Источникоря важ и тетрадка, кай тэ сытювас «Дром и служэния»
5—11 ОКТЯБРЯ
СОМНАК АНДА БИБЛИЯ | ИСХОД 31, 32
«Тэлён кати лэ чачунэ Дэвлэсти»
(Исход 32:1) Андэ кадэя время о народо додиқля, кай о Моисеё долӷо на змэкэлпэ па плай. Тоди и мануша авелэ каринг о Аароно и ԥэндэ: «Стер важ амэндэ дэвлэс, саво андярэла амэн, важ кода кай амэ на ӷанас, со тердяпэ кадэлэ Моисеёса, лэ манушэса, саво виандярдя амэн анда Египецко ԥув».
w09 15/5 11, абз. 11
Грабинпэ тэ полэн и тэ кандэн, «лэ Иеговаско дес пашэ»
11 Тэ терас кадя, сар ԥэнэнпэ андэ Библия, можэт тэ авэл найвушэро, особенно андэ ԥари ситуацыя. Например, йто посли кода, сар о Иегова виандярдя лэ израильтянонэн анда египецко рабство, о народо ля тэ спорийпэ лэ Моисеёса и тэ испытывает лэ Иеговас. Васо кадя вижыля? На хутилэлас о паи (Исход 17:1—4). Варикай па дуй шон посли кода, сар и израильтяноря стердэ о доӷоворо лэ Иеговаса и динэ лэсти алав тэ терэн вся, со во ԥэндя, вонэ жылэ против лэско законо тэ на тэлён аврэ дэвлэнди (Исход 24:3, 12—18; 32:1, 2, 7—9). Можэт када тердяпэ, кай лэ Моисеёс, саво жыля по плай Хориво пала заповеди, долӷо на сас, и важ када вонэ линэ тэ даран. Можэт и израильтяноря гиндонас, кай и амаликитяноря упалэ дэна пэр лэндэ, ай би лэ Моисеёско, савэстирэ вас ритярэнас упрэ и вонэ вицэлдэ, вонэ гиндонас, кай лэн победина и враӷоря (Исход 17:8—16). Но сави бы причина тэ на авелоп, и израильтяноря отԥэнделэ тэ кандэн (Деяния 7:39—41). О Павло ԥэнэнас лэ христианонэнди, кай вонэ тэ терэн вся, со па лэнго зор, кай тэ на терэн кадя, сар и израильтяноря, савэ отԥэнделэ тэ кандэн, важ кода кай даранас тэ зажан пэ обетованно ԥув (Евреям 4:3, 11).
(Исход 32:4—6) Во ля лэндар сомнак и вишындя андар лэстэ гурувурэс. И мануша линэ тэ ԥэнэн: «Израилё, акэ тиро Дэл, саво виандярдя тут анда Египто». 5 Тоди о Аароно стердя англа гуруворо жэртвеннико и ԥэндя: «Тэся авэла празнико, саво важ о Иегова». 6 Пэ авэр дес вонэ ущелэ рано и андярдэ и жэртвы, савэ сԥабарэнас, и и мирни жэртвы. Посли када, о народо бэшля тэ хал и тэ пэл, ай тоди линэ тэ радуинпэ.
w12 15/10 25, абз. 12
Кандэ лэ Дэвлэс, кай тэ диқэс кода, пала со во дя алав
12 О Иегова сразу жэ ля тэ терэл кода, пала со дя алав андо доӷоворо важ о Законо, кала ԥэндя тэ стерэн и катуна, кай тэ тэлён, и стодя лэ рашан. Через лэндэ и ӷрешни мануша моӷли тэ пашон каринг о Иегова. Ай израильтяноря йто бистэрдэ о алав, саво динэ лэ Дэвлэсти и терэнас лэсти ԥарэс по ди (Псалом 78:41). Например, пока о Иегова дэлас лэ Моисеёсти о Законо по плай Синаё, и израильтяноря на виаштярдэ и парашэлэ тэ патян лэ Дэвлэсти, лэндэ сас гиндоря, кай о Моисеё лэн ашадя. Важ када вонэ стердэ сомнаконэ гурувурэс и ԥэндэ: «Израилё, акэ тиро Дэл, саво виандярдя тут анда Египто» (Исход 32:1, 4). Тоди вонэ стердэ празнико, пэ саво ԥэндэ, кай када «празнико важ о Иегова». Вонэ тэлёнас и анэнас и жэртвы лэ хохавнэ дэвлэсти, савэс вонэ стердэ. Кала о Иегова диқля када, во ԥэндя лэ Моисеёсти: «Сар йто вонэ дурелэ лэ дромэстар, па саво мэ приԥэндэм лэнди тэ жан!» (Исход 32:5, 6, 8). Жалко, кай кодэла времятар и израильтяноря най еқвар на зритярэнас о алав, саво дэнас лэ Дэвлэсти (Числа 30:2).
(Исход 32:9, 10) О Иегова ԥэндя лэ Моисеёсти: «Мэ диқав, кай кадэва народо найкандино. 10 Важ када на тердяр ман, и мэ андэ холи умарава лэс и стерава, кай через тутэ тэ авэл баро народо».
«Ко пэ Иеговастири риг?»
14 Израильтяноря ӷанэнас, кай на трэбуй тэ тэлён хохавнэ дэвлэнди (Исход 20:3 жы кай 5). Но вонэ всаек линэ тэ тэлён сомнаконэ гуруворэсти! Вонэ ԥаглэ лэ Дэвлэско законо, и хохавэнас корко пэс кодэлэса, кай вонэ идоси пэ Иеговастири риг. О Аароно пэ кода, кай вонэ тэлёнас лэ сомнаконэ гуруворэсти, ԥэндя, кай када «празднико, саво важ о Иегова»! Со сас по ди кай о Иегова? Андо ди лэстэ сас, кай лэс придинэ. О Иегова ԥэндя лэ Моисеёсти: «Кода, со терэл о народо гряца. Сар йто вонэ дурелэ лэ дромэстар, па саво мэ приԥэндэм лэнди тэ жан!» О Иегова кадя фартэ холяйля, кай дажэ закамля, кай кадэва народо тэ на авэл (Исход 32:5 жы кай 10).
Виарақас сомнак анда Библия
(Исход 31:17) Када знако машкар мандэ и израильско народо пэ викоря, важ кода кай важ шов дес о Иегова стердя о нэбо и и ԥув, ай андэ седьмо дес парашэля тэ терэл дила и ля тэ отцыёл“».
«Всаворэсти исин пэсти время», исин время тэ терас дила и тэ отцыювас
4 Если о Иегова и о Иисусо вся и время терэн дила, сыкавэл када, кай и амэ на трэбуй тэ отцыювас? Най. О Иегова никала на цыёл, и важ када тэ отцыёл лэсти на трэбуй. Андэ Библия пистромэ, кала о Иегова терэлас о нэбо и ԥув, во «парашэля тэ терэл дила и ля тэ отцыёл» (Исход 31:17). Но када, файма, сыкавэл, кай о Иегова будэр на ля нисо создавать и лэсти чалёлас кода, со во ужэ стердя. Кала о Иисусо сас пэ ԥув, лэсти трэбуй сас бут со тэ стерэл. Но во виарақэлас время тэ хал, тэ пэл и тэ отцыёл лэ друӷонэнца (Матфея 14:13; Луки 7:34).
(Исход 32:32, 33) Если можэш, простисар кадэва бэзэх, ай если най, тоди стрисар и ман анда книӷа, сави ту пистросардян». 33 Но о Иегова ԥэндя лэ Моисеёсти: «Мэ стрисарава анда мэрни книӷа кодэлэс, ко стердя бэзэх против мандэ.
w88 1/2 21
Пушэн кодэла, ко адинон
Кода, кай пала лашо мануш сэрэн (лэско алав запистромэ андэ ла жызнятири книӷа) инке на сыкавэл, кай во жувэла вечно. Када най судьба или кода, со на парувэса. О Моисеё мангля лэ Иеговас пала израильтяноря: «Если можэш, простисар кадэва бэзэх, ай если най, тоди стрисар и ман анда книӷа, сави ту пистросардян» (Исход 32:32, 33). Но дажэ посли кода, сар о Дэл прижанэн лэ манушэс, кай во лашо и запистрой лэс андэ пэстири книӷа, кадэва мануш можэт тэ ашэл найкандино или тэ парашэл тэ патял. Тоди о Иегова стрисарэла анда пэстири книӷа кодэлэс, ко стердя бэзэх против лэстэ (Откровение 3:5).
