:32; 6:9, 10; Иов 42:16, 17; Иез. 14:14). О Иегова на парашэлас тэ любий лэ Даниилос вся лэстири долӷо и интересно жызня (Дан. 10:11, 19). w23.08 2, абз. 1, 2

Если тумэ тидэнпэ тэ тинэн цэр, наверно, тумэ ладэна каринг лэстэ, кай вся драго тэ розуӷанэн пала лэстэ. Варисо кацаво жэ амэ можэм тэ терас, кала изучаем и адиносарас и Библия. Если тумэ просто ӥто проадинона ла, тоди уӷанэна кати о ӷлавно чачимос анда лэ Дэвлэско Алав (Евр. 5:12). Но, сар и кала тинэн цэр, трэбуй тэ зажан «андрэ», кай вся драго тэ розуӷанэн. Райкано способо важ и изучения Библии — када тэ старыинпэ тэ диқэн, сар разни латирэ части сжанпэ ек еқэса. Старыинпэ тэ полэн най кати кода, андэ саво чачимос тумэ патян, но и кода, васо тумэ кадэлэсти патян. Кай драго тэ полас и Библия, амэ трэбуй ӷлыбоко ла тэ изучаем. О апостало Павло ԥэнэнас пэстирэ ԥралэнди и ԥэянди тэ стон бут зор, кай тэ изучают лэ Дэвлэско Алав — кадя, кай андо чачимос «андэ вся тэ полэн, со када буӷлимос, лунгимос, вучимос и ӷлыбина». Тоди лэндири вера авелоп састи и нисо лэн на змардоп (Еф. 3:14—19). Амэ трэбуй тэ терас кадя жэ. w23.10 18, абз. 1—3

Андэ Библия ԥэнэнпэ бут мануша, савэ сыкавэнас и терпения. Можно тэ стас цэль май драго тэ уӷанас пала лэндири жызня. Например, пала Давидо. О Иегова витидя, кай во тэ авэл царё андо Израилё, кала во сас инке подростко. Но лэсти прижыляпэ тэ аштярэл бут бэрша, кай тэ лэл тэ правий. О Симеоно и Анна бут бэрша аштярэнас, кала авэла о Христос, и на парашэнас предано тэ служын лэ Иеговасти (Лука 2:25, 36—38). Кала тумэ май драго уӷанэн пала лэ Дэвлэстирэ предани служытеля, пушэн пэстар: «Со поможыяс, кай кадэва мануш тэ авэл терпеливо? Саво лашымос када лэсти андя? Со поможыя манди тэ терав кадя жэ?» Кадяжэ тумэ можэте бутэсти тэ сытён кай кодэла, ко на сас терпеливо (1 Сам. 13:8—14). Пушэн пэстар: «Со на дя, кай во тэ сыкавэл и терпения? Каринг со када андя?» w23.08 25, абз. 15

О апостало Пётро на ашавэлас лэ Исусос, во на домэкэлас, кай варисо лэс тэ тердярэл. Особено када дицэля, кала о Исусо ԥэндя кода, со и ученикоря на полинэ (Иоан. 6:68). Бут андар лэндэ дажэ на линэ тэ розлэнпэ и ашадэ лэ Исусос. Ай о Пётро най. Во драго полэлас, кай кати лэ Исусостэ «и алава пала вечно жызня». О Исусо ӷанэнас, кай о Пётро и авэр апосталоря ашавэна лэс. И всаек во ԥэндя, кай патял, кай о Пётро рияпэ и лэла верно тэ служый лэ Дэвлэсти (Лука 22:31, 32). О Исусо полэлас, кай «оди цырдэлпэ, ай и тила би зорэстири» (Мар. 14:38). Важ када о Исусо на хасардя о патяимос андо Пётро дажэ тоди, кала во отԥэнделя лэстар. Кала о Исусо рисайля каринг и жызня, во сыкаделя лэсти, наверно тоди, кала о Пётро сас екжэно (Мар. 16:7; Лука 24:34; 1 Кр. 15:5). Канешно, кадэлэса во фартэ подритярдя пэстирэ ученикос, савэстэ дуқалас оди через пэстири ошыбка. w23.09 22, абз. 9, 10

