Источникоря важ и тетрадка, кай тэ сытювас «Дром и служэния»
13—19 АПРЕЛЯ
СОМНАК АНДА БИБЛИЯ | БЫТИЕ 31
«О Иаково и о Лавано доԥэндён тэ ладин ек еқэса»
(Бытие 31:44—46) Давай стераса доӷоворо, ту и мэ, и во авэла сар свидетелё важ амэндэ». 45 О Иаково ля о бар и стодя лэс сар знако. 46 Тоди о Иаково ԥэндя пэстирэ ԥралэнди: «Анэн бара!» Вонэ андэ́ бара и стидэ лэн сар плай. Посли када вонэ халэ пэ кадэва плай.
it «Галаад», № 4, абз. 3
Галаадо
Кала о Иаково и о Лавано мирно пала вся доԥэнделэ, вонэ стердэ доӷоворо. Важ када о Иаково стодя столбо сар знако и ԥэндя пэстирэ «ԥралэнди» тэ стидэн плай анда бара (наверно, кадэва плай стидэ сар скамин), пэ саво вонэ потом халэ, важ кода кай доԥэнделэ и стердэ доӷоворо. О Лавано ԥэндя пэ кадэва ҭан «Иегар-Сагадуфа» пэ арамейско (сирийско) шыб, ай о Иаково ԥэндя пэр лэстэ пэ еврейско шыб «Галаадо», саво означает кода жэ, со и пэ арамейско. О Лавано ԥэндя: «Кадэва плай [пэ еврейско гал] акана свидетелё [пэ еврейско эд] важ тутэ и важ мандэ» (Бытие 31:44—48). Кадэва плай (и о столбо анда бара) сас свидетелё важ всаворэ, ко прожалас мимо. Анда 49 стихо дицол, кай пэр лэстэ кадяжэ ԥэндэ «Сторожэво башня [пэ еврейско Мицпа́]». Када поможыяс тэ сэрэн, кай о Иаково и о Лавано динэ алав ек еқэсти, кай тэ авэл мирно машкар лэндэ и машкар лэндирэ еря (Бытие 31:50—53). Потом авэр мануша терэнас кадя жэ и лэнас бара, кай вонэ тэ авэн сар мутицки свидетеля (Иисус Навин 4:4—7; 24:25—27).
(Бытие 31:47—50) О Лавано ԥэндя пэ кадэва ҭан Иега́р-Сагаду́фа, ай о Иаково ԥэндя пэр лэстэ Галаа́до. 48 О Лавано ԥэндя: «Кадэва плай акана свидетелё важ тутэ и важ мандэ». Акэ васо пэ кадэва ҭан ԥэндэ Галаа́до, 49 ай кадяжэ Сторожэво башня, важ кода кай о Лавано ԥэндя: «Мэк о Иегова диқэл пала мандэ и пала тутэ, кала амэ розжасапэ. 50 Если ту лэса найдраго тэ обжаспэ мэрнэ щеянца или лэса пэсти инке аврэн хулаян, тоди сэр, кай, дажэ если када на диқэла о миро, диқэла о Дэл, саво свидетелё машкар мандэ и тутэ».
it «Сторожевая башня», абз. 3
Сторожэво башня
Пэ кадэла бара, савэ стидя о Иаково, во ԥэндя «Галаадо» (означает «плай-свидетелё») и «Сторожэво башня». О Лавано ԥэндя: «Мэк о Иегова диқэл пала мандэ и пала тутэ, кала амэ розжасапэ» (Бытие 31:45—49). Кадэва плай сас свидетелё, кай о Иегова диқэлас пала кода, кай о Иаково и о Лавано тэ ладин ек еқэса.
(Бытие 31:51—53) И инке о Лавано ԥэндя лэ Иаковости: «Акэ о плай и акэ о знако, саво мэ стодэм важ мандэ и важ тутэ. 52 Свидетелё кадэва плай и свидетелё кадэва знако, кай мэ на прожава май дур кадэлэ плаестар, кай тэ стерав тути найлашимос, и кай ту на прожаса май дур кадэлэ плаестар и кадэлэ знакостар, кай тэ стерэс манди найлашимос. 53 Мэк сындой амэн лэ Авраамоско Дэл и лэ Нахороско Дэл, лэндирэ дадэско Дэл». И о Иаково ԥэндя солах англа Дэл, савэстар даралас лэско дад о Исаако.
