Мэк авэл састи тумари вера!

1. Пала со амэ можэм тэ пэрэжываем?

ИСИН тутэ дэкала пэрэжывании пала кода, со трэбуй тэ авэл англэ, например, кала лэна тэ уничтожают и хохавни религия, кала нападёт о Гого анда Магого и кала авэла война Армагеддоно? Можэт, тумэ най еқвар задэнас пэсти кацаво вопросо: «Смоӷу мэ тэ ашавпэ верно лэ Иеговасти андэ кодэя особо время?» Если тумэндэ варикала сас кацавэ гиндоря, тоди кадэя статья важ тумэндэ. Амэ роздиқаса лэ Иисусостирэ алава, савэ витидэ важ о ӷлавно стихо каринг кадэя статья: «Мэк тумарэ одя нэ пэрэжывают. Сыкавэн пэстири вера андо Дэл и андэр мандэ» (Иоан. 14:1). И састи вера поможыя амэнди тэ на дарас кодэлэстар, со авэла англэ.

2. Сар амэ можэм тэ стерас амари вера май састи и пала со амэ подаса дума андэ кадэя статья?

² Кай амэнди тэ стерас амари вера май састи и тэ виритярас о ԥаримос, саво авэла англэ, авелоп драго тэ погиндосарас, сар адес амэ пэрэандярас и трудности. Када поможыя тэ полас, андэр со амэнди, возможно, на хутилэл вера. Кажно разо, кала амэ пэрэандярас варисавэ трудности, кадэлэстар амари вера ашэл май састи. Када поможыя амэнди тэ виритярас о ԥаримос, саво авэла англэ. Андэ жызня кай лэ Иисусостирэ ученикоря тожэ сас ситуацыи, андэ савэ дицэля, кай лэнди на хутилэл вера. Андэ кадэя статья амэ роздиқаса штар кацавэ случаёря, ай кадяжэ уӷанаса, сар амэ, если амэндэ кацаво жэ ԥаримос, можэм тэ авас ӷотови каринг кода, со амэн аштярэл англэ.

ПАТЯН, О ДЭЛ ЗАБОТИЯПЭ ПАЛА КОДА, СО ТУМЭНДИ ТРЭБУЙ

3. Пар со дицол, кай амэндэ исин вера, сар ԥэндя о Иисусо андэ Матфея 6:30, 33?

³ Кажно хулай камэл, кай лэстирэ ерестэ тэ авэл вся, со трэбуй, хамос, ӥда и цэр. Андэ амари время най всегда вушэро када тэ стерэс. Дэсавэ ԥрала и ԥэя хасардэ и бути. И сар бы вонэ тэ на старыинпэ, лэндэ на вижал тэ виарақэн авэр. Варикасти прижыляпэ тэ отԥэндёл ла бутятар, сави на поджал важ и христианоря. Андэ всаворэ кадэла ситуацыи амэнди трэбуй фартэ тэ патяс, кай о Иегова заботияпэ пала амарэ еря. Имено пала кадэва гиндо ԥэндя о Иисусо. (Адиносар Матфея 6:30, 33.) Если амэндэ исин састи вера, кай о Иегова на ашавэла амэн, тоди по пэрво ҭан андэ амари жызня амэ стаса кода, со па чачимастэ важно, када лэ Дэвлэстири дила. Ай кала амэ диқас, кай о Иегова дэл амэнди вся, со трэбуй важ жызня, амэ ашас май пашэ каринг лэстэ и амари вера ашэл май састи.

4, 5. Со поможысардя еқэ ерести тэ улэн и пэрэжывании пала кода, кай ԥарэс тэ затерэн пэ жызня?

⁴ О Иегова поможысардя еқэ ерести анда Венесуэла тэ улэн и пэрэжывании пала кода, кай ԥарэс тэ затерэн пэ жызня. Варикала о Мигельb и лэско ери затерэнас найбарэ ловэ пэ пэстири ферма. Но потом пэр лэндэ динэ и раклэ лэ мардянца и одлинэ вся, со лэндэ сас. О Мигель ԥэнэн: «Акана амэнди прижалпэ тэ злас найбаро котор ԥув, кай тэ прожувас пэ кода, со котэ вибарярас. Кажно тэсара мэ мангавпэ лэ Иеговасти, кай пэ кадэва дес во тэ дэл амэнди кода, со трэбуй». И жызня кай кадэва ери найвушэро. Но всаек вонэ андэ вся надеинпэ по амаро любящё небесно Дад и патян, кай во заботияпэ пала лэндэ. И блаӷодаря кадэлэсти, о Мигель и лэско ери на промэкэн и собрании и на парашэн тэ служын. Вонэ стон лэ Дэвлэско Царство по пэрво ҭан андэ пэстири жызня, ай о Иегова дэл лэнди вся, со трэбуй.

