Сар и молитвы моӷут тэ поможын тути?
Кала и Памела уӷангля, кай латэ рако, вой жыля кай о врачо. Кадяжэ вой мангэласпэ лэ Дэвлэсти, кай во тэ дэл лати зор андэ кацави ԥари время. Поможысардя лати и молитва?
И Памела росԥэнэн: «Кала ман личинас, мандэ сас бари дар. Но кала мэ мангаваспэ лэ Дэвлэсти, мандэ по ди сас вушэро и спокойно и мэ фартэ нэ пэрэжывала. Мандэ идоси найдраго лэ зорэса, но и молитва поможый манди тэ на сдавпэ. Кала мандар пушэн, сар мэ, мэ ԥэнав: „О зор мандэ най во, но мэ на камав тэ умэкав и вас!“»
На трэбуй тэ аштярэс фартэ ԥари время, кай тэ мангэспэ лэ Дэвлэсти. Кай кажно мануш исин пэстирэ проблемы и ԥаримос, и амэнди трэбуй помощь андэ када. Сар тути можэт тэ поможый и молитва?
Андэ Библия ԥэнэнпэ: «Отдэ пэско ԥаримос лэ Иеговасти, и во поможыя тути. Во никала на дэла тэ пэрэл кодэлэсти, ко кандэл лэс» (Псалом 55:22). Саво дэ лашо гиндо! Вижал, сар тути можэт тэ поможый и молитва? Если ту мангэспэ лэсти кадя, сар во камэл, тоди во дэла кода, со тути трэбуй, кай ту тэ ришыс тири проблема. (Дик рамка «Со можэт тути тэ дэл и молитва?».)