Если о мануш патял лэ Дэвлэсти, тоди о Дэл анда вся оди простий лэс и будэр на сэрэл пала лэстирэ бэзэха (Пс. 32:1, 2). О Дэл диқэл пэ кадэва мануш сар по найдошало через лэстири вера. По Авраамо, по Давидо и пэ авэр верни лэ Дэвлэстирэ служытеля сас ԥэндо, кай вонэ найдошалэ англа Дэл, хоть вонэ сас несовершэни и бэзэхалэ. Но через лэндири вера, о Дэл диқэлас пэр лэндэ, сар пэ идеальни мануша, особено, кай вонэ на шонаспэ пэ кодэла, ко на патялас андо Иегова (Еф. 2:12). Андэ пэско письмо о апостало Павло драго сыкадя, кай о мануш трэбуй тэ патял андо Дэл, кай тэ авэл лэстирэ друӷоса. О Авраамо и о Давидо трэбуй сас тэ патян лэ Дэвлэсти, кадя жэ трэбуй тэ терас и амэнди. w23.12 3, абз. 6, 7

Адес кай всаворэ христианоря исин райкани возможность тэ анэн лэ Иеговасти жэртвы. Када можэт тэ авэл амари время, зор и ловэ, савэ амэ отдас важ лэ Царствостири дила. Амэ сыкаваса лэ Иеговасти, кай важ амэндэ куч и честь тэ тэлювас лэсти, если ласа тэ отдас лэсти со май лашо. Ай инке о апостало Павло пистросардя кода, пала со амэ никала на трэбуй тэ бистрас (Евр. 10:22—25). Андэ када ужал и молитва, и проповедническо дила, и собрании и кай амэ трэбуй тэ подритярас ек еқэс. И кала амэ диқас, кай «пашол [лэ Иеговаско] дес», амэ трэбуй тэ пристас пэ када «инке май бут зор». Андэ послиднё часть андэ книжка Свынто тайна лэ Иеговаско анӷело дувар ԥэнэн: «Тэлюв лэ Дэвлэсти!» (Тайна 19:10; 22:9). Кода, кай о анӷело ԥэндя кадэла алава дувар, сыкавэл, пэ скати дэ важно каринг лэндэ тэ приашундювас. Давайте всегда тэ сэрас о чачимос пала лэ Иеговаско баро духовно храмо и тэ цэнисарас и возможность тэ тэлювас амарэ райканэ Дэвлэсти! w23.10 29, абз. 17, 18

Всаворэ амэ камас «тэ любисарас ек еқэс». Но амэнди трэбуй тэ сэрас лэ Исусостирэ алава, кай «фартэ бут мануша парашэна тэ любин аврэн» (Матф. 24:12). Кала о Исусо дэлас дума пала фартэ бут мануша, во на ԥэнэнас пала пэстирэ ученикоря. Но амэ трэбуй тэ фэрисавас, кай и мануша, савэ на любин ек еқэс, тэ на повлияют пэ амари любовь каринг авэр. Давайте погиндосараса, сар можно тэ полас пэскати дэ фартэ амэ любисарас лэ ԥралэн и лэ ԥэян. Кай тэ полэс, пэскати тутэ дэ бари любовь, шув сама, сар ту пэс андярэс андэ разни ситуацыи (2 Кр. 8:8). Например, о апостало Пётро пистросардя: «Со май важно, фартэ любин ек еқэс, важ кода кай, если тумэ любин, тумэ лэна тэ простин аврэн» (1 Пёт. 4:8). Кода, сар амэ пэс андярас, кала и ԥрала и ԥэя шылинпэ или холярэн амэн, сыкавэл, пэскати дэ фартэ амэ лэн любисарас. w23.11 10, абз. 12, 13

Амэ не можэм тэ ԥэнас, кай ритярас лэ Исусоско законо: «Любин ек еқэс», если любисарас кати дэсавэн андэ собрания. Канешно, каринг варикастэ анда ԥрала и ԥэя амэ можэм тэ авас май пашэ. Важ о Исусо тожэ дэсавэ ученикоря сас май пашэ (Иоан. 13:23; 20:2). Но о апостало Пётро поможый амэнди тэ сэрас, кай трэбуй тэ старысавас тэ сыкавас каринг всаворэ андэ собрания и чачуни любовь. Тоди кажно полэла, кай во трэбуй андэ лэ Дэвлэско дружно ери (1 Пёт. 2:17). О Пётро пистросардя, кай амэ тэ любисарас ек еқэс анда вся оди (1 Пёт. 1:22). Када сыкавэл, кай трэбуй тэ ԥэрнавас амаро ди дажэ важ кодэла, кас ԥарэс тэ любисарас. Ԥэнаса, варико амэн холярдя. Пэрво, со, возможно, амэ камаса тэ стерас, када тэ рисарас. Но о Исусо поможысардя лэ Петрости тэ полэл, кай лэ Иеговасти на чалёл, кала о мануш кадя пэс андярэл (Иоан. 18:10, 11). Во пистросардя: «На́ терэн найлашымос кодэлэнди, ко стердя тумэнди вэрыто, и на́ дэн дума найпативалэс пала кодэла, ко найпативалэс дэл дума пала тумэндэ. Но наоборот, терэн лашымос» (1 Пёт. 3:9). Старыинпэ анда оди тэ любин лэ манушэн. Тоди тумэндэ вижала ковлэс и внимательно тэ андярэн пэс. w23.09 28, 29, абз. 9—11

