Декабрё

Исин лэ Иеговастэ зор тэ рий лэ манушэн каринг и жызня? Канешно! Важ кода кай во «Всемоӷущё Дэл» (Тайна 1:8). Лэстэ хутилэла зор тэ победий любонэ вороӷос, дажэ и смэрть (1 Кор. 15:26). Но исин и авэр причина, васо амэ патяс, кай о Дэл можэт тэ рий лэ манушэн каринг жызня. Лэстэ фартэ лащи память. Всаворэ звёзды во ақарэл па алавэстэ (Ис. 40:26). Кадяжэ во сэрэл кодэлэн, ко муля (Иов 14:13; Лука 20:38). Во вушэро вспомнит вся пала кодэла, кас рия каринг и жызня. Савэ вонэ сас пар пэстэ, савэ вонэ сас мануша, лэнго опыто и лэндирэ воспоминании. Да, амэ можэм тэ патяс андэ лэ Иеговастири обещяния, кай во рия лэ манушэн каринг и жызня. Важ кода кай ӷанас, во камэл када тэ стерэл и лэстэ исин зор пэ када. Ай акэ исин инке ек причина, васо амэ можэм тэ патяс андэ лэстирэ обещянии: о Иегова ужэ рияс лэ манушэн каринг и жызня. Андэ библейско время во дэлас зор када тэ терэн дэсавэ муршэнди, савэ лэс кандэнас, кадяжэ и лэ Исусости. w23.04 9, абз. 7—9

Если амэ ԥэнас пэстирэ гиндоря ковлэс, лэ манушэнди авэла май вушэро тэ ашунэн амэн и вонэ на пэрэмарэна и дума. Канешно, если варико камэл просто тэ спорийпэ амэнца или тэ подасалпэ кодэлэстар, андэр со амэ патяс, амэ можэм тэ парашас тэ андярас кацави дума. Но кацавэ манушэн амэ диқас фартэ ридко. Исин бут мануша, савэндэ лашо ди. Фартэ важно, кай амэндэ тэ авэл ковло ди. Мангпэ, кай о Иегова тэ поможый тути тэ ашэспэ спокойно, кала отвечаеш пэ крючковати вопросоря или кала тут несправедливо дошалярэн. Сэр, кай дажэ тоди, кала дэс дума манушэса, савэстэ авэр гиндо, ту сможэш лэса тэ ладис, если тутэ авэла ковло ди. Через кода, кай ту дэс дума ковлэс и пативалэс, авэр моӷут па аврятэ тэ диқэн пар мэндэ и пэ Библия. «Вся и время авэн ӷотови тэ зашонпэ пала пэстири надия» и «терэн када ковлэс и баря пативаса» (1 Пёт. 3:15). Давайте тэ пристас о зор, кай амэндэ тэ авэл ковло ди. Ласа тэ сэрас, кай амэ зоралэ тоди, кала амэндэ ковло ди! w23.09 19, абз. 18, 19

Давайте розласа штар маменторя, савэ сыкавэн, кай о мануш терпеливо. Пэрво, о терпеливо мануш на грабий тэ холявэл. Во старыийпэ тэ ашэлпэ спокойно и на рий пала пэстэ, дажэ если лэс подваздэн или и ситуацыя ашэл май ԥари (Исх. 34:6). Дуйто, о терпеливо мануш ӷанэн тэ аштярэл. Дажэ если пэ варисо ужал май бут время, чем во аштярэлас, во всаек старыийпэ тэ авэл спокойно и на лэл тэ холявэл (Матф. 18:26, 27). Трито, о терпеливо мануш на грабий варисо тэ терэл. Кала кай кацаво мануш появийпэ важно задания, во на грабий ла тэ терэл, если драго на погиндосардя. Наоборот, во стол время, кай драго тэ погиндой, сар ла тэ стерэл. Ай потом во виарақэл скати трэбуй время, кай драго ла тэ стерэл. Штарто, о терпеливо мануш на жалуийпэ, кала пэрэандярэл о ԥаримос. Во старыийпэ май бут тэ шол сама по лашымос, саво исин андэ лэстири жызня, и вся пэрэандярэл радостяса (Клс. 1:11). Амэ, и христианоря, камас, кай амэндэ тэ авэл вся кода, со поджал каринг о терпеливо мануш. w23.08 20, 21, абз. 3—6

Амэнди трэбуй тэ фэрисарас пэско ди, важ кода кай о Иегова драго роздиқэл лэс. Када сыкавэл, кай во додиқэл кода, пэр со на шон сама авэр. Амэ англа лэстэ, сар пэ палматэ. Лэсти чалёл, кала амэ ԥэрас пэстири годи лэстиря мудростяса, сави дэл и жызня (Иоан. 4:14). Важ када амэ на домэкас, кай андэ амаро ди тэ попэрэл лэ Сатанаско и лэстирэ мироско ядо. Амэ на патяс андэ лэско хохаимос и на гиндосарас, кай о мануш можэт тэ жувэл кадя, сар камэл (1 Иоан. 5:18, 19). Кала амэ ашас май пашэ каринг о Иегова, амэ лас май фартэ лэс тэ любисарас и тэ стас май бари патив пэр лэстэ. Амэ на камас, кай через амэндэ тэ дуқал оди кай амаро небесно Дад. Важ када амэнди гряца дажэ о гиндо, кай тэ стерас о бэзэх. Кай и Света анда Хорватия сас ситуацыя, андэ сави вой моӷла тэ стерэл билажавардимос. Вой пистросардя: «Андэ кадэва маменто манди сас ԥарэс тэ гиндосарав кадя, сар сытярэл о Дэл. Каринг кадэва бэзэх цырдэласпэ мэрно ди. Манди здэласпэ, кай най па мэрно зор тэ на подавпэ лэсти. Но ман спасысардя и дар англа Иегова». Сар и дар англа Дэл поможысардя лати? И Света гиндояс, со авэла, если вой стерэла бэзэх. Када розлашо примеро важ амэндэ. w23.06 20, 21, абз. 3, 4

О Исусо ӷанэнас, со загиндосардя о Иегова. Во камэлас, кай лэско алав тэ авэл свынто и вужо всаворэ́ хохаимастар. Акэ васо о Баро Учителё сытярэлас тэ мангэнпэ кадя: «Амаро небесно Дад, мэк тиро алав авэл свынто» (Матф. 6:9). О Исусо полэлас, кай най всаворэ прижанэн, кай лэ Иеговаско алав свынто. И када само бари проблема андэ люма. Нико анда анӷелоря ни анда мануша на стердэ май бут, чем стердя о Исусо, кай тэ улэл кадэя проблема. Ай пала со лэс сындосардэ и вороӷоря? Кай во лажаварэл лэ Дэвлэс! Кала лэ Исусос залинэ, лэс дошалярдэ андэ кода, со важ лэстэ сас гряца и баро бэзэх, — када тэ мэлярэл пэстирэ Дадэско свынто алав. Наверно, акэ важ када лэсти «по ди сас кадя ԥарэс» англа кода, сар лэс астардэ (Лука 22:41—44). w24.02 11, абз. 11

И христианоря трэбуй тэ любин лэ Иеговас и лэ Исусос дажэ май фартэ, чем пэстирэ чачен (Матф. 10:37). Но, канешно, када на сыкавэл, кай если амэ старысавас тэ радосарас лэ Дэвлэс и лэ Христос, амэ ласа май набут тэ шас сама пэстирэ пашутнэн. Наоборот, кай тэ уӷодисарас лэ Дэвлэсти и лэ Христости, амэ трэбуй тэ терас пэстири дила, сави амэндэ исин андо ери (1 Тим. 5:4, 8). Кадэлэстар амэ аваса май бахталэ. Ведь о Иегова росԥэндя, со поможыя, кай и еря тэ авэн бахталэ: и хула́я и хулая́ трэбуй тэ любин ек еқэс и тэ стон патив ек пэ еқэстэ, и родителя — тэ любин и тэ сытярэн пэстирэ бэятонэн, ай и бэяцэ — тэ кандэн лэ родителёнэн (Еф. 5:33; 6:1, 4). Хула́я, хулая́ и бэяцэ, приашундён каринг и мудри советоря анда Библия. На терэн варисо кати па кода, сар тумэ гиндон, кай када правильно, или кадя принято котэ, кай тумэ жувэн, или важ кода, кай кадя ԥэнэн и эксперторя. Используйте вся, со дэл амари орӷанизацыя. Вой дэл лашэ советоря пала кода, сар тэ прилас и библейски принцыпоря. w23.08 28, абз. 6, 7

Кода, сости сытёла и щеёры, кала инке цынёни, приӷодияпэ лати, кала вой вибарёла. Например, драго тэ адиной и тэ пистрой. Андэ дэсавэ культуры и мануша гиндон, кай ла жувляти на трэбуй тэ ӷанэн тэ адиной и тэ пистрой. Но када фартэ важно важ всаворэ христианоря (1 Тим. 4:13). Важ када сытю кадэлэсти, дажэ если тути када найвушэро тэ стерэс. Сар кода, кай ту ӷанэс тэ адинос и тэ пистрос, поможыя андэ жызня? Тути авэла май вушэро тэ арақэс бути. Ту сможэш драго тэ изучаеш лэ Дэвлэско Алав и тэ сытярэс аврэн. Ай со май ӷлавно, кала ту адиноса и Библия и лэса драго тэ розмышляеш, тири дружба лэ Иеговаса ашэла май састи (1 Тим. 4:15). w23.12 20, абз. 10, 11

Мангэн лэ Иеговастар помощь, кай тэ на подэнпэ лэ бэзэхэсти. Амэ нэсовершэни и важ када амэ постояно борисавас, кай тэ терас правильно. О Сатана старыийпэ тэ терэл вся, кай амэнди тэ авэл инке май ԥарэс. И ек анда лэстири ловушка — када тэ римой амари годи через и билажавардэ развличении. Кацавэ развличении ԥэрэн амари годи найлашэ гиндонэнца. Када римой лэ манушэско ди и можэт тэ анэн каринг о баро бэзэх (Мар. 7:21—23; Иак. 1:14, 15). Кай тэ на попэрас андэ лэ Сатанастири ловушка, амэ трэбуй тэ мангас помощь лэ Иеговастар. О Исусо, кала сытярэлас тэ мангэнпэ, ԥэндя: «Поможысар амэнди тэ на подаспэ лэ бэзэхэсти и фэрисар амэн лэ Бэнгэстар» (Матф. 6:13). О Иегова ӷотово амэнди тэ поможый, но амэ трэбуй тэ мангас лэс пала када. Ай тоди тэ терас кадя, сар манглямпэ. w23.05 6, 7, абз. 15—17

Если о хулай и хулаи цэнин пэстири дружба лэ Иеговаса, вонэ анда вся оди прилэн лэстирэ советоря. Ай када поможый лэнди тэ виритярэн о ԥаримос, через саво лэндири любовь можэт тэ шудрёл. Кодэла, кастэ лащи дружба лэ Иеговаса, старыинпэ тэ терэн кадя жэ, сар о Иегова, и андэ вся тэ шонпэ пэр лэстэ. Вонэ пристон о зор, кай тэ обжанпэ ек еқэса по доброму, на грабинпэ тэ холявэн и анда вся оди простин ек еқэс (Еф. 4:32—5:1). Андэ кацаво ери и любовь лэла кати тэ барёл. И Лена, сави миростэ ужэ май бут чем 25 бэрш, ԥэнэн: «Если кай о мануш лащи дружба лэ Иеговаса, лэс май вушэро тэ любис и тэ стос патив пэр лэстэ». Роздиқам примеро анда Библия. Кала о Иегова витидэлас лэ родителёнэн важ о Исусо, машкар бут лэ Давидостирэ потомкоря во шутя сама по Иосифо и Мария. Васо? Важ кода кай лэндэ сас лащи дружба лэ Иеговаса. О Дэл ӷанэнас, кай ӷлавно андэ лэнго ери авэла и любовь каринг лэстэ. w23.05 21, 22, абз. 3, 4

Амаро Ӷосподино, о Исусо Христос, — совершэно. Ай кодэла, через кастэ во руководий, — обычни, найсовершэни мануша. Амэнди можэт тэ авэл найвушэро лэн тэ кандас, особено если вонэ мангэн тэ стерас кода, со амэнди най фартэ чалёл. Андэ кацави ситуацыя еқварэс сас о апостало Пётро. О анӷело ԥэндя, кай во тэ хал лэ жывотнонэн, савэ па лэ Моисеёско законо сас найвужэ. О Пётро отԥэнделя — и най еқвар, ай тривар! (Дила 10:9—16). Васо? Во гиндояс, кай кадэя нэви указания сас неправильно. О апостало Павло, наоборот, сас ӷотово тэ кандэл, кала и барэдэр ԥрала андо Иерусалимо ԥэндэ лэсти тэ жал андо храмо вместе штарэ муршэнца и тэ вихаладёл лэнца, сар када трэбуй па обрядо. Тоди всаворэ диқлоп, кай о Павло ритярэл о законо. Во ӷанэнас, кай и христианоря будэр на ритярэн лэ Маисеёско законо, и кай нисо неправильно во на терэлас. И всаек «пэ авэр дес о Павло вмести кодэлэ муршэнца вихаладеля, сар трэбуй па обрядо» (Дила 21:23, 24, 26). Во кангля лэ барэдэрэ ԥралэн и кадя стердя, кай машкар ԥрала тэ авэл единство (Римо 14:19, 21). w23.10 10, абз. 15, 16

Можэт тумэнди и на авэла по гиндо, кай и друӷоря трэбуй тэ даран ек еқэстар, но, сар ԥэнэнпэ андо ӷлавно стихо андэ кадэя статья, кодэла, ко камэн тэ авэн пашутнэ друӷоря лэ Иеговасти, трэбуй лэстар тэ даран. Скати бэрш амэ тэ на служысардоп лэ Иеговасти, амэндэ всаворэндэ трэбуй тэ авэл правильно дар англа лэстэ. Но со када тэ дарас лэ Дэвлэстар? О мануш, савэстэ исин правильно дар англа Дэл, любий лэс и на камэл тэ римой пэстири дружба лэса. Имено кацави дар сас кай о Исусо. Андэ Библия ԥэнэнпэ, кай во «даралас лэ Дэвлэстар» (Евр. 5:7). Но када на сас дар, через сави во тинояспэ (Ис. 11:2, 3). О Исусо фартэ любияс лэ Иеговас и камэлас андэ вся лэс тэ кандэл (Иоан. 14:21, 31). Сар о Исусо, амэ стас бари патив по Иегова, важ кода кай во любящё, мудро, справедливо и зорало Дэл. Амэ ӷанас, кай о Иегова амэн любий, и лэсти най всаек, сар амэ пэс андярас, кала во амэн сытярэл. Через амэндэ лэ Иеговаско ди можэт тэ дуқал или тэ радуийпэ (Пс. 78:41; Прит. 27:11). w23.06 14, абз. 1, 2; 15, абз. 5

Кала о царё Узия ашэля зорало и лэстэ бут со драго вижалас, во бистэрдя, кай пала вся када во трэбуй тэ блаӷодарий лэ Иеговас. Сости амэ сытювас? Трэбуй тэ напоминаем пэсти, кай вся лашо, со амэндэ исин андэ жызня и андэ служэния, — лэ Иеговастар. Вместо кода, кай тэ путювас кодэлэса, со амэ домарделям, амэ трэбуй тэ отдас вся и слава лэ Иеговасти (1 Кр. 4:7). Амэ трэбуй тэ ашаспэ найӷорди и тэ прижанас, кай амэ найсовершэни и дэкала ласа тэ шылисавас. Ек ԥрал, савэсти май бут чем 60 бэрш, ԥэндя: «Мэ сытелэм май просто тэ диқав пэр пэстэ. Дэкала мэ набут шылисавав. И кала манди дэн совето, мэ старысавав тэ на отшав лэс. Вместо када мэ гиндосарав, сар тэ прилав кадэва совето. Важ мандэ када возможность тэ ашав май фэдэр». Если амэ кандас лэ Иеговас и на гиндосарас пала пэстэ фартэ бут, амэн чаче аштярэл бахтали жызня (Прит. 22:4). w23.09 10, абз. 10, 11

И пэрви христианоря трэбуй сас тэ ӷанэн тэ пэрэандярэн и ԥари время. Лэндэ сас най кати обычни проблемы, савэ исин кай всаворэ мануша, но лэндэ сас инке и авэр ԥаримос. Бутэн андар лэндэ приследовали най кати и иудейски барэдэра андэ веры или и римски власти, но и о родо (Матф. 10:21). Ай инке лэнди дэкала прижаласпэ тэ боринпэ лэ отступниконэнца и кодэлэса, сости вонэ сытярэнас, кай када тэ на розделий и собрания (Дила 20:29, 30). Но всаек кодэла христианоря на парашэнас тэ пэрэандярэн и ԥари время (Тайна 2:3). Со лэнди поможыяс? Вонэ гиндонас пала библейски примероря, сар авэр пэрэандярэнас о ԥаримос, например, о Иово (Иак. 5:10, 11). Кадяжэ вонэ мангэнаспэ пала зор (Дила 4:29—31). Ай инке кодэла христианоря сэрэнас пала кода, кай о Иегова блаӷословия лэн, если вонэ вся виритярэна (Дила 5:41). Амэндэ тожэ вижала вся тэ виритярас, если амэ вся и время ласа тэ гиндосарас, сар авэр пэрэандярэнас и ԥари время. Кацавэ примероря исин андэ Библия и андэ амари литература. w23.07 3, абз. 5, 6

О Иегова и о Исусо никала амэн на ашавэна. Посли кода, сар о Пётро отԥэнделя пэстирэ Ӷосподиностар, лэсти трэбуй сас тэ витидэл: тэ здэлпэ или тэ ашэлпэ лэ Христоско ученико. О Исусо анда вся оди мангэлас лэ Иеговас, кай о Пётро тэ на парашэл тэ патял. О Исусо ԥэндя лэ Петрости, кай во мангэласпэ пала лэстэ. Во кадяжэ ԥэндя, кай о Пётро ӷэт май интя сможэт тэ подритярэл пэстирэ ԥралэн (Лука 22:31, 32). Наверно, кажно разо, кала лэ Петрости авэнас по гиндо кадэла лэ Исусостирэ алава, во лэлас зор. Если андэ амари жызня авэла кацави ситуацыя, сар кай о Пётро, о Иегова сможэт тэ позаботийпэ пала амэндэ через и барэдэр ԥрала андэ собрания. Вонэ, сар заботливи пастухоря, поможына амэнди тэ ашаспэ верни лэ Дэвлэсти (Еф. 4:8, 11). Кадяжэ о Иегова позаботисайля пала Пётро и авэр апосталоря, кай лэндэ тэ авэн ловэ и вся, со трэбуй важ и жызня. Кадя жэ о Дэл позаботияпэ и пала кода, со трэбуй амэнди, если амэ стас и служэния по пэрво ҭан андэ жызня. w23.09 24, 25, абз. 14, 15

О Иегова па чачимастэ шол сама пэ любо, дажэ само цынёне амари лащи дила. Важ о Иегова када — кучутни жэртва, важ сави во дэла наӷрада. Если ту будэр най помошнико андэ собрания или барэдэр ԥрал, о Иегова всаек сэрэл о зор, саво ту стодян, и любовь, через сави ту терэсас и лащи дила (1 Кр. 15:58). Во кадяжэ шол сама, кай ту на парашэс тэ сыкавэс и любовь. О Иегова камэл, кай амари любовь каринг лэстэ и каринг авэр тэ ашэл май бари. Амари любовь каринг о Иегова ашэла май бари, если ласа тэ адиносарас лэско Алав, тэ розмышляем пала кода, со адиносарас, и часто тэ мангаспэ. Ай и любовь каринг и ԥрала и ԥэя авэла май бари, если амэ ласа пэ дила тэ поможысарас лэнди. Тоди амэ аваса инке май пашэ лэ Иеговаса и амарэ ԥралэнца и ԥэянца. И амари дружба авэла вечно! w23.07 10, абз. 11; 11, абз. 13; 13, абз. 18

Кажно христианино трэбуй екжэно тэ витидэл, сар тэ заботийпэ пала пэско зор. Андэ Библия исин кати дэсавэ законоря пала личения, например, тэ ритярдювас май дур лэ ратэстар и лэ бэнгалимастар (Дила 15:20; Гал. 5:19, 20). Андэ авэр маменторя амэ витидас екжэнэ. Дажэ если амэ уверени, кай витидям правильно личения, амэнди трэбуй тэ стас патив пэ кода, кай и ԥрала и ԥэя моӷут тэ витидэн екжэнэ. Ритярэн андо гиндо акэ со: 1) кати лэ Дэвлэско Царство улэла вся о насвалимос, саво исин кай и мануша (Ис. 33:24); 2) кажно христианино витидэл кода, со авэла со май драго важ лэстэ (Римо 14:5); 3) нащи тэ сындосарас аврэн или тэ терас кода, через со лэндири вера ашэла май слабо (Римо 14:13); 4) и христианоря сыкавэн и любовь и на гиндон, кай лэнго право тэ витидэн май важно, чем о единство андэ собрания (Римо 14:15, 19, 20). w23.07 24, абз. 15

Куч тути тири дружба лэ Иеговаса? Амэ уверени, кай да! Андэ всаворэ викоря сас мануша, савэ фартэ любинас лэ Иеговас (Пс. 104:33, 34). Вонэ бут состар отԥэндёнас важ лэстэ. Кадя терэнас и назареёря андо дэлмутно Израилё. О алав «назареё» пэ еврейско шыб сыкавэл «отдилимэ» или «отдино». Кадэва алав драго поджал каринг и израильтяноря, савэ анда вся оди, по особому служынас лэ Иеговасти, и бут состар отԥэндёнас. Па лэ Маисеёско законо о мурш чи жувли моӷли тэ дэн лэ Иеговасти алав, кай лэна варисави время тэ жувэн сар назареёря (Чис. 6:1, 2). Кадэва алав или бари обещяния сыкавэлас, кай о мануш лэл пэр пэстэ обязаности, савэ на сас кай авэр израильтяноря. Васо тоди варико камэлас тэ авэл назареё? И израильтяноря терэнас када через и бари любовь каринг о Иегова и блаӷодарность пала лэстирэ блаӷословении (Втор. 6:5; 16:17). w24.02 14, абз. 1, 2

О еврейско алав, саво андэ Библия пэрэандярдо сар «преданость» или «предано любовь», пэрэдэл о гиндо пала фартэ састи дружба. Кацави любовь о Дэл сыкавэл каринг пэстирэ друӷоря. Кадэва жэ алав используется, кай тэ росԥэнэн пала любовь, сави сыкавэн ек каринг еқэстэ лэстирэ служытеля (2 Сам. 9:6, 7). Амари преданость через и время можэт тэ ашэл май бари. Када драго сыкавэл лэ Даниилоско примеро. Андэ лэстири жызня сас бут ситуацыи, кала лэсти сас трэбуй тэ сыкавэл, ашэлапэ во предано лэ Иеговасти чи най. Но ек анда со май ԥарэ испытании лэстэ сас тоди, кала лэсти сас ужэ пала 90 бэрш. Лэ царёстирэ слуӷоря на любинас лэ Даниилос и совсем на стонас патив по Дэл, савэсти во тэлёлас. Важ када вонэ доԥэнделэ тэ умарэн лэ Даниилос. Вонэ стердэ кадя, кай о царё тэ подпистрой о законо, через саво дицэлоп, касти о Даниило авэла предано: пэстирэ Дэвлэсти или лэ царёсти. Вся, со сас трэбуй тэ терэл о ԥуро пророко, — када 30 деса тэ на мангэлпэ лэ Иеговасти. Кадя во сыкадоп, кай предано лэ царёсти, и лэс на казнисардоп. О Даниило отԥэнделя тэ ритярэл кадэва законо (Дан. 6:12—15, 20—22). w23.08 5, абз. 10—12

О Иегова камэл, кай амэ тэ на парашас тэ любисарас лэ ԥралэн и лэ ԥэян. Если вонэ андярдэ пэс амэнца най кадя, сар прижал лэ христианонэнди, амэ на ласа тэ гиндосарас, кай вонэ камэнас тэ стерэн амэнди найлашымос (Прит. 12:18). Патян, кай вонэ камэн тэ терэн кода, со ԥэнэн о Иегова, просто лэндэ када най вся и время вижал. О Дэл на отԥэндёл пэстирэ служытелёнэндар, савэ кандэн и любин лэс, хоть лэндэ исин нэдостаткоря и вонэ шылинпэ. Андэ Библия ԥэнэнпэ: «Во... най вся и вечность лэла тэ холявэл» (Пс. 103:9). Амэнди трэбуй тэ сытювас кай амаро небесно Дад и тэ простисарас аврэн (Еф. 4:32—5:1). Сэрэн, кай и время кадэла люмати фартэ пашэ. Важ када терэн вся, кай и дружба лэ ԥралэнца и лэ ԥэянца тэ авэл инке май састи. Возможно, пар мэндэ лэна инке май фартэ тэ тасавэн. Амэн дажэ моӷут тэ шон андо бар, важ кода кай амэ патяс андо Дэл. Тоди амэнди трэбуй авэла, кай и ԥрала и ԥэя амэн тэ подритярэн май фартэ, чем варикала (Прит. 17:17). w24.03 15, 16, абз. 6, 7

Андэ Библия амэ адиносарас пала тэрнэ мануша, савэ служынас лэ Иеговасти. Лэндэ сас пашутни дружба лэса и лэндири жызня сас бахтали. Ек андар лэндэ сас о Давидо. Инке андэ тэрнэ бэрша во ашэля лэ Иеговаско друӷо, ай ӷэт май интя — лашо царё англа Дэл (1 Цар. 3:6; 9:4, 5; 14:8). Если ту май бут уӷанэса пала лэ Давидостири жызня и служэния, ту май фартэ закамэса тэ служыс лэ Иеговасти. Ай инке можно тэ уӷанэс пала Марко и Тимафеё. Ту диқэса, кай вонэ линэ тэ служын лэ Иеговасти андэ тэрнэ бэрша и на парашэнас лэс тэ кандэн. Тэрнэ ԥрала и ԥэя, кода, со тумэ витидэн акана, повлияет пэ тумари жызня англэ. Если тумэ надеинпэ най пэр пэстэ, ай патян лэ Иеговасти, во поможыя тумэнди тэ прилэн лашэ ришэнии. Тумэ авэна па чачимастэ бахталэ. Сэрэн: о Иегова цэнуий вся, со тумэ терэн важ лэстэ. Со май лашо андэ жызня — када и служэния лэ Иеговасти, амарэ небеснонэ Дадэсти! w23.09 13, абз. 18, 19

О апостало Павло драго ӷанэнас, кай и ԥрала и ԥэя найидиальни. Например, кала во кати ашэля христианино, андэ собрания лэсти на допатянас (Дила 9:26). Ӷэт май интя, пала лэстэ розындярэнас и сплетни и камэнас тэ мэлярэн лэско алав (2 Кр. 10:10). О Павло диқэлас, сар ек барэдэр ԥрал нэправильно пэс андярэлас, и через када бут ко моӷ тэ парашэл тэ патял андо Дэл (Гал. 2:11, 12). Ек анда лэстирэ амала, о Марко, фартэ лэс подвэдисардя (Дила 15:37, 38). Андэ кажно ситуацыя о Павло моӷ тэ ришый важ пэстэ, кай парашэла тэ общяеца кадэлэ манушэнца. Но во старыияспэ тэ диқэл андэ ԥрала и ԥэя лашо и на парашэлас тэ служый лэ Иеговасти. Со лэсти андэ када поможысардя? Во любияс пэстирэ ԥралэн и ԥэян. Через када во май бут шолас сама пэ лэнго лашымос, ай най пэ лэндирэ нэдостаткоря. Кадяжэ када поможыяс лэ Павлости тэ терэл кода, со запистромэ андо стихо пэ адес. w24.03 15, абз. 4, 5

Андэ Библия росԥэнэнпэ пала бут мануша, савэндэ сас ковло ди. Ек андар лэндэ — о Исако. Кала во ля тэ жувэл паша филистимско форо Гераро и сосидоря линэ тэ завидуин лэсти. Вонэ зашутэ и хаинга, савэ виӷанадэ лэстирэ дадэстирэ слуӷоря. О Исако на ля тэ доԥэнэн, кай лэстэ сас право пэр лэндэ. Во просто пэрэжыля тэ жувэл андэ авэр ҭан и котэ виӷанадя нэвэ хаинга (Быт. 26:12—18). Но и филистимляноря ԥэндэ, кай кадэва паи тожэ прижал лэнди. Со бы тэ на авэл, о Исако всегда андярэлас пэс кадя, кай тэ авэл ладо (Быт. 26:19—25). Со поможысардя лэсти ковлэс тэ дэл дума, кала авэр камэнас тэ споринпэ лэса? Во сэрэлас, сар андярэнас пэс лэско дад о Авраамо и лэстири дэй и Сарра. Во диқэлас, кай лэско дад обжаласпэ мирно аврэ манушэнца, ай кай лэстири дэй сас «спокойно и ковло характеро» (1 Пёт. 3:4—6; Быт. 21:22—34). w23.09 15, абз. 4

О Иегова бишалдя пэстирэ пэрвонэ Шавэс пэ ԥув. О Исусо росԥэнэнас лэ манушэнди пала лэ Дэвлэско Царство и отдя пэстири жызня, кай тэ витинэн амэн лэ бэзэхэстар и ла смэртятар. Андэ када дицэля фартэ бари лэ Иеговастири любовь. Потом о Исусо жунделя, кай тэ жувэл по небо и тэ авэл Царё андэ лэ Дэвлэско Царство. Но када инке най вся, со можно тэ уӷанас пала лэ Дэвлэско замысло. Саво ӷлавно гиндо андэ Библия? О Иегова фэрия пэско лашо алав. Када авэла тоди, кала во через о Царство, андэ саво правий о Христос, стерэла вся, со загиндосардя важ и ԥув. Нисо на парувэла лэ Иеговаско замысло. О Дэл дэл алав, кай зритярэла всаворэ пэстирэ обещянии (Ис. 46:10; Евр. 6:17, 18). И ԥув ашэла раё, андэ саво и совершэни праведни лэ Адамостирэ и ла Еватирэ потомкоря лэна тэ радуинпэ ла жызняти вечно (Пс. 22:26). Но андо лэ Дэвлэско замысло ужал пэ бутэстэ май бут. О Иегова стерэла кадя, кай всаворэ лэстирэ служытеля по небо и пэ ԥув авэна сар ек ери. Вонэ прижанэна и власть лэ Всевышнёнэ Дэвлэстири и авэна полностью предани лэсти (Еф. 1:8—11). О гиндо пала кода, сар о Иегова терэл вся, со загиндосардя, фартэ лэл лэ одестар! w23.10 20, абз. 7, 8

Кала и евреёря авелэ андо Иерусалимо, лэндэ фартэ ӥто появисайлэ трудности. Лэнди на дохутилэнас и ловэ, кай тэ проправарэн пэстирэ еря. Андо Персицко царство сас нэспокойно. Ай и сосидни народоря вороӷуинас лэнца. Через када дэсавэнди сас ԥарэс тэ стон по пэрво ҭан андэ жызня кода, со сас май ӷлавно, — тэ строин о храмо. Акэ васо о Иегова бишалдя каринг лэндэ дуе пророконэн, лэ Агеёс и лэ Захарияс. Вонэ трэбуй сас тэ поможын лэ народости упалэ тэ закамэн тэ терэн дила важ о Иегова и вонэ стердэ кадэя дила (Агг. 1:1; Зах. 1:1). Но варикай через 50 бэрш кай и евреёря упалэ умэклэпэ и вас. Тоди андо Иерусалимо авеля о Ездра анда Вавилоно. Во драго ӷанэнас тэ пэрэпистрой о законо. Во поможысардя лэ народости тэ лэн зор и кай ӷлавно андэ лэндири жызня упалэ тэ авэл служэния лэ Иеговасти (Езд. 7:1, 6). Блаӷодаря лэ Агеёсти и лэ Захариясти изральтяноря надеинаспэ по Иегова, хоть пэр лэндэ тасавэнас и вороӷоря анда сосидни народоря. И алава кадэлэ пророконэндирэ поможына и амэнди, саво бы ԥаримос амэндэ тэ на авэл. (Прит. 22:19) w23.11 14, 15, абз. 2, 3

Сар амэ можэм тэ сыкавас и любовь пэ дила? Амэ можэм када тэ терас, если подритярас лэ ԥралэн и лэ ԥэян. Амэ сможэм тэ дас зор ек еқэсти, если ласа анда оди тэ жалуисарас ек еқэс (1 Фес. 4:18). Ай сар тэ на домэкас, кай амари любовь тэ ашэл май слабо? Трэбуй тэ простисарас аврэн, дажэ кала када найвушэро. Васо адес, сар никала, важно тэ любисарас ек еқэс? Шон сама, со пистросардя о апостало Пётро: «Ӥто вся парашэла тэ авэл». Важ када во ԥэндя лэ христианонэнди: «Фартэ любин ек еқэс» (1 Пёт. 4:7, 8). Амэ жувас андэ само послиднё время, кала о Дэл улэла кадэя найлащи люма. Со амэ можэм тэ аштярас? О Исусо ԥэндя, кай авэла акэ со: «Всаворэ народоря лэна тэ вэрыцын тумэн через мэрно алав» (Матф. 24:9). Кай тэ виритярас када, амэнди трэбуй тэ ритярдювас май пашэ ек еқэстэ. Тоди о Сатана нэ сможэт тэ стерэл кадя, кай амэ тэ парашас тэ ладисарас. Важ кода кай амэндэ исин любовь, сави пашарэл (Флп. 2:1, 2). w23.11 13, абз. 18, 19

Кай о чачимос анда Библия исин фартэ баро зор. Кала амэ росԥэнас лэ манушэнди, саво о Иегова, терэлпэ варисо удивительно — вонэ понабут парашэн тэ патян андэ лэ Сатанаско хохаимос и лэн тэ диқэн пэ амаро небесно Дад кадя жэ, сар амэ. Кала и мануша уӷанэн пала лэско баро зор, вонэ лэн тэ стон бари патив пэр лэстэ (Ис. 40:26). Вонэ лэн тэ патян андэ лэстири идеально справедливость (Втор. 32:4). Кадяжэ вонэ диқэн, сави дэ бари лэстэ мудрость и сытён лэстар (Ис. 55:9; Римо 11:33). Лэнди придэл зор, кала вонэ уӷанэн, кай о Дэл исин любовь (1 Иоан. 4:8). Кала вонэ пашон каринг о Иегова, лэндэ появийпэ надежда тэ жувэн вечно. Сави дэ бари бах — тэ авас лэ Иеговастирэ амала и тэ поможысарас лэ манушэнди тэ ашэн лэстирэ друӷоря! (1 Кр. 3:5). w24.02 12, абз. 15

Если ту изучаешь и Библия или барёс андэ ери, кай лэ Иеговастирэ свидетеля, гиндос ту, кай тэ болдёс? Када райкани дила! Но спэрва ту трэбуй тэ отдэс пэс лэ Дэвлэсти. Ай со трэбуй тэ терэс? Трэбуй андэ молитва тэ ԥэнэс, кай лэса тэ тэлёс кати лэсти и кай ӷлавно андэ тири жызня авэла тэ терэс кода, со во камэл. Кадя ту дэс алав лэ Иеговасти, кай лэса тэ любис лэс «всаворэ одеса, всаворя жызняса, всаворя годяса и всаворэ зорэса» (Мар. 12:30). Кадэя особо молитва — када дума кати машкар тутэ и о Иегова. Ай кала болдёс, кадэлэса ту сыкавэс всаворэнди, кай отдян пэстири жызня лэ Дэвлэсти. И акана ту камэс тэ зритярэс пэстири солах, сави дян лэ Дэвлэсти. О Иегова тожэ када тутар фартэ аштярэл (Эккл. 5:4). w24.03 2, абз. 2; 3, абз. 5

Андэ кажно ери исин трудности. Андэ Библия ворта ԥэнэнпэ, кай лэ манушэндэ, савэ жэнинпэ и жан миростэ «авэла нэво ԥаримос андэ жызня» (1 Кр. 7:28). Васо? Важ кода кай о хулай и хулаи — када найидиальни мануша. Кажнонэстэ андар лэндэ исин пэско характеро, и лэнди можэт най еқэндар варисо тэ чалёл. Вонэ моӷут тэ авэн анда разни культуры или лэн барярдэ по разному. Сар прожал время посли ябьяв, андэ лэнго характеро можэт тэ дицол кода, пэр со вонэ варикала на шонас сама. Через када лэндэ можэт тэ на авэл ладо. Вместо кода, кай тэ улэн кадэя проблема, о хулай и хулаи моӷут алавэнца тэ долэнпэ ек еқэстэ. Вонэ моӷут дажэ тэ гиндон, кай ек, со лэнди ашэляпэ, — када тэ жувэн отдельно или тэ подэн по розводо. Но ашэна вонэ кадэлэстар май бахталэ? Най. О Иегова камэл, кай о хулай и хулаи тэ на росжанпэ, дажэ тоди, кала лэнди найвушэро тэ ужувэнпэ ек еқэса. w24.03 16, абз. 8; 17, абз. 11

Посли кода, сар ту дян алав тэ жувэс важ о Иегова и болделян, ту на парашэсас май бут тэ уӷанэс пала лэстэ и тэ любис лэс. Через када ту инке май фартэ патясас, кай и вечно жызня, пэ сави ту надеиспэ, точно авэла (Евр. 5:13—6:1). Наверно, ту прожылян через кода, со запистромэ андо Римо 5:2—4. Тутэ сас разно ԥаримос, но, кала пэрэандярэсас лэс, ту полэсас, кай уӷодис лэ Дэвлэсти. Ту ӷанэс, кай о Иегова любий тут, и важ када ту фартэ патяс, кай во стерэла вся, пала со дя алав. Ту инке май фартэ лян тэ патяс, кай надеиспэ най евья. Ту цэнис и надежда инке май фартэ, чем тоди, кала кати уӷанглян о чачимос. Вой ашэля важ тутэ инке май чачуни. Вой влияет пэ тири жызня, пэ кода, сар ту обжаспэ лэ родоса, савэ ришэнии прилэс и дажэ сар тратис пэстири время. Да, если о Дэл амэнца довольно, амари надежда ашэл май састи. Лэ Павлостирэ алава поможын амэнди састэс тэ патяс, кай кода, пэр со амэ надеисавас, точно исполнияпэ (Римо 15:13). w23.12 12, 13, абз. 16—19

Дэкала через о баро ԥаримос амэ можэм тэ гиндосарас, тэ андярас пэс и тэ дас дума най кадя, сар обычно. Амэ можэм дажэ тэ на ӷатярас корко пэс. Кадя жэ сар и бари балвал шувидэл о кораблё андэ разни рига, кацаво жэ можэт тэ авэл и андэ амаро ди. Сар о Иегова поможый амэнди, кала амэндэ андо ди кадя жэ? Во дэл алав, кай дэла зор и поможыя, кай тиро ди тэ ашэлпэ састо андэ ԥари время. Кала о кораблё попэрэл андэ буря, лэс лэл тэ куний. Но лэстэ исин кода, со ритярэл, кай во тэ на пэрэийпэ па паи. Када плавникоря, савэ тала паи. Вонэ ростодэ па рига кай о кораблё и када поможый, кай во тэ на роскунийпэ. Важ када и мануша, савэ по кораблё, нисостар на даран и лэнди драго. Интересно, кай кадэла плавникоря май драго терэн тоди, кала о кораблё ладэл па паи. Точно кадя жэ о Иегова поможый, кай амаро ди тэ ашэлпэ састо андэ ԥари время, если амэ, можно тэ ԥэнас, на тердювас пэ ек ҭан. w24.01 22, абз. 7, 8

Кала ту дарас, пуш пэстар: «Со о Иегова ужэ стердя?» Погиндосар пала кода, со во создал. Например, дик пэ птицы и цвиторя. О Иегова заботийпэ пала лэндэ, хоть во на стердя лэн пар пэстэ и вонэ не моӷут тэ служын лэсти. Если во кадя драго диқэл пала лэндэ, во, канешно, позаботияпэ и пала тутэ (Матф. 6:25—32). Кацавэ гиндоря поможына май фартэ тэ патяс лэ Иеговасти. Погиндосар кадяжэ пала кода, сар во подритярэл пэстирэ служытелёнэн. Ту можэш май бут тэ уӷанэс пала кадэла мурша и жувля, савэ жувэнас андэ дэлмутни или андэ амари время. Кадяжэ на бистэр, со о Иегова стердя лично важ тутэ. Сар во пашардя тут каринг пэстэ? (Иоан. 6:44). Сар во дэлас ответоря пэ тирэ молитвы? (1 Иоан. 5:14). И сар через кода, кай о Исусо отдя пэстири жызня, ту можэш тэ радуиспэ кажно дес и тэ ӷанэс, васо жувэс? (Еф. 1:7; Евр. 4:14—16). w24.01 4, абз. 6; 7, абз. 17