Источникоря важ и тетрадка, кай тэ сытювас «Дром и служэния»
7—13 ДЕКАБРЯ
СОМНАК АНДА БИБЛИЯ | ЛЕВИТ 10, 11
«Тэ любисарас лэ Иеговас трэбуй май фартэ, чем лэ родос»
(Левит 10:1, 2) Ӷэт май интя лэ Аароностирэ шавэ о Нада́во и Авиу́до линэ пэстирэ сосудоря, стодэ андэр лэндэ о ԥабардо янгар и пэр лэстэ стодэ о фимиамо. Вонэ андэ лэ Иеговасти о фимиамо ла ягаса, сави нащи сас тэ анэн, со во лэнди на ԥэндя тэ терэн. 2 Тоди о Иегова бишалдя пэр лэндэ яг, и вонэ мулинэ англа Иегова.
it «Огонь», абз.4
Яг
Андэ Левит 10:1 о еврейско алав зар (зара́ «чужо») пистромэ каринг и алава «яг, сави нащи сас тэ анэн», савяса лэ Аароностирэ шавэ о Надаво и о Авиудо авелэ каринг о Иегова. О Иегова на ԥэндя лэнди када тэ терэн и важ када умардя лэн ягаса (Левит 10:2; Числа 3:4; 26:61). Тоди во ԥэндя лэ Аароности: «На пэн вино и авэр крепки напиткоря ни ту, ни тирэ шавэ, кала зажан андэ катуна важ и собрания, кай тумэ тэ на мэрэн. Кадэва законо пэ викоря важ тумэндэ и важ тумарэ потомкоря. Кадэва законо тумэнди дино важ кода, кай тумэ тэ полэн, со свынто, ай со найсвынто, со найвужо и со вужо, и кай тэ сытярэн лэ израильтянонэн всаворэ закононэнди, савэ о Иегова дя лэнди через о Моисеё» (Левит 10:8—11). Када сыкавэл, кай о Надаво и о Авиудо сас матэ, через када вонэ на дарайлэ тэ авэн каринг о Иегова ла ягаса, сави во на ԥэндя лэнди тэ анэн. Можэт, кадэя яг нащи сас тэ анэн важ кода кай ла андэ най андэ кодэя время, най андэ кодэва ҭан или най кадя, сар трэбуй сас. Ай можэт о фимиамо сас най кацаво, пала саво пистромэ андэ Исход 30:34, 35. Кода, кай о Надаво и о Авиудо сас матэ, на злэл пар лэндэ и дош, кай вонэ тердэ бэзэх.
(Левит 10:4, 5) О Моисеё ақардя лэ Мисаилос и Елцафанос, лэ шавэн лэ Узиилостирэ, саво лэ Аароноско како, и ԥэндя лэнди: «Жан и виандярэн пала лаӷерё тумарэ ԥралэн анда свынто ҭан». 5 Вонэ жылэ и виандярдэ лэн (пэ савэ инке сас и йда, сави ԥиравэнас и рашая) пала лаӷерё, сар ԥэндя о Моисеё.
(Левит 10:6, 7) О Моисеё ԥэндя лэ Аароности и лэстирэ шавэнди, лэ Елиазарости и лэ Ифамарости: «На парашэн тэ диқэн пала пэстирэ бал и на шынэн пэр пэстэ и йда, кай тумэ тэ на мэрэн и кай о Дэл тэ на холявэл по всаворэ народо. Пала кодэла, кас о Иегова умардя ла ягаса, ровэна тумарэ ԥрала, израильтяноря. 7 Тумэ жэ на оджан лэ входостар андэ катуна важ и собрания, кай тумэ тэ на мэрэн. Важ кода кай пэр тумэндэ лэ Иеговаско вулей важ и помазания». И вонэ стердэ кадя, сар ԥэндя о Моисеё.
w11 15/7 31, абз. 16
Авелэ тумэ андэ лэ Дэвлэско покоё чи най?