12—18 ОКТЯБРЯ
СОМНАК АНДА БИБЛИЯ | ИСХОД 33, 34
«Лэ Иеговастирэ райканэ качестворя»
(Исход 34:5) О Иегова змэкляпэ андэ туча, терделя котэ паша лэстэ и ԥэндя лэ Иеговаско алав.
it «Имя, название», абз. 27
Алав, названия
Кода, со создано, сыкавэл, кай исин Дэл, но на дэл тэ ӷанас лэско алав (Псалом 19:1; Римлянам 1:20). Тэ ӷанас лэско алав, када май бут чем просто тэ ӷанас, сар лэс ақарэн (2 Летопись 6:33). Када тэ ӷанас, саво о Дэл, со во загиндосардя, со во терэл и лэстирэ качестворя, пала савэ ԥэнэнпэ андэ Библия (Дик 1 Царей 8:41—43; 9:3, 7; Неемия 9:10.) Када дицол па лэ Моисеёско примеро, касти о Иегова ԥэндя, кай ӷанэн лэс па алавэстэ. Кадэлэса во сыкадя, кай лэндэ лащи дружба (Исход 33:12). Лэ Моисеёсти випэля бари честь тэ диқэл лэ Иеговастири слава и тэ ашунэл, сар о Иегова ԥэндя пэско алав (Исход 34:5). О Иегова найпросто инке еқвар ԥэндя пэско алав, ай росԥэндя пала пэстирэ качестворя и дила: «Иегова, Иегова, Дэл, саво терэл лашимос, жалуий анда вся оди, на грабийпэ тэ холявэл, никала на ашавэл и на парашэл тэ любий, фэрий пэстири любовь каринг и тысячи и на ашавэл лэн. Во простий и ӷрехоря и кода, со терэн най кадя, но во всаек на ашавэла када кадя. Кода, со стердя о дад, о Дэл на ашавэла кадя ни лэ шавэнди, ни лэ внуконэнди жы кай трито и штарто поколения» (Исход 34:6, 7). Кадяжэ андэ лэ Моисеёстири дили, андэ сави ԥэнэнпэ: «Мэ лава тэ росԥэнав важ лэ Иеговаско алав», дицон лэ Иеговастирэ качестворя и сар во обжаласпэ лэ израильтянонэнца (Второзаконие 32:3—44).
(Исход 34:6) О Иегова прожыля англа лэстэ и ԥэндя: «Иегова, Иегова, Дэл, саво терэл лашимос, жалуий анда вся оди, на грабийпэ тэ холявэл, никала на ашавэл и на парашэл тэ любий,
w09 1/5 18, абз. 3—5
Со о Иегова росԥэндя пала пэстэ?
Спэрва о Иегова ԥэндя, кай во «терэл лашимос» (стихо 6). Сар ԥэндя ек библеисто, о еврейско алав «терэл лашимос», сыкавэл «тэ жалуий анда вся оди, кадя жэ, сар о дад жалуий пэстирэ бэятонэн». Ай о алав «жалуий анда вся оди», жал лэ алавэстар, саво «сыкавэл, кай о мануш анда вся оди камэл тэ поможый кодэлэсти, ко андэ варисостэ нуждаеца». Кадя, о Иегова камэл тэ сыкавэл пэстирэ служытелёнэнди, кай во заботийпэ пала лэндэ, сар и родителя пала пэстирэ бэяцэ. Во фартэ любий лэн и пэрэжывает пала кода, со важ лэндэ трэбуй (Псалом 103:8, 13).
Тоди о Иегова, ԥэндя, кай во «на грабийпэ тэ холявэл» (стихо 6) пэ пэстирэ служытеля. Во терпеливо каринг лэндэ, на шол сама пэ кода, кай вонэ варисо терэн най кадя и дэл лэнди время тэ парудён (2 Петра 3:9).
Тоди о Дэл ԥэндя, кай во «никала на ашавэл и на парашэл тэ любий» (стихо 6). Кодэлэстар, кай о Иегова никала на ашавэл, амэ можэм андэ вся тэ патяс лэсти, ай кадяжэ лэстирэ алавэсти пала кода, со во стерэла англэ (Псалом 31:5). Кадяжэ о Иегова на парашэл тэ любий, када фартэ куч и через када во и лэско народо ашэн инке май пашэ (Второзаконие 7:9).
