Сар о Иегова сыкавэл предано любовь каринг тумэндэ?

1. Со амэндар аштярэл о Иегова?

ЛЭ ИЕГОВАСТИ чалёл тэ сыкавэл пэстири предано любовь (Ос. 6:6). И во камэл, кай лэстирэ служытеля тэ терэн кадя жэ. О Дэл аштярэл амэндар, кай амэ ласа тэ цэнисарас и предано любовь (Мих. 6:8, сноска). Но, кай тэ ӷанас, сар када тэ терас, трэбуй спэрва тэ полас, со када предано любовь.

2. Со када предано любовь?

² Андо переводо «Нэво миро» и алава «предано любовь» и «предано тэ любис» пистромэ варикай 230 раз. Со ужал андэ кадэя любовь? Кодэва, кастэ вой исин, во предано, пэр лэстэ можно тэ надеиспэ и во анда вся оди шол сама аврэн. Часто кадэва алав андэ Библия ԥэнэн каринг о Дэл, но кадяжэ када можэт тэ поджал каринг и любовь машкар и мануша. Нико нэ можэт тэ сыкавэл кадэя любовь кадя, сар о Иегова. Анда кадэя статья амэ уӷанаса, кас анда мануша предано любий о Иегова и сар када дицол. Ай андэ авэр статья амэ подаса дума, сар лэ Иеговастирэ служытеля моӷут тэ сытён лэстар и предано тэ любин ек еқэс.

ЛЭ ИЕГОВАСТИРИ «ПРЕДАНО ЛЮБОВЬ ФАРТЭ БАРИ»

3. Со о Иегова ԥэндя лэ Моисеёсти пала пэстэ?

³ Посли кода, сар о Иегова виандярдя лэ израильтянонэн анда Египто, во ԥэндя лэ Моисеёсти варисо фартэ важно пала пэстэ и пала пэско алав: «Иегова, Иегова, добро Дэл, во полэл и жалуий анда вся оди, на грабий тэ холявэл, никала на ашавэл и лэстири предано любовь фартэ бари. Во сыкавэл предано любовь каринг и тысячи, простий и дош, о бэзэх и кала жан против законо» (Исх. 34:6, 7). Кала амэ ӷанас, саво о Иегова, кадэлэстар амэнди по ди ашэл фартэ драго. Но инке кадэлэ алавэнца о Иегова росԥэндя лэ Моисеёсти варисо особено пала пэстири предано любовь. Со када?

4, 5. а) Со пала пэстири любовь росԥэндя о Иегова? б) Пала савэ вопросоря амэ подаса дума?

⁴ Шон сама, о Иегова ԥэндя пала пэстэ, кай во най просто предано любий, ай кай лэстири предано любовь фартэ бари. Андо переводо «Нэво миро» кадэла алава пистромэ инке андэ дэсавэ ҭана (Чис. 14:18; Неем. 9:17; Пс. 86:15; 103:8; 145:8; Иоиль 2:13; Иона 4:2, сноска). Но андэ всаворэ стихоря, кай и дума жал пала фартэ бари предано любовь, када ԥэнэнпэ кати пала Иегова. Пала кадэя любовь пистросардя о Давидо андо пэско Псалом: «Иегова, тири предано любовь жы каринг о нэбо... Сар дэ куч тири предано любовь, мэрно Дэл! Тала тирэ крылоря и мануша гарадён» (Пс. 36:5, 7). Драго дицол, важ о Иегова важно, кай амэ тэ ӷанас, сави лэстири предано любовь. Ай амэ цэнисарас кадэя лэ Иеговастири любовь кадя, сар о Давидо?

⁵ Кай инке май драго тэ полас, андэр со дицол лэ Иеговастири предано любовь, амэ роздиқаса дуй вопросоря. Кас предано любий о Иегова? И саво лашимос лэнди када анэн?

КАС ПРЕДАНО ЛЮБИЙ О ИЕГОВА?

6. Кас предано любий о Иегова?

⁶ Можно бут со тэ любис. Например, андэ Библия ԥэнэнпэ, кай о мануш можэт тэ любий тэ залэлпэ ла ԥувьяса, тэ любий вино, вулей, совето, знания, мудрость и бут со инке (2 Лет. 26:10; Прит. 12:1; 21:17; 29:3). Но тэ любис предано вся када нэвозможно. Каринг всаворэ мануша о Иегова сыкавэл предано любовь? Най, кати каринг пэстирэ друӷоря. Во дэл алав, кай лэндэ авэла райкани жызня англэ и кай во лэн никала на ашавэла.

7. Сар о Иегова сыкавэл и любовь каринг всаворэ мануша?

