Источникоря важ и тетрадка, кай тэ сытювас «Дром и служэния»
2—8 МАРТА
СОМНАК АНДА БИБЛИЯ | БЫТИЕ 22, 23
«О Дэл стердя лэ Авраамости проверка»
(Бытие 22:1, 2) Посли када о чачуно Дэл стердя лэ Авраамости проверка. Во ԥэндя лэсти: «Авраамо!» О Авраамо ԥэндя лэ Дэвлэсти: «Акэтало мэ!» 2 О Дэл ԥэндя: «Мангав тут, лэ пэстирэ шавэс, саво тутэ ек и савэс ту фартэ любис, лэ Исаакос, жа пэ ԥув Мориа́ и ан лэс котэ андэ жэртва по плай, пэ саво мэ тути сыкавава».
w12 1/1 23, абз. 4—6
Васо о Дэл ԥэндя лэ Авраамости тэ анэн андэ жэртва пэстирэ шавэс?
Трэбуй тэ шас сама пэ алава, савэ ԥэндя о Дэл лэ Авраамости: «Мангав тут, лэ пэстирэ шавэс, саво тутэ ек и савэс ту фартэ любис, лэ Исаакос, жа пэ ԥув Мориа и ан лэс котэ андэ жэртва» (Бытие 22:2). Шон сама, кай о Иегова по Исаако ԥэндя шаво, савэс о Авраамо фартэ любий. О Дэл ӷанэнас, сар дэ куч сас лэ Авраамости о Исаако. Лэ Иеговасти тожэ фартэ куч лэско Шаво и важ када во закамля па нэбо тэ ԥэнэн, кай о Иисусо лэско «любимо Шаво» (Марка 1:11; 9:7).
Кадяжэ шон сама, кай о Дэл ԥэндя лэ Авраамости: «Мангав тут». Сар ԥэнэн ек библеисто, кадэва алав сыкавэл, кай «о Ӷосподо полэл, пэ скати дэ куч кода, со во мангэл». Амэнди найвушэро тэ полас, сар дэ ԥарэс сас лэ Авраамости кодэлэстар, со мангля о Иегова. Инке май ԥарэс тэ полас, сар дэ дуқанэс сас лэ Иеговасти, кала во диқэлас, сар мучияспэ и мэрэлас лэско любимо Шаво. Кай о Иегова никала на сас и будэр никала на авэла кацави дук.
Можэт тэ здэлпэ, кай кода, со мангля о Иегова, када фартэ жэстоко. Но амэнди трэбуй тэ сэрас, кай о Иегова на домэкля, кай о Авраамо, саво лэс кангля, тэ анэн андэ жэртва пэстирэ шавэс. Кодэлэса, кай о Иегова фэрисардя лэ Исаакости и жызня, во уля лэ Авраамостар со май бари бида, сави кати можэт тэ авэл кай о дад. Но о Иегова «на жалуисардя пэстирэ Шавэс, но отдя лэс важ амэндэ всаворэндэ» (Римлянам 8:32). Васо о Иегова домэкля, кай лэстэ тэ авэл кацави дук? Во стердя када, кай «амэ тэ жувас» (1 Иоанна 4:9). Сар жэ драго када сыкавэл, пэ скати дэ фартэ любий амэн о Дэл! Хэба кадэлэстар на камас и амэ кадяжэ тэ сыкавас и любовь каринг лэстэ?
(Бытие 22:9—12) И акэ вонэ авелэ пэ кодэва ҭан, пэ саво о чачуно Дэл сыкадя лэ Авраамости. О Авраамо стердя котэ жэртвеннико, ростодя пэр лэстэ каш, сԥангля пэстирэ шавэсти лэ Исаакости и вас и и пэрнэ, и стодя лэс по жэртвеннико упрал па каш. 10 Тоди о Авраамо ля и шури, кай тэ умарэл лэ шавэс. 11 Но лэ Иеговаско анӷело ԥэндя лэсти па нэбо: «Авраамо, Авраамо!» О Авраамо ԥэндя лэсти: «Акэтало мэ!» 12 О анӷело ԥэндя: «На умар лэ шаворэс и нисо на тер лэсти. Акана мэ ӷанав, кай ту дарас лэ Дэвлэстар, важ кода кай ту на жалуисардян важ мандэ пэстирэ шавэс, саво тутэ ек».
(Бытие 22:15—18) Лэ Иеговаско анӷело до дуйто дя дума лэ Авраамоса па нэбо: 16 «О Иегова ԥэнэн: „Мэ солахав пэр пэстэ. Важ кода кай ту на жалуисардян важ мандэ пэстирэ шавэс, саво тутэ ек, 17 мэ блаӷословлю тут и дава тути бутэ потомконэн, скати жэ, скати исин черӷая по нэбо и скати исин чишай по морско бэрэӷо, и тиро потомко авэла хулай пэ пэстирэ враӷонэндирэ фороря. 18 И через тиро потомко блаӷословинапэ всаворэ народоря пэ ԥув, важ кода кай ту канглян ман“».
w12 15/10 23, абз. 6
Кандэ лэ Дэвлэс, кай тэ диқэс, сар во зритярэла пэстирэ обещянии
6 Кай тэ авэл лашимос всаворэ ӷрешнонэ мирости, о Дэл Иегова кадяжэ солахалас, например, кацавэ алавэнца: «О Владыка Ӷосподо Иегова ԥэнэн: „Жундо мэ“» (Иезекииль 17:16). Андэ Библия пистромэ май бут чем 40 раз, кала о Иегова ԥэнэнас солах. Файма, само ашунгло примеро, када кала о Иегова солахадя лэ Авраамости. Важ бут бэрша о Иегова стердя лэ Авраамоса най ек доӷоворо, то есть дя най ек обещяния, савэ всаворэ сыкавэн, кай о потомко, пала саво сас ԥэндо, трэбуй тэ авэл лэ Авраамостар через лэско шаво Исаако (Бытие 12:1—3, 7; 13:14—17; 15:5, 18; 21:12). Посли када о Иегова домэкля, кай лэ Авраамостэ тэ авэл ԥаримос, кала мангля лэс тэ анэн андэ жэртва пэстирэ шавэс. О Авраамо сразу кангля и сас ӷотово тэ анэн лэ Исаакос андэ жэртва, но лэ Дэвлэско анӷело тердярдя лэс. Тоди о Дэл ԥэндя: «Мэ солахав пэр пэстэ. Важ кода кай ту на жалуисардян важ мандэ пэстирэ шавэс, саво тутэ ек, мэ блаӷословлю тут и дава тути бутэ потомконэн, скати жэ, скати исин черӷая по нэбо и скати исин чишай по морско бэрэӷо, и тиро потомко авэла хулай пэ пэстирэ враӷонэндирэ фороря. И через тиро потомко блаӷословинапэ всаворэ народоря пэ ԥув, важ кода кай ту канглян ман» (Бытие 22:1—3, 9—12, 15—18).
