Источникоря важ и тетрадка, кай тэ сытювас «Дром и служэния»
2—8 НОЯБРЯ
СОМНАК АНДА БИБЛИЯ | ИСХОД 39, 40
«О Моисеё точно терэлас кода, со ԥэнэнас о Иегова»
(Исход 39:32) Кадя сас стерди вся и бути важ и свынто бари катуна, и катуна важ и собрания. И израильтяноря стердэ вся кадя, сар ԥэндя о Иегова лэ Моисеёсти. Точно кадя вонэ и стердэ.
w11 15/9 27, абз. 13
Ӷанэн тут о Иегова?
13 О Моисеё на шоласпэ по Кореё. Лэстэ сас «со май ковло ди анда всаворэ мануша пэ ԥув» (Числа 12:3). Кода, кай лэстэ сас ковло ди и кай во на заваздэлас о шэро, дицолас андэ кода, кай во фартэ камэлас тэ терэл кодэя дила, сави лэсти дя о Иегова (Исход 7:6; 40:16). Никай на ԥэнэнпэ, кай о Моисеё часто сас нэсоӷласно лэ Иеговаса или кай во на камэлас тэ терэл кода, со ԥэнэн о Иегова. Например, о Иегова росԥэндя пала кажно мелочь, сар тэ стерэн и свынто бари катуна. Во дажэ ԥэндя, саво цвето трэбуй тэ авэн и ҭава и скати трэбуй тэ авэн петли пэ катуна (Исход 26:1—6). Если варико, кастэ исин власть андэ лэ Дэвлэстири арӷанизацыя, ԥэнэн, со тути трэбуй тэ терэс, и здэлпэ, кай фартэ подробно росԥэнэн, када дэкала можэт тэ холярэл. Но о Иегова совершэно руководителё, саво щедро дэл дила аврэнди и патял пэстирэ служытелёнэнди. Если во подробно росԥэнэн, со тэ терэн, лэстэ исин причина пэ када. Шу сама, кай лэ Моисеёс на холярэлас кода, кай о Иегова кадя подробно росԥэнэнас лэсти, со тэ терэл. Во на гиндояс, кай о Дэл на стол пэр лэстэ патив или кай на домэкэл лэсти тэ росԥэнэн пэско гиндо или на дэл лэсти свобода. О Моисеё диқэлас пала кодэла, ко стонас и катуна, кай вонэ тэ стерэн вся кадя, сар приԥэндя о Дэл (Исход 39:32). Дицолас, кай о Моисеё на заваздэлас о шэро! О Моисеё полэлас, кай кадэя дила сас лэ Дэвлэстири, ай во сас кати инструменто андэ лэстирэ вас.
(Исход 39:43) Кала о Моисеё продиқля вся и бути, во додиқля, кай вонэ стердэ вся кадя, сар ԥэндя о Иегова. И о Моисеё блаӷословисардя лэн.
(Исход 40:1, 2) Тоди о Иегова ԥэндя лэ Моисеёсти: 2 «Андо пэрво дес андо пэрво шон стов и свынто бари катуна, и катуна важ и собрания.
(Исход 40:16) О Моисеё стердя вся кадя, сар ԥэндя лэсти о Иегова. Точно кадя во и стердя.
w05 15/7 26, абз. 3
Кандэс ту андэ вся?
3 Андэ Евреям 3:5 ԥэнэнпэ, кай о Моисеё сас кандино, сар слуӷо. Васо важ кадэва пророко можно кадя тэ ԥэнэс? Кала стонас и свынто бари катуна, «о Моисеё стердя вся кадя, сар ԥэндя лэсти о Иегова» (Исход 40:16). Сар лэ Иеговастирэ служытеля, амэ на ашаваса лэс, если на парашаса тэ кандас. Канешно, амэнди трэбуй тэ кандас, дажэ кала амэнди фартэ ԥарэс. Но кода, кай амэ кандас, дицол най кати па кода, сар амэ пэрэандярас о ԥаримос. О Иисусо ԥэнэнас: «Кодэва, ко на парашэл тэ кандэл андо найбаро, кандэл и андо баро. Ай кодэва, ко на кандэл андо найбаро, на кандэла и андо баро» (Луки 16:10). Сар дицол, трэбуй тэ кандас, дажэ андэ кода, со здэлпэ просто мелочь.
Виарақас сомнак анда Библия
(Исход 39:34) покрывало анда лэ бакрэстири мурцы, сави викрасымэ андо лоло цвето, покрывало анда лэ тюленёстири мурцы, занавеска, сави розделияс,
it «Тюленья кожа», абз. 4
Тюленёстири мурцы
Катар и израильтяноря моӷли тэ лэн лэ тюленёстири мурцы? Если та́хаш андэ Библия сыкавэл варисаво видо анда тюленёря, тоди можэт тэ авэл вопросо, кай и израильтяноря линэ лэ тюленёстири мурцы? Хоть амэ ӷанас, кай бут тюленёря жувэн андэ Арктика и Антарктика, дэсавэ тюленёря жувэн андэ май татэ ҭана. Адес андэ Средиземно моря, ай кадяжэ андэ авэр татэ пая исин набут тюленёря монахоря. Бут викоря и мануша умарэнас лэ тюленёнэн, и лэн ашэля пэ бутэстэ май набут. Но андэ библейско время кадэлэ жывотнонэн, сар дицол, сас бут андэ Средиземно и андэ Лоли моря. Инке андо 1832 бэрш андэ ек книжка сас пистромэ, кай и тюленёря исин пэ бут найбарэ островоря андэ Лоли моря, савэ круӷом Синайско полуострово (Calmet A. Dictionary of the Holy Bible. 1832. С. 139; дик кадяжэ: Pollock A. J. The Tabernacle’s Typical Teaching. Лондон. С. 47).