⁵ Андэ кадэя найвушэро важ лэндэ время о Мигель и лэстири хулаи, савя ақарэн Юрай, старыинпэ тэ шон сама, сар о Иегова заботийпэ пала лэндэ. Дэкала во поможый через и ԥрала и ԥэя, савэ варисоса лэнца делинпэ или дэн помощь лэ Мигелёсти тэ виарақэл и бути. Ай дэкала о Иегова терэл када через о филиало, саво бишалэл лэнди кода, со трэбуй важ и жызня. Амаро небесно Дад всегда паша лэндэ, и вонэ диқэн, кай блаӷодаря кадэлэсти лэндири вера ашэл май састи. Лэндири барэдэр щей, савя ақарэн Йоселин, росԥэндя пала ек случаё, сар о Иегова поможысардя лэнди. И посли када вой ԥэнэн: «О Иегова заботийпэ пала амэндэ. Када фартэ лэл лэ одестар! Во ашэл важ мандэ друӷо, пэ саво мэ моӷу всегда тэ надеисавав. О ԥаримос, саво исин кай амаро ери, поможысардя амэнди тэ авас ӷотови каринг кода, со трэбуй тэ авэл англэ».

6. Сар тумэ можэте тэ стерэн пэстири вера май састи, дажэ если ԥарэс лэ ловэнца?

⁶ Если тумарэ ерести ԥарэс тэ затерэн по котор марно, кадэлэстар моӷут тэ умэкэнпэ и вас. Но саво бы ԥаримос тумэндэ тэ на авэл, тумэ можэте тэ терэн, кай тумари вера тэ авэл май састи. Мангэн лэ Иеговас тэ поможый тумэнди тэ погиндон пала лэ Иисусостирэ алава, савэ запистромэ андэ Матфея 6:25—34. Погиндон пала кодэла ԥрала и ԥэя, савэ терэн бут дила важ о Царство, и пала кода, сар о Иегова заботийпэ пала лэндэ (1 Кор. 15:58). Если тумаро небесно Дад поможысардя лэнди андэ кацави жэ ситуацыя, сар тумэндэ, вижал, во поможыя и тумэнди. Во ӷанэн, со тумэнди трэбуй и сар када тумэнди тэ дэл. Кала тумэ диқэн, сар о Иегова подритярэл, тумари вера ашэла май састи, и када поможыя тумэнди тэ авэн ӷотови каринг о ԥаримос, саво авэла англэ (Авв. 3:17, 18).

ПАТЯН, ТУМЭ ВИРИТЯРЭНА «И БАРИ БАЛВАЛ»

7. Сар через и бари балвал дицэля, кай лэ учениконэнди на хутилэлас вера? (Матфея 8:23—26).

⁷ Еқвар, кала о Иисусо лэ учениконэнца сас пэ моря, вазгляпэ бари балвал. Через када о Иисусо сыкадя лэ учениконэнди, андэр со лэнди на хутилэлас вера. (Адиносар Матфея 8:23—26.) Пока сас бари балвал, ай и волны зашонас и лодка, о Иисусо спокойно совэлас. И ученикоря фартэ пэрэдарайлэ, жунгадэ лэс и линэ тэ мангэн тэ спасый лэн. Но пэ када о Иисусо ԥэндя: «Со тумэ кадя пэрэдарайлэ? Кай жэ тумари вера?» Хоть лэ учениконэнди и сас страшно, вонэ трэбуй сас тэ сэрэн, кай важ о Иегова най ԥарэс тэ спасый любона бидатар лэ Иисусос и кодэлэн, ко паша лэстэ. Сости амэ анда када сытювас? Если амэндэ исин састи вера, када поможыя амэнди тэ виритярас и бида андэ природа или тэ пэрэандярас о ԥаримос андэ жызня.

8, 9. Саво ԥаримос сас андэ жызня кай и Анель и со поможысардя лати вся тэ виритярэл?