Виарақас сомнак анда Библия
(Бытие 22:5) Тоди о Авраамо ԥэндя лэ слуӷонэнди: «Ашэнпэ катэ лэ ишакоса, ай амэ лэ шаворэса жаса интя, тэлюваса лэ Дэвлэсти и рисаваса тумэндэ».
w16.02 11, абз. 13
О Иегова ԥэндя пэр лэстэ, кай во лэско друӷо
13 Интересно, кай лэ слуӷонэнди, савэ жанас лэ Авраамоса и лэ Исаакоса, во ԥэндя: «Ашэнпэ катэ лэ ишакоса, ай амэ лэ шаворэса жаса интя, тэлюваса лэ Дэвлэсти и рисаваса тумэндэ» (Бытие 22:5). Со о Авраамо кадэлэса камлясас тэ ԥэнэн? Во ӷанэнас, кай трэбуй тэ анэн лэ Исаакос андэ жэртва. Хохадя о Авраамо пэстирэ слуӷонэнди, кала ԥэндя, кай о Исаако рияпэ? Най. Анда Библия амэ уӷанас, пала со моӷ тэ гиндой о Авраамо. (Адиносар Евреям 11:19.) Во погиндосардя, кай лэ Дэвлэстэ исин зор дажэ тэ рий лэ Исаакос каринг и жызня. Да, о Авраамо патялас, кай о Дэл можэт тэ рий лэ мулэн каринг и жызня! Во сэрэлас пала кода, кай о Иегова рисардя лэсти и ла Саррати возможность, кай лэндэ тэ авэн бэятцэ (Евреям 11:11, 12, 18). О Авраамо полэлас, кай о Иегова вся можэт тэ стерэл. Акэ васо во патялас, кай со бы тэ на терэлпэ андэ кодэва найвушэро дес, о Иегова рия лэсти лэ шавэс и зритярэла всаворэ пэстирэ обещянии. Най евья по Авраамо ԥэнэнпэ «дад всаворэнго... кастэ исин вера»!
(Бытие 22:12) О анӷело ԥэндя: «На умар лэ шаворэс и нисо на тер лэсти. Акана мэ ӷанав, кай ту дарас лэ Дэвлэстар, важ кода кай ту на жалуисардян важ мандэ пэстирэ шавэс, саво тутэ ек».
it «Предвидение, предопределение», абз. 18, 19
Тэ диқэл май англэ, тэ ԥэнэн, со авэла тэ терэлпэ
О Дэл най вся и время витидэл тэ диқэл, со авэла англэ. О Дэл най вся и время витидэл тэ диқэл, со авэла англэ, и када трэбуй тэ сжалпэ кодэлэса, со пистромэ андэ лэско праведно законо, и со во росԥэнэн важ пэстэ через и Библия. Кода, сости сытярэн пала судьба, на сжалпэ кодэлэса, со пистромэ андэ Библия. Андэр латэ най еқвар шолпэ сама, кай о Дэл спэрва розлэласпэ андэ ситуацыя и кати тоди виандярэлас и ришэния.
Например, андэ Бытие 11:5—8 пала Дэл ԥэнэнпэ, кай во шутя сама пэ ԥув, диқля, со терэлпэ андо Вавилоно, и кати тоди ришыл, со камэл тэ стерэл, кай и найлашэ мануша тэ на строин и башня. Кала о Содомо и Гоморра ԥэрделэ найлашимаса, о Иегова ԥэндя лэ Авраамости пала пэстири ришэния: «Продиқава [через и анӷелоря], чаче вонэ андярэн пэс кадя вэрыто, кай лэндар ровэнпэ. Мэ камав тэ ӷанав када» (Бытие 18:20—22; 19:1). О Иегова ԥэндя, кай ашэля май пашэ каринг о Авраамо, и, посли кода сар кодэва почти андясас андэ жэртва лэ Исаакос, во проԥэндя: «Акана мэ ӷанав, кай ту дарас лэ Дэвлэстар, важ кода кай ту на жалуисардян важ мандэ пэстирэ шавэс, саво тутэ ек» (Бытие 18:19; 22:11, 12; дик Неемия 9:7, 8; Галатам 4:9).
9—15 МАРТА
СОМНАК АНДА БИБЛИЯ | БЫТИЕ 24
«Хулаи важ о Исаако»
(Бытие 24:2—4) О Авраамо ԥэндя пэстирэ слуӷости, само барэдэрэсти анда пэско цэр, саво диқэлас пала вся лэско хабэ: «Мангав тут, сто пэско вас манди тала бедро 3 и дэ алав англа Иегова, саво Дэл лэ нэбоско и ла ԥувьяко, кай на лэса мэрнэ шавэсти хулая́ анда хананейски щея, машкар савэ мэ жував. 4 Жа пэ мэрнэ краёря каринг мэрно родо и лэ котэ хулая́ мэрнэ шавэсти лэ Исаакости».
wp16.3 14, абз. 3
Вой ԥэндя: «Жава»
О Авраамо ԥэндя лэ Елиезерости, кай во тэ солахал лэсти, кай на лэла лэ Исаакости хулая́ анда хананейки. Васо? Важ кода кай о миро, саво жувэлас андо Ханаано, на тэлёлас лэ Дэвлэсти лэ Иеговасти. О Авраамо ӷанэнас, кай о Иегова камэл тэ спушэл лэ хананеёнэндар важ лэндири найлащи дила. И о Авраамо на камэлас, кай лэско любимо шаво, о Исаако, варисар тэ авэл сԥангло кадэлэ мироса и тэ пэрэлэл лэндирэ билажавардэ абычая. Во кадяжэ ӷанэнас, кай через лэско шаво авэла кода, пала со о Дэл дя алав (Бытие 15:16; 17:19; 24:2—4).