Виарақас сомнак анда Библия
(Бытие 31:19) Кала о Лавано жыля тэ стрижый лэ бакрэн, и Рахиль чордя и терафиморя, савэ слинэ латирэ дадэстирэ.
it «Терафим», абз. 2
Терафимо
Па кода, со виарақлэ и учони мануша андэ Месопотамия и паша латэ, дицол, кай и терафиморя трэбуй слинэ, кай тэ сыкавэн, касти пэрэжала вся о наследство андо ери. Па ек табличка, сави виарақлэ андэ Нузи, если кай о зятё слинэ цэрутнэ дэвла, тоди андэ дэсави время во моӷ тэ жал по сындо и тэ ԥэнэн, кай лэстэ исин право по хабэ лэ састрэско, саво муля (Ancient Near Eastern Texts / Под ред. J. Pritchard. 1974. С. 219, 220. Сноска 51). Можэт, именно важ када и Рахиль ля и терафиморя кай пэско дад. Вой гиндояс, кай латэ сас право када тэ стерэл, важ кода кай лако дад хохавэлас латирэ хулас. (Дик Бытие 31:14—16.) Кадяжэ кода, кай и терафиморя слинэ важни важ о право по наследство, дицол и анда кода, кай о Лавано стердя вся, кай тэ рий лэн. Во дажэ вазгля пэстирэ ԥралэн и семь деса прастэлас пала Иаково, кай тэ дорэсэл лэс (Бытие 31:19—30). О Иаково, канешно, на ӷанэнас пала кода, со стердя и Рахиль (Бытие 31:32), но нисо на сыкавэл, кай во варикала камэлас через и терафиморя тэ одлэл о наследство кай лэ Лаваностирэ шавэ. Кай о Иаково на слинэ идолоря. Кодэлэ терафимонэн о Иаково уничтожыл, кала заӷанадя тала бари витка паша Сихемо всаворэн хохавнэ дэвлэн, савэн лэсти отдинэ всаворэ, ко слинэ лэса, ай можэт, во лэн уничтожыл и раньшэ (Бытие 35:1—4).
(Бытие 31:41, 42) Кадя прожылэ важ мандэ 20 бэрш андэ тиро цэр. Мэ теравас пэр тутэ 14 бэрш важ тирэ дуй щея и 6 бэрш важ тиро стадо, ай ту дэшвар парувэсас манди и цэмин. 42 И тэ на авелоп манца мэрнэ дадэско Дэл, лэ Авраамоско Дэл и о Дэл, савэстар дарал о Исаако, тоди ту бишалдоп ман шушэ вастэнца. О Дэл диқэлас мэрно ԥаримос и мэрни ԥари бути, и важ када андэ кадэя рят во сыкадя тири дош».
(1 Петра 2:18) И слуӷоря мэк кандэн пэстирэ хулан и пативаса даран лэндар, и кандэн най кати кодэлэн, ко добро и годявэрно, но и кодэлэн, касти найвушэро тэ уӷодис.
О Иегова, када амаро цэр
8 Кала о Иаково авеля андо Харрано, лэско како, о Лавано, драго лэс приля и через дэсави время отдя пала лэстэ ла Лия и ла Рахиля. Прожыля и время и о Лавано ля тэ барвадёл по Иаково, кала дэшвар парувэлас и цэмин важ лэстири бути! (Бытие 31:41, 42). Но о Иаково виритярэлас, кай о Лавано кадя найдраго лэса обжаласпэ, важ кода кай патялас, кай о Иегова лэла тэ заботийпэ пала лэстэ. Кадя када и сас! Каринг кодэя время, кала о Дэл ԥэндя лэ Иаковости тэ рийпэ андо Ханаано, лэстэ ужэ слинэ «барэ стадоря, ай кадяжэ слуӷоря и служанки, верблюдоря и ишакоря» (Бытие 30:43). О Иаково сас фартэ блаӷодарно и важ када мангэласпэ лэ Иеговасти: «Мэ нэдостойно кода, кай ту на парашэс тэ любис тирэ слуӷос. Кала мэ пэрэжылэм о Иордано, мандэ сас кати и рувли, ай акана мандэ дуй лаӷерёря» (Бытие 32:10).