Сар дэ ӥто барён и бэяцэ! Здэлпэ, кай вонэ дажэ нисо на терэн важ када. Но кай тэ барёл амари дружба лэ Иеговаса трэбуй тэ пристас о зор (1 Кр. 13:11; Евр. 6:1). Кадяжэ амэнди трэбуй о свынто духо. Кати через лэстэ амэ можэм тэ шаспэ по Исусо, тэ сытювас тэ терас кода, со приӷодияпэ андэ жызня и тэ авас ӷотови каринг и обязаности, савэ моӷут тэ авэн англэ (Прит. 1:5). Погиндосар: о Иегова создал лэ муршэс и ла жувля (Быт. 1:27). Вонэ на шонпэ ек пэ ек. Ай инке о Иегова кажнонэсти андар лэндэ дя разни обязаности. Кай и жувли тэ стерэл кода, со камэл о Иегова, латэ трэбуй тэ авэл характеро, саво чалёл лэсти, ай кадяжэ вой трэбуй дэсо тэ ӷанэн тэ терэл (Быт. 2:18). w23.12 18, абз. 1, 2

Камэлас о Исусо, кай авэр мануша тэ ԥэнэн о алав лэстирэ Дадэско? Канешно! Дэсавэ барэдэра анда веры андэ кодэя время, возможно, гиндонас, кай лэ Дэвлэско алав фартэ свынто, кай тэ ԥэнэн лэс андэ дума. Но о Исусо никала на домэкэлас, кай через кацавэ традицыи во тэ на стол патив пэ лэ Иеговаско алав. Погиндосарам: еқвар котэ, кай жувэнас и герасинцоря, о Исусо видарадя лэ бэнгэн анда мануш. И катутнэ мануша пэрэдарайлэ и линэ тэ мангэн лэс тэ ужалтар. О Исусо кадя и стердя (Мар. 5:16, 17). И всаек, во камэлас, кай лэ Иеговаско алав тэ авэл ашунгло пэ кодэла краёря. Важ када во ԥэндя кадэлэ манушэсти тэ росԥэнэн пэстирэ чаченди, со лэса сас. Но кадэва мурш трэбуй сас тэ ԥэнэн пала кода, со стердя важ лэстэ о Иегова, ай най о Исусо (Мар. 5:19.) О Исусо када камэл и адес, кай всаворэ мануша тэ уӷанэн лэстирэ Дадэско алав! (Матф. 24:14; 28:20). Кала амэ росԥэнас важ о Дэл лэ манушэнди и ԥэнас лэско алав, амэ радосарас амарэ Царёс, лэ Исусос. w24.02 10, абз. 10

И жызня андэ люма ашэл май ԥари и май ԥари. Но через пэстири арӷанизацыя о Иегова фэрий амэн. О Дэл подарисардя амэнди баро дэвликуно ери (Пс. 133:1). Кадяжэ во поможый, кай о хулай и хулаи тэ ладин (Еф. 5:33—6:1). Ай инке во сытярэл, со тэ терас, кай тэ авэл спокойство андо ди. Но тэ служыс лэ Иеговасти най вся и время вушэро. Дэкала и ԥрала и ԥэя дэн дума или терэн кода, через со амэнди можэт тэ авэл ԥарэс по ди. Или амэ умэкас и вас, кала шылисавас, особено, если када терас упалэ и упалэ. Но амэнди нащи тэ сдаспэ. Амэнди трэбуй тэ на парашас тэ служысарас лэ Иеговасти, дажэ кала: 1) амэнца обжалпэ найдраго о ԥрал или ԥэй, 2) подвэдий о хулай или хулаи и 3) на патяс, кай амэндар авэла варисаво толко. w24.03 14, абз. 1, 2