(Бытие 24:11—15) Во тердярдя лэ верблюдонэн паша хаинг лэ паеса, сави сас паша форо. Када сас каринг о вэчэро, андэ кодэя время, кала и жувля вижан пала паи. 12 Во ԥэндя: «Иегова, Дэл мэрнэ ӷосподиноско лэ Авраамоско, мангав тут, сыкав, кай ту на парашэс тэ любис мэрнэ ӷосподинос и стер кода, пала со мэ мангав. 13 Акэ, мэ тердював паша хаинг, и анда форо жан и щея пала паи. 14 Мэк авэл кадя, кай и щей, савяти мэ ԥэнава: „Мангав тут, дэ о кувшыно, кай мэ тэ пав“. И мэк кодэя, сави ԥэнэна: „Пи, и тирэ верблюдонэн мэ тожэ паярава“, и авэла вой, кас ту витидян важ тиро слуӷо Исаако. Кадя мэ уӷанава, кай ту на парашэс тэ любис мэрнэ ӷосподинос». 15 Инке во на доԥэндя и дума, сар анда форо лэ кувшыноса по пиқо вижыля и Ревекка, щей лэ Вафуилостири, во ла Милкако и лэ Нахороско шаво, ай о Нахоро лэ Авраамоско ԥрал.
wp16.3 14, абз. 4
Вой ԥэндя: «Жава»
О Елиезеро ԥэндя, кай, кала во терделя кай и хаинг паша Харрано, во мангляпэ лэ Иеговасти. Андэ кодэя молитва во мангля помощь кай о Дэл, кай тэ витидэл хулая́ лэ Исаакости. О Елиезеро мангля лэ Дэвлэс тэ стерэл кадя, кай и щей, савя о Иегова витидя важ о Исаако, тэ авэл каринг и хаинг и, кала во мангэла латар тэ дэл паи, вой тэ паярэл най кати лэс, но и лэстирэ верблюдонэн (Бытие 24:12—14). И кадэя щей сас именно и Ревекка! Кати погиндон, со латэ авелоп по ди, если вой ашунглоп и дума, сави росԥэндя о Елиезеро!
(Бытие 24:58) Вонэ ақардэ ла Ревекка и пушлэ латар: «Жаса кадэлэ манушэса?» Вой ԥэндя: «Жава».
(Бытие 24:67) Посли када о Исаако андя ла Ревекка андэ катуна ла Сарратири, пэстиря датири. Кадя и Ревекка ашэля лэстиря хулаяса. О Исаако полюбисардя ла и лэсти по ди ашэля май вушэро посли ла датири смэрть.
wp16.3 14, абз. 6, 7
Вой ԥэндя: «Жава»
Дэсавэ курте палпалэ о Елиезеро пушля кай о Авраамо: «Ай если и щей на закамэла тэ жал манца?» О Авраамо ԥэндя: «Тоди пэр тутэ на авэла и солах, сави ту ԥэндян манди» (Бытие 24:39, 41). Андо цэр кай о Вафуило кадяжэ пушэнас ла щятар, жала вой чи на жала. Кай о Елиезеро сас фартэ драго по ди, кай лэстэ вижыля кода, состэ во авеля. Важ када во пэ авэр тэсара мангля тэ одмэкэн ла Ревекка, кай во май йто тэ рийпэ ласа андо Ханаано. Но лако ери камэлас, кай вой инке тэ заритярдёл лэндэ хоть пэ дэш деса. Кай тэ ришын кадэва вопросо, вонэ ԥэндэ: «Давайте ақараса ла щя и пушаса латар» (Бытие 24:57).
Ла Ревеккати трэбуй сас тэ стерэл важно выборо, савэстар зависела вся латири жызня. Со вой ԥэнэна? Лэла вой тэ мангэл лэ дадэстар и пэстирэ ԥралэстар тэ жалуин ла и тэ на одбишалэн андэ страна, сави вой на ӷанэн? Или жэ важ латэ авэла бари честь тэ участвует андэ дила, андэ сави драго дицолас лэ Иеговаско вас? Андэ ла щяко атвето дицол, сар вой диқэлас пэ кода, кай латэ андэ жызня кадя йто вся трэбуй тэ парудёл. Вой просто ԥэндя: «Жава» (Бытие 24:58).
Виарақас сомнак анда Библия
(Бытие 24:19, 20) Кала вой лэс паярдя, вой ԥэндя: «Мэ анава о паи и важ тирэ верблюдоря, пока вонэ на чалёна». 20 И посли кода, сар вой йто вишутя вся анда кувшыно андэ поилка, вой ля тэ прастэл каринг и хаинг и тэ анэн о паи важ лэстирэ верблюдоря.
wp16.3 12—13
Вой ԥэндя: «Жава»
Еқвар вэчэром, кала вой ужэ набрала паи и тидэласпэ тэ жалтар, каринг латэ подпрастая ԥуро мануш. Во ԥэндя: «Мангав тут, дэ манди тэ пав набут паи анда тиро кувшыно». Сар дэ сэжо и пативалэс во када ԥэндя! Дицолас, кай о мануш авеля дурал. И Ревекка йто зля о кувшыно па пиқо и дя лэсти паи, и вой дя най просто ек ӷлоточко, ай анда оди дя лэсти свижо, шудро паи. Кадяжэ вой шутя сама, кай найдур пашлён дэш верблюдоря, ай о паи андэ поилка нинай. Кадэва мануш внимательно диқэлас пэр латэ, и вой закамля тэ сыкавэл пэстири щедрость инке май фартэ. Важ када вой ԥэндя: «Мэ анава о паи и важ тирэ верблюдоря, пока вонэ на чалёна» (Бытие 24:17—19).
Шон сама, кай и Ревекка предложыла най кати тэ дэл паи лэ верблюдонэнди, ай тэ анэн о паи, пока вонэ на чалёна. О верблюдо, саво фартэ камэл тэ пэл, можэт тэ випэл варикай 100 литров паи! Если всаворэ дэш верблюдоря фартэ камэнас тэ пэн, тоди ла Ревеккати прижылопэ тэ терэл кадэя найвушэро дила най ек часо. Но, файма, кадэла верблюдоря най фартэ камэнас тэ пэн паи. Ӷанэнас пала када и Ревекка, кала предложыла тэ паярэл лэн? Най. Но вой сас ӷотово тэ стерэл вся, со авэла трэбуй, кай тэ шол сама кадэлэ найжанглэ манушэс. Кадэва мануш приля латири помощь. Пока вой прастэлас каринг и хаинг и палпалэ, ԥэрэлас о кувшыно и вишолас о паи андэ поилка, кадэва ԥуро мануш внимательно диқэлас пала латэ (Бытие 24:20, 21).
wp16.3 13, сноска
Вой ԥэндя: «Жава»
Вся када сас каринг о вэчэро. Андэ Библия на ԥэнэнпэ, кай и Ревекка сас паша хаинг най ек часо. Кадяжэ андэр латэ на ԥэнэнпэ пала кода, кай, кала вой рисайля цэрэ, лако ери ужэ совэлас или кай варико авеля пала латэ, кай тэ уӷанэн, васо вой заритярделя.
(Бытие 24:65) и пушля кай о слуӷа: «Со за мануш жал па мал каринг амэндэ?» О слуӷа ԥэндя лати: «Када мэрно ӷосподино». Тоди вой ля о қосно и шутя лэс по шэро.
wp16.3 15, абз. 3
Вой ԥэндя: «Жава»
И акэ авеля о дес, пала саво ԥэнэнаспэ май упрэ. Кала о каравано полокэс жалас па местность Негево, андэ сумерки и Ревекка додиқля лэ манушэс, саво жалас па мал. Кадэва мануш сас задумчиво, андэ пэстирэ гиндоря. Вой йто змэкляпэ па верблюдо, можэт дажэ на доаштярделя, пока о жывотно тэ притэлёл пэ чанга, и пушля кай о слуӷа: «Со за мануш жал па мал каринг амэндэ?» Сар вой уӷангля, кай када о Исаако, вой шутя по шэро о қосно (Бытие 24:62—65). Состэ? Наверно, кай тэ сыкавэл патив каринг пэско будущё хулай. Андэ амари время тэ терэн кадя можэт тэ здэлпэ ԥуриканэс. И мурша и и жувля моӷут тэ сытён кай и Ревекка, сар тэ на заваздэн о шэро. Касти андар мэндэ на камлопэ тэ авас инке май смиренни?
16—22 МАРТА
СОМНАК АНДА БИБЛИЯ | БЫТИЕ 25, 26
«О Исаво битинэн о право, саво прижал лэсти сар барэдэрэсти»
(Бытие 25:27, 28) И шаворэ вибарелэ, и о Исаво ашэля лашо охотнико, ла маляко мануш, ай о Иаково бут время проандярэлас андэ катуны. Во ни андэр со на сас дошало. 28 О Исаако любияс лэ Исавос, важ кода кай кодэва праварэлас лэс масэса, ай и Ревекка любияс лэ Иаковос.
it «Иаков», № 1, абз. 3
Иаково
Кай о Исаво, саво сас любимо лэ Исаакоско шаво, сас буйно, найкандино характеро, и кадяжэ во любияс и охота. О Иаково сас авэр мануш, пала саво сас ԥэндо, кай «бут время проандярэлас андэ катуны... [и] ни андэр со на сас дошало [евр. там]». Кай о Иаково сас спокойно жызня и во пасыяс лэ бакрэн. Во сас хулаицко мануш. Лэс фартэ любияс и дэй (Бытие 25:27, 28). О еврейско алав там пистромэ и андэ авэр ҭана андэ Писания, кала жал дума пала кодэла, ко чалёл лэ Дэвлэсти. Например, и найлашэ мануша вэрыцын лэ най дошалэс, но о Иегова ԥэнэн, кай кадэлэ манушэстэ англэ авэла мирно жызня (Притчи 29:10; Псалом 37:37). По Иово, саво ашэляпэ вужо англа Дэл, сас ԥэндо, кай «во никала на хохавэл и кандэл лэ Дэвлэс андэ вся [евр. там]» (Иов 1:1, 8; 2:3).
(Бытие 25:29, 30) Еқвар, кала о Исаво авеля па мал цыено, о Иаково тавэлас юшка. 30 О Исаво ԥэндя лэ Иаковости: «Май йто дэ мандэ тэ хав и лоли юшка, сави ту тавэс, мандэ совсем нинай зор!» (Важ када пэр лэстэ ԥэндэ Эдо́мо.)
(Бытие 25:31—34) О Иаково ԥэндя: «Спэрва битин манди о право, саво прижал тути, сар барэдэрэсти!» 32 О Исаво ԥэндя: «Инке набут и мэ мэрава! Тоди пэр со манди трэбуй кадэва право?» 33 О Иаково ԥэндя: «Солаха манди!» Кодэва солахадя лэ Иаковости и битиндя о право, саво прижал лэсти, сар барэдэрэсти. 34 Тоди о Иаково дя лэ Исавости марно и чечевично юшка. Во халя и пиля, ай тоди ущеля и жылятар. Кадя о Исаво сыкадя, кай на цэнияс о право, саво прижалас лэсти, сар барэдэрэсти.
Васо амэнди трэбуй тэ авас блаӷодарни?
11 Дэсавэ мануша, пала савэ пистромэ андэ Библия, на сас блаӷодарни. Ек андар лэндэ, када о Исаво. Лэско дад и дэй старыинаспэ тэ сытярэн лэс, кай во тэ любий и тэ полэл лэ Иеговас, но во на цэнияс кода, со сас «свынто». (Адиносар Евреям 12:16.) Андэр со дицолас, кай во на сас блаӷодарно? О Исаво дажэ на загиндосайля пала кода, кала битиндя важ ек чаро хамос пэсти ԥралэсти лэ Иаковости, саво сас цыкнэдэр, пэстири блаӷословения, сави пэрэлас лэсти, сар барэдэрэ шавэсти (Бытие 25:30—34). Май англэ о Исаво фартэ пожалел, важ кода со во стердя. Но кода, кай во сас найблаӷодарно и на цэнияс кода, со «свынто», лэсти най васо сас тэ холявэл, кай на дорэсляпэ и блаӷословения, сави пэрэлас лэ барэдэрэ шавэсти.
it «Первенец», абз. 2
Пэрво бэято
Жы анда дэлмутни время пэ пэрво шаво стонас бари патив андо ери, и во ашэлас ӷлавно андо ери посли лэ дадэстири смэрть. Лэсти пэрэлас двойно пай лэ дадэстирэ хабэстар (Второзаконие 21:17). О Иосифо, кала ростолас лэ ԥралэн пала столо, дя лэ Рувимости ҭан, саво прижалас лэсти, сар барэдэрэсти (Бытие 43:33). Но андэ Библия, кала пэрэчисляюца и ԥрала, о барэдэр най вся и время жал пэрво. Обычно пэрво андэ кацави пэрэчисления жалас най о барэдэр, ай о само ашунгло шаво или кодэва, ко даралас лэ Дэвлэстар, и кадя каринг лэстэ сыкавэнас и патив (Бытие 6:10; 1 Летопись 1:28; дик Бытие 11:26, 32; 12:4; дик НАСЛЕДСТВО; ПЕРВОРОДСТВА ПРАВО).
Виарақас сомнак анда Библия
(Бытие 25:31—34) О Иаково ԥэндя: «Спэрва битин манди о право, саво прижал тути, сар барэдэрэсти!» 32 О Исаво ԥэндя: «Инке набут и мэ мэрава! Тоди пэр со манди трэбуй кадэва право?» 33 О Иаково ԥэндя: «Солаха манди!» Кодэва солахадя лэ Иаковости и битиндя о право, саво прижал лэсти, сар барэдэрэсти. 34 Тоди о Иаково дя лэ Исавости марно и чечевично юшка. Во халя и пиля, ай тоди ущеля и жылятар. Кадя о Исаво сыкадя, кай на цэнияс о право, саво прижалас лэсти, сар барэдэрэсти.
(Евреям 12:16) Кай тэ на авэл кодэва, ко андярэл пэс билажавардэс, ни кодэлэс, важ кастэ найкуч, со свынто, сар о Исаво, саво пала ек чаро хамос битиндя пэстири блаӷословения, сави пэрэлас лэ барэдэрэ шавэсти.
Пушэн кодэла, ко адинон
Акана рисаваса каринг о стихо Евреям 12:16. Андэр лэстэ ԥэнэнпэ: «Кай тэ на авэл кодэва, ко андярэл пэс билажавардэс, ни кодэлэс, важ кастэ най куч, со свынто, сар о Исаво, саво пала ек чаро лэ хамаса битиндя и пай, сави пэрэлас лэсти, сар лэ барэдэрэсти». Сар тэ полас кадэла алава?
О апостоло Павло на дэлас дума, кастар жыля о Христос. Во ԥэнэнас лэ христианонэнди: «Стерэн дрома, кай ворта тэ авэн важ тумарэ пэрнэ». Тэ на тердоп вонэ билажавардимос, тоди о Дэл диноп лэнди пэско лашимос, саво вонэ на затердэ (Евр. 12:12—16). Тэ тердоп вонэ билажавардимос, тоди вонэ стердоп, сар тердя о Исаво, саво на ценияс, со свынто и парудя лэс пэ кода, со лэсти камэласпэ.
О Исаво жувэлас андэ время, кала жувэнас и пророкоря. Важ када, дэкала лэсти ԥэнэнас, кай во тэ анэн лэ Дэвлэсти жертва (Быт. 8:20, 21; 12:7, 8; Иов 1:4, 5). О Исаво гиндояс най сар лэ Дэвлэско мануш. Во парудя и свынто дила, сави во тердоп, важ кода кай барэдэр, по ек чаро юшка! Во камля, кай лэстэ тэ на авэл о ԥаримос, пала саво сас дэлмут ԥэндо, кай трэбуй тэ авэл кодэлэндэ, ко жала лэ Авраамостар (Быт. 15:13). Кадяжэ о Исаво сыкадя, кай на цений, со свынто, кала во женисайля пэ дуй манушня, савэ тэлёнас аврэ дэвлэнди. Через када, кай лэстирэ родителя сас найдраго по ди (Быт. 26:34, 35). Ай о Иаково на стердя, сар о Исаво. О Иаково витидя пэсти хулая, сави служияс чачунэ Дэвлэсти (Быт. 28:6, 7; 29:10—12, 18).
Со амэ полям анда кода, со уӷанглям? Бут мурша, кастар жыля о Христос, па чачимастэ сас барэдэра шавэ андэ еря, но най всаворэ. И евреёря ӷанэнас када и нисо андэ када на диқэнас вэрыто. Вонэ полэнас, кай о Христос кодэва, ко жыля лэ Давидостар, саво сас само цыкнэдэр шаво лэ Иессеёско (Матф. 22:42).
(Бытие 26:7) Кала и катутнэ мануша пушэнас пала лэстири хулаи, во ԥэнэнас: «Када мэрни ԥэй». Во даралас тэ ԥэнэн: «Када мэрни хулаи», во гиндояс: «И катутнэ мануша через и Ревекка моӷут тэ умарэн ман», важ кода кай вой сас шукарни.
it «Ложь», абз. 7
Хохаимос
Андэ Библия ворта пистромэ, кай кала о мануш хохавэл, кай тэ стерэл вэрыто, када найлашимос. Но о мануш нэ обязано тэ ԥэнэн точно инфармацыя кодэлэнди, кастэ нинай право пала када тэ ӷанэн. О Иисус Христос ԥэндя: «На дэн о свынто лэ хортонэнди и на шон о жэмчуӷо англа балэ, кай вонэ тэ на затопчин лэс, ай потом тэ на бандён и тэ на росшынэн тумэн» (Матфея 7:6). Акэ васо о Иисусо на росԥэнэнас вся или на дэлас атвето ворта пэ дэсавэ вопросоря андэ кодэла маменторя, кала када моӷло тэ анэн о вэрытимос (Матфея 15:1—6; 21:23—27; Иоанна 7:3—10). Наверно, кацавя жэ ригатар трэбуй тэ диқас и пэ кода, сар андярдэ пэс о Авраамо, о Исаако, и Раав, и о Елисеё, кала вонэ на виԥэнэнас о чачимос кодэлэнди, ко на служыяс лэ Иеговасти, или на росԥэнэнас лэнди вся со ӷанэн (Бытие 12:10—19; ӷл. 20; 26:1—10; Иисус Навин 2:1—6; Иакова 2:25; 2 Царей 6:11—23).
23—29 МАРТА
СОМНАК АНДА БИБЛИЯ | БЫТИЕ 27, 28
«О Исаако блаӷословий лэ Иаковос»
(Бытие 27:6—10) Ай и Ревекка ԥэндя лэ Иаковости: «Мэ ашундэм, сар тиро дад ԥэндя тирэ ԥралэсти лэ Исавости: 7 „Ан мас, стер лашо хамос, и дэ манди тэ хав, кай мэ англа кода, сар тэ мэрав, тэ блаӷословлю тут англа Иегова“. 8 И акэ, шаво, ашун ман драго и стер кадя, сар мэ ԥэнава. 9 Жа и ан манди анда стадо дуе со май лашэ бузнорэн, и мэ стерава андар лэндэ лашо хамос, кацаво, саво любий тиро дад. 10 Ай тоди андярэса лэс лэ дадэсти, кай во тэ хал и тэ блаӷословий тут англа пэстири смэрть».
w04 15/4 11, абз. 4, 5
И Ревекка даралас лэ Дэвлэстар и сас решытельно жувли
Андэ Библия най пистромэ, ӷанэн ли о Исаако пала кода, кай о Исаво трэбуй тэ служый лэ Иаковости. Сар бы тэ на авэл, и Ревекка и о Иаково ӷанэн, кай и блаӷословения трэбуй тэ пэрэл лэсти. Кала и Ревекка ашунэл, кай о Исаако камэл тэ блаӷословий лэ Исавос, кала кодэва стерэла лэсти хамос, вой на цырдэл и время, кай варисо тэ терэл. Вой кадяжэ йто прилэл и ришэния, сар и тоди, кала сас тэрни. И Ревекка ԥэнэн лэ Иаковости тэ анэн лати дуе бузнорэн. Андар лэндэ вой стерэла хамос, саво любий лако хулай. Тоди о Иаково трэбуй тэ видэл пэс важ о Исаво, кай о дад лэс тэ блаӷословий. О Иаково на камэл кадя тэ терэл. О дад всаек уӷанэна пала кадэва хохаимос и дэла амрая лэс! И Ревекка тердёл пэ пэско: «И амрая авэла най пэр тутэ, ай пэр мандэ». Посли када вой терэл о хамос, инке вой утидэл лэ Иаковос, сар лэ Исавос, и бишалэл лэс каринг о Исаако (Бытие 27:1—17).
Андэ Библия на росԥэнэнпэ, васо и Ревекка тердя именно кадя. Бут ко гиндон, кай вой стердя вэрыто, но андэ Библия пала када кадя на ԥэнэнпэ. О Исаако тожэ на гиндой пала латэ вэрыто, кала уӷанэн, кай во блаӷословил лэ Иаковос. Во дажэ блаӷословий лэс инке май фартэ (Бытие 27:29; 28:3, 4). И Ревекка ӷанэн лэ Иеговаско пророчество пала латирэ шавэ. Важ када вой терэл кода, со трэбуй, кай о Исаако тэ дэл и блаӷословения лэ Иаковости, сави лэсти прижал. Када сжалпэ кодэлэса, со камэл о Иегова (Римлянам 9:6—13).
(Бытие 27:18, 19) Во вижыля каринг о дад и ԥэндя: «Дад!» Кодэва ԥэндя: «Ко ту, мэрно шаво?» 19 О Иаково ԥэндя лэ дадэсти: «Мэ о Исаво, тиро барэдэр шаво. Мэ стердэм вся, сар ту ԥэндян. Ущи, мангав тут, и ха о мас, кай ту тэ блаӷословис ман».
w07 1/10 31, абз. 2, 3
Пушэн кодэла, ко адинон
Андэ Библия на ԥэнэнпэ, васо и Ревекка и о Иаково кадя тердэ, но дицол, кай нико на аштярэлас, кай вижала кацави ситуацыя. Но трэбуй тэ шас сама, кай лэ Дэвлэско Алав нэ оправдывает и на сындой кода, со вонэ стердэ, важ када нащи тэ ԥэнас, кай кадэва случаё домэкэл, кай можно тэ хохавас. И Библия поможый май драго тэ полас кадэя ситуацыя.
Пэрво, анда Библия дицол, кай лэ Иаковостэ сас право, кай лэско дад тэ блаӷословий лэс, ай най лэ Исавос. Май англал о Иаково па законо витиндя о право, саво прижалас лэстирэ ԥралэсти, сар барэдэрэсти. О Исаво на цэнияс пэско право и битиндя лэс важ ек чаро юшка, кала сас фартэ боқало. Кадя во «сыкадя, кай на цэнияс о право, саво прижалас лэсти, сар барэдэрэсти» (Бытие 25:29—34). Вижал, о Иаково авеля кай о дад пала блаӷословения, сави па чачимастэ прижалас лэсти.
(Бытие 27:27—29) Во пашэля каринг о дад и чуминдя лэс, и кодэва почувствовал о запахо лэстиря йдатар. Тоди о Исаако блаӷословил лэс и ԥэндя: «О запахо мэрнэ шавэско, сар о запахо ла маляко, сави блаӷословил о Иегова. 28 Мэк о чачуно Дэл дэла тути дросын па нэбо и лащи ԥув, пэ сави драго вся барёл, бут зэрно и тэрно вино. 29 Мэк и народоря служын тути и и нацыи тэлён тути. Ав хулай пэ пэстирэ ԥрала и мэк и шавэ тиря датирэ тэлён тути. Кодэва, ко тут дэл амрая, авэла бибахтало, ай кодэва, ко тут блаӷословляет, авэла блаӷословлённо».
it «Благословение», абз. 19
Блаӷословения
Андэ время, кала жувэнас и патриархоря, о дад трэбуй сас англа пэстири смэрть тэ блаӷословий пэстирэ шавэн. Кацави блаӷословения сас фартэ важно и фартэ цэнияспэ. Кадя, о Исаако блаӷословил лэ Иаковос, кала приля лэс важ о Исаво. О Исаако ԥэндя най лэ Исавости, ай лэ Иаковости, кай лэстэ авэла лашимос и райкани жызня. Важ кода кай каринг кодэя время о Исаако сас ужэ ԥуро и коро, во мангэлас лэ Иеговастар, кай тэ авэл кадэя блаӷословения (Бытие 27:1—4, 23—29; 28:1, 6; Евреям 11:20; 12:16, 17). Май интя о Исаако, кала во ужэ вся уӷангля, подтвердисардя пэстири блаӷословения и стердя ла инке май бари (Бытие 28:1—4). О Иаково, кала мэрэлас, блаӷословил спэрва дуен лэ Иосифостирэ шавэн, ай тоди и пэстирэ шавэн (Бытие 48:9, 20; 49:1—28; Евреям 11:21). Кадяжэ и о Моисеё англа пэстири смэрть блаӷословил вся о народо Израилё (Второзаконие 33:1). Сар сыкадя и время, всаворэ кадэла мануша ԥэнэнас пророчества. Дэкала, кала о мануш ԥэнэнас и блаӷословения, во столас о вас по шэро кодэлэско, кас блаӷословияс (Бытие 48:13, 14).
Виарақас сомнак анда Библия
(Бытие 27:46—28:2) Посли када и Ревекка ԥэндя лэ Исаакости: «Мэрни жызня ашэля фартэ ԥари через лэ Хетостирэ щея. Если о Иаково тожэ лэла хулая анда лэ Хетостирэ щея, анда катутнэ жувля, тоди фэдэр манди тэ мэрав!»
28 Важ када о Исаако ақардя лэ Иаковос, блаӷословил лэс и ԥэндя лэсти: «На лэ пэсти хулая анда лэ Ханааностирэ щея. 2 Жа андо Падда́н-Ара́мо, андо лэ Вафуилоско цэр, кай тиря дако дад, и лэ пэсти котэ хулая анда лэ Лаваностирэ щея, кай тиря дако ԥрал.
w06 15/4 6, абз. 3, 4
Со поможый, кай андо ери всаворэ тэ ладин ек еқэса
Вижыля кай о Исаако и Ревекка драго тэ полэн ек еқэс? Кала лэнго шаво о Исаво жэнисайля пэ дуй хеттеянки, андэ лэнго ери ашэля бари проблема. И Ревекка ԥэндя лэ Исаакости: «Мэрни жызня ашэля фартэ ԥари через лэ Хетостирэ щея. Если о Иаково [лэнго цыкнэдэр шаво] тожэ лэла хулая анда лэ Хетостирэ щея... тоди фэдэр манди тэ мэрав!» (Бытие 26:34; 27:46). Кадя вой росԥэндя, со латэ сас по ди.
О Исаако поля, со по ди кай лэстири хулаи и ԥэндя лэ Иаковости тэ на лэл пэсти хулая́ анда хананейски щея (Бытие 28:1, 2). Да, о Исаако и Ревекка моӷли драго тэ полэн ек еқэс дажэ андэ найвушэри семейни вопросоря. Саво дэ лашо примеро важ амэндэ! Но со моӷут тэ терэн о хулай и хулаи, если лэндэ на вижал тэ дополэн ек еқэс?
(Бытие 28:12, 13) Лэсти снисайля суно, кай пэ ԥув тердёл лесница, вой дорэсэл жы каринг о нэбо и пар латэ ваздэнпэ и змэкэнпэ лэ Дэвлэстирэ анӷелоря. 13 Ай упрал пэ лесница во додиқля лэ Иеговас, саво ԥэнэнас: «Мэ о Иегова, Дэл тирэ дадэско лэ Авраамоско и Дэл лэ Исаакоско. И ԥув, пэ сави ту пашлёс, мэ дава тути и тирэ потомконэнди.
w04 15/1 28, абз. 5
Интересни гиндоря анда книӷа Бытие. Часть 2
28:12, 13. Со сыкавэл лэ Иаковоско суно, андэ саво во диқля и лестница? Можэт, када сас и лесница анда барунэ ступеньки, сави ваздэласпэ упрэ. Вой сыкавэлас, кай исин связь машкар нэбо и ԥув. Кода, кай па лесница ваздэнаспэ и змэкэнаспэ и анӷелоря, сыкавэлас, кай лэндири служэния фартэ важно, кай о Дэл тэ общяеца лэ манушэнца, савэ лэсти чалён (Иоанна 1:51).
30 МАРТА — 5 АПРЕЛЯ
СОМНАК АНДА БИБЛИЯ | БЫТИЕ 29, 30
«О Иаково жэнийпэ»
(Бытие 29:18—20) О Иаково полюбисардя ла Рахиля. Важ када во ԥэндя: «Мэ лава тэ терав пэр тутэ семь бэрш важ тири цыкнэдэр щей Рахиль». 19 О Лавано ԥэндя: «Фэдэр мэ отдава ла тути, чем аврэ муршэсти. Жув мандэ». 20 О Иаково терэлас важ и Рахиль семь бэрш, но важ лэстэ вонэ провуряйлэ сар ек дес, важ кода кай во любияс ла.
w03 15/10 29, абз. 5
О Иаково цэнияс вся, со жалас лэ Дэвлэстар
Кай тэ доԥэндён важ о ябьяв, трэбуй сас тэ дэн ловэ ла тэрнятирэ ерести. Па лэ Моисеёско законо о мурш, саво сас ла щяса, трэбуй важ латэ тэ потинэл 50 рупунэ сикли. О иследователё Гордоно Уэнхемо ԥэнэн, кай када сас «само баро выкупо важ и тэрни» и кай обычно о выкупо сас пэ бутэстэ май цыкно (Второзаконие 22:28, 29). Кай о Иаково на слинэ ловэ, важ када во предложыл тэ терэл по Лавано 7 бэрш. О Уэнхемо ԥэнэн, кай «андэ время, кала сас дэлмутно Вавилоно, лэ рабочоности андо шон потинэнас епаш жы кай ек сиклё [42 жы кай 84 сикля важ семь бэрш], важ када о Иаково дэлас лэ Лаваности фартэ баро выкупо важ и Рахиль». О Лавано сразу жэ соӷласился (Бытие 29:19).
(Бытие 29:21—26) Потом о Иаково ԥэндя лэ Лаваности: «Мэ стердэм вся и бути, дэ манди мэрня хулая́, кай мэ тэ жував ласа». 22 Тоди о Лавано стидя всаворэн катутнэ манушэн, и стодя тэ хан, тэ пэн. 23 Ай вэчэром во андя каринг о Иаково пэстиря щя ла Лия, кай во тэ авэл ласа. 24 О Лавано дя пэстиря служанка ла Зелфа, кай вой тэ авэл служанка лэстиря щяти ла Лияти. 25 Тэсара о Иаково додиқля, кай када и Лия! Тоди во ԥэндя лэ Лаваности: «Сости ту када тердян манди? Хэба най важ и Рахиль мэ теравас пэр тутэ? Васо ту ман хохадян?» 26 О Лавано ԥэндя: «Амэндэ на отдэн ла цыкня щя май англал ла барэдэрятар.
w07 1/10 8—9
О ԥаримос лэ ԥэянго, савэндар жыля лэ Израилёско ери
Сас и Лия сԥангли андэ када пэстирэ дадэса? Или лати трэбуй сас тэ кандэл пэстирэ дадэс? Ай кай сас и Рахиль? Ӷанэнас вой пала кода, со терэлпэ? Если да, то со латэ сас по ди? Моӷла вой тэ жал против кода, со камэл лако дад? Андэ Библия нинай атветоря пэ кадэла вопросоря. Сар бы тэ на диқэн и Рахиль и Лия пэ кода, со загиндосардя лэнго дад, через о хохаимос о Иаково фартэ холяйля. И пэстири холи о Иаково виԥэндя лэ Лаваности, ай най лэстирэ щеянди. Во ԥэндя: «Сости ту када тердян манди? Хэба най важ и Рахиль мэ теравас пэр тутэ? Васо ту ман хохадян?» О Лавано ԥэндя лэ Иаковости: «Амэндэ на отдэн ла цыкня щя май англал ла барэдэрятар. Спэрва отпразнуй семь дес о ябьяв кадэла жувляса, ай потом отдаса тути авря, важ сави ту лэса тэ терэс пэр мандэ инке семь бэрш» (Бытие 29:25—27). Кадя о Иаково сас зацырдо андо полигамно брако, через саво и ԥэя линэ тэ ревнуют и тэ завидуют ек еқэсти.
it «Брак», абз. 10
Брако
Ябьяв. Хоть андо Израилё на сас особи ябьявицки обрядоря, о ябьяв сас фартэ радосно время. Андо ябьявицко дес и тэрни пэстэ цэрэ драго ӷотовилась каринг о ябьяв. Спэрва вой халадёлас и мақэлас пэс вулееса. (Дик Руфь 3:3; Иезекииль 23:40.) Вой лэлас пэр пэстэ (дэкала лати поможынас авэр жувля) и повязки по колин и парни йда, сави сас шукарнэс висувади и сыкавэлас лако материально достатко (Иеремия 2:32; Откровение 19:7, 8; Псалом 45:13, 14). И тэрни лэлас пэр пэстэ сомнака, если латэ сас пэ када возможность (Исаия 49:18; 61:10; Откровение 21:2), и ушаравэлас пэс санэ которэса, лэ шэрэстар жы кай и пэрнэ (Исаия 3:19, 23). Када дэл тэ полас, васо кай о Лавано вижыля тэ обхохавэл лэ Иаковос и васо о Иаково на поля, кай вместо Рахиль лэсти динэ ла Лия (Бытие 29:23, 25). Англа кода, сар тэ диқэлпэ лэ Исаакоса, и Ревекка шутя по шэро о қосно (Бытие 24:65). Кадэлэса и тэрни сыкавэлас, кай прижанэл лэ тэрнэстири власть (1 Коринфянам 11:5, 10).
(Бытие 29:27, 28) Спэрва отпразнуй семь дес о ябьяв кадэла жувляса, ай потом отдаса тути авря, важ сави ту лэса тэ терэс пэр мандэ инке семь бэрш». 28 О Иаково кадя и стердя, во отпразновал семь дес о ябьяв важ и Лия. Посли када о Лавано отдя лэсти андэ хулая́ пэстиря щя ла Рахиля.
Виарақас сомнак анда Библия
(Бытие 30:3) Тоди вой ԥэндя: «Акэтали мэрни служанка Валла. Пэр ласа, кай латар тэ арақадён важ мандэ бэятцэ. Кадэла бэятцэ авэна мэрнэ».
it «Усыновление», абз. 3
Усыновления
И Рахиль и Лия гиндонас, кай и бэятцэ, савэн лэ Иаковости арақавэнас лэндирэ служанки, када лэндирэ шавэ (Бт 30:3—8, 12, 13, 24). Кадэла бэятцэ слинэ наследникоря вмести аврэ бэятонэнца, савэ арақаделэ кай и законни лэ Иаковостирэ хулая́. Вонэ слинэ лэ Иаковостирэ чаче шавэ, и важ кода кай и служанки слинэ собственность кай лэстирэ хулая́, кай и Рахиль и кай и Лия сас право пэ кадэла бэятцэ.
(Бытие 30:14, 15) Андэ время, кала стидэнас и пшеница, о Рувимо арақля пэ мал мандрагоры. Во андя лэн пэстиря дати ла Лияти. Тоди и Рахиль ԥэндя ла Лияти: «Мангав тут, дэ манди набут мандрагоры, савэ андя тиро шаво». 15 Но и Лия ԥэндя лати: «Ту и кадя залянас мэрнэ хулас, ай акана камэс инке и тэ залэс и мандрагоры мэрнэ шавэстирэ?» Важ када и Рахиль ԥэндя: «Тоди мэк во пэрэл туса андэ кадэя рят, но пала када ту дэса манди и мандрагоры тирэ шавэстирэ».
w04 15/1 28, абз. 6
Интересни гиндоря анда книӷа Бытие. Часть 2
30:14, 15. Васо и Рахиль, кай тэ лэл набут мандрагоры, отԥэнделя тэ проандярэл и рят лэ Иаковоса? Андэ кодэя время и плодоря па мандрагора прилэнас сар наркотико, ай кадяжэ сар драб. Гиндонас, кай вонэ инке поможын, кай о мурш и жувли тэ камэн ек еқэс, кай тэ арақадён май бут бэятцэ и кай и жувли тэ заԥирэл (Песнь песней 7:13). Хоть андэ Библия на росԥэнэнпэ, васо и Рахиль витидя тэ лэл и мандрогоры, вой, файма, гиндояс, кай вонэ поможына лати тэ заԥирэл и кадя пэр латэ будэр на авэла о позоро. Но о Иегова дя лати тэ заԥирэл кати через дэсавэ бэрша (Бытие 30:22—24).