20—26 АПРЕЛЯ
СОМНАК АНДА БИБЛИЯ | БЫТИЕ 32, 33
«Борисав важ и блаӷословения»
(Бытие 32:24) Кала о Иаково ашэляпэ екжэно, лэса ля тэ борийпэ о мануш и борияспэ лэса жы кай тэсара.
w03 15/8 25, абз. 3
Терэс ту вся, кай тэ родэс лэ Иеговас?
Андэ Библия запистромэ пала бут мануша, савэ терэнас вся, кай тэ виарақэн лэ Иеговас. Например, о Иаково, саво жы кай тэсара андя вся зор борияспэ лэ анӷелоса, савэстэ сас манушыкани тила. Посли када лэ Иаковости динэ алав Израилё («кодэва, ко борияспэ лэ Дэвлэса»), важ кода кай во «борияспэ» лэ Дэвлэса, или аврэ алавэнца «терэлас вся, анда вся зор домардёлас», «столас вся о зор». О анӷело блаӷословил лэс важ када (Бытие 32:24—30).
(Бытие 32:25, 26) Кала во диқля, кай лэстэ на вижал тэ победий лэ Иаковос, во ляпэ кай лэстири риг и вывихнул лэсти о бедро. 26 Тоди во ԥэндя лэ Иаковости: «Одмэк ман, важ кода кай ужэ ваздэлпэ о қам». Но кодэва ԥэндя: «На одмэкава, пока на блаӷословиса ман».
it «Хромота», подзаг. «Иаков»
Лангал
Иаково. Кала лэ Иаковости сас 97 бэрш, во вся и рят борияспэ лэ Дэвлэстирэ анӷелоса, саво сас андэ манушыкани тила. Во на одмэкэлас лэ анӷелос, пока кодэва нэ блаӷословил лэс. Кала вонэ боринаспэ, о анӷело ляпэ кай лэ Иаковостири риг и вывихнул лэсти о бедро. Тоди о Иаково ля тэ лангал (Бытие 32:24—32; Осия 12:2—4). Кода, кай о Иаково лангалас, на дэлас лэсти тэ бистрэл, кай, хоть во, па лэ анӷелостирэ алава, борияспэ «лэ Дэвлэса и лэ манушэнца» и победисардя, па чачимастэ лэско зор на ля лэ Дэвлэстирэ анӷелос. О Иаково борияспэ лэ анӷелоса кати важ кода, кай кадя камля о Дэл и во домэкля када. Кадя о Иаково моӷ тэ сыкавэл, кай полэл, пэ скати дэ важно лэ Дэвлэстири блаӷословения.
(Бытие 32:27, 28) Во пушля: «Сар тут ақарэн?» Кодэва ԥэндя лэсти: «Иаков». 28 Во ԥэндя: «Акана тут лэна тэ ақарэн най Иаково, ай Израилё, важ кода кай ту борисаспэ лэ Дэвлэса и лэ манушэнца и победисардян».
it «Израиль», № 1
Израилё
1. О алав, саво о Дэл приԥэндя лэ Иаковости, кала кодэлэсти сас варикай 97 бэрш. Андэ кодэя рят, кала о Иаково пэрэжыля и лэн Иавоко, кай тэ диқэлпэ пэстирэ ԥралэса лэ Исавоса, лэсти прижыляпэ тэ борийпэ лэ анӷелоса. Важ кода кай о Иаково на сдэласпэ, кала борияспэ, лэсти приԥэндэ алав Израилё и када сыкавэлас, кай о Дэл лэс блаӷословил. О Иаково ԥэндя по ҭан, кай во борияспэ, Пенуэло (Бытие 32:22—31; дик ИАКОВ, 1). Потом, андо Вефилё, о Дэл подтвердисардя, кай чаче парудя лэ Иаковоско алав и кодэла времятар пэр лэстэ часто ԥэнэнас Израилё (Бытие 35:10, 15; 50:2; 1 Летопись 1:34). О алав «Израилё» запистромэ андэ Библия варикай 2 500 разоря, но май часто, када сыкавэл лэ Иаковостирэ потомконэн сар народо (Исход 5:1, 2).
