Ноябрё

Если тумэндэ исин бэяцэ, поможын лэнди па лэнго возрасто тэ подӷотовят и каминтарии. Дэкала андэ статьи амэ розлас серьёзни темы, кацавэ сар проблемы андо ери или вопросоря, сар пэс вужэс тэ андярас. Но андэ статья часто бывает ек или дуй абзацоря, пэ савэ бэяцэ моӷут тэ дэн атвето. Кадяжэ поможын лэнди тэ полэн, васо лэн, возможно, на пушэна кажно разо, кала вонэ лэна тэ ваздэн о вас. Кала тумэ объяснина када лэ бэятонэнди, лэнди авэла май вушэро, и вонэ на лэна тэ холявэн, кала пушэна аврэн (1 Тим. 6:18). Амэ всаворэ можэм тэ подӷотовим кацавэ каминтарии, кай вонэ тэ подритярэн аврэн и тэ прославят лэ Иеговас (Прит. 25:11). Дэкала, кала амэ дас атветоря и росԥэнас варисо лично, трэбуй тэ сэрас, кай тэ на шас сама бут пэр пэстэ (Прит. 27:2; 2 Кр. 10:18). Авелоп фэдэр андэ пэско каминтариё тэ шас сама май бут по Иегова, пэ Библия и пэ лэ Дэвлэско народо (Тайна 4:11). w23.04 24, 25, абз. 17, 18

Кай тэ на совас и драго тэ гиндосарас, важно и любовь (Матф. 22:37—39). И любовь каринг о Дэл поможыя амэнди тэ на парашас тэ проповедуем, дажэ если исин най ек трудность (2 Тим. 1:7, 8). Амэ любисарас кодэлэн, ко на служый амарэ Дэвлэсти. Важ када амэ ԥирас па цэра, росԥэнас пала Дэл, служысарас па телефоно и пистросарас письморя. Амэ патяс, кай авэла дес, кай амарэ пашутнэ закамэна тэ служын лэ Дэвлэсти (Иез. 18:27, 28). И ԥрала и ԥэя — тожэ амарэ пашутнэ. Амэ сыкавас пэстири любовь каринг лэндэ, кала прилас лэ Павлоско совето: «Дэн зор ек еқэсти и подритярэн ек еқэс» (1 Фес. 5:11). И воиноря, савэ жанас вмести пэ война, сас вся время ӷотови тэ подритярэн ек еқэс. Амэ тожэ дас зор ек еқэсти. И амэ никала на ласа спецыально тэ холярас амарэ ԥралэн и ԥэян или тэ рисарас лэнди (1 Фес. 5:13, 15). Инке амэ ласа тэ стас патив пэ ԥрала, савэ слидон пала порядко, и тэ любисарас лэн (1 Фес. 5:12). w23.06 9, абз. 6; 10, 11, абз. 10, 11

Ек анда маменторя, сар амэ можэм тэ састярас пэстири вера, — када тэ гиндосарас пала выкупо. О выкупо доԥэнэн, кай лэ Дэвлэстирэ обещянии обязательно исполнинапэ. Амэнди трэбуй драго тэ розмышляем пала кода, васо о Иегова потиндя кадэва выкупо и со лэсти када ашэлас. Када поможыя амэнди май фартэ тэ патяс, кай о Дэл зритярэла пэско алав и дэла амэнди вечно жызня андо шукарно раё пэ ԥув. Васо, кала амэ розмышляем пала выкупо, када фартэ влияет пар мэндэ? Со стердя о Иегова, кай тэ потинэл о выкупо? Во бишалдя пэ ԥув пэстирэ Шавэс, савэс фартэ любий и саво важ лэстэ особено. Во лэско со май пашутно друӷо. Кала о Исусо жувэлас пэ ԥув, лэстэ сас разни трудности. Во пострадал и муля ԥаря смэртяса. Сави дэ бари цэмин о Иегова потиндя! Амаро любящё Дад никала на домэклоп, кай лэско Шаво тэ мэрэл кацавя смэртяса кати важ кода, кай амари жызня тэ авэл май лащи кати пэ набут время (Иоан. 3:16; 1 Пёт. 1:18, 19). Если о Иегова потиндя кацави дэ бари цэмин, тоди во позаботияпэ, кай амэндэ тэ авэл вечно жызня андо раё пэ ԥув. w23.04 27, абз. 8, 9

Исин кай о Иегова жылания тэ рий лэ манушэн каринг и жызня? Канешно исин! Во дя о свынто духо дэсавэ манушэнди, кай тэ запистрон пала кадэя обещяния андэ Библия (Ис. 26:19; Тайна 20:11—13). Ай кала о Иегова дэл алав, тоди во всегда лэс зритярэл (Иис. Н. 23:14). О Иегова фартэ камэл тэ рий лэ манушэн каринг и жызня. Сэрэн со ԥэндясас о Иово? Во сас уверено, кай дажэ если мэрэла, о Иегова лэла тэ скучий пала лэстэ и закамэла тэ рий лэс каринг и жызня (Иов 14:14, 15). Точно кадяжэ о Иегова камэл, кай всаворэ лэстирэ служытеля, савэ мулинэ, упалэ тэ жувэн и тэ авэн зоралэ и бахталэ. Ай со можно тэ ԥэнас пала милиардоря мануша, савэ мулинэ и савэндэ на сас возможность тэ уӷанэн пала Иегова? Амаро любящё Дэл камэл тэ рий каринг и жызня и лэн (Дила 24:15). Во камэл, кай лэндэ тэ авэл возможность, тэ ашэн лэстирэ друӷоря и тэ жувэн вечно пэ ԥув (Иоан. 3:16). w23.04 9, абз. 5, 6

Сар амэ можэм инке май фартэ тэ патяс андэ амари надежда? Например, если тумэ надеинпэ вечно тэ жувэн пэ ԥув, адинон андэ Библия пала кода, сави жызня авэла андо раё (Ис. 25:8; 32:16—18). Прецтавляйте пэс котэ. Если вся и время тэ сэрас пала пэстири надежда, тоди любо проблема здэлапэ «най долӷо и вушэро» (2 Кр. 4:17). О Иегова дя тумэнди кадэя надежда, кай тумэ тэ авэн зоралэ. Во ужэ позаботисайля пала кода, кай тумэ моӷли тэ лэн лэстар зор. Важ када со тэ терэн, если тумэнди трэбуй тэ стерэн найвушэро задания, тэ виритярэн о ԥаримос или тэ на хасарэн и радость? Взвинпэ каринг о Иегова андэ молитва анда вся оди и родэн лэско руковоцтво, кала проандярэн и лично изучения. На отԥэндён, кала тумэнди камэн тэ поможын и ԥрала и ԥэя. Май часто прецтавляйте пэс андо раё пэ ԥув. Тоди «о Дэл, савэстэ исин баро зор, састярэл[а] тумэн, кай тумэ тэ тэрпин и тэ лошавэн, кала вся виритярэн» (Клс. 1:11). w23.10 17, абз. 19, 20

Амэндэ исин бут причины, васо тэ блаӷодарисарас лэ Иеговас. Давайте ласа тэ ԥэнас лэсти наис пала лашымос, саво амэндэ исин. Важ кода кай всаворэ лашэ и совершэни подаркоря лэстар (Иак. 1:17). Например, амэ можэм тэ блаӷодарисарас лэс важ о шукаримос, саво исин пэ ԥув, важ вся, со во создал. Кадяжэ лэсти можно тэ ԥэнас наис важ и жызня, ери, друӷоря и важ и надежда. Ай инке, кай во домэкля тэ ашас лэстирэ пашутнэ друӷоря. Трэбуй тэ гиндосарас пала кода, васо амэ лично блаӷодарни лэ Иеговасти. Возможно, пэ када трэбуй тэ пристас о зор. Андэ люма и мануша часто гиндон кати пала кода, со вонэ моӷут тэ получин. Бутэнди дажэ и по гиндо на авэл, кай тэ блаӷодарин лэ Дэвлэс пала кода, со ужэ исин. Если амэ пэрэласа кацавэ гиндоря, тоди амэ лэ Дэвлэстар ласа кати варисо тэ мангас. Кай кацаво тэ на авэл, трэбуй тэ пристас о зор, кай тэ авас блаӷодарни лэ Иеговасти пала вся, со во важ амэндэ терэл (Лука 6:45). w23.05 4, абз. 8, 9

Кай амаро небесно Дад фартэ дуқал оди, кала диқэл, кай амэ пэрэжувас о ԥаримос (Ис. 63:9). Но во всаек на улэл па амаро дром и трудности, савэ шонпэ пэ лэна или пэ яг (Исайя 43:2). Но во дэл алав, кай авэла амэнца и проандярэла амэн через када. Саво бы амэндэ тэ на авэл ԥаримос, о Дэл позаботияпэ, кай амэ вся и время моӷли тэ служысарас лэсти. Кадяжэ о Иегова дэл амэнди пэско свынто духо, кай амэ тэ виритярас всаворэ трудности (Лука 11:13; Флп. 4:13). Амэ можэм тэ патяс, кай амэндэ авэла вся, со трэбуй, кай тэ виритярас о ԥаримос и тэ ашаспэ предани лэ Дэвлэсти. О Иегова аштярэл, кай амэ ласа лэсти тэ патяс (Евр. 11:6). Дэкала и испытании здэнпэ, кай вонэ, сар плая. Амэ можэм тэ гиндосарас: «Катэ дажэ о Иегова на поможыя». Но андэ Библия ԥэнэнпэ, кай лэ Дэвлэстирэ зорэса амэндэ вся вижала (Пс. 18:29). Важ када, если тумэндэ исин сомнении, мангэнпэ лэ Иеговасти и патян, кай во обязательно ответит (Иак. 1:6—7). w23.11 22, абз. 8, 9

Савэ дэ шукарнэ алава пала чачуни любовь! Вонэ поможын лэ хуласти и ла хулаяти тэ полэн важно гиндо: тумари любовь можэт тэ ԥабол вся и вечность. Лэла о хулай и хулаи тэ любин ек еқэс вся и жызня? Када зависит лэндар. Призындярам примеро. И яг можэт тэ ԥабол вся и время — но кати тоди, если андэр латэ подшон и каш. Если нико када на терэл, и яг полокорэс можэт тэ мудардёл. Кадяжэ и любовь машкар о хулай и хулаи можэт тэ ашэлпэ састи вся и время кати тоди, если вонэ заботинпэ пала латэ. Дэкала о хулай и хулаи моӷут тэ полэн, кай лэндири любовь шудрёл. Када можэт тэ авэл через и проблемы лэ ловэнца, лэ зорэса или через и трудности, кай тэ барярэн лэ бэятонэн. Важ када, кай «лэ Иеговастири яг» тэ ԥабол, о хулай и хулаи трэбуй тэ пристон вся о зор, кай тэ ашэн май пашэ каринг о Иегова. w23.05 20, абз. 1—3

Со амэ трэбуй тэ терас, кай тэ авас смили? И родителя моӷут тэ сытярэн амэн тэ авас смили, но вонэ не моӷут тэ пэрэдэн кадэва качество па наследство. Амэнди трэбуй тэ сытювас тэ авас смили, сар и тэ терас варисави нэви дила. Ек, со поможыя тэ терас варисо нэво, — када драго тэ диқас, со терэл о учителё, и тэ терас, сар во. Кай тэ сытювас тэ авас смили, амэ трэбуй тэ диқас, сар када терэн авэр, и тэ старысавас тэ андярас пэс, сар вонэ. Амэ, сар и о Даниило, трэбуй драго тэ ӷанас лэ Дэвлэско алав. Амэ трэбуй май фартэ тэ пашувас каринг о Иегова, часто тэ дас дума лэса и пала вся тэ росԥэнас. И амэнди трэбуй тэ патяс лэ Иеговасти, кай во всегда амэн подритярэла. Тоди, кала амэндэ авэла ԥаримос, амэ аваса смили. Ай лэ смилонэ манушэн уважают. Кадяжэ через и смилость амэ можэм тэ поможысарас лэ манушэнди тэ уӷанэн лэ Иеговас. Важ када амэндэ исин бут причины, васо трэбуй тэ сытювас тэ авас смили. w23.08 2, абз. 2; 4, абз. 8, 9

О ӷреческо алав, саво пэрэандярдо катэ, сар «розуӷанэн» и мануша ԥэнэнас, кала проверяли о састри, кацаво, сар сомнак, руп, кай тэ полэн, чачуно во или най. Вижал, амэнди кадяжэ трэбуй тэ розуӷанас, чачимос кода, со амэ ашунас и адиносарас чи най. Ай амэ кадя трэбуй тэ терас инке май фартэ, важ кода кай ӥто пашол и бари бида. Вместо кода, кай тэ патяс всаворэсти, со ԥэнэн авэр, амэнди трэбуй каринг када тэ поджас годяса. Важно тэ сыстосарас кода, со адиносарас и ашунас, кодэлэса, со ԥэнэн и Библия и лэ Иеговастири арӷанизацыя. Тоди амэ на патяса андэ лэ бэнгэнго хохаимос (Прит. 14:15; 1 Тим. 4:1). Лэ Дэвлэско народо пэрэжувэла и бари бида. Но если тэ дас дума пала кажно андар мэндэ, то амэ на ӷанас, со кажнонэса можэт тэ авэл тэся (Иак. 4:14). Но дажэ если амэ хасараса пэстири жызня жы каринг о Армагидоно, амэ ӷанас, кай, если на ашаваса лэ Дэвлэс, тоди амэ получисараса и вечно жызня. И памазаникоря лэна тэ жувэн лэ Христоса по нэбо, ай авэр бакрорэ — андо раё пэ ԥув. Давайте тэ шас май бут сама пэ амари райкани надежда и тэ авас ӷотови каринг лэ Иеговаско дес! w23.06 13, абз. 15, 16

Амэ на ӷанас, сар исполнинапэ дэсавэ библейски пророчества (Дан. 12:8, 9). Но если амэ на дополас варисаво пророчество, када на сыкавэл, кай во на исполнияпэ. Амэ уверени, кай андэ пэстири время о Иегова дэла тэ ӷанас вся, со трэбуй. Важ кода кай имено кадя во всегда и терэлас. Ӥто и мануша ԥэнэна, кай акана мирно и безопасно (1 Фес. 5:3). Потом и мирови правительстворя шона сама пэ хохавнэ веры и уничтожат лэн (Тайна 17:16, 17). Посли када вонэ дэна пэ лэ Дэвлэстирэ служытеля (Иез. 38:18, 19). Тоди залэлапэ и война Армагедоно (Тайна 16:14, 16). Амэ можэм тэ патяс, кай кадэла событии авэна фартэ ӥто. Ай пока давайте тэ иследуем и библейски пророчества и тэ поможысарас аврэнди тэ полэн лэн. Кадэлэса амэ сыкаваса, кай блаӷодарни амарэ любящёнэ небеснонэ Дадэсти. w23.08 13, абз. 19, 20

Кала о Павло ԥэндя пала вера, надия и любовь, во пистросардя: «Само ӷлавно анда када — любовь» (1 Кр. 13:13). Васо во кадя ԥэндя? Англэ будэр на трэбуй авэла тэ патяс андэ обещяния, кай авэла о раё пэ ԥув. Важ кода кай вся, со амэ аштярасас, ужэ исполнияпэ. Но амэнди трэбуй авэла вся и время тэ любисарас лэ Иеговас и лэ манушэн. Па чачимастэ амари любовь лэла тэ барёл вся и вечность. И любовь сыкавэл, кай амэ чачунэ христианоря. О Исусо ԥэндя лэ апосталонэнди: «Если тумэ лэна тэ любин ек еқэс, всаворэ уӷанэна, кай тумэ андярэн мэрни время» (Иоан. 13:35). Кадяжэ и любовь поможый, кай тэ авэл ладо. О Павло пистрояс, кай, «если любисарас, амэ ашас май пашэ ек еқэсти» (Клс. 3:14). О апостало Иоано пистросардя пэстирэ ԥралэнди и ԥэянди: «Кодэва, ко любий лэ Дэвлэс, трэбуй тэ любий и пэстирэ ԥралэс» (1 Иоан. 4:21). Если амэ любисарас ек еқэс, кадэлэса амэ сыкавас, кай любисарас лэ Дэвлэс. w23.11 8, абз. 1, 3

Андэ Библия и христианско жызня сыстойпэ лэ дромэса. Кодэла, ко допрастэна жы каринг о финишо, получина и вечно жызня (2 Тим. 4:7, 8). Амэнди трэбуй тэ терас вся, кай тэ на парашас тэ прастас, особено важ кода, кай о финишо пашэ, сар никала. О апостало Павло росԥэндя, со поможыя амэнди тэ допрастас жы каринг о финишо. Во пистросардя: «Важ када сшам пар пэстэ вся, состар ашэл май ԥарэс... и на ласа тэ здаспэ и прастам па дром, саво англа амэндэ». Лэ Павлостирэ алава сыкавэн, кай трэбуй тэ злас пар пэстэ кода, со лишнё. Если када на стераса, тоди ласа тэ прастас май медлено и вимардюваса анда зор. Кай тэ допрастас жы каринг о финишо, амэнди трэбуй май ӥто тэ полас, со мишыий, и тэ ашавас када. Андэ кодэя жэ время амэ на камас тэ ашавас кодэя дила, сави амэ трэбуй тэ терас. Важ кода кай тоди амэндэ на вижала тэ ашаспэ пэ кадэва дром (2 Тим. 2:5). w23.08 26, абз. 1, 2

И блаӷоразумия поможыя амэнди тэ стас патив пэ кода, со гиндон авэр. Например, дэсавэ ԥэянди чалёл тэ красынпэ, ай авэр витидэн када тэ на терэн. Дэсавэ христианонэнди чалёл тэ пэн (канешно кадя, кай тэ на матён), ай авэр витидэн вобще тэ на пэн. Всаворэ христианоря камэн, кай лэндэ тэ авэл лашо зор, но витидэн разно личения. Если амэ гиндосарас, кай правильно кати кода, со амэ витидас, и камас, кай кадя жэ тэ терэн авэр, тоди можэм тэ ашас сар о бар, через саво и ԥрала и ԥэя моӷут тэ пэрэн, и када анэна каринг и разделения (1 Кр. 8:9; 10:23, 24). О Иегова на стол строӷи правилоря андэ кода, сар амэ тэ утидаспэ. Вместо када во дэл амэнди принцыпоря. Амэ трэбуй тэ утидаспэ кадя, кай авэр тэ полэн, кай амэ лэ Дэвлэстирэ служытеля — «скромно и годяса» и кай тэ дицол амари блаӷоразумия (1 Тим. 2:9, 10). Амэ на камас, кай пар мэндэ тэ шон фартэ бут сама. И Библейски принцыпоря кадяжэ поможын лэ барэдэрэ ԥралэнди тэ на стон пэстирэ правилоря важ и ӥда и прически. w23.07 23, 24, абз. 13, 14

О Иегова сыкавэл, сар тэ андярас бахтали и радосно жызня. Дэсавэ жан каринг и шумно «дили манушни». Лэндири жызня андэ кода, кай тэ жувэн кадя, сар чалёл. Вонэ чоралэс терэн о билажавардимос, сар ԥэнэса хан варисаво гуглимос. Но англэ лэн аштярэл и смэрть (Прит. 9:13, 17, 18). Сар жэ на шонпэ пэр лэндэ кодэла, ко зажал каринг и «чачуни мудрость»! (Прит. 9:1). Амэ сытювас тэ любисарас кода, со любий о Иегова, и тэ вэрыцысарас кода, со вэрыцый во (Пс. 97:10). И амэнди фартэ чалёл тэ ақарас аврэн в ӷости каринг и «чачуни мудрость». Амэ, ԥэнэса, тердювас пэ вуче ҭана андо форо и ақарас: «Кодэва, ко най вся полэл, мэк авэл кардэ». Чаче, всаворэ, ко авэл каринг и чачуни мудрость, никала на жалуина пала када. Амэ сможэм тэ жувас вечно и вся и время тэ жас лэ годявэрнэ дромэса! (Прит. 9:3, 4). w23.06 24, 25, абз. 17, 18

Со тутэ по ди, кала о мануш па бути или о однокласнико пушэл пала кода, андэр со ту патяс? Лэс ту тэ пережываеш? Кацаво сас бутэндэ. Но на трэбуй тэ дарас кадэлэстар. Кадэла вопросоря поможын тэ полас, андэр со патял авэр мануш. Тоди амэнди авэла май вушэро тэ росԥэнас лэсти и лащи новость. Но дэкала и мануша задэн вопросоря, важ кода кай не соӷласни амэнца или камэн тэ спорин. Возможно, вонэ патяе андо хохаимос, саво ԥэнэн пэ лэ Иеговастирэ свидетеля (Дила 28:22). Инке андэ Библия сас запистромэ, кай андэ «послидни деса» лэ манушэнца ԥарэс авэла тэ ладис андэ дума и вонэ авэна дажэ жэстоки (2 Тим. 3:1, 3). Возможно, ту гиндос: «Сар тэ авав спокойно и ковлэс тэ дав дума, если здэлпэ, кай о мануш камэл тэ спорий манца важ кода, андэр со мэ патяв?» Если тутэ авэла ковло ди, када поможыя тути. Кала кодэлэсти, кастэ ковло ди, задэн неожыдано вопросо или камэн тэ зацырдэн андо споро, во ӷанэн, сар тэ зритярэл пэс. w23.09 14, абз. 1, 2

Дэкала амэнди дэн советоря, савэ фэрин амэн. Например, лэ Иеговастири орӷанизацыя фэрий амэн кодэлэстар, кай тэ на ужас лэ шэрэса андо затеримос и тэ на терас кода, со жал против лэ Дэвлэско законо. Кала амэ терас кадя, сар ԥэнэн о Дэл, када всегда анэн амэнди лашымос (Исайя 48:17, 18; 1 Тим. 6:9, 10). Амэ точно ӷанас, кай о Иегова на парашэла тэ андярэл пэско народо через и мануша. Во лэла тэ терэл када и андэ бари бида и андэ Тысячелетнё лэ Христостири правления. Ласа амэ тоди тэ терас кода, со ԥэнэн о Иегова? Амэнди авэла май вушэро тэ кандас лэ Иеговас, если амэ терас када ужэ адес. Важ када давайте вся и время тэ домэкас, кай о Иегова тэ андярэл амэн. Тераса кадя и тоди, кала во андярэл амэн через и назначени мурша (Ис. 32:1, 2; Евр. 13:17). Амэ драго ӷанас, васо можэм тэ патяс лэ Иеговасти, саво сыкавэл амэнди о дром. Во поможый амэнди тэ обжас и проблемы, савэ моӷут тэ римон амари дружба лэса, и андярэл амэн каринг и вечно жызня андо раё пэ ԥув. w24.02 25, абз. 17, 18

О апостало Павло сас бахтало, кала служыяс лэ Иеговасти. Но лэстэ сас и бут ԥаримос. Во часто марэлас барэ дрома, ай андэ кодэя время када сас найвушэро. Андо дром во най еқвар «чуть на [муля] андэ лэна» и трэбуй сас «тэ [фэрийпэ] лэ бандитонэндар». Кадяжэ лэс най еквар марэнас кодэла, ко сас против о чачимос (2 Кр. 11:23—27). И ԥрала най всегда цэнинас кода, кай во анда оди стол зор, кай тэ поможый лэнди (2 Кр. 10:10; Флп. 4:15). Со поможыяс лэ Павлости тэ на здэлпэ? Анда Писания и анда кода, со сас андэ лэстири жызня, во уӷангля, саво о Иегова. О Павло поля, кай о Иегова лэс любий (Римо 8:38, 39; Еф. 2:4, 5). И во екжэно фартэ полюбисардя лэ Иеговас. Лэстири любовь каринг о Дэл дицолас андэ кода, кай во бут терэлас дила, кай тэ поможый «лэ свынтонэнди» (Евр. 6:10). w23.07 9, абз. 5, 6

Кала андэ Библия ԥэнэнпэ пала кодэла, кастэ исин власть, када сыкавэл и манушыкани власть андэ страна. Бут мануша прижанэн, кай би лэнго нисар, и кай трэбуй тэ ритярэн хоть дэсавэ законоря андэ страна. Но кадэла жэ мануша на грабинпэ тэ ритярэн кодэла законоря, савэ здэнпэ лэнди найсправедливи или фартэ ԥарэ. Андэ Библия ԥэнэнпэ, кай и манушыканэ правительства анэн ԥаримос, кай вонэ кандэн лэ Сатанас и ӥто авэна уничтожэни (Пс. 110:5, 6; Эккл. 8:9; Лука 4:5, 6). Но андэр латэ кадяжэ пистромэ, кай «кодэва, ко жал против власть, кадяжэ жал против о Дэл». О Иегова домэкля, кай и власти дэсави время тэ правин, и во аштярэл, кай амэ ласа тэ кандас лэн. Важ када амэ трэбуй тэ отдас «кажнонэсти кода, со лэсти прижал», андэ када ужан и налоӷоря, и патив и послушания (Римо 13:1—7). Амэнди можэт тэ здэлпэ, кай варисаво законо неудобно, найсправедливо или кай тэ ритярас лэс фартэ куч. Но амэ кандас лэ Иеговас, ай во ԥэнэн тэ кандас лэ властен, если кода, со вонэ ԥэнэн, на жал против лэско законо (Дила 5:29). w23.10 8, абз. 9, 10

О Самсоно арақаделя тоди, кала пэ лэ Дэвлэско народо тасавэнас и филистимляноря (Суд. 13:1). Лэндири жэстоко правления анэнас бут ԥаримос лэ израильтянонэнди. О Иегова витидя лэ Самсонос важ и особо дила. Во трэбуй сас тэ спасый лэ израильтянонэн лэ филистимлянонэндар (Суд. 13:5). Кай тэ стерэл кадэя найвушэро дила, о Самсоно трэбуй сас тэ надеийпэ по Иегова. Еқвар и филистимляноря авелэ андэ Лехи (возможно, када ҭан сас андэ Иудея), кай тэ дэн по Самсоно. Кай и иудеёря сас дар англа филистимляноря. Важ када вонэ закамлэ тэ отдэн лэ Самсонос, саво сас анда лэнго народо, лэ вороӷонэнди. Вонэ састэс сԥанглэ лэс дуе нэвэ дурянца и одындярдэ лэс каринг и филистимляноря (Суд. 15:9—13). Но «по Самсоно сжыля лэ Иеговаско духо», и во вишынделя анда дуря, ай тоди «во арақля свижо лэ ишакостири челюсть, ля ла и умардя ласа» 1000 филистимлянонэн! (Суд. 15:14—16). w23.09 2, 3, абз. 3, 4

О Дэл полокорэс ԥэрнавэлас пэско «вечно баро гиндо» пала ԥув и мануша через и Библия. Савэ бы трудности тэ на авэн, кай о Иегова всегда вся вижал, важ кода кай во «терэл кадя, кай вся [тэ] поможый андэ кода, со во загиндосардя» (Прит. 16:4). Нико и нисо не помешает лэсти тэ стерэл кода, со загиндосардя. Ай со загиндосардя о Иегова и со прижыляпэ лэсти тэ парувэл, кай тэ стерэл када? О Дэл ԥэрнадя пэрвонэ манушэнди, со́ во важ лэндэ загиндосардя. Во ԥэндя лэнди: «Авэн тумэ ерялэ, мэк авэн тумэндэ бут бэяцэ па вся и ԥув, залэнпэ ла ԥувьяса и авэн тумэ хулая... пэ вся жундо», со пэ ԥув (Быт. 1:28). Через кода, кай о Адамо и Ева жылэ против Дэл, всаворэ мануша ашэлэ ӷрешни. Но када на тердярдя лэ Иеговас тэ стерэл кода, со во загиндосардя. Во использовал авэр способо, кай тэ домардёл пэстири цэль. О Дэл сразу жэ ришыл, кай стола по небо Царство, саво стерэла вся, со во загиндосардя важ и мануша и ԥув (Матф. 25:34). w23.10 19, 20, абз. 6, 7

О Иегова поможыя амэнди тэ на парашас тэ служысарас лэсти. Када можэт тэ авэл особено найвушэро, кала амэндэ варисо на вижал тэ парувас андэр пэстэ. Дэкала можэт тэ здэлпэ, кай амэнди пэ бутэстэ май ԥарэс, чем лэ апосталости лэ Петрости. Но о Иегова дэла амэнди зор, кай амэ тэ на умэкас и вас (Пс. 94:17—19). Например, ек ԥрал англа кода, сар тэ ашэл лэ Иеговаско свидетелё, най ек бэрш жувэлас муршэнца. Во полностью паруделя и ашадя билажаварди жызня. Но дэкала лэстэ появинаспэ неправильни жылании и лэсти прижаласпэ тэ борийпэ кадэлэса. Со поможыяс лэсти тэ на здэлпэ? Кадэва ԥрал росԥэнэн, кай би лэ Иеговастирэ зорэско лэстэ када на вижылоп: «Мэ полэм, кай лэстирэ зорэса мэ моӷу тэ жав па чачуно дром... ...О Иегова домэкля ман тэ ашав лэско служытелё и хоть мандэ исин дефекторя, во вся и время подритярэл ман». w23.09 23, абз. 12

И састи дружба лэ Иеговаса на лэлпэ корко пэстар. И тэрнэ ԥрала трэбуй тэ витидэн, кастар тэ сытён лашымасти. Сытён тэ гиндон кадя, сар о Иегова, и авэн надёжни. Ай кадяжэ сытён тэ терэн кода, со приӷодияпэ андэ жызня, и ӷотовьтесь каринг и обязаности, савэ тумэндэ моӷут тэ авэн. Ту можэш тэ пережываеш, кай трэбуй авэла бут со тэ стерэс. Но тутэ вся вижала драго! О Иегова дэл алав, кай поможыя тути (Ис. 41:10, 13). Тирэ ԥрала и ԥэя андэ собрания кадяжэ авэна паша тутэ, и ту можэш тэ патяс, кай вонэ подритярэна тут. О Иегова камэл, кай тутэ тэ авэл састи дружба лэса. Во ӷанэн, кай тоди тири жызня авэла пэ бутэстэ май интересно и лошали. Амарэ тэрнэ ԥрала, тумэ фартэ, фартэ куч важ амэндэ! Терэн вся, кай тумэндэ тэ авэл лащи дружба лэ Иеговаса, и тоди во блаӷословия тумэн. w23.12 29, абз. 19, 20

Представьте, кай тумэ стидэпэ лэ друӷонэнца. Тумэ драго проандярэн и время, ай потом злэн общё карточка. Если и карточка вижал найдраго, тумэ терэн инке дуй. И акэ, акана тумэндэ най ек карточка. Пэ ек андар лэндэ тумэ диқэн, кай о ԥрал пэр латэ найдраго вижыля. Тоди тумэ удалина ла, важ кода кай пэ авэр дуй карточки злинэпэ всаворэ роздраго. Обычно амэнди чалёл тэ проандярас и время амарэ ԥралэнца и ԥэянца. Но со, если варико андар лэндэ ԥэнэна или стерэла кода, со амэнди на чалёл? Сар амэ андяраса пэс? Авелоп драго тэ пристас зор, кай тэ бистрас пала кадэва маменто кадя жэ, сар амэ удалисарас ек анда карточки (Еф. 4:32). Амэнди на трэбуй тэ ритярас андо шэро лэ ԥралэстирэ или ла ԥьятирэ найбарэ ошыбки. Амэ ӷанас скати дэ бут лашымос стердя кадэва мануш. Имено пала када амэ камас тэ сэрас! w23.11 12, абз. 16, 17

И ӷречески алава, савэ исин андэ кадэва стихо, сыкавэн, кай и христианка трэбуй тэ утидэлпэ сэжо и тэ полэл, сар авэр диқэна пэ када. Амэ абуросарас амарэ ԥэянца, савэ утидэнпэ сэжо и шукарнэс. Инке важно, кай и христианка тэ авэл мудро. Када сыкавэл, кай вой ӷанэн, со лашо, ай со най и андярэл пэс годявэрнэс. Вспомним пала Авигея. Лако хулай приля найлащи ришэния. Када андоп каринг и бари бида всаворэ ерес. И Авигея сразу поля, со трэбуй тэ терэл, и на ля тэ цырдэл и время. Кода, кай вой сас мудро, спасысардя бутэ манушэн (1 Сам. 25:14—23, 32—35). Инке кала и жувли годявэрни, када поможый лати тэ полэл, кала тэ дэл дума, ай кала тэ ашэл мулком. Ай кадяжэ када поможый тэ на пушэл андэ дума кода, через со лэ манушэсти можэт тэ ашэл неудобно (1 Фес. 4:11). w23.12 20, абз. 8, 9

О Павло пистросардя кадэла алава ла собранияти андо Римо. Кала и ԥрала и ԥэя анда кодэва форо уӷанглэ пала Иегова и пала Исусо, вонэ патяе андэр лэндэ и ашэлэ христианоря. Важ када через лэндири вера о Дэл прижангля лэн найдошалэнца, витидя лэн и дя пэско свынто зор (Римо 5:1). Кадя о Дэл дя лэнди райкани надежда, сави вонэ моӷли тэ аштярэн всаворэ одеса. О Павло ӷэт май интя пистросардя лэ памазаниконэнди, лэ христианонэнди андо Ефесо, пала надежда, сави дя лэнди о Дэл. Вонэ получина кода, со прижал лэ свынтонэнди (Еф. 1:18). Ай андо письмо Калосы лэ христианонэнди о Павло пистросардя, кай вонэ получина кода, со приӷотовлено важ лэндэ по небо (Клс. 1:4, 5). Пэр со надеинпэ и памазани христианоря? Лэн о Дэл воскресия каринг и вечно жызня по небо и котэ вонэ лэна тэ правин лэ Христоса (1 Фес. 4:13—17; Тайна 20:6). w23.12 9, абз. 4, 5

О ӷреческо алав, саво пэрэандярдо сар «тэ фэрий», ԥэнэнас и по ӷурто халавдэ, саво фэрияс о форо. И мануша, савэ жувэнас андэ кадэва форо спокойно совэнас и ӷанэнас, кай лэнди най состар тэ даран. Точно кадя жэ, кала о спокойство андо ди, саво дэл о Иегова, фэрий амаро ди и годи, амэнди най состар тэ дарас (Пс. 4:8). Дажэ если амари ситуацыя на парудёла сразу, амэ можэм тэ ашаспэ спокойни. Кацаво сас по ди кай лэ Самуилостири дэй и Анна (1 Сам. 1:16—18). Кала амэ спокойни, амэнди май вушэро правильно тэ гиндосарас и тэ прилас годявэрнэ ришэнии. Со трэбуй тэ терас? Кала амэ пережываем, можно тэ ԥэнас, амэнди трэбуй тэ ақарас лэ халавдэн. Сар када тэ терас? Мангэнпэ бут разоря, пока тумэндэ на авэла спокойство андо ди, саво дэл о Иегова (Лука 11:9; 1 Фес. 5:17). Если тумэндэ исин ԥари ситуацыя, вся и время мангэнпэ и тумэ обязательно диқэна, сар о Иегова дэла тумэнди спокойство, саво фэрий тумаро ди и годи (Римо 12:12). w24.01 21, абз. 5, 6

Кай лэ Дадэско алав тэ авэл свынто, о Исусо пэрэандярдя баро ԥаримос. Лэс акушэнас и пэр лэстэ хохавэнас. Во ӷанэнас, кай андэ вся кандэлас лэ Дадэс, и кай лэсти най состар тэ лажал (Евр. 12:2). Кадяжэ во полэлас, кай андэ кодэя ԥари время пэр лэстэ тасавэлас о Сатана (Лука 22:2—4; 23:33, 34). Канешно, кадэва вороӷо надеияспэ, кай о Исусо придэла лэ Дэвлэс. Саво во дэ дило сас! О Исусо пэ вся и время доԥэндя, кай о Сатана андэ вся хохавно. Во кадяжэ доԥэндя, кай лэ Иеговастэ вся и время авэна служытеля, савэ на парашэна лэс тэ кандэн и вонэ ашэнапэ вужэ англа лэстэ, дажэ андэ само баро ԥаримос! Ай ту камэс тэ радуис пэстирэ Царёс, саво ужэ правий? На параш тэ хвалис лэ Иеговаско алав, кала росԥэнэс аврэнди пала лэстэ. Када сыкавэла, кай ту жас па лэ Исусостирэ слидоря (1 Пёт. 2:21). Сар и во, ту радуис лэ Иеговас и доԥэнэс, кай лэ Дэвлэско вороӷо, о Сатана, — хохавно! w24.02 11, 12, абз. 11—13

Пала послидни 5 бэрш болделэ и ашэлэ лэ Иеговастирэ свидетеля бут мануша, май бут, чем ек милионо. Кала о мануш отдэл пэстири жызня лэ Иеговасти, со када сыкавэл? Дицол, кай во камэл тэ ашэл лэ Исусоско ученико и само ӷлавно важ лэстэ тэ терэл кода, со камэл о Дэл. Со трэбуй тэ терэл кадэва мануш? О Исусо ԥэндя: «Ко камэл тэ ԥирэл пала мандэ, мэк отԥэндёл пэстар» (Матф. 16:24). И алава «мэк отԥэндёл пэстар» можно кадяжэ тэ пэрэандярэс сар «во трэбуй тэ ԥэнэн пэсти най». О мануш, саво отдя пэстири жызня лэ Иеговасти, трэбуй тэ ԥэнэн най всаворэсти, со нэуӷодно лэ Дэвлэсти (2 Кр. 5:14, 15). Во трэбуй тэ отшол и «бэзэхали дила», например, о билажавардимос (Гал. 5:19—21; 1 Кр. 6:18). Вижал, во трэбуй дэсо тэ на терэл. Сԥандэл када лэсти и вас? Най, если во любий лэ Иеговас и патял, кай лэстирэ законоря анэн лэсти лашымос (Пс. 119:97; Ис. 48:17, 18). w24.03 2, абз. 1; 3, абз. 4

О Иегова дэл пэско свынто зор кодэлэнди, ко уӷодий лэсти (Матф. 12:18). Можно тэ пушас пэстар: «Дицол, кай пэ мэрно характеро влияет лэ Дэвлэско свынто зор?». Например, кала сыстос пэс кодэлэса, саво ту санас, кала уӷанглян о чачимос, погиндосар, саво ту акана. Ашэлян ту май терпеливо чи най? Кала ту домэкэс, кай по тиро характеро тэ влияет лэ Дэвлэско свынто зор, ту лэса май фартэ тэ патяс, кай уӷодис лэ Иеговасти. О Иегова через о выкупо простий кодэлэн, ко уӷодий лэсти (1 Тим. 2:5, 6). Но возможно, тиро ди отԥэндёл тэ патял, кай ту уӷодно лэ Дэвлэсти, хоть ту ужэ и болделян. Сэр, кай най вся и время амэ можэм тэ патяс амарэ одести, но амэ вся и время можэм тэ патяс лэ Иеговасти. Если о мануш патял андо выкупо, о Иегова диқэл пэр лэстэ кадя, кай во уӷодно лэсти. Во дэл алав, кай лэла лэс тэ блаӷословий (Пс. 5:12; Римо 3:26). w24.03 30, абз. 15; 31, абз. 17