(Исход 40:34) Тоди и туча ушарадя и катуна важ и собрания и лэ Иеговастири слава зажыля андэ вся и свынто бари катуна.
w15 15/7 21, абз. 1
Кодэва, ко вся и время на бистрэл пала амари дила
Кала дотердэ и бути, «и туча ушарадя и катуна важ и собрания и лэ Иеговастири слава зажыля андэ вся и свынто бари катуна» (Исход 40:34). Сар када дэ драго доԥэндя, кай лэ Иеговасти када чалеля! Кати погиндон, со сас андэ кодэва маменто по ди кай о Веселеило и о Аголиаво. Хоть лэндирэ алава и на сас вишындэ пэ изделии, савэ вонэ стердэ, вонэ сас лошалэ, кала диқлэ, кай о Иегова блаӷословисардя лэндири дила (Притчи 10:22). Можно точно тэ ԥэнас, кай лэнди сас приятно тэ диқэн, сар вся кода, со вонэ стердэ, бэрш бэршэстар использовали, кай тэ тэлён лэ Иеговасти. Кала о Веселеило и о Аголиаво ринапэ каринг и жызня пэ ԥув, вонэ авэна лошалэ тэ уӷанэн, кай андэ свынто бари катуна тэлёнас лэ Иеговасти варикай 500 бэрш!
9—15 НОЯБРЯ
СОМНАК АНДА БИБЛИЯ | ЛЕВИТ 1—3
«Васо анэнас и жэртвы?»
(Левит 1:3) Если во анэна лэ жывотнонэс, кай тэ сԥабарэн, анда крупно ското, када трэбуй тэ авэл самецо, савэстэ нинай дефекто. Мэк во екжэно стол лэс англа Иегова паша входо андэ катуна важ и собрания.
(Левит 2:1) Если варико закамэла тэ анэн лэ Иеговасти о марно андэ жэртва, тоди када трэбуй тэ авэл со май лашо яро. Мэк во шол пэр лэстэ вулей и стол пэр лэстэ о ладано.
(Левит 2:12) Лэн можно тэ отдэн лэ Иеговасти сар жэртва анда пэрви плодоря, ай тэ сԥабарэн лэн сар жэртва, савятэ лашо запахо, нащи.
it «Приношения», абз. 4
Жэртвы
И жэртвы, савэ сԥабарэнас. И жэртвы, савэ анэнас лэ Дэвлэсти, сԥабарэнас полностью. Кодэва, ко анэнас и жэртвы, на ашавэлас пэсти нисаво котор лэ жывотнонэстар. (Дик Судей 11:30, 31, 39, 40.) Через кадэла жэртвы вонэ мангэнас, кай о Иегова тэ прилэл или тэ сыкавэл, кай во прилэл, и жэртва пала бэзэх, сави вонэ дэкала анэнас вмести ла жэртваса, сави сԥабарэнас. О Иисус Христос отдя пэс полностью, сар жэртва, сави сԥабарэн.
it «Приношения», абз. 36
Жэртвы
О марно, саво анэнас андэ жэртва. О марно, саво анэнас андэ жэртва, анэнас вмести лэ мирнонэ жэртвэнца, савэ сԥабарэнас, и лэ жэртвэнца пала бэзэх, лэн кадяжэ анэнас сар и пэрви плодоря. Андэ авэр случаёря лэн анэнас отдельно (Исход 29:40—42; Левит 23:10—13, 15—18; Числа 15:8, 9, 22—24; 28:9, 10, 20, 26—28; ӷл. 29). Кадэла жэртвы сыкавэнас лэ Дэвлэстири щедрость, кай во дэлас бут блаӷословении и дэлас лашимос. Часто каринг лэ марнэстири жэртва анэнас о вулей и о ладано. Кацавэ жэртвы моӷли тэ авэн анда со май лашо яро, прыжымэ зэрно, кольцоря или коржоря, савэ гитомэ андо бов, пэ сковородка или андо котло. Часть анда лэ марнэстири жэртва стонас по жэртвеннико, кай тэ сԥабарэн, часть ханас и рашая, ай если када сас мирно жэртва, ханас кодэла, ко ла анэнас (Левит 6:14—23; 7:11—13; Числа 18:8—11). Ни андэ сави жэртва анда марно, сави сԥабарэн по жэртвеннико, на трэбуй сас тэ авэл закваска или ядин (можэт када сиропо анда инжыро или соко анда фрукты), через со моӷло тэ забродий (Левит 2:1—16).
(Левит 3:1) Если варико закамэла тэ анэн и мирно жэртва анда крупно ското, гурувэс или гурувня, во трэбуй тэ стол англа Иегова лэ жывотнонэс, савэстэ нинай дефекто.
it «Приношения», абз. 9
Жэртвы
И мирни жэртвы. И мирни жэртвы, савэ чалёнас лэ Иеговасти, сыкавэнас, кай и мануша ладинас лэса. Андэ када участвовал кодэва, ко анэнас и жэртва, и лэско ери (андэ града андэ свынто бари катуна [па традицыя паша покрывало стонас и катуницы]; андэ столови андо храмо). Котор лэлас о рашай, саво анэнас и жэртва, ай инке ек котор авэр рашая, савэ служынас андэ свынто бари катуна. О Иегова, ԥэнэса, прилэлас о приятно ҭув, саво жалас, кала сԥабарэнас о чичен. О рат, саво сыкавэлас и жызня, отдэнас лэ Иеговасти, сар кода, со лэско. Кадя, кодэва, ко анэнас и жэртва, и лэско ери, ай кадяжэ и рашая и о Иегова, ханас еқэҭанэ. Када сыкавэлас, кай вонэ ладин. Если о мануш, саво котэ халас, сас найвужо (па любо причина, пала сави сас ԥэндо андо Законо) или халас о мас, саво ритярэнас май бут, чем трэбуй сас (андэ татэ ҭана о мас лэлас тэ римойпэ), тоди кодэлэ манушэс трэбуй сас тэ умарэн. Во на столас патив пэ кадэва хамос, важ кода кай во екжэно сас найвужо или халас кода, со важ о Иегова сас найвужо. Кадя во сыкавэлас, кай на стол патив пэ кода, со свынто (Левит 7:16—21; 19:5—8).
Виарақас сомнак анда Библия
(Левит 2:13) Вся о марно, саво анэн андэ жэртва, трэбуй тэ авэл лонэса. Нащи, кай о марно, саво анэн андэ жэртва, тэ авэл би лонэско, важ кода кай во дэл тэ сэрэн о доӷоворо машкар и мануша и машкар тумаро Дэл. Кажно разо, сар анэн жэртва, анэн и о лон.
(Иезекииль 43:24) Стов лэн англа Иегова, и рашая шона пэр лэндэ лон и анэна андэ жэртва, кай тэ сԥабарэн, важ о Иегова.
w04 15/5 22, абз. 1
Интересни гиндоря анда книӷа Левит
2:13. Васо, кала анэнас всаворэ жэртвы, трэбуй сас тэ анэн и о лон? Када терэнас най важ кода, кай и жэртва тэ авэл май вкусно. Всаворэ мануша используют о лон, кай тэ на римойпэ о хамос. Май йто всаворэстар, о лон анэнас ла жэртваса важ кода, кай во сыкавэл кода, со на римойпэ и на тернёл.
(Левит 3:17) Акэ законо пэ викоря важ тумэндэ и важ тумарэ потомкоря, кай бы тумэ тэ на жувэн, на хан нисаво чичен и нисаво рат“».
it «Жир», абз. 6
Чичен
Васо сас стодо кадэва законо? Андэ кодэя время, кала сас доӷоворо пала Законо, о рат и о чичен сас кати важ о Иегова. Андо рат исин жызня, сави можэт тэ дэл кати о Иегова, важ када о рат принадлежыт лэсти (Левит 17:11, 14). О чичен, сар гиндонас, сас само лащи часть анда любо жывотно. Кала анэнас о чичен анда жывотно, о мануш полэлас, кай со май лашэ части андэ жэртвы трэбуй тэ отдэн лэ Иеговасти, саво бут со дэл. Кадя о мануш сыкавэлас, кай камэл тэ отдэл лэ Дэвлэсти со май лашо. Важ када андэ Библия ԥэнэнпэ, кай о чичен сԥабарэнас по жэртвеннико сар хамос и сар запахо, саво драго қандэл, важ о Иегова (Левит 3:11, 16). Важ када, если варико халас о чичен, во терэлас най па законо кодэлэса, кай залэлас кода, со прижал лэ Дэвлэсти, во камэлас тэ залэл лэ Иеговаско право. Кодэлэс, ко халас о чичен, умарэнас. Но о чичен, най сар о рат, можно сас тэ используют кордэ каринг трэбуй, но най андо хамос. Например, о чичен лэ мулэ жывотнонэско или савэс росхалэ авэр жывотни (Левит 7:23—25).
w04 15/5 22, абз. 2
Интересни гиндоря анда книӷа Левит
3:17. Лэ израильтянонэнди нащи сас тэ хан о чичен, пала саво гиндонас, кай када со май лащи часть. Кадэва запрето драго поможыяс лэ народости тэ полэл, кай кода со май лашо прижал лэ Иеговасти (Бытие 45:18). Када дэл тэ сэрас амэнди, кай трэбуй тэ отдас лэ Иеговасти вся со май лашо (Притчи 3:9, 10; Колоссянам 3:23, 24).
16—22 НОЯБРЯ
СОМНАК АНДА БИБЛИЯ | ЛЕВИТ 4, 5
«Отдэ лэ Иеговасти со май лашо»
(Левит 5:5, 6) Если о мануш ашэла дошало анда варисо када, мэк прижандёл, саво бэзэх во стердя. 6 И важ о бэзэх, саво стердя, мэк во анэн лэ Иеговасти и жэртва важ и дош. Мэк анэн тэрня бакря или бузня андэ жэртва важ о бэзэх, и о рашай витинэла лэс анда лэско бэзэх.
it «Приношения», абз. 28
Жэртвы
Жэртва важ и дош. И жэртва важ и дош поджал кадяжэ каринг и жэртва важ о бэзэх, важ кода кай и дош связано лэ бэзэхэса. Ла анэнас пала особо бэзэх, через саво о мануш ашэлас дошало, и кадэя жэртва набут на шоласпэ пэ авэр жэртвы пала бэзэх кодэлэса, кай можэт рияс право. Кала нарушалось лэ Иеговаско право, или лэстирэ свынтонэ народоско. И жэртва пала дош анэнас, кай тэ рин лэ Иеговаско право или сар ԥэнэнаспэ андо доӷоворо пала лэ манушэско право, саво каияспэ, или кай тэ на спушэн пала бэзэх. (Дик Исаия 53:10.)
(Левит 5:7) Если лэстэ на хутилэл ловэ тэ анэн бакря, мэк во анэн лэ Иеговасти андэ жэртва важ и дош дуен ӷолубкэн чи дуен тэрнорэ ӷолубонэн, еқа птица андэ жэртва важ о бэзэх, ай авря, кай тэ сԥабарэн.
w09 1/6 26, абз. 3
Во полэл, со амэ можэм тэ стерас
Акэ со ԥэнэнаспэ андо Законо, андэ саво дицолас, кай о Иегова фартэ заботливо Дэл: «Если лэстэ на хутилэл ловэ тэ анэн бакря, мэк во анэн лэ Иеговасти андэ жэртва важ и дош дуен ӷолубкэн чи дуен тэрнорэ ӷолубонэн» (стихо 7). Аврэ алавэнца, если о израильтянино сас фартэ чороро, кай тэ анэн ла бакря, о Дэл анда вся оди прилэлас и жэртва, сави во моӷ тэ анэн, када дуе ӷолубкэн чи дуе ӷолубонэн.
(Левит 5:11) Если жэ лэстэ на хутилэн ловэ тэ анэн дуе ӷолубкэн или дуе тэрнорэ ӷолубонэн, мэк во анэн андэ жэртва важ пэско бэзэх десято часть анда ефа, анда со май лашо яро. Мэк во на шол пэр лэстэ вулей и на стол пэр лэстэ о ладано, важ кода кай када жэртва важ о бэзэх.
w09 1/6 26, абз. 4
Во полэл, со амэ можэм тэ стерас
Но со если о мануш нэ моӷ тэ анэн андэ жэртва дуе птицэн? Тоди па Законо во трэбуй сас тэ анэн «важ пэско бэзэх десято часть анда ефа [восемь девять стаканоря], анда со май лашо яро» (стихо 11). О Иегова домэкэлас кодэлэнди, ко фартэ чорорэ, тэ анэн и жэртва важ о бэзэх, андэ сави нинай рат. Важ када андо Израилё, если дажэ о мануш сас чороро, во всаек моӷ тэ анэн и жэртва, через сави моӷ тэ простийпэ лэско бэзэх и во тэ ладий лэ Дэвлэса.
Виарақас сомнак анда Библия
(Левит 5:1) Если варико ашундя, кай трэбуй тэ росԥэнэн кода, со сас, но на росԥэндя, со диқля или уӷангля, лэстар трэбуй тэ спушэн пала лэско бэзэх.
w16.02 29, абз. 14
Сытён кай лэ Иеговастирэ служытеля, савэ на парашэн тэ кандэн
14 И доброта поможыя тэ стерас правильно, кала амэнди прижалпэ тэ витидас, кас трэбуй тэ кандас. Например, тумэ варисар уӷанглэ, кай авэр христианино стердя баро бэзэх. Наверно, тумэ гиндон, кай фэдэр тэ кандэн лэс, особено если када тумаро лашо друӷо или родо. Но если тумэ на росԥэнэна важ лэстэ, кадэлэса тумэ на кандэн лэ Иеговас. Само ӷлавно трэбуй тэ кандас лэ Дэвлэс. Важ када сытён кай о Нафано, авэн добри, ай кадяжэ мэк тумэн на шол андэ рига. Ԥэнэн пэстирэ друӷости или лэ родости, кай тэ родэн и помощь кай и старейшыноря. Если во на стерэла када андэ пэстири время, тоди через кода, кай тумэ преданни лэ Дэвлэсти, тумэ вся росԥэнэна лэ старейшынонэнди. Вонэ ковлэс старыинапэ тэ поможын кадэлэ манушэсти. Кадя тумэ кандэна лэ Иеговас и сыкавэна, кай тумэ камэн лашимос лэ друӷости или лэ родости. (Адиносар Левит 5:1; Галатам 6:1.)
(Левит 5:15, 16) «Если варико парашэла тэ кандэл, и нэчайно терэла бэзэх против кода, со свынто важ о Иегова, во трэбуй тэ анэн лэ Иеговасти и жэртва важ и дош. Во анэна бакрэс, савэстэ нинай дефекто, па цэмин, сави стодэ, лэстири цэмин андэ рупунэ си́клёря, када анда свынти си́клёря. 16 Во потинэла важ пэско бэзэх, саво стердя против свынто ҭан, и достола панчто часть анда цэмин. Во отдэла вся када лэ рашасти, кай во тэ витинэл лэс анда бэзэх, кодэлэса, кай анэна лэ бакрэс андэ жэртва важ и дош, и лэско бэзэх простияпэ.
it «Святость», абз. 18
Свынто
Жывотни и уражаё. И пэрви бакрэ, бузнэ и о крупно ското сас свынти важ о Иегова, и лэн нащи сас тэ витинэн. Лэн трэбуй сас тэ анэн андэ жэртва, и часть анда кадэя жэртва прижалас лэ свынтонэ рашанди (Числа 18:17—19). Свынти сас и пэрви плодоря и десятины, ай кадяжэ всаворэ жэртвы и дароря, савэ свынцосардэ, кай тэ используют андэ служэния андэ бари катуна важ и собрания (Исход 28:38). Вся, со сас свынто, сас свынто важ о Иегова, каринг када нащи сас тэ обжанпэ най пативалэс, и нащи сас тэ используют када важ пэстэ. Например, када сыкавэл о законо пала десятина. Если о мануш отстол часть анда варисо, например анда пшэница, важ и десятина, ай тоди во или варико анда лэско ери нэчайно лэлас анда кадэя часть набут важ пэстэ, можэт кай тэ хан, тоди кадэва мануш ашэл дошало андэ кода, кай жал против лэ Дэвлэско законо пала свынто. Во трэбуй сас тэ анэн андэ жэртва анда пэско стадо бакрэс, савэстэ на сас дефекто, ай кадяжэ тэ рий кода, со ля, и инке тэ достол каринг када 20 процэнтов. Када сытярэлас лэ манушэн тэ стон бари патив пэ кода, со свынто, со прижалас лэ Иеговасти (Левит 5:14—16).
23—29 НОЯБРЯ
СОМНАК АНДА БИБЛИЯ | ЛЕВИТ 6, 7
«Сыкавэн блаӷодарность»
(Левит 7:11, 12) Акэ о законо пала мирно жэртва, сави анэн лэ Иеговасти. 12 Если варико анэна ла, кай блаӷодарно, тоди каринг и жэртва важ и блаӷодарность, мэк анэна и кольцоря би лонэско, андэ савэ исин вулей, санэ коржоря би лонэско, савэ обмақлэ вулееса, и кольцоря анда драго виӷамимэ хумэр анда со май лашо яро лэ вулееса.
Сости сытярэл амэн и книӷа Левит?
9 Дуйто маменто. Амэ служысарас лэ Иеговасти, важ кода кай блаӷодарни. Кай май драго када тэ полас, роздиқам, васо андо Израилё анэнас мирни жэртвы. Анда книӷа Левит амэ уӷанас, кай израильтяноря анэнас мирно жэртва «важ кода, кай сас блаӷодарни» (Левит 7:11—13, 16—18). Кадэя жэртва сас най обязательно, и анэнас ла кати кодэла, ко камэнас. Кадэя жэртва и мануша анэнас, важ кода кай любинас пэстирэ Дэвлэс лэ Иеговас. Мануш, саво анэнас андэ кадэя жэртва лэ жывотнонэс, потом халас лэ ереса кадэва мас и дэлас лэ рашанди. Но дэсавэ котора анда жывотно сас кати важ о Иегова. Савэ?
(Левит 7:13—15) Мэк во анэн и жэртва, ай кадяжэ и кольцоря анда марно, анда хумэр, саво би дрожэнго и и мирни жэртвы, савэ анэн, кай тэ сыкавэн и блаӷодарность. 14 Мэк во анэн сар свынто пай лэ Иеговасти ек марно анда кажно видо. Када прижал лэ рашасти, саво мақэл по жэртвеннико о рат анда мирни жэртвы. 15 О мас анда мирни жэртвы, савэ анэн, кай тэ сыкавэн и блаӷодарность, трэбуй тэ хан андэ кодэва жэ дес. Нащи нисо тэ ашавэн жы кай и тэсара.
w00 15/8 15, абз. 15
Жэртвы, савэ прославляют лэ Иеговас
15 Инке ек жэртва, пала сави запистромэ андэ трито ӷлава Левит, када мирно жэртва, сави и мануша анэнас корко пэстар. Андэ дэлмутни время пэ еврейско шыб о алав «мир» сыкавэлас май бут чем, кай нинай война или беспорядкоря. Андэ ек книжка ԥэнэнпэ: «Андэ Библия кадэва алав сыкавэл и када и кода, кай драго по ди или кай исин лашимос, радость, бахталимос, кай ладин лэ Дэвлэса» («Studies in the Mosaic Institutions»). Вижал, и мирни жэртвы анэнас най важ кода, кай тэ ладин лэ Дэвлэса, сар бы тэ улэн и холи лэстар, ай важ кода, кай тэ сыкавэн пэстири блаӷодарность, кай лэндэ исин дружба лэ Дэвлэса. Кадэя дружба исин кодэлэстэ, ко лэсти уӷодий или кодэлэстэ, ко сыкавэл пэстири радость пала када. И рашая и кодэва, ко анэнас и жэртва, ханас кадэя жэртва посли кода, сар анэнас латар о рат или о чичен лэ Иеговасти (Левит 3:17; 7:16—21; 19:5—8). Кодэва, ко анэнас и жэртва, и рашая и о Иегова, можно тэ ԥэнэс, ханас вмести, и када сыкавэлас, кай вонэ ладинас. Када сас шукарнэс.
(Левит 7:20) Если о мануш найвужо и во хал о мас анда мирно жэртва, сави важ о Иегова, лэс трэбуй тэ умарэн.
w00 15/8 19, абз. 8
Жэртвы, савэ прославляют лэ Иеговас
8 Ай со ԥэнэнпэ пала кодэва, ко анэнас и жэртвы? Андо Законо ԥэнэнпэ, кай ко авэл каринг о Иегова, трэбуй тэ авэл вужо англа лэстэ. Кажнонэсти, ко варисар ашэля най вужо англа Дэл, спэрва трэбуй сас тэ анэн жэртва важ о бэзэх или жэртва важ и дош, кай упалэ тэ авэл вужо англа лэстэ, и тоди лэстири жэртва, сави во анэн, кай тэ сԥабарэл, или мирно жэртва авелоп уӷодно лэ Дэвлэсти (Левит 5:1—6, 15, 17). Важ када, полас ли амэ, пэскати дэ важно тэ ашаспэ вся и время вужэ англа Иегова? Если амэ камас, кай амари служэния тэ чалёл лэ Иеговасти, тоди если амэ хоть набут жас против лэ Дэвлэско законо, амэ трэбуй сар можно май йто тэ парудювас. Андэ кацавэ маменторя на трэбуй тэ цырдэс и время, кай тэ прилэс и помощь, сави о Дэл дя через и старейшыноря, и через лэ Иисусостири жэртва (Иакова 5:14; 1 Иоанна 2:1, 2).
Виарақас сомнак анда Библия
(Левит 6:13) И яг трэбуй тэ ԥабол по жэртвеннико вся и время, вой на трэбуй тэ мудардёл.
it «Огонь», абз. 4
Яг
Андэ свынто катуна и андо храмо. И яг использовали, кала тэлёнас лэ Дэвлэсти андэ свынто бари катуна, ай через время и андо храмо. Кажно тэсара и машкар дуй вэчэроря о рашай трэбуй сас тэ сԥабарэл о фимиамо по жэртвеннико (Исход 30:7, 8). Па лэ Дэвлэско законо, трэбуй сас, кай и яг по жэртвеннико, кай сԥабарэн и жэртвы, тэ ԥабол вся и время (Левит 6:12, 13). Бут иудеёря гиндонас, кай и пэрво яг по жэртвеннико дя яг екжэно о Дэл и кай када сас чуда, но пала када на ԥэнэнпэ андэ Писания. Спэрва о Иегова через о Моисеё приԥэндя: «Лэ Аароностирэ шавэ, и рашая, стона по жэртвеннико ԥабардо янгар и ростона пэр лэстэ и каш» (Левит 1:7, 8). Вонэ трэбуй сас када тэ стерэн, пока на стодэ лэ жывотнонэс по жэртвеннико. И кати посли кода, сар стодэ лэ свынтонэ рашан тэ служын, ай кадяжэ посли кода, сар андэ и жэртвы, савэ трэбуй, кати тоди сжыля и яг лэ Иеговастар, (можэт, анда туча, сави тердёлас понад и свынто бари катуна) и сԥабардя и жэртвы по жэртвеннико. Вижал кадэя нэобычно яг на дя и яг и каш, ай сԥабардя и жэртва и о чичен по жэртвеннико. И яг, сави ԥаболас посли када, можэт сас и кодэя яг, сави сжыля лэ Дэвлэстар и кодэя, сави динэ яг май англал (Левит 8:14—9:24). Кадяжэ сас посли лэ Соломоностири молитва, кала ԥэрнадэсас о храмо, и яг нэобычно сжыля па нэбо и сразу сԥабардя и жэртвы (2 Летопись 7:1; дик Судей 6:21; 1 Царей 18:21—39; 1 Летопись 21:26, кай запистромэ авэр случаёря, кала лэ Иеговастар сжалас и яг, и во прилэлас и жэртвы кай пэстирэ служытеля).
(Левит 6:25) «Ԥэн лэ Аароности и лэстирэ шавэнди: „Акэ законо важ и жэртва пала бэзэх, о жывотно, саво анэн андэ жэртва пала бэзэх, трэбуй тэ зашынэн англа Иегова пэ кодэва ҭан, кай шынэн лэ жывотнонэн, савэн сԥабарэн. Када фартэ свынто.
si 29, абз. 15
Трито книӷа андэ Библия. Левит
15 3. И жэртва важ о бэзэх трэбуй тэ анэн, кала на камля тэ терэл бэзэх, но стердя или стердя лэс нэчайно. Андэ жэртва анэн разнонэ жывотнонэн, када зависит кодэлэстар, ко стердя бэзэх. Например, о рашай, о народо, о начальнико или обычно мануш. Если и жэртва, кай тэ сԥабарэн и мирни жэртвы, варико анда израильтяноря анэнас екжэно пэстар, тоди и жэртва важ о бэзэх обязательно трэбуй сас тэ анэн (4:1—35; 6:24—30).
30 НОЯБРЯ — 6 ДЕКАБРЯ
СОМНАК АНДА БИБЛИЯ | ЛЕВИТ 8, 9
«Сар дицол лэ Иеговастири блаӷословения»
(Левит 8:6—9) О Моисеё андя лэ Ааронос и лэстирэ шавэн и приԥэндя лэнди тэ вихаладён лэ паеса. 7 Посли када во стодя пэр лэстэ лунго гад, заԥангля и кущик, стодя пэр лэстэ би баяндири платья и о ефодо и заԥангля и кущик па ефодо и састэс приԥангля лэс. 8 Тоди во стодя пэр лэстэ о наӷруднико и стодя андо наӷруднико о ури́мо и о тумми́мо. 9 Потом во стодя лэсти по шэро стади и стодя англал пэ стади блестящё сомнакуни пластина, када свынто знако, саво сыкавэл, кай динэ алав лэ Иеговасти, сар о Иегова приԥэндя лэ Моисеёсти.
(Левит 8:12) Посли када во вишутя часть анда вулей, кай тэ мақэн по шэро лэ Аароности и мақля лэс, кай во тэ авэл свынто.
it «Посвящение», абз. 6
Дэн алав лэ Иеговасти
О Моисеё ԥэндя лэ Аароности и лэстирэ шавэнди, лэ Надавости, лэ Авиудости, лэ Елеазарости и лэ Ифамарости, тэ вихаладён паеса паша харкумуно чаро андэ града и стодя по Аароно райкани йда, сави трэбуй тэ ԥиравэл о само баро рашай (Числа 3:2, 3). И шукарни йда лэ Аароностири поджалас каринг лэстири дила и обязанность. Тоди о Моисеё мақля и свынто бари катуна и вся со андэр латэ, ай кадяжэ о жэртвеннико, кай сԥабарэн и жэртвы, о чаро и вся со котэ сас. Кадя вонэ сас свынцомэ и отделёни кати важ ек спецально дила. Акана лэн моӷли тэ используют андэ служэния лэ Дэвлэсти. Посли када о Моисеё шутя лэ Аароности по шэро о вулей (Левит 8:6—12; Исход 30:22—33; Псалом 133:2).
(Левит 9:1—5) По восьмо дес о Моисеё ақардя лэ Ааронос, лэстирэ шавэн и лэ старейшынонэн анда Израилё 2 и ԥэндя лэ Аароности: «Лэ гурувурэс важ и жэртва пала бэзэх и бакрэс, кай тэ сԥабарэн, андэ лэдуй на трэбуй тэ авэл дефекто, ан лэн и стов англа Иегова. 3 Ай лэ израильтянонэнди ԥэн: „Лэн лэ бузнэс важ и жэртва пала бэзэх, гурувурэс и бакрэс, савэнди бэрш и савэндэ нинай дефекто, кай тэ сԥабарэн, 4 ай кадяжэ гурувэс и бакрэс важ и мирни жэртвы, кай тэ анэн лэн андэ жэртва англа Иегова, и марно важ и жэртва, саво сӷамимэ лэ вулееса, важ кода кай адес о Иегова сыкавэла пэс тумэнди“». 5 Вонэ стодэ англа катуна важ и собрания вся, сар приԥэндя о Моисеё. Посли када всаворэ мануша авелэ и терделэ англа Иегова.
it «Посвящение», абз. 17
Дэн алав лэ Иеговасти
По восьмо дес и рашая полностью сас ӷотови екжэнэ тэ терэн пэстири дила, кай тэ служын (би лэ Моисеёско). Лэ израильтянонэн трэбуй сас тэ витинэн, най кати важ кода, кай вонэ ӷрешни, но и важ кода, кай вонэ найдэлмут на канглэ, кай тэлелэ лэ сомнаконэ гуруворэсти, и кадэлэса вонэ холярдэ лэ Иеговас (Левит 9:1—7; Исход 32:1—10). Кала и рашая дотердэ и дила андэ служэния, о Иегова сыкадя, кай лэсти када чалеля, и сыкадя, кай вонэ и дальшэ тэ терэн пэстири дила. Када во сыкадя кодэлэса, кай бишалдя и яг, сави чаче вижыля анда облачно столбо понад бари свынто катуна и сԥабардя и жэртвы, савэ ашэлэпэ по жэртвеннико (Левит 9:23, 24).
(Левит 9:23, 24) Тоди о Моисеё и о Аароно зажылэ андэ катуна, кай стидэнпэ, ай кала вижылэ андар латэ, блаӷословисардэ лэ народос. И о Иегова сыкадя всаворэ народости пэстири слава. 24 О Иегова бишалдя яг, сави сԥабардя вся, со сас важ и жэртва, и о чичен по жэртвеннико. Кала и мануша диқлэ када, вонэ зацыписайлэ и пэлинэ лэ муеса жы кай и ԥув.
Сости сытярэл амэн и книӷа Левит?
13 Штарто маменто. О Иегова блаӷословий пэстири арӷанизацыя, сави пэ ԥув. Подам дума пала кода, со тердяпэ андо 1512 бэрш жы кай И. Х., кала паша плай Синаё стодэсас и свынто бари катуна (Исход 40:17). О Моисеё стердя обрядо, андэ саво о Аароно и лэстирэ шавэ ашэлэ рашанца. О израильско народо стидяпэ, кай тэ диқэл, сар и рашая пэрво разо лэ жывотнонэн анэна андэ жэртва (Левит 9:1—5). Сар о Иегова сыкадя, кай лэсти чалелэ кадэла рашая? Кала о Моисеё и Аароно блаӷословисардэ лэ народос, лэ Иеговастар па нэбо сжыля и яг и сԥабардя вся, со сас по жэртвеннико. (Адиносар Левит 9:23, 24.)
Виарақас сомнак анда Библия
(Левит 8:6) О Моисеё андя лэ Ааронос и лэстирэ шавэн и приԥэндя лэнди тэ вихаладён лэ паеса.
w14 15/11 9, абз. 6
Васо амэ трэбуй тэ авас свынти?
6 Кода, кай израильски рашая трэбуй сас тэ авэн вужэ, кадяжэ важно важ лэ Иеговаско народо андэ амарэ деса. И мануша, савэн амэ сытярас па Библия, часто шон сам, сар дэ вужэс амэндэ котэ, кай стидаспэ тэ тэлювас лэ Иеговасти. И инке шон сама, сар амэ шукарнэс и сэжо утидэ. Кода, кай и рашая сас вужэ, кадяжэ поможый амэнди тэ полас, кай кодэлэндэ, ко ваздэлпэ по плай, кай тэ тэлёл лэ Иеговасти, трэбуй тэ авэл вужо ди. (Адиносар Псалом 24:3, 4; Исаия 2:2, 3.) Кала амэ терас лэ Дэвлэстири свынто дила, амаро ди, гиндоря и тила трэбуй тэ авэн вужэ. Важ када трэбуй най еқвар тэ диқас, со амэндэ андо ди, и посли када, можэт, амэнди прижалапэ андэ варисо тэ парудювас, кай тэ авас свынти (2 Коринфянам 13:5). Например, если болдо христианино спецыально диқэл билажавардимос, во трэбуй тэ пушэл пэстар: «Ашавпэ мэ вужо англа Дэл?» Тоди во трэбуй тэ мангэл помощь, кай тэ улэл пэстар кадэя найлащи привычка (Иакова 5:14).
(Левит 8:14—17) Тоди во андя лэ гурувэс важ и жэртва пала бэзэх, и о Аароно и лэстирэ шавэ стодэ и вас по шэро лэ гурувэсти. 15 О Моисеё зашындя лэс, ля лэско рат, мақля лэс лэ наеса пэ всаворэ роӷоря по жэртвеннико и стердя вужо о жэртвеннико лэ бэзэхэстар. О рат, саво ашэляпэ, во вишутя паша жэртвеннико, кай во тэ авэл свынто, кай пэр лэстэ тэ витинэн. 16 Посли када о Моисеё ля вся о чичен, саво сас андрэ андо жывотно, ай кадяжэ о чичен, саво сас пэ печень, лэдуй почки и о чичен, саво пэр лэндэ, и сԥабардя по жэртвеннико. 17 Ай вся, со ашэляпэ, и мурцы лэ гурувэстири, лэско мас и о гряцимос, саво андэр лэстэ, сԥабардя пала лаӷерё, сар о Иегова и ԥэндя лэ Моисеёсти.
it «Моисей» абз. 19
О Моисеё
О Моисеё сас кодэлэса, через кастэ о Дэл стердя о доӷоворо пала Законо лэ израильтянонэнца. Кацавэ отношения лэ Дэвлэса на сас будэр никастэ, кроме лэ Иисусостэ, через кастэ о Иегова стердя нэво доӷоворо. Лэ жывотнонэндирэ ратэса, савэн отдинэ андэ жэртва, о Моисеё мақля и книӷа важ о доӷоворо, андэ сави еқа ригатар сас о Иегова, ай авря ригатар о народо (можэт када сас и старейшыноря). О Моисеё проадиносардя и книӷа лэ народости и вонэ ԥэндэ: «Амэ стераса вся, со ԥэндя о Иегова, и аваса кандинэ» (Исход 24:3—8; Евреям 9:19). Лэ Моисеёстэ, сар лэ посредникостэ, сас честь тэ диқэл пала бути, кала стонас и свынто бари катуна и терэнас вся, со важ латэ трэбуй, кадя сар ԥэндя лэсти о Иегова. Инке о Моисеё стодя кай тэ служын и рашая и мақля лэ вулееса и свынто бари катуна, ай кадяжэ лэ Ааронос. Кадэлэ вулеестэ, савэстэ сас особо составо. Кадяжэ о Моисеё диқэлас пала празнико, саво стодэ и рашая (Исход, ӷлавы 25—29; Левит, ӷлавы 8, 9).