⁸ Андэ жызня кай амари ԥэй Анель анда Пуэрто-Рико, сави най миростэ, сас ԥаримос, через саво латири вера ашэля май састи. Вой пэрэжудя бари бида андэ природа. Андо 2017 бэрш о ураӷано «Мария» розмардя о цэр, кай жувэлас и Анель. Посли када вой инке хасардя и бути. И Анель росԥэнэн: «Андэ кодэя ԥари время мэ фартэ пэрэжывала. Но мэ сытелэм андэ вся тэ надеисавав по Иегова, тэ росԥэнав лэсти пала вся, со по ди, и тэ на домэкав, кай через кадэла гиндоря тэ хасарав и радость».

⁹ Кадяжэ и Анель росԥэндя, со лати поможысардя вся тэ виритярэл. Када и послушания. Акэ со вой ԥэнэн: «Блаӷодаря кодэлэсти, кай мэ теравас вся, со ԥэнэнас и арӷанизацыя, мандэ по ди сас спокойно. Мэ диқавас лэ Иеговаско вас андэ кода, кай и ԥрала и ԥэя дэнас зор тэ служысарав лэ Иеговасти и поможынас лэ ловэнца. О Иегова дэлас манди пэ бутэстэ май бут, чем мэ мангавас, и мэрни вера ашэля май састи».

10. Со тэ терас, кай тэ виритярас «и бари балвал»?

¹⁰ Андэ жызня кай кажно андар мэндэ можэт тэ авэл «бари балвал». Возможно, котэ, кай тумэ жувэн, тердяпэ бида андэ природа. Или тумэндэ можэт тэ авэл ԥаримос, саво сар бари балвал, например проблема лэ зорэса. И важ када тумэ умэклэ и вас и на ӷанэн, со тэ терэн. Хоть дэкала тумэ можэте фартэ тэ пэрэжываете, на домэкэн, кай через кадэла гиндоря тумэ тэ на допатян лэ Иеговасти. На бистрэн, сар о Иегова ужэ поможыяс тумэнди (Пс. 77:11, 12). Када придэла тумэнди зор инке май фартэ тэ патян, кай во никала тумэн на ашавэла!

11. Васо амэнди трэбуй тэ кандас кодэлэн, ко руководий андэ собрания?

¹¹ Со инке поможыя амэнди тэ виритярас о ԥаримос? Сар ԥэндя и Анель, если кандас. Сытён тэ доверяете кодэлэнди, касти доверяют о Иегова и о Иисусо. Кала и ԥрала, савэ руководин андэ собрании, прилэн варисавэ ришэнии, дэкала амэнди можэт тэ здэлпэ, кай вонэ нэправильни. Но о Иегова блаӷословий кодэлэн, ко кандэл. И примероря анда Библия и кода, со сас андэ жызня кай и ԥрала и ԥэя, сыкавэл, кай если амэ кандас, када спасый амари жызня (Исх. 14:1—4; 2 Лет. 20:17). Гиндон пала кацавэ случаёря. Через када тумэ инке май фартэ закамэна тэ терэн кадя, сар ԥэнэн лэ Иеговастири арӷанизацыя, акана и май англэ (Евр. 13:17). И тоди тумэнди авэла най состар тэ даран, кала пэ кадэя люма дэла бари балвал (Прит. 3:25).

ПАТЯН, О ДЭЛ УЛЭЛА И НЭСПРАВЕДЛИВОСТЬ

12. Если амэнца обжанапэ нэсправедливо, сар амэнди поможыя и вера? (Луки 18:1—8).

¹² О Иисусо ӷанэнас, кай лэстирэ учениконэнца лэна тэ обжанпэ нэсправедливо, и через када дицола, пэ скати дэ састи лэндэ и вера. Важ када о Иисусо росԥэндя и притча пала ек ԥивли, сави мангэлас кай о нэсправедливо сындомари тэ виандярэл справедливо ришэния па латири дила. Вой патялас, кай, если на парашэла тэ мангэл, вой домардёла пэско. Кадя и вижыля. Сости амэ сытювас анда када? О Иегова совсем най кацаво, сар кодэва нэсправедливо сындомари. Важ када о Иисусо ԥэндя: «Тоди хэба о Дэл на стерэла, кай упалэ тэ авэл справедливость важ кодэла, кас во витидя и савэ мангэнпэ лэсти о дес и рят?» (Адиносар Луки 18:1—8.) Ай потом во инке ԥэндя: «Кала о Шаво манушыкано авэла, арақэла во пэ ԥув кацави вера?» Вижал, кала амэнца обжанапэ нэсправедливо, через и састи вера амэ ласа тэ аштярас и на парашаса тэ мангас, сар кодэя ԥивли. И амэ ӷанас, кай авэла время и о Иегова обязательно зашолапэ пала амэндэ. На бистрэн, кай и молитва можэт бут со тэ стерэл. Дэкала о Иегова атвечает пэ амарэ молитвы кадя, сар амэ и на аштярасас.