(Исход 34:7) фэрий пэстири любовь каринг и тысячи и на ашавэл лэн. Во простий и ӷрехоря и кода, со терэн най кадя, но во всаек на ашавэла када кадя. Кода, со стердя о дад, о Дэл на ашавэла кадя ни лэ шавэнди, ни лэ внуконэнди жы кай трито и штарто поколения».
w09 1/5 18, абз. 6
Со о Иегова росԥэндя пала пэстэ
В концэ о Иегова росԥэндя инке ек важно чачимос. «Во простий и ӷрехоря и кода, со терэн най кадя» (стихо 7). Андо Псалом 86:5 ԥэнэнпэ, кай о Дэл «камэл тэ простий» кодэлэн, ко каийпэ андэ пэстирэ ӷрехоря. Но Иегова на ашавэл кадя, кала варико жал против лэско законо, и пала када «всаек» спушэла (стихо 7). О свынто и справедливо Дэл на ашавэла кадя кодэлэнди, ко присытеля тэ терэл и ӷрехоря. Всаек поджала время и лэнди авэла кода, со вонэ затердэ па пэстирэ дила.
Виарақас сомнак анда Библия
(Исход 33:11) О Иегова дэлас дума лэ Моисеёса муй муестэ, сар и мануша дэн дума ек еқэса. Кала о Моисеё рисавэлас андо лаӷерё, лэско слуӷа, и помошнико, о Иисусо Навино, на ужалас ла катунатар.
(Исход 33:20) Тоди во ԥэндя: «Ту нэ можэш тэ диқэс мэрно муй, важ кода кай ни ек мануш нэ можэт тэ диқэл ман и тэ ашэлпэ жундо».
w04 15/3 27, абз. 5
Интересни гиндоря анда книӷа Исход
33:11, 20. Сар о Иегова дэлас дума лэ Моисеёса кадя дэ пашэ, «сар и мануша дэн дума ек еқэса»? Кадэла алава сыкавэн и дума, сави жал машкар дуй мануша, савэ пашэ ек еқэсти. О Иегова дэлас дума лэ Моисеёса через пэско прецтавителё и ԥэнэнас лэсти пэстирэ законоря. Но о Моисеё на диқля лэ Иеговас, важ кода кай «ни ек мануш нэ можэт тэ диқэл [лэ Дэвлэс] и тэ ашэлпэ жундо». Вижал о Иегова на дэлас дума лэ Моисеёса лично. Во пэрэдя о законо через анӷело (Галатам 3:19).
(Исход 34:23, 24) Тривар андо бэрш всаворэ мурша трэбуй тэ авэн каринг о чачуно Ӷосподо, Иегова, кай о Израильско Дэл. 24 Мэ видаравава тумэндар и народоря и стерава, кай тумэндэ авэла май бари тиритория, и нико на закамэла тумари ԥув, кала тумэ тривар андо бэрш лэна тэ ԥирэн каринг тумаро Дэл Иегова, кай тэ авэн англа лэстэ.
w98 1/9 20, абз. 5
Витидэ ӷлавно!
Тривар андо бэрш всаворэ мурша анда израильтяноря и прозелиторя трэбуй сас тэ авэн каринг о Иегова. Бут хулая полэнас, саво лашимос можэт тэ анэн када всаворэ ерести и важ када лэнас пэса лэ хулаян и лэ бэятонэн. Но ко фэрисардоп лэндирэ цэра и маля лэ вороӷонэндар, пока лэн на авэла? О Иегова дя алав: «Нико на закамэла тумари ԥув, кала тумэ тривар андо бэрш лэна тэ ԥирэн каринг тумаро Дэл Иегова, кай тэ авэн англа лэстэ» (Исход 34:24). Если важ лэндэ пэ пэрво ҭан авэла и дружба лэ Иеговаса, вонэ нисо на хасарэна анда хабэ. Кай тэ патян андэ када, лэ израильтянонэнди трэбуй сас бари вера. Зритярдя о Иегова пэско алав? Канешно!
19—25 ОКТЯБРЯ
СОМНАК АНДА БИБЛИЯ | ИСХОД 35, 36
«Исин вся, со трэбуй, кай тэ терас лэ Иеговастири дила»
(Исход 35:25, 26) Всаворэ жувля, савэ драго ӷанэнас тэ терэн и ҭава, анэнас сини, пурпурни и лолэ ҭава и сано лёно. 26И всаворэ жувля, савэн цырдэлас оди каринг када, терэнас анда лэ бузнэнго пушом ҭава.
w14 15/12 4, абз. 4
Иегова блаӷословий кодэлэн, ко камэн тэ терэн анда вся оди
Но само важно важ о Иегова сас най и жэртвы, ай кода, кай мануша камэнас тэ терэн вся, со трэбуй, кай тэ тэлён лэ Дэвлэсти. Вонэ анда оди камэнас тэ отдэн лэ Иеговасти, пэстири время и о зор. «Всаворэ жувля, савэ драго ӷанэнас тэ терэн и ҭава ... [и] савэн цырдэлас оди каринг када, терэнас анда лэ бузнэнго пушом ҭава». Кадяжэ о Иегова дя лэ Веселеилости «духо, кай лэстэ тэ авэл и мудрость, кай во тэ полэл и тэ ӷанэн драго тэ терэл вся и дила». О Дэл дя лэ Веселеилости и лэ Аголиавости мудрость, кай тэ стерэн вся и дила, сави во лэнди дя (Исход 35:25, 26, 30—35).
(Исход 35:30—35) Тоди о Моисеё ԥэндя лэ израильтянонэнди: «О Иегова витидя лэ Веселеилос, лэ Уриястирэ шавэс, саво лэ Хуроско шаво, анда племя Иуды. 31 Во дя лэсти лэ Дэвлэско духо, кай лэстэ тэ авэл и мудрость, кай во тэ полэл и тэ ӷанэн драго тэ терэл вся и дила, 32 кай во тэ ӷанэн, сар тэ терэл шукарнэ изделия, сар тэ терэл бути анда сомнак, руп и харкум, 33 ай кадяжэ тэ вишынэл и тэ стол андрэ и бара, и тэ терэл разни изделия анда каш. 34 И во дя лэсти, ай кадяжэ лэ Аголиавости, лэ Ахисамахостирэ шавэсти, анда лэ Даностири племя, кай вонэ тэ ӷанэн тэ сытярэн. 35 Во дя лэнди, кай вонэ драго тэ ӷанэн тэ терэн разно бути, тэ висувэн, тэ терэн дила анда сини, пурпурни, лолэ ҭава и анда сано лёно, и тэ терэн и ҭава по станко. Вонэ лэна тэ терэн разно бути и стерэна кода, со трэбуй.
w11 15/12 19, абз. 6
Лэ Дэвлэстирэ служытеля андэ пурани время, савэн андярэлас о свынто духо
6 Па примеро лэ Веселеилоско, саво жувэлас андэ лэ Моисеёстири время, амэ можэм бут тэ уӷанас пала кода, сар андярэл о свынто духо лэ манушэн. (Адиносар Исход 35:30—35.) Лэ Веселеилос стодэ, кай во тэ диқэл пала кода, сар терэнас вся, со трэбуй важ и свынто бари катуна. Ӷанэнас ли во, сар када тэ терэл, сар инке на сас кадэя дила? Возможно. Но, здэлпэ, кай послиднё бути, сави во терэлас, када сас и кирпичоря важ и египтяноря (Исход 1:13, 14).Сар о Веселеило моӷ тэ терэл кадэя найвушэро дила, сави лэсти динэ? О Иегова «дя лэсти... духо, кай лэстэ тэ авэл и мудрость, кай во тэ полэл и тэ ӷанэн драго тэ терэл вся и дила, кай во тэ ӷанэн, сар тэ терэл шукарнэ изделия». Через о свынто духо и способности, савэ сас кай о Веселеило, ашэлэ инке май лашэ. Када жэ можно тэ ԥэнас и пала Аголиаво. Кай о Веселеило и Аголиаво драго вижыля тэ стерэн кадэя бути, най кати важ кода кай вонэ ла екжэнэ драго терэнас, но и кай сытярэнас аврэн када тэ терэн. Да о Дэл дя лэнди способность тэ сытярэн аврэн.
(Исход 36:1, 2) О Веселеило авэла тэ терэл бути лэ Аголиавоса и всаворэнца, ко драго ӷанэн тэ терэл и бути, касти о Иегова дя тэ полэн и тэ авэн мудри, кай вонэ тэ стерэн всавори бути андэ свынто служэния, именно кадя, сар ԥэндя о Иегова». 2 Тоди о Моисеё ақардя лэ Веселеилос, лэ Аголиавос и всаворэн, ко ӷанэнас тэ терэл кадэя бути, касти о Иегова дя мудрость, всаворэн, каско ди цырдэласпэ тэ терэл и бути.
w11 15/12 19, абз. 7
Лэ Дэвлэстирэ служытеля андэ пурани время, савэн андярэлас о свынто духо
7 Инке со доԥэнэн, кай лэ Веселеилос и Аголиавос андярэлас лэ Дэвлэско духо, сас кода, кай и предметоря, савэ вонэ стердэ, долӷо ритярдёнас. Кадэла предметоря использовались и через 500 бэрш (2 Летопись 1:2—6). О Веселеило и о Аголиаво на стонас печать или клеймо пэ предметоря, савэ вонэ стердэ, сар када терэлпэ андо миро андэ амарэ деса. Вся и честь важ када жалас лэ Иеговасти (Исход 36:1, 2).