Виарақас сомнак анда Библия
(Бытие 32:11) Мангав тут, фэрисар ман мэрнэ ԥралэстирэ вастэстар, лэ Исавостирэ вастэстар, важ кода кай мэ дарав лэстар, дарав, кай во авэла и нападия пэр мандэ и пэ дэя лэ бэятонэнца.
(Бытие 32:13—15) Во ашэляпэ котэ тэ ратярэл. Анда вся, со лэстэ сас, во ля важ о Исаво, сар подарко, 14 200 штук бузнян, 20 штук бузнэн, 200 штук бакрян, 20 штук бакрэн, 15 30 штук верблюдицэн лэ верблюжатонэнца, 40 штук гурувнян, 10 штук гурувэн, 20 штук ишачкэн и 10 штук ишаконэн.
w10 15/6 22, абз. 10, 11
Приятно дума поможый тэ дружысарас
10 Приятно дума и лащи общения поможын тэ ладисарас и тэ дружысарас. Чаче, кала амэ терас вся, кай тэ ладисарас аврэнца, амэ инке май драго лас тэ дружысарас лэнца. Если амэ терас аврэнди лашимос, например, кала поможысарас, анда оди дарисарас подаркоря, прилас лэн пэстэ цэрэ, тоди када можэт тэ дэл помощь, кай машкар амэндэ тэ авэл лащи дружба. Амэ можэм дажэ тэ стидас лэ манушэсти по шэро «ԥабардо янгар», кай тэ поможысарас лэсти тэ сыкавэл пэстирэ лашэ качестворя, и тоди авэла май вушэро тэ ладисарас (Римлянам 12:20, 21).
11 О патриархо Иаково полэлас, кай важно тэ терас лашимос. Лэско ԥрал-близнецо, о Исаво сас фартэ холинако пэр лэстэ. Кай о Исаво лэс тэ на умарэл, о Иаково занашля. Через бут бэрша о Иаково рисайля. О Исаво жыля каринг лэстэ и ля пэса 400 манушэн. О Иаково мангэласпэ лэ Иеговасти, кай во лэсти тэ поможый. Тоди о Иаково анда пэско хабэ бишалдя подарко лэ Исавости. Через о подарко кай о Иаково вижыля кода, со во камэлас. Кала и ԥрала диқлэпэ, лэ Исавоско ди ашэля май ковло, во подпрастая кай о Иаково и обля лэс (Бытие 27:41—44; 32:6, 11, 13—15; 33:4, 10).
(Бытие 33:20) Во стодя котэ жэртвеннико и ԥэндя пэр лэстэ «Дэл, лэ Израилёско Дэл».
it «Бог — Бог Израиля», абз. 2
Дэл, лэ Израилёско Дэл
Посли кода, сар андо Пенуэло о Иаково диқляпэ лэ Иеговастирэ анӷелоса и лэсти динэ нэво алав Израилё, и тоди, кала во поладисардя пэстирэ ԥралэса лэ Исавоса, о Иаково ля тэ жувэл андо Сокхофо, ай тоди андо Сихемо. Котэ во тиндя кай лэ Емморостирэ шавэ участко, пэ саво ростодя и катуна (Бытие 32:24—30; 33:1—4, 17—19). «Во стодя котэ жэртвеннико и ԥэндя пэр лэстэ „Дэл, лэ Израилёско Дэл“» (Бытие 33:20). Кода, кай о Иаково ԥэндя по жэртвеннико пэстирэ нэвэ алавэса, Израилё, во сыкадя, кай прилэл, кай лэс ақардэ кадэлэ алавэса, и кай во блаӷодарно важ лэстэ. Кадяжэ во сыкадя, кай блаӷодарно лэ Дэвлэсти, кай во андярэл лэс и поможысардя лэсти блаӷополучно тэ рийпэ пэ Обетованно ԥув. Андэ Библия и алава «Дэл, лэ Израилёско Дэл» будэр никай най пистромэ.
27 АПРЕЛЯ — 3 МАЯ
СОМНАК АНДА БИБЛИЯ | БЫТИЕ 34, 35
«Кода, кай найгодявэрнэс витидэс лэ друӷонэн, анэн каринг и бида»
(Бытие 34:1) И Дина, лэ Иаковостири щей ла Лиятар, часто проандярэлас время лэ тэрнэ жувлянца, савэ котэ жувэнас.
w97 1/2 30, абз. 4
Сихемо, форо андэ долина
Со моӷли тэ гиндон и тэрнэ мануша анда форо пала кадэя тэрни щей, сави часто и, наверно, екжэни авэлас андо форо? О шаво лэ правителёско андэ кадэва форо «шутя сама пэр латэ и ля ла нахально». Васо и Дина на фэрияспэ и ԥирэлас кай и билажавардэ хананеёря? Можэт, лати трэбуй слинэ подружки? Или можэт вой сас кацави жэ найкандини, сар дэсавэ латирэ ԥрала? Адинон пала када андэ Бытие и представьте, сави бида и позоро, наверно, андя лэ Иаковости и ла Лияти кода, кай лэндири щей доԥирдяпэ андо форо Сихемо (Бытие 34:1—31; 49:5—7; диқэн кадяжэ «Сторожэво башня», 15 июня 1985 бэрш, страница 31, англ.).
(Бытие 34:2) Кай о евеянино Емморо, кай о ӷлавно андэ племя, сас шаво Сихемо. Кадэва шаво шутя сама пэр латэ и ля ла нахально.
lvs 124, абз. 14
«Нашэн лэ билажавардимастар»
14 О Сихемо андярдя пэс кадя, сар сас нармально важ кодэла, ко котэ жувэнас. И Дина чалеля лэсти и во «ля ла нахально». (Адиносар Бытие 34:1—4.) Вся када андя бида важ и Дина и важ лако ери (Бытие 34:7, 25—31; Галатам 6:7, 8).
(Бытие 34:7) Лэ Иаковостирэ шавэ ашундэ пала кода, со тердяпэ, и йто рисайлэ па мал. Важ лэндэ када сас баро позоро и вонэ фартэ холяйлэ, важ кода кай о Сихемо асаяпэ лэ Израилёстар. Во стердя найлашимос, кала нахально ля лэ Иаковостиря щя.
(Бытие 34:25) Ай по трито дес, кала вонэ инке слинэ насвалэ, дуй лэ Иаковостирэ шавэ, о Симеоно и о Левиё, ла Динатирэ ԥрала, линэ мечоря, зажылэ андо форо и пэр лэндэ нико на шутя сама, и вонэ умардэ всаворэн муршэн.
w09 1/9 21, абз. 1, 2
Кала тумэн холярдэ
Часто кодэла, ко рин, камэн тэ улэн и дук, сави лэндэ по ди ла холятар. Например, андэ Библии ԥэнэнпэ, кай кала лэ Иаковостирэ шавэ уӷанглэ, кай о хананеё Сихемо асаяпэ лэндиря ԥэятар ла Динатар, важ лэндэ када «сас баро позоро и вонэ фартэ холяйлэ» (Бытие 34:1—7). Важ када дуй лэ Иаковостирэ шавэ загиндосардэ тэ рин лэ Сихемости и лэстирэ ерести. О Симеоно и Левиё хохаимаса зажылэ андо ханаанско форо и умардэ всаворэн муршэн, ай кадяжэ и лэ Сихемос (Бытие 34:13—27).
Поможысардя када тэ улэл и проблема? Кала о Иаково уӷангля, со стердэ лэстирэ шавэ, лэсти када на чалеля и во ԥэндя лэнди: «Тумэ цырдэ бида пэр мандэ, стердэ, кай и мануша па кадэя ԥув... тэ вэрыцын ман. Вонэ стидэнапэ и жана пэр мандэ... И вонэ умарэна ман и всаворэн, ко андэ мэрно цэр» (Бытие 34:30). Да, кода, кай вонэ рисардэ, на уля и бида, ай андя инке май бут. Акана лэ Иаковоско ери трэбуй сас тэ фэрийпэ лэ холинатирэ манушэндар, савэ жувэнас паша лэндэ. Наверно, кай тэ фэрий лэ Иаковос и лэстирэ ерес ла бидатар, о Дэл ԥэндя тэ ужантар котар андо Вефилё (Бытие 35:1, 5).
Виарақас сомнак анда Библия
(Бытие 35:8) Через дэсави время муля и Дево́ря, ла Ревеккатири кормилица, и ла гарадэ кай о плай, пэ саво сас о Вефилё, тала дубово витка. Важ када о Иаково ԥэндя пэр лэстэ Алло́н-Баку́то.
it «Девора», № 1
Девора
1. Ла Ревеккатири кормилица. Кала и Ревекка лаглятар пэстирэ дадэстар лэ Вафуилостар андэ Палестина, кай тэ вижал пала Исаако, и Девора жыля вмести ласа (Бытие 24:59). Бут бэрша вой служыяс андэ лэ Исаакоско цэр, ай потом, кала муля и Ревекка, жувэлас андэ лэ Иаковоско цэр. Вижал, кай через 125 бэрш посли кода, сар о Исаако жынисайля пэ Ревекка, и Девора муля и ла гарадэ тала бари витка андо Вефилё. Кода, сар ԥэндэ пэ кадэя витка (Аллон-Бакуто, означает «бари лэ ясвэндири витка»), сыкавэл, сар дэ фартэ ла Девора любинас о Иаково и лэско ери (Бытие 35:8).
(Бытие 35:22—26) Кала о Израилё жувэлас пэ кодэя ԥув, о Рувимо жыля и пэля лэ дадэстиря наложницаса ла Валласа, и о Израилё уӷангля пала када. Кай о Иаково сас 12 шавэ. 23 Ла Лиятирэ шавэ, када лэ Иаковоско пэрво шаво о Рувимо, посли лэстэ о Симеоно, о Левиё, о Иуда, о Иссахаро, и о Завулоно. 24 Ла Рахилятирэ шавэ, када о Иосифо и о Вениамино. 25 Ла Рахилятирэ служанкатирэ ла Валлатирэ шавэ, када о Дано и о Неффалимо. 26 Ла Лиятирэ служанкатирэ ла Зелфатирэ шавэ, када о Гадо и о Асиро. Када лэ Иаковостирэ шавэ, савэ арақаделэ лэстэ андо Падда́н-Ара́мо.
Пушэн кодэла, ко адинон
О Христос, андо дэлмутно Израилё, трэбуй сас тэ авэл кати анда ери кай и барэдэра, савэнди пэрэлас и пай чи най?
Дэлмут амэ гиндосарасас, кай када кадя. Здэласпэ, кай када сжаласпэ лэ алавэнца анда Евреям 12:16. Андэ кадэва стихо ԥэнэнпэ, кай важ о Исаво на сас куч кода, со свынто и кай во «пала ек чаро лэ хамаса отдя и пай, сави пэрэлас лэсти, сар лэ барэдэрэсти». Амэ гиндосарасас, кай кадэла алава сыкавэн, кай вместе кодэлэса, кай и пай, сави пэля лэ Иаковости, сави трэбуй сас тэ пэрэл лэ барэдэрэсти, лэсти инке пэля и кода, кай о Христос тэ авэл лэстар (Матф. 1:2, 16; Луки 3:23, 34).
Анда Библия дицол, кай о мануш на трэбуй сас тэ авэл барэдэр, кай лэстар тэ авэл о Христос. Уӷанаса дэсо пала када.
Пэрво бэято, саво арақаделяпэ кай о Иаково и кай лэстири хулаи кай и Лия, када о Рувимо. Прожыля время и кай лэстири авэр хулаи кай и Рахиль, савя во фартэ любияс, арақаделяпэ о Иосифо. Кала о Рувимо стердя бэзэх, во хасардя и пай, сави пэрэлас лэсти, сар лэ барэдэрэсти, и кадэя пай дорэсляпэ лэ Иосифости (Быт. 29:31—35; 30:22—25; 35:22—26; 49:22—26; 1 Лет. 5:1, 2). Ни лэ Рувимостар, ни лэ Иосифостар на жыля о Христос. Во жыля лэ Иудастар. О Иуда сас штарто лэ Иаковоско шаво, савэс арақадя и Лия (Быт. 49:10).