Дэкала ту лэса тэ ашунэс, кай дэсавэ ԥрала и ԥэя линэ тэ терэн май бут андэ служэния лэ Иеговасти. Возможно, вонэ сытелэ пэ Школа блаӷовесников Царства или пэрэлаглэ кордэ, кай на хутилэл лэ вазвещятелёнэн. Если када па тиро зор, тожэ стер када! Лэ Иеговастирэ служытеля вся и время родэн возможность тэ терэн важ лэстэ май бут (Дила 16:9). Но со, если акана ту нэ можэш тэ терэс важ о Иегова май бут? На гиндосар, кай ту май хужэ аврэндар и тири служэния нисо на ашэл. Важ о Дэл важно, кай ту тэ на здэспэ и тэ на зжас па христианско дром (Матф. 10:22). На бистэр, кай лэ Иеговаско ди фартэ лошавэл, кала ту терэс вся, со па тиро зор. Када поможыя тути тэ жас лэ Исусостирэ дромэса и посли кода, сар болделян (Пс. 26:1). w24.03 10, абз. 11

Амаро небесно Дад дя алав, кай простия кодэлэн, ко каийпэ (Пс. 86:5). Важ када, если амэндэ па чачимастэ дуқал оди пала кода, со амэ стердям, амэ можэм тэ патяс: раз во ԥэндя, кай простисардя, вижал, кадя и исин. Всаворэ амэ камас тэ служысарас лэ Иеговасти анда вся о зор. Но дэсавэнди здэлпэ, кай кода, со вонэ терэн важ о Иегова, — када мало и кай лэндэ никала на вижала тэ авэн уӷодни лэсти. Со поможыя амэнди тэ улас кацавэ гиндоря? Сэрэн, кай во най черезчур строӷо Дэл и най кацаво, кай лэсти никала и нисоса на уӷодиса. Во никала на аштярэл амэндар, со най па амаро зор. Кала амэ терас важ лэстэ кода, со можэм, во лошавэл. Кадяжэ погиндон пала авэр лэ Дэвлэстирэ служытеля, савэ служынас лэ Иеговасти анда вся зор. Например, о апостало Павло бут бэрша служыяс лэ Иеговасти и пристолас вся пэско зор андэ кадэя дила. Во мардя тыщи километров андо дром и стердя, кай тэ авэн бут нэвэ собрании. Но дэкала андэ лэстири жызня варисо парудёлас, и во ужэ нэ моӷ тэ росԥэнэн пала Дэл кадя жэ бут, сар варикала. Сыкавэлас када, кай во на уӷодий лэ Иеговасти? Най. О Павло терэлас, со моӷ, и о Дэл лэс блаӷословияс (Дила 28:30, 31). Кадя жэ можно тэ ԥэнас и пала амэндэ. Дэкала амэ ласа тэ терас май набут, ай дэкала май бут. Но ӷлавно важ о Иегова — най скати амэ терас, ай васо амэ служысарас лэсти. w24.03 27, абз. 7, 9

О Исусо подя примеро лэ учениконэнди, сар трэбуй тэ мангэнпэ. Кала о Исусо служыяс пэ ԥув, во часто обратияспэ кай о Иегова андэ молитва. Пэ када во трэбуй сас тэ витидэл время, важ кода кай паша лэстэ всегда сас мануша (Мар. 6:31, 45, 46). О Исусо ущелас рано тэсара, кай тэ мангэлпэ екжэно. Еқвар, англа кода, сар тэ прилэл важно ришэния, во дя дума лэ Иеговаса андэ молитва вся и рят (Лука 6:12, 13). Англа пэстири смэрть, и рят, во упалэ и упалэ мангэласпэ пэстирэ Дадэсти, важ кода кай пашолас само ԥари время андэ лэстири служэния пэ ԥув (Матф. 26:39, 42, 44). Лэ Исусоско примеро сытярэл амэн тэ витидас и время важ и молитва, скати бы дила амэндэ тэ на авэл. Амэ заранее можэм тэ погиндосарас и тэ запистросарас, кала када тэ терас. Например, тэ ущяс май рано или тэ пэрас тэ совас набут май позно. Кадя амэ сыкаваса лэ Иеговасти, кай цэнисарас лэско подарко. w23.05 3, абз. 4, 5

Шон сама пэ алава «сыкадя, кай любий амэн». Акэ со пала када пистромэ андэ ек справочнико: о Иегова кадя шол пэстири любовь андэ лэ памазаниконэнго ди, сар «дэл о баро паи». Када драго доԥэнэн, кай о Иегова, сар Дад любий лэ памазаниконэн. Вонэ ӷанэн, кай о Дэл лэн любий (Иуда 1). Пала кода, со лэндэ по ди, пистросардя о апостало Иоано: «Сар дэ фартэ любий амэн о Дад! Во прижанэн амэн сар пэстирэ бэятонэн» (1 Иоан. 3:1). Но любий о Иегова кати лэ памазаниконэн? Най. Амэндэ исин васо тэ патяс, кай во любий амэн всаворэн. Андэр со о Иегова инке май фартэ сыкадя пэстири любовь? Во потиндя о выкупо. Хэба моӷ о Иегова тэ стерэл важ амэндэ варисо инке май бут, кай тэ сыкавэл пэстири любовь? (Иоан. 3:16; Римо 5:8). w24.01 28, абз. 9, 10