16 Кай лэ Моисеёско ԥрал Аароно сас ԥари ситуацыя, кала лэстирэ шавэ о Надаво и о Авиудо авелэ каринг о Иегова ла ягаса, сави нащи сас тэ анэн и о Иегова умардя лэн. Погиндон, со лэ Аароностэ сас по ди! Канешно, через кода, кай о Надаво и о Авиудо мулинэ, во нэ моӷ будэр лэнца тэ общяеца. Но када инке най вся. О Иегова ԥэндя лэ Аароности и лэстирэ шавэнди, савэ на парашэнас лэс тэ кандэн: «На парашэн тэ диқэн пала пэстирэ бал и на шынэн пэр пэстэ и йда [кай тэ дицол, кай тумэ бидаса умардэ], кай тумэ тэ на мэрэн и кай о Дэл [Иегова] тэ на холявэл по всаворэ народо» (Левит 10:1—6). Вижал, амари любовь каринг о Иегова трэбуй тэ авэл май бари, чем каринг о родо, саво на кандэл лэс.
Виарақас сомнак анда Библия
(Левит 10:8—11) О Иегова ԥэндя лэ Аароности: 9 «На пэн вино и авэр крепки напиткоря ни ту, ни тирэ шавэ, кала зажан андэ катуна важ и собрания, кай тумэ тэ на мэрэн. Кадэва законо пэ викоря важ тумэндэ и важ тумарэ потомкоря. 10 Кадэва законо тумэнди дино важ кода, кай тумэ тэ полэн, со свынто, ай со най свынто, со найвужо и со вужо, 11 и кай тэ сытярэн лэ израильтянонэн всаворэ закононэнди, савэ о Иегова дя лэнди через о Моисеё».
w14 15/11 17, абз. 18
Амэ трэбуй тэ авас свынти андэ вся, со терас
18 Кай тэ авас свынти, амэ трэбуй май драго тэ уӷанас и Свынто Писания и тэ терас кадя, сар ԥэнэн о Дэл. Сгиндосарам лэ Аароностирэ шавэн, лэ Надавос и Авиудос, савэ сас умардэ пала кода, кай авелэ каринг о Иегова «ла ягаса, сави нащи сас тэ анэн», важ кода кай сас матэ (Левит 10:1, 2). Шон сама, со тоди о Дэл ԥэндя лэ Аароности. (Адиносар Левит 10:8—11.) Дицол па кадэла стихоря, кай англа собрания нащи тэ пас алкаӷолё? Погиндосарам акэ пала со. Амэ на жувас тала Законо (Римлянам 10:4). Андэ дэсавэ страны амарэ ԥрала и ԥэя пэн набут алкаӷолё, кала хан англа собрания. Андэ время, кала жалас и Патради, дэнас штар чашы вино. Кала о Иисусо столас о Вэчэро, кай тэ сэрэн пала лэстири смэрть, во дя лэ апостолонэнди о вино, саво сыкавэлас лэско рат (Матфея 26:27). Андэ Библия ԥэнэнпэ, кай нащи тэ пэн бут алкаӷолё и тэ матён (1 Коринфянам 6:10; 1 Тимофею 3:8). Кай бут христианоря и совесть на домэкэл, кай вонэ тэ пэн англа любо служэния. Но андэ кажно страна пэстири культура, важ када лэ христианонэнди важно драго тэ полэн «со свынто, ай со найсвынто», кай кода, сар вонэ пэс андярэн, тэ авэл свынто и тэ радуий лэ Дэвлэс.
(Левит 11:8) Тумэнди нащи тэ хан пар лэндэ о мас и тэ лэнпэ каринг лэндири мули тила. Вонэ най вужэ важ тумэндэ.
it «Животные», абз. 7
Жывотни
Када сас ԥэндо кати кодэлэнди, ко жувэлас па лэ Моисеёско законо. И алава анда Левит 11:8 «вонэ най вужэ важ тумэндэ» сас ԥэндэ кати лэ израильтянонэнди. Кала через лэ Иисусостири жэртва о законо парашэля тэ действует, кадэла алава кадяжэ на трэбуй сас будэр тэ ритярэн. Важ всаворэ мануша упалэ сас ек принцыпо, саво о Иегова дя лэ Ноёсти посли Потопо (Колоссянам 2:13—17; Бытие 9:3, 4).
14—20 ДЕКАБРЯ
СОМНАК АНДА БИБЛИЯ | ЛЕВИТ 12, 13
«Сости амэн сытярэн и законоря пала проказа»
(Левит 13:4, 5) Если жэ о пятно парно, и бал пэр лэстэ на парнелэ и о насвалимос на прожыля тала тила, о рашай ԥандавэла отдельно лэ насвалэс пэ 7 деса. 5 По седьмо дес о рашай продиқэла лэс, и если дицола, кай о пятно на паруделя и на розжыляпэ па тила, о рашай ԥандавэла лэс отдельно инке пэ 7 деса.
wp18.1 7
Вой дэлмутни чи андэр латэ ԥэндо, со и мануша инке на ӷанэнас?
• Кала лэстэ о насвалимос, саво пэрэжал, во трэбуй тэ жувэл аврэтэ
Сар ԥэнэнаспэ андэ лэ Моисеёско законо, манушэн, савэнго насвалимос пэрэжал аврэндэ, трэбуй сас тэ жувэн аврэтэ. Васо? Кай во тэ на пэрэжал кай и мануша, савэндэ нинай кацаво насвалимос. Но и врачоря линэ тэ фэрин о зор кадя, кати тоди, сар прожылэ и викоря. Васо? Важ кода кай бут мануша, кала на фэринас кадя пэско зор, мулинэ. Кала о мануш и адес кадяжэ фэрий пэско зор, када драго поможый (Левит, 13 и 14 ӷлава).
(Левит 13:45, 46) О прокожённо трэбуй тэ ԥирэл андэ росшынди йда, трэбуй тэ на диқэл пала бал, во трэбуй тэ ушаравэл о муй кирпаса и тэ цыпий: „Найвужо, найвужо!“ 46 Во авэла найвужо вся и время, пока насвало. Важ кода кай во найвужо, во трэбуй тэ жувэл отдельно, пала лаӷерё.
Ай ту ӷанэс?
И иудеёря андо Израилё даранас лэ насвалимастар, пэ саво ԥэнэн проказа. Андэ дэлмутни время сас ек анда разни видоря кадэлэ ԥарэ насвалимаско, саво фартэ римояс о зор, и нервни окончании и лэ манушэстири тила. Андэ кодэя время и проказа на виличияспэ. Важ када и насвалэ трэбуй сас тэ жувэн отдельно и тэ ԥэнэн аврэ манушэнди пала пэско насвалимос (Левит 13:45, 46).
(Левит 13:52) Во трэбуй тэ сԥабарэл вся, пэр со исин пятно, када йда, шэрстяно или льняно материя или изделия анда мурцы. Важ кода кай када опасно проказа. Кадэя вещь трэбуй тэ сԥабарэн.
(Левит 13:57) Если жэ о пятно авэла пэ авэр ҭан пэ йда, пэ материя пэ ҭава, савэ жан андо лунгимос и андо вучимос или пэ изделия анда мурцы, када сыкавэл, кай и проказа розжалпэ и кадэя вещь трэбуй тэ сԥабарэн.
it «Проказа», абз. 9
Проказа
Пэ йда и андэ цэра. Дэкала и проказа появияспэ пэ шэрстяно или льняно йда и пэ изделия анда мурцы. Андо Законо ԥэнэнаспэ, кай кацави вещь трэбуй тэ пашлёл отдельно. И проказа моӷла тэ ужал посли кода, сар и вещь вихалавэнас. Но если пэ вещь ашэласпэ жолто-зэлэно или лоло пятно, тоди када сас опасно проказа и вещь трэбуй сас тэ сԥабарэн (Левит 13:47—59). Если пэ стина кай о цэр появияспэ жолто-зэлэно или лоли яма, о рашай ԥандавэлас о цэр. Трэбуй сас тэ виԥагэн и бара анда цэр, пэ савэ сас и проказа, тэ обрандэн андрал о цэр, ай и бара и обрангли ӷлина па цэр трэбуй сас тэ вишон андо найвужо ҭан пала форо. Если и проказа упалэ появияспэ по цэр, во ашэлас найвужо и лэс розмарэнас, ай кода, со лэстар ашэласпэ, виандярэнас андо найвужо ҭан. Но о цэр, пэ саво ԥэнэнас, кай вужо, трэбуй сас тэ вужарэн (Левит 14:33—57). Дэсавэ гиндон, кай и проказа, сави сас пэ йда или по цэр, када плесень или грибок. Но када най точно.
Виарақас сомнак анда Библия
(Левит 12:2) Ԥэн лэ израильтянонэнди: „Если и жувли заԥирэла и латэ арақадёла шаво, тоди вой авэла найвужи семь дес, сар андэ деса, кала вой найвужи, кала жал па гад.
(Левит 12:5) Если латэ арақадёла щей, тоди вой авэла найвужи 14 деса, сар андэ время, кала жал па гад. И инке 66 деса вой лэла тэ вужардёл лэ ратэстар.
w04 15/5 23, абз. 2
Интересни гиндоря анда книӷа Левит
12:2, 5 — Васо кала кай и жувли арақадёлас бэято, вой ашэлас «найвужи»? Кодэя часть андэ тила, катар трэбуй тэ авэн и бэяцэ, сас создано, кай тэ залэлпэ совершэно манушыкани жызня. Но через о бэзэх, саво пэрэдяпэ лэ Адамостар, кай и бэяцэ найсовершэно и ӷрешно жызня. Кодэя время, кала о мануш сас «найвужо», например, через кода, кай ла жувлятэ арақадёлас бэято или жалас па гад, ай кадяжэ, кала лэ муршэстэ вишоласпэ и семя, када дэлас лэ израильтянонэнди тэ сэрэн, кай лэнди пэрэдяпэ о бэзэх (Левит 15:16—24; Псалом 50:7; Римлянам 5:12). Кода, кай трэбуй сас тэ вужарден, поможыяс лэ израильтянонэнди тэ полэн, кай лэнди трэбуй жэртва, сави витинэна лэн лэ бэзэхэстар и рия лэ манушэнди и совершэно жызня. Кадя «о законо ля тэ сытярэл каринг о Христос» (Галатам 3:24).
(Левит 12:3) По восьмо дес лэсти трэбуй тэ стерэн обрезания.
wp18.1 7
Вой дэлмутни чи андэр латэ ԥэндо, со и мануша инке на ӷанэнас?
• Тэ полэл пала обрезания
Сар ԥэнэнпэ андэ лэ Дэвлэско Законо, кала арақадёнаспэ шаворэ, лэнди трэбуй сас тэ терэн обрезания пэ восьмо дес (Левит 12:3). Кай и бэяцэ, савэ кати авелэ пэ люма, лэндэ ӷусто рат. И о рат ашэл кацаво, саво трэбуй, кати после пэрво курко. И обрезания терэнас кати пэ восьмо дес. Када фэрияс лэ бэятонэнго зор, важ кода кай андэ кодэя время и врачоря фартэ на ӷанэнас, сар када тэ терэн.
21—27 ДЕКАБРЯ
СОМНАК АНДА БИБЛИЯ | ЛЕВИТ 14, 15
«Вся, со трэбуй, кай вужэс тэ тэлён лэ Дэвлэсти, трэбуй тэ авэл вужо»
(Левит 15:13—15) Если парашэла тэ авэл выделения и о мануш вужардёла, мэк во отадиной семь деса и вихалавэла пэстири йда и наёл андо свижо паи. И во авэла вужо. 14 По восьмо дес мэк лэл дуен ӷорлицен и дуен тэрнэ ӷолубонэн, авэл каринг о входо андэ катуна важ и собрания и, англа Иегова мэк отдэл лэн лэ рашасти. 15 О рашай анэна еқа птица андэ жэртва важ о бэзэх, ай авря, кай тэ сԥабарэн и англа Иегова витинэла лэс лэ найвужымастар.