Виарақас сомнак анда Библия
(Исход 35:1—3) О Моисеё стидя всаворэ израильтянонэн и ԥэндя лэнди: «Акэ со ԥэндя о Иегова: 2 шов дес тумэ можэте тэ терэн бути, ай о седьмо дес авэла важ тумэндэ свынто, када суббота, сави отдэн лэ Иеговасти, дес, кай тэ отцыён. Кодэлэс, ко лэла тэ терэл бути андэ кадэва дес, трэбуй тэ умарэн. 3 На стон яг андэ тумарэ цэра андо субботнё дес».
w05 15/5 23, абз. 14
Уӷанас лэ Иеговаско дром
14 Стов пэ пэрво ҭан лэ Иеговастири дила. И израильтяноря нащи сас тэ домэкэн, кай через и дила важ пэстэ, лэндэ тэ на ашэлпэ время пэ дила важ о Иегова. Андэ лэндири жызня нащи сас тэ авэл кати кода, со трэбуй пэ кажно дэс. О Иегова ԥэндя, кай кажно курко лэндэ трэбуй тэ авэл свынто время, кала вонэ лэна тэ терэн и дила кати важ лэстэ (Исход 35:1—3; Числа 15:32—36). Кадяжэ о Иегова ԥэндя, кай кажно бэрш лэндэ трэбуй тэ авэл время, важ свынти собрании (Левит 23:4—44). Кадя вонэ моӷли тэ вспоминают пала бари лэ Иеговастири дила, тэ уӷанэн, со во камэл, и тэ блаӷодарин лэс важ о лашимос, саво во дэл. Кала вонэ кадя терэнас, вонэ сытёнас инке май фартэ тэ кандэн лэс, тэ любин лэс и тэ жан лэстирэ дромэса (Второзаконие 10:12, 13). Кадэла жэ принцыпоря и андэ амарэ деса анэн лашимос лэ Иеговастирэ служытелёнэнди (Евреям 10:24, 25).
(Исход 35:21) Тоди всаворэ, кас цырдэлас оди и о духо, авелэ и андэ́ пожэртвования лэ Иеговасти, кай тэ стерэн и бари катуна важ и собрания, и вся, со трэбуй важ и служэния андэр латэ, ай кадяжэ и свынто йда.
w00 1/11 29, абз. 2
Кодэла, ко дэн анда оди, авэна радосни
Представь, со сас андо ди кай израильтяноря. Най ек шэл бэрш лэндирэ папоря сас андо рабство и чорорэ. Акана андэ лэндирэ вас сас барвалимос. Закамэна вонэ варисо анда када тэ отдэн? Вонэ моӷли бы тэ гиндон, кай затердэ кадэва барвалимос и лэндэ исин право пэр лэстэ. Но кала лэнди ԥэндэ тэ дэн жэртвы, кай тэ тэлён лэ чачунэ Дэвлэсти, вонэ йто када стердэ и анда оди! Вонэ на забистэрдэ, кай вся кадэва барвалимос лэнди дя о Иегова. Важ када вонэ анда оди дэнас лэ Иеговасти о руп, о сомнак и лэ жывотнонэн. Каринг када лэн цырдэлас оди и о духо. Када сас па чачимастэ жэртвы, савэ вонэ динэ корко пэстар и анда оди (Исход 25:1—9; 35:4—9, 20—29; 36:3—7).
26 ОКТЯБРЯ — 1 НОЯБРЯ
СОМНАК АНДА БИБЛИЯ | ИСХОД 37, 38
«И жэртвенникоря андэ свынто бари катуна и со лэнца терэнас, кай тэ тэлён лэ Иеговасти»
(Исход 37:25) Во стердя анда каш акацыя жэртвеннико, кай тэ ԥабарэн о фимиамо. О жэртвеннико сас квадратно, андо лунгимос ек куя, ай андо вучимос сас дуй куи. Анда жэртвеннико жанас роӷоря.
it «Жертвенник», абз. 7
Жертвеннико
О жэртвеннико, кай тэ ԥабарэн о фимиамо. О жэртвеннико, кай сԥабарэнас о фимиамо (пэ саво кадяжэ ԥэнэнас «сомнаконо жэртвеннико» [Исход 39:38]) сас стердо анда каш акацыя. Упрал и па рига во сас обшуто сомнакаса. Упрэ по краё кай о жэртвеннико сас сомнакони окантовка. Во сас квадратно, 44,5 сантиметров андо лунгимос и 44,5 сантиметров андо буӷлимос. Андо вучимос во сас 89 сантиметров, и анда штар вуӷлоря, савэ упрэ, жанас роӷоря. Тала окантовка пэ дуй рига ек понад ек сас дуй сомнаконэ кольцоря, андэ савэ стонас и рувля, кай тэ пэрэандярэн о жэртвеннико. Вонэ сас стердэ анда каш акацыя и опшутэ сомнакаса (Исход 30:1—5; 37:25—28). Дувар андо дес, утром и вэчэром, по кадэва жэртвеннико сԥабарэнас особо фимиамо (Исход 30:7—9, 34—38). Кала жал и дума пала кода, кай тэ сԥабарэн о фимиамо, всегда ԥэнэн пала кадильница или сосудо важ и яг. Можэт, кацави кадильница трэбуй сас, кала сԥабарэнас о фимиамо пэ кадэва жэртвеннико (Левит 16:12, 13; Евреям 9:4; Откровение 8:5; дик 2 Летопись 26:16, 19). О жэртвеннико, пэ саво сԥабарэнас о фимиамо, тердёлас андэ свынто бари катуна англа занавеска, сави отделияс о Свынто май анда свынти. Важ када пала лэстэ ԥэнэнпэ, кай во сас англа «ковчеӷо важ о доӷоворо» (Исход 30:1, 6; 40:5, 26, 27).
(Исход 37:29) Во кадяжэ стердя свынто вулей важ и помазания и вужо фимиамо. Вонэ сас драго стердэ.
it «Фимиам», абз. 2
Фимиамо
О свынто фимиамо, саво трэбуй сас андэ свынто бари катуна андэ пустыня, терэнас анда кучутнэ вещества, савэ дэнас и израильтяноря (Исход 25:1, 2, 6; 35:4, 5, 8, 27—29). Андо составо кай о фимиамо сас штар компоненторя. О Иегова ԥэндя лэ Моисеёсти: «Лэ андэ одинакови части кода, состэ лашо запахо, ста́кти, о́нихо, пахучо галба́н и вужо ладано. Стер анда када фимиамо. Када трэбуй тэ авэл лащи смесь, савятэ лашо запахо, подсолено, вужи, свынто. Часть анда фимиамо стрисар андо милко порошко и стов набут анда порошко англа ковчеӷо важ о доӷоворо андэ катуна важ и собрания, кай мэ лава тэ сыкадював тути. Кадэя смесь трэбуй тэ авэл важ тумэндэ свынто». Кай тэ сыкавэл, кай о фимиамо свынто, и кай во трэбуй тэ авэл кати важ и служэния, о Иегова ԥэндя: «Кодэва, ко стерэла кацаво жэ вулей, кай тэ нюхает лэско запахо, трэбуй тэ мэрэл» (Исход 30:34—38; 37:29).
(Исход 38:1) Во стердя анда каш акацыя о жэртвеннико важ и жэртвы. О жэртвеннико сас квадратно, 5 куя андо лунгимос и 5 куя андо буӷлимос, ай андо вучимос сас 3 куя.
it «Жертвенник», подзаг. «Жертвенники священного шатра», абз. 1
Жэртвеннико
Жэртвенникоря андэ свынто бари катуна. Кала стонас и свынто бари катуна, стердэ дуй жэртвенникоря кадя, сар ԥэндя о Дэл. О жэртвеннико важ и жэртвы (пэ саво ԥэнэнас кадяжэ «харкумуно жэртвеннико» [Исход 39:39]) сас стердо анда каш акацыя и котэ на сас и крышка и о дно. Во сас квадратно. 2,2 метра андо лунгимос и 2,2 метра андо буӷлимос. Андо вучимос во сас 1,3 метра, ай па штар вуӷлоря андар лэстэ жанас и «роӷоря». Всаворэ ригэндар о жэртвеннико сас обшуто харкумоса. Андрэ андо жэртвеннико па машкар, тала рамка сас харкумуни решотка, или сетка. Пэ штар вуӷлоря кай о жэртвеннико паша решотка сас штар харкумунэ кольцоря. Здэлпэ андэ кадэла кольцоря стонас дуй рувля, анда каш акацыя, савэ сас обшутэ харкумоса, кай тэ пэрэандярэн о жэртвеннико. Можэт, пэ дуй рига кай о жэртвеннико сас прошындо, кай кордэ тэ стон и решотка, ай пэ дуй рига кай и решотка сас кольцоря. И учони гиндон пала када по разному, и бут андар лэндэ гиндон, кай, можэт, котэ сас дуй камплекторя лэ кольцонэнца, и дуйто комплекто, андэ саво стонас и рувля, сас упрал кай о жэртвеннико. Кадяжэ стердэ и сосудоря, и совкоря важ о пепло, чашы, кай тэ стидэн о рат лэ жывотнонэнго, вилки важ о мас, и сосудоря важ и яг (Исход 27:1—8; 38:1—7, 30; Числа 4:14).
Виарақас сомнак анда Библия
(Исход 37:1) О Веселеило стердя ковчеӷо анда каш акацыя, андо лунгимос во сас дуй епашэса куя, андо буӷлимос сас ек епашэса куя и о вучимос сас ек епашэса куя.
(Исход 37:10) Тоди во стердя скамин анда каш акацыя. Андо лунгимос во сас дуй куя, андо буӷлимос во сас ек куя и андо вучимос куя епашэса.
(Исход 37:25) Во стердя анда каш акацыя жэртвеннико, кай тэ ԥабарэн о фимиамо. О жэртвеннико сас квадратно, андо лунгимос ек куя, андо буӷлимос ек куя, ай андо вучимос сас дуй куи. Анда жэртвеннико жанас роӷоря.
it «Акация», абз. 3
Акацыя
Кай и акацыя буӷлэ витки, пэ савэ исин барэ колючки. Часто и витки, савэ барён ек паша ек, пэрэплетинпэ кадя, кай нащи тэ прожас. Важ када, о алав, саво пэрэандярэн сар акацыя, почти вся и время андэ Библия тердёл шитти́м и сыкавэл, кай и дума жал пала бут витки. И акацыя можэт тэ авэл лунгимаса 6 жы кай и 8 метров, но вой часто шолпэ по кусто. Кай и акацыя ковлэ листоря, савэ барён сар ёлочка, галбэнэ цвиторя, савэндэ лашо запахо, и анда цвиторя появинпэ и плодоря, савэ бангэ и в концэ ашэн май санэ. Упрал и витка кали и шэршаво, ай андрэ о каш фартэ састо и лэс нэ моӷут тэ римон и насекоми. Через када, ай кадяжэ, кай ла можно вушэро тэ виарақэн андэ пустыня, и акацыя драго поджалас, кай тэ стерэн и свынто бари катуна и вся, со андэр латэ ужал. Анда каш акацыя сас стердо о ковчеӷо важ о доӷоворо (Исход 25:10; 37:1), о столо важ о марно, саво стон англа Иегова (Исход 25:23; 37:10), и жэртвенникоря (Исход 27:1; 37:25; 38:1), и рувля, пэ савэ андярэнас кадэла предметоря (Исход 25:13, 28; 27:6; 30:5; 37:4, 15, 28; 38:6), столборя важ и занавески (Исход 26:32, 37; 36:36), ай кадяжэ рамы (Исход 26:15; 36:20) и каштора, савэ лэн стидэнас (Исход 26:26; 36:31).
(Исход 38:8) Тоди во стердя харкумуно тазо и харкумуни подставка анда лэ жувляндирэ юнглинды, савэ служынас паша входо андэ бари катуна важ и собрания.
w15 1/4 15, абз. 4
Ту ӷанэс?
Андэ библейско время и юнглинды терэнас най анда стекло, сар адес, ай анда отполированно састри, обычно анда бронза. Кадяжэ, можэт, использовали харкум, руп, сомнак, и о сплаво анда сомнак и руп. Пэрво разо пала юнглинды ԥэнэнпэ андэ Библия, кала сас пистромэ, сар стонас и свынто бари катуна, о пэрво ҭан, кай тэлёнас и израильтяноря. Котэ ԥэнэнпэ, кай и жувля динэ юнглинды, кай тэ стерэн о свынто харкумуно тазо и подставка каринг лэстэ (Исход 38:8). Важ када и юнглинды, наверно, пэрэплавинас.