Андо стихо пэ адес амэ диқас, со инке поможыяс лэ Давидости тэ улэл пэстири дар. Хоть лэс вся кадя жэ инке моӷли тэ умарэн, во гиндояс пала кода, со о Иегова стерэла важ лэстэ англэ. О Давидо ӷанэнас, кай андэ время, сави трэбуй, о Иегова зашолапэ пала лэстэ и спасыя лэс, важ кода кай о Дэл ужэ ԥэндя, кай во авэла царё андо Израилё (1 Сам. 16:1, 13). О Давидо патялас: кода, пала со о Иегова дя алав, точно авэла. Ай со о Иегова обещяет тэ стерэл важ кажно андар мэндэ? Амэ на аштярас, кай во амэн лэла тэ фэрий всаворэ́ ԥаримастар. Но амэ ӷанас, кай люби проблемы, савэнца амэнди прижалпэ тэ борисавас адес, о Иегова улэла андо раё пэ ԥув (Ис. 25:7—9). Кай амаро Создателё исин баро зор, кай тэ рий кодэлэн, кас нинай, тэ улэл о насвалимос, о ԥаримос па ди и всаворэ́ вороӷонэн (1 Иоан. 4:4). w24.01 6, абз. 12, 13

Гиндон пала пэстири посвящения и крещения. Васо тумэ стердэ кадэла шаӷоря? Важ кода кай закамлэ тэ залэн лэ Иеговастири риг. Вспомните, сар тумэ полинэ, кай виарақлэ о чачимос. Тумэ уӷанглэ о чачимос пала Иегова, полюбисардэ лэс и линэ тэ стон патив по пэско небесно Дад. Тумэндэ появисайля вера и тумэ каисайлэ андэ бэзэха, савэ терэнас май англал. Тумаро ди побудисардя тумэн тэ ашавэн и най лащи жызня и тэ андярэн лэ Дэвлэстири время. Тумэнди ашэля май вушэро, кала полинэ, кай о Дэл тумэн простисардя (Пс. 32:2). Тумэ линэ тэ ԥирэн пэ собрании и тэ росԥэнэн пала чачимос аврэнди. Потом тумэ динэ алав тэ жувэн важ о Иегова и болделэ. Акана тумэ жан па дром, саво андярэл каринг и жызня, и камэн тэ терэн вся, кай тэ на сжан па кадэва дром (Матф. 7:13, 14). Авэн всегда састэ, предани лэ Иеговасти и састэ андэ пэстири решения вся и жизня тэ кандэн лэс андэ вся. w23.07 17, абз. 14; 19, абз. 19

Тумэ динэ алав лэ Иеговасти, кай кода, со во камэл, авэла ӷлавно андэ тумари жызня. Если тумэ пала када сэрэн, када поможыя тэ на подэнпэ лэ бэзэхэсти. Например, лэна тумэндэ тэ цэлэн и яқа андо чикат каринг о мануш, савэстэ ужэ исин хулай или хулаи? Най канешно! Важ кода кай тумэ ужэ отԥэнделэ тэ андярэн пэс кадя. Через када тумэндэ на авэла тэ дуқал оди, сар кай и мануша, савэ домэклэ, кай о найлашымос лэн тэ зацырдэл. Тумэ авэна бахталэ, кай обжылэ ригаса «лэ бэзэхалэ манушэнго дром»! (Прит. 4:14, 15). Сэр пала Исусо. Во витидя важ пэстэ вся и время тэ радуий пэстирэ Дадэс. Када поможыя тути ӥто и састэс тэ отшос вся, со можэт тэ на чалёл лэ Дэвлэсти, савэсти ту отдян пэстири жызня (Матф. 4:10; Иоан. 8:29). Кала андэ жызня исин ԥаримос или оди цырдэл каринг о найлашымос, тоди амэ можэм тэ доԥэнас, кай анда вся оди камас тэ жас лэ Исусостирэ дромэса. Патя: о Иегова тути поможыя андэ када. w24.03 9, 10, абз. 8—10