13. Сар еқэ ерес спасысардя и молитва?

¹³ Акэ со сас кай и ԥэй Вероника анда Демократическо Республика Конго. Кала андэ страна сас нэспокойно, лати, латирэ хуласти, саво най свидетелё, и лэндиря щяти, савяти сас 15 лет, прижыляпэ тэ унашэн анда пэско гав. Кала вонэ прожанас через ек посто, и халавдэ линэ уӷрожать, кай умарэна лэн. И Вероника дя тэ ровэл. И тоди латири щей, кай тэ успокоит ла мама, ля тэ мангэлпэ вслух, и най еқвар взвисайля каринг о Иегова па алавэстэ. Посли латири молитва о халавдо пушля: «Щеёры, ко сытярдя тут тэ мангэспэ?» Вой атветила: «И мама», ай потом ԥэндя, кай кадя жэ мангэласпэ о Иисусо и када запистромэ андэ Матфея 6:9—13. Пэ када о халавдо ԥэндя лати: «Тумэ можэте тэ жан. Мэк тиро Дэл о Иегова фэрий тут!»

14. Со можэт тэ сыкавэл, пэскати дэ састи амари вера, и со поможыя амэнди тэ на сдаспэ?

¹⁴ Кацавэ случаёря драго сыкавэн, саво дэ баро зор исин кай и молитва. Но со, если пэ тумарэ молитвы о Иегова нэ атвечает сразу и ворта? Сар и ԥивли анда лэ Иисусостири притча, на сдэнпэ. Мангэнпэ и патян, кай о Иегова паша тумэндэ и кай во драго ӷанэн, кала и сар тэ дэл тумэнди атвето. На парашэн тэ мангэн лэ Иеговастар о свынто духо (Флп. 4:13). На бистрэн, ӥто о Иегова дэла тумэнди кадя бут лашимос, кай вся о ԥаримос, саво исин адес, тумэндэ дажэ на авэла по гиндо. Если тумэ сытёна андэ ԥари время тэ надеинпэ по Иегова, када поможыя тумэнди тэ авэн ӷотови каринг кода, со трэбуй тэ авэл англэ (1 Пет. 1:6, 7).

ПАТЯН, ТУМЭ МОЖЭТЕ ВСЯ ТЭ ВИРИТЯРЭН

15. Со на вижыля тэ стерэн кай лэ Иисусостирэ ученикоря, сар ԥэнэнпэ андэ Матфея 17:19, 20?

¹⁵ О Иисусо ԥэндя пэстирэ учениконэнди, кай и вера поможыя лэнди тэ виритярэн любо ԥаримос. (Адиносар Матфея 17:19, 20.) Еқвар вонэ нэ смоӷли тэ видаравэн лэ бэнгэс, хоть раньшэ лэндэ када вижалас. Васо? О Иисусо ԥэндя, кай лэнди на хутилэлас вера. Па лэстирэ алава, тэ авелоп лэндэ састи вера, лэндэ вижылоп тэ пэрэстон и плая, када сыкавэл, кай вонэ смоӷли бы тэ розришын любо проблема. И адес амэндэ тожэ моӷут тэ авэн кацавэ трудности, савэ здэнапэ най па амаро зор.

16. Сар и састи вера поможысардя, кай и Хейди тэ пэрэандярэл и бида?