⁷ О Иегова сыкавэл пэстири любовь каринг всаворэ мануша. О Иисусо ԥэндя еқэ манушэсти, савэс ақарэнас Никодимо: «О Дэл кадя фартэ любий лэ мирос, кай отдя пэстирэ Шавэс, саво лэстэ ек кацаво, кай кажно, ко сыкавэл, кай патял андэр лэстэ, тэ на мэрэл, ай тэ жувэл вечно» (Иоан. 3:1, 16; Матф. 5:44, 45).

8, 9. а) Васо о Иегова сыкавэл предано любовь каринг пэстирэ служытеля? б) Пала со амэ инке подаса дума?

⁸ Но и предано любовь, сар ужэ сас ԥэндо, о Иегова сыкавэл кати каринг пэстирэ служытеля. Пала када андэ Библия пистросардя о царё Давидо и о пророко Даниило. Например, о Давидо ԥэндя: «На параш тэ любис кодэлэн, ко тут ӷанэн»; «О Иегова авэла вся и вечность предано тэ любий кодэлэн, ко дарал лэстар и стол патив» (Пс. 36:10; 103:17). Ай о пророко Даниило ԥэндясас: «Иегова, чачуно и велико Дэл, савэстар даран и стон бари патив, ту зритярэс пэско доӷоворо и предано любис кодэлэн, ко любий тут и жувэл па тиро законо!» (Дан. 9:4). Када сыкавэл, кай о Иегова предано любий пэстирэ служытелёнэн, важ кода кай вонэ ӷанэн лэс, даран лэстар, стон патив пэр лэстэ, любин лэс и жувэн па лэско законо. Кати кацавэ служытелёнэн предано любий о Иегова, и будэр никас!

⁹ Кала амэ инке на самас лэ Иеговастирэ служытеля, во любияс амэн кадя жэ, сар и всаворэ́ манушэн (Пс. 104:14). Но, кала амэ лям тэ служысарас лэсти, амэ пар пэстэ лям тэ диқас лэстири предано любовь. Акэ савэ дэ приятни алава о Иегова ԥэнэн кажнонэ пэстирэ служытелёсти: «Мэ на парашава тут предано тэ любисарав» (Ис. 54:10). Кадяжэ, сар и о Давидо, амэ драго ӷанас, кай о Иегова по особеному любий кодэлэн, ко предано лэсти (Пс. 4:3). Кацави лэ Иеговастири любовь и забота фартэ лэл амэн лэ одестар. Важ када о псалмопевцо ԥэндя: «Ко мудро, кодэва загиндояпэ пала када и лэла тэ гиндой пала Иеговастири предано любовь» (Пс. 107:43). Акана давайте подаса дума, со ужал андэ лэ Иеговастири предано любовь.

САВО ЛАШИМОС АМЭНДИ АНЭН ЛЭ ИЕГОВАСТИРИ ПРЕДАНО ЛЮБОВЬ?

10. Васо важно тэ сэрас, кай лэ Иеговастири предано любовь пэ вся и вечность? (Псалом 31:7).

¹⁰ Лэ Дэвлэстири предано любовь пэ вся и вечность. Андо 136 Псалом кадэла алава пистромэ 26 раз. Во залэлпэ кацавэ алавэндар: «Авэн блаӷодарни лэ Иеговасти, кай во добро. Лэстири предано любовь пэ вся и вечность» (Пс. 136:1). Ай потом, андо кажно стихо андэ кадэя ӷлава, пистромэ кацавэ алава: «Важ кода кай лэстири предано любовь пэ вся и вечность». Кала амэ адиносарас кадэва псалом, амэн лэл лэ одестар, сар дэ бут ужал андэ лэ Иеговастири предано любовь, сави на прожал. Кадэла алава, «важ кода кай лэстири предано любовь пэ вся и вечность», подритярэн амэн, кай о Иегова никала на парашэла тэ любий пэстирэ народос. Хоть амэ нэсовершэни, о Иегова на гиндой, кай амэндар на авэла нисаво толку, и во никала на одбандёл амэндар. Наоборот, во цырдэлпэ каринг амэндэ и сар предано друӷо, на ашавэл амэн, особено кала амэнди ԥарэс. Кадэлэстар ашэл фартэ драго по ди! Саво лашимос амэнди кадэлэстар? Кала амэ диқас, сар о Иегова заботийпэ пала амэндэ, када анэн амэнди радость, ай кадяжэ придэл зор, саво кадя трэбуй, кай амэ тэ виритярас о ԥаримос и тэ на парашас лэсти тэ служысарас. (Адиносар Псалом 31:7.)