it «Мытьё, омытие», абз. 4
Халавэн, обхалавэн
Кай тэ авэн вужэ англа Дэл, андо Израилё трэбуй сас па разни причины тэ халадён. «Найвужэ», савэнди трэбуй сас тэ халадён, сас кодэла, ко виличисайля лэ насвалимастар, пэ саво ԥэнэн проказа, кодэва, ко лэласпэ каринг и вещи, савэндэ лясаспэ кодэва, кастэ вишоласпэ и семя, о мурш, савэстэ вишоласпэ и семя, и жувли, после кода, сар латэ жыля па гад или на парашэлас тэ жал о рат, ай кадяжэ кодэла, ко терэлас кода, со трэбуй тэ авэл кати машкар хулай и хулаи (Левит 14:8, 9; 15:4—27). Любо мануш, ко сас андэ катуна, кай сас муло мануш или, ко лэласпэ каринг лэ манушэстири мули тила, сас найвужо и лэсти трэбуй сас тэ вихаладёл лэ паеса, саво терэл, кай тэ авэл вужо. Пала кодэва, ко отԥэндёлас када тэ терэл, сас приԥэндо: «Лэс трэбуй тэ умарэн, важ кода кай во мэлярэл о свынто ҭан лэ Иеговаско» (Числа 19:20). Важ када най удивительно, кай, кала о мануш халадёл, када сыкавэл, кай во ашэл вужо англа лэ Дэвлэстирэ яқа (Псалом 26:6; 73:13; Исаия 1:16; Иезекииль 16:9). Через кода, кай вихаладён лэ чачимаса анда лэ Дэвлэско Алав, саво сыкавэл паи, можно тэ ашэн вужэ (Эфесянам 5:26).
(Левит 15:28—30) Кала жэ вой ашэла вужи лэ ратэстар, саво на парашэл тэ жал, мэк отадиной семь деса и тоди вой авэла вужи. 29 По восьмо дес мэк лэл дуе ӷорлицен или дуе тэрнэ ӷолубонэн и анэна лэн лэ рашасти каринг о входо андэ катуна важ и собрания. 30 О рашай анэна еқа птица андэ жэртва пала бэзэх, ай авря, кай тэ сԥабарэн, и англа Иегова витинэла лэ найвужымастар.
it «Менструация», абз. 3
Па гад
Если кай и жувли жалас о рат най тоди, кала обычно жал па гад, или жалас май долӷо, чем и время, кала вой сас найвужи, тоди вся и время, пока жалас о рат, и жувли сас найвужи. Найвужэ сас всаворэ вещи, пэ савэ вой пэрэлас или бэшэлас, ай кадя жэ и мануша, савэ лэнаспэ каринг кадэла вещи. Посли кода, сар парашэлас тэ жал о рат, и жувли трэбуй сас тэ отадиной семь деса, и потом ашэлас вужи. По восьмо дес, вой анэнас дуе ӷорлицэн или дуе тэрнэ ӷолубонэн лэ рашасти, саво витинэлас ла, кала анэнас еқа птица лэ Иеговасти, сар жэртва пала бэзэх, ай авря, кай тэ сԥабарэн (Левит 15:19—30; дик ЧИСТОТА, ЧИСТЫЙ).
(Левит 15:31) Кадя тумэ фэрина лэ израильтянонэн лэ найвужымастар, кай вонэ пэстирэ найвужымаса тэ на мэлярэн мэрни свынто катуна, сави машкар лэндэ, и тэ на мэрэн важ када.
it «Святое место», абз. 3
Свынто ҭан
2. Катуна важ и собрания, ай потом о храмо.
Свынто ҭан сас вся, со андэ када ужалас, кадя жэ и града андэ свынто бари катуна и грады андо храмо (Исход 38:24; 2 Летопись 29:5; Деяния 21:28). Ӷлавни предметоря, савэ сас андэ града, када о жэртвеннико, пэ саво анэнас и жэртвы и о харкумуно тазо. Кадэла предметоря сас свынти. Андэ града, андэ свынто бари катуна моӷли тэ зажан кати кодэла мануша, савэ сас вужэ англа Дэл. И найвужэ мануша нэ моӷли тэ зажан андэ града кай о храмо. Например, и жувли, кала сас найвужи, на трэбуй сас тэ лэлпэ ни каринг со, со сас свынто или тэ зажал андо свынто ҭан (Левит 12:2—4). Дицол, кай и свынто бари катуна ашэлас найвужи дажэ тоди, кала о израильско народо долӷо время сас найвужо (Левит 15:31). Кодэла, ко ашэнас вужэ, сар виличинас и проказа, моӷли пэстиря жэртваса тэ поджан кати каринг о входо андэ града кай и свынто бари катуна (Левит 14:11). О найвужо мануш на трэбуй сас тэ анэн и мирно жэртва андэ свынто бари катуна или андо храмо, важ кода кай пала када лэс моӷли тэ умарэн (Левит 7:20, 21).
Виарақас сомнак анда Библия
(Левит 14:14) О рашай лэла о рат лэ жывотнонэско, савэс андэ́ андэ жэртва пала дош, и кодэлэсти, касти во поможый тэ ашэл вужэса, мақэла лэса о право кан, о баро най по право вас и о баро най по право пэрно.
(Левит 14:17) Часть анда вулей, саво ашэляпэ андэ палма, о рашай мақэла кодэлэсти, касти во поможый тэ ашэл вужэса, о право кан, о баро най по право вас и о баро най по право пэрно, упрал па рат лэ жывотнонэско, савэс андэ́ андэ жэртва пала дош.
(Левит 14:25) Во шынэла лэ бакрэс, савэс трэбуй тэ анэн андэ жэртва пала дош, лэла лэско рат и кодэлэсти, касти во поможый тэ ашэл вужэса, мақэла о право кан, о баро най по право вас и о баро най по право пэрно.
(Левит 14:28) Часть анда вулей, саво пэ палма, о рашай мақэла кодэлэсти, касти во поможый тэ ашэл вужэса, о право кан, о баро най по право вас и о баро най по право пэрно, упрал па рат лэ жывотнонэско, савэс андэ́ андэ жэртва пала дош.
it «Ухо», абз. 9
Кан
Кала андо Израилё стонас лэ рашан, лэ Моисеёсти сас ԥэндо тэ лэл о рат лэ бакрэско, саво трэбуй, кай тэ дэн алав. О Моисеё трэбуй сас тэ мақэл о рат лэ Аароности и всаворэ́ лэстирэ шавэнди по право кан, ай кадяжэ по право вас и по право пэрно, кай тэ дицол, кай о алав, саво вонэ динэ, трэбуй тэ влияет пэ кода, со вонэ ашунэнас, сави дила терэнас и сар пэ дила сыкавэнас, кай кандэн лэ Дэвлэс (Левит 8:22—24). Кадяжэ и тоди, кала о рашай терэлас, кай о мануш тэ ашэл вужо посли проказа, во па Законо трэбуй сас тэ мақэл лэ манушэсти по право кан о рат лэ бакрэско, савэс анэнас андэ жэртва пала дош, ай кадяжэ о вулей (Левит 14:14, 17, 25, 28). Примерно кадяжэ терэнас тоди, кала о мануш камэлас пэ вся и время тэ ашэлпэ рабоса кай пэско хулай. Лэс подындярэнас каринг и вудар и лэско хулай пропусавэлас лэсти о кан яряса. Кадэва знако по кан сыкавэлас, кай о рабо камэл тэ кандэл пэстирэ хулас (Исход 21:5, 6).
(Левит 14:43—45) Если посли кода, сар и бара авэна виԥагэ, ай о цэр обрандэна и обмақэна, появинапэ упалэ и пятна, 44 тоди о рашай авэла и роздиқэла о цэр. Если и пятна розжанапэ па цэр, тоди када опасно проказа. О цэр най вужо. 45 О рашай приԥэнэна тэ розмарэн о цэр и тэ виандярэн и розмардэ бара, и каштунэ столборя и штукатурка андэ найвужо ҭан пала лаӷерё.
g 1/06 14, рамка
Плесень, када и друӷо, и враӷо
ԤЭНЭНПЭ АНДЭ БИБЛИЯ ПАЛА ПЛЕСЕНЬ ЧИ НАЙ?
Андэ Библия ԥэнэнпэ пала проказа андо цэр, то есть пэ стины (Левит 14:34—48). Дэсавэ мануша гиндон, кай кадэя «опасно проказа» сас ложномучнисто роса (насвалимос, саво лэлпэ каринг и растении) или плесень. Но можэт када и най кадя. Сар бы тэ на авэл, сар ԥэнэнпэ андо Законо, лэ цэрэско хулай трэбуй сас тэ виԥагэл анда цэр и бара, пэ савэ сас кадэва насвалимос. Во трэбуй сас тэ обрандэл вся о цэр андрал и тэ виандярэл пала форо андо «найвужо ҭан» вся, со здэласпэ опасно. Если о насвалимос появияспэ упалэ, по цэр ԥэнэнас, кай во найвужо, и лэс розмарэнас. Кода, кай о Иегова кадя драго ԥэнэнас, со тэ терэн, сыкавэлас, кай во фартэ любий пэско народо и заботийпэ пала лэстэ.
28 ДЕКАБРЯ — 3 ЯНВАРЯ
СОМНАК АНДА БИБЛИЯ | ЛЕВИТ 16, 17
«Со важ тутэ значит о Дес, кала витинэн»
(Левит 16:12) Во лэла сосудо важ о янгар, андэ саво ԥэрдо ԥабардо янгар па жэртвеннико, саво англа Иегова, и дуй жмэни похурдярдо фимиамо и заандярэла вся када пала занавеска, сави розделий.
Сости сытярэл амэн и книӷа Левит
4 Адиносар Левит 16:12, 13. Погиндосарам, со терэласпэ андо Дес, кала витинэн лэ бэзэхэстар. О само баро рашай зажалас андэ свынто бари катуна. Андэ кадэва дес лэсти прижаласпэ триварэс тэ зажал андо ҭан, пэ саво ԥэнэн Свынто май анда свынти, и када во зажалас пэрво разо. Андэ ек вас лэстэ чароро, андэ саво и смесь, сави драго қандэл, ай андэ авэр вас сомнаконо совко, андэ саво ԥэрдо ԥабардо янгар. Во тердёл англа занавеска, сар тэ зажал андо ҭан, пэ саво ԥэнэн Свынто май анда свынти. Во баря пативаса зажал интя и тердёл англа ковчеӷо. Када, можно тэ ԥэнэс, во тердёл, сар англа о Иегова! О рашай полокорэс вишол и свынто смесь, сави драго қандэл по ԥабардо янгар и андо воздухо лэл драго тэ қандэл. Потом во упалэ зажалас андо Свынто май анда свынти, лэ жывотнонэндирэ ратэса, савэн динэ андэ жэртва важ о бэзэх. Шон сама, о само баро рашай сԥабарэл и смесь, сави драго қандэл англа кода, сар тэ анэн лэ жывотнонэско рат важ и жэртва.
(Левит 16:13) Во стола о фимиамо пэ яг англа Иегова, и туча па фимиамо ушаравэла и крышка по ковчеӷо пала доӷоворо, кай во тэ на мэрэл.
Сости сытярэл амэн и книӷа Левит
5 Сости амэн сытярэл кода, кай о само баро рашай сԥабарэлас и смесь, сави драго қандэл, андо Дес, кала витинэн лэ бэзэхэстар? Андэ Библия кадэя смесь сыстон лэ молитвэнца, савэ ԥэнэнас и служытеля, савэ на парашэнас тэ кандэн лэ Иеговас (Псалом 141:2; Откровение 5:8). Сар сас пистромэ май англал, о само баро рашай сԥабарэлас и смесь, сави драго қандэл, англа Иегова баря пативаса. Кацавя пативаса и амэ дас дума лэ Иеговаса андэ молитва. Амэндэ андо ди каринг лэстэ бари патив. Сар жэ амэ блаӷодарни, кай кодэва, ко вся создал, домэкэл, кай амэ лэса тэ дружысарас кадя, сар и бэяцэ лэ дадэса (Иакова 4:8). Во полэл амэн, сар друӷонэн! (Псалом 25:14). Важ амэндэ када фартэ куч и амэ на камас никала лэс тэ холярас.
(Левит 16:14, 15) Во лэла лэ гурувэско рат и брызӷиия ласа па най англа крышка пэ восточно риг. Во брызӷиия лэ ратэса па най семь разоря англа крышка. 15 Потом во зашынэла бузнэс, савэс анэн андэ жэртва пала лэ народоско бэзэх, мақэла лэско рат пала занавесо, и стерэла лэса кода жэ, со терэн лэ гурувэстирэ ратэса. Во брызӷиия лэс англа крышка.
Сости сытярэл амэн и книӷа Левит
6 Ай инке, о само баро рашай трэбуй сас тэ сԥабарэл и смесь, сави драго қандэл, жы каринг кода, сар тэ анэн андэ жэртва лэ жывотнонэн. Через када во патялас, кай о Иегова анда оди прилэла лэстири жэртва. Кадяжэ, и о Иисусо англа кода, сар тэ отдэл пэстири жызня, кай тэ витинэл всаворэн, трэбуй сас тэ стерэл варисо май важно, чем просто тэ спасый лэ манушэн. Кай о Иегова тэ прилэл лэстири жэртва, о Иисусо трэбуй сас вся и жызня тэ ашэлпэ вужо англа лэстэ и вся и время тэ кандэл. Кадэлэса о Иисусо сыкадоп, кай тэ терэл кода, со камэл о Иегова, кай када ек чачуно дром и доԥэндоп, кай кати лэ Иеговастири правления само справедливо.
Виарақас сомнак анда Библия
(Левит 16:10) Ай лэ бузнэс, савэс па жребию трэбуй важ о азазэ́ло, трэбуй тэ стон жундэса англа Иегова, кай тэ витинэн лэс и тэ бишалэн важ о азазэ́ло андэ пустыня.
it «Азазел», абз. 6
Азазэ́ло
Сар ԥэндя о апостоло Павло, кода, со стердя о Иисусо, кала одя пэстири жызня андэ жэртва пала лэ манушэндирэ бэзэха, сас май бут кодэлэстар, со дэлас лэ гурувэнго или лэ бузнэнго рат, саво анэнас жэртва (Евреям 10:4, 11, 12). Кадя во сас, сар о бузно, савэс одмэкэнас, важ кода кай во «андярдя амарэ ӷрехоря» и «Лэс пропусадэ важ о найлашимос, саво амэ стердям» (Исаия 53:4, 5; Матфея 8:17; 1 Петра 2:24). Во, ԥэнэса, андярдя и бэзэха всаворэ манушэндирэ, ко патял андэ лэстири жэртва. Во сыкадя, кай о Дэл камэл тэ улэл вся о бэзэх. Андэ кадэва смысло, о бузно «важ о азазэ́ло» сыкавэл лэ Иисусостири жэртва.
(Левит 17:10, 11) Если о израильтянино или о мануш, саво авеля па чужо ԥув и жувэл машкар тумэндэ, лэла тэ хал варисаво рат, мэ жава против кацаво мануш и умарава лэс. 11 И жызня кай кажно жундо, када лэско рат, и мэ витидэм лэс важ о жэртвеннико, кай лэ ратэса тэ витинэн пэстири жызня, важ кода кай кати о рат витинэл.
w14 15/11 10, абз. 10
Васо амэ трэбуй тэ авас свынти
10 Адиносар Левит 17:10. О Иегова приԥэндя лэ израильтянонэнди тэ на хан нисаво рат. Тэ ритярдён май дур лэ манушэстирэ и лэ жывотнонэстирэ ратэстар трэбуй и лэ христианонэнди (Деяния 15:28, 29). Амэ дарас дажэ тэ гиндосарас, кай о Дэл можэт тэ отԥэндёл амэндар и кай амэ можэм тэ на авас андэ собрания. Амэ любисарас лэс и камас лэс тэ кандас. Дажэ, если можэт прижалапэ тэ мэрас, амэ на ласа тэ терас кадя, сар амэнди ԥэнэн кодэла, ко на ӷанэн лэ Иеговас и касти всаек, со во гиндой. Амэ ӷанас, кай амэндар лэна тэ асан важ кода, кай амэ ритярдювас май дур лэ ратэстар, но амэ витидям тэ кандас лэ Дэвлэс (Иуды 17, 18). Со поможыя амэнди састэс тэ ритярдювас кодэлэсти, кай тэ на хас о рат и тэ на пэрэшас лэс? (Второзаконие 12:23).