¹⁶ Уӷанам, со тердяпэ кай и Хейди анда Гватемала. Кала вой пэстирэ хуласа рияспэ цэрэ посли собрания, лэс умардэ. Сар и састи вера поможысардя, кай и Хейди вся када тэ пэрэандярэл? Вой росԥэнэн: «И молитва поможый манди, кай мэ тэ пэрэстав мэрно ԥаримос по Иегова, и тоди по ди ашэл спокойно. Инке о Иегова заботийпэ пала мандэ через мэрнэ чаче и друӷоря анда собрания. Кадяжэ мэ старысавав тэ служысарав со май бут. Када поможый манди, кай най кадя тэ дуқал оди кадэла бидатар и фартэ тэ на загрыжосавав пала кода, со авэла тэся. Посли вся када мэ драго полэм, саво бы ԥаримос мандэ тэ на авэл англэ, о Иегова, лэстири арӷанизацыя и о Иисусо поможына манди, кай мэ вся тэ виритярав».

17. Со тэ терас, если амэндэ ԥаримос, саво здэлпэ амэ на пэрэандяраса?

¹⁷ Можэт, тумэ ӷанэн, со када тэ хасарэн варикас анда чаче. Если када кадя, адинон андэ Библия пала кода, сар о Иегова рияс каринг и жызня кодэлэн, ко муля. Када поможыя тумэнди инке май фартэ тэ патян андэ воскресения. Ай можэт, варикас анда тумаро родо исключисардэ анда собрания. Тоди стерэн лично изучения, кай тумэ драго тэ полэн, кай и наказания лэ Иеговастар всегда анэн лашимос. Саво бы ԥаримос тэ на авэл, на умэкэн и возможность тэ стерэн тумари вера май састи. Росԥэнэн лэ Иеговасти вся, со тумэндэ по ди. Дажэ если тумэнди фартэ ԥарэс, на дурён лэ ԥралэндар и лэ ԥэяндар и проандярэн лэнца и время (Прит. 18:1). Дажэ если тумэ нащи зритярэн и ясва, кала гиндон пала кода, со тердяпэ, на парашэн тэ ԥирэн пэ собрания, тэ росԥэнэн пала Дэл и тэ адинон и Библия (Пс. 126:5, 6). Када поможыя, кай тэ на авэл фартэ ԥарэс по ди. И вся и время гиндон пала райканэ блаӷословении, савэ о Иегова дэла тумэнди англэ. Если амэ диқас, сар о Иегова поможый амэнди, амари вера ашэл май састи.

«ПОМОЖЫСАР АМЭНДИ МАЙ ФАРТЭ ТЭ ПАТЯС»

18. Со трэбуй тэ терас, если амэ полям, кай амэнди на хутилэл вера?

¹⁸ Если тумэ полинэ, кай тумэнди на хутилэл вера, на умэкэн и вас. Важ кода кай акана тумэ ӷанэн, кай тумэнди трэбуй тэ састярэн пэстири вера. Сытён кай лэ Иисусостирэ апостолоря, савэ мангэнас: «Поможысар амэнди май фартэ тэ патяс» (Луки 17:5). Кадяжэ погиндон пала жызня кай и ԥрала и ԥэя, пала савэ амэ дям дума андэ кадэя статья. Сар о Мигель и Юрай, на бистрэн, сар о Иегова ужэ поможыяс тумэнди. Сар ла Вероникатири щей, ай кадяжэ и Анель, анда ди мангэнпэ лэ Иеговасти, особено кала тумэнди фартэ ԥарэс. И сар и Хейди, сэрэн, кай о Иегова можэт тэ позаботийпэ пала тумэндэ через тумарэ чаче и друӷоря. Если тумэ сытёна тэ надеинпэ по Иегова ужэ акана, тоди тумэ на лэна сомневаца, кай о Иегова поможыя тумэнди тэ виритярэн любо ԥаримос, саво авэла англэ.

19. Андэр со патялас о Иисусо и андэр со можэм тэ патяс амэ?

¹⁹ О Иисусо поможысардя лэ учениконэнди тэ додиқэн, андэр со лэнди на хутилэлас вера. Но всаек во ӷанэнас, кай лэ Иеговастирэ зорэса вонэ виритярэна любо ԥаримос (Иоан. 14:1; 16:33). Во патялас, кай фартэ бутэ манушэндэ авэла састи вера, и лэндэ вижала тэ пэрэжувэн и само бари бида (Отк. 7:9, 14). Аваса амэ машкар кадэла мануша? Лэ Иеговастири доброта дэл амэнди ӷарантия, но кати тоди, если амэ ласа тэ терас вся, кай амари вера тэ авэл май састи! (Евр. 10:39).