11. Васо о Иегова ӷотово тэ простий, сар ԥэнэнпэ андо Псалом 86:5?

¹¹ Через и предано любовь о Дэл простий. О Иегова шол сама, кала о мануш каийпэ и ашавэл пэско найлашо дром. Во простий лэс через пэстири предано любовь. Акэ со пала када ԥэндя о псалмопевцо Давидо: «Во на обжалпэ амэнца па амарэ ӷрехоря и на рий амэнди важ лэндэ кодэлэса, со амэ затердям» (Пс. 103:8—10). О Давидо па пэстири жызня поля, сар дэ ԥарэс, кала хал и совесть. Но кадяжэ во уӷангля, кай о Иегова ӷотово тэ простий. И андо Псалом 86:5 о Давидо запистросардя, васо о Иегова полэл и жалуий (адиносар). Кадэя молитва сыкавэл, о Иегова простий кодэлэн, ко пала када мангэл лэстар, важ кода кай «лэстири предано любовь фартэ бари» (Пс. 103:11).

12, 13. Со можэт тэ поможый, если амэ фартэ дошалярас корко пэс важ кода, со варикала стердям най кадя?

¹² Если лэ манушэсти лажаво важ пэско бэзэх, када драго. Блаӷодаря кадэлэсти во можэт тэ каийпэ и тэ парудёлпэ. Но всаек дэсавэ лэ Дэвлэстирэ служытеля фартэ дошалярэн пэс важ кода, со варикала стердэ най кадя. Хоть вонэ и каисайлэ анда вся ди, вонэ всаек мустрин пэс и гиндон, кабута о Иегова лэн никала на простия. Если тумэндэ тожэ исин кацавэ гиндоря, то тумэ можэте лэн тэ улэн. Со андэ када поможыя? Гиндон пала кода, кай о Иегова тумэн предано любий. Во всаворэ одеса камэл, кай тумэ тэ патян андэ када.

¹³ Саво лашимос амэнди кадэлэстар? Хоть амэ нэсовершэни, амэндэ можэт тэ авэл радость андэ служэния лэ Иеговасти и вужи совесть. Када возможно, важ кода кай через лэ Иисусоско рат амэ ашас «вужэ всаворэ ӷрехонэндар» (1 Иоан. 1:7). Если тумэ ужэ каисайлэ андэ кода, со варикала стердэ най кадя, но тумаро ди идоси дошалярэл тумэн важ када, на бистрэн, о Иегова най просто простий, во фартэ камэл када тэ стерэл! Андо 103 Псалом о Давидо пистросардя, кай о Иегова простий через пэстири предано любовь: «Сар о нэбо фартэ вучес ла ԥувьятар, кадя лэстири предано любовь фартэ бари каринг кодэла, ко лэстар дарал и стол патив. Сар дур ек еқэстар о востоко и о западо, кадя дэ дур во одындярдя амэндар амарэ ӷрехоря» (Пс. 103:11, 12). Да, кала о Иегова простий, во када терэл анда вся оди (Ис. 55:7).

14. Пэр со шолпэ лэ Иеговастири предано любовь, сар ԥэндя о Давидо?

¹⁴ Лэ Иеговастири предано любовь фэрий амари дружба лэса. О Давидо дилабэлас лэ Иеговасти: «Ту кодэва, ко ман фэрий. Ту фэриса ман ла бидатар. Ту улэса мандар и бида и кодэла, ко паша мандэ, лэна тэ радуинпэ. ...Ай кодэлэс, ко надеийпэ по Иегова, во на парашэл предано тэ любий» (Пс. 32:7, 10). Андэ кодэя время, кала жувэлас о Давидо, круӷом фороря ваздэнас и стины, кай и мануша тэ фэринпэ лэ вороӷонэндар. Кадя жэ и о Иегова через пэстири предано любовь фэрий амари дружба лэса. Амэн фэрий ужэ кода, кай амэ лэстирэ друӷоря, и када блаӷодаря кодэлэсти, кай во амэн предано любий (Иер. 31:3).

15. Соса лэ Иеговастири предано любовь шолпэ по састо форо и по ҭан, кай фэринпэ?

¹⁵ Кай тэ сыкавэл, сар о Иегова фэрий пэстирэ народос, о Давидо шукарнэс пистросардя: «Ту, мэрно Дэл, мэрно надёжно ҭан, кай мэ фэрисавав, Дэл, саво предано любий ман». Кадяжэ андэ авэр Псалом во ԥэндя пала Иегова: «Во предано любий ман, во мэрно састо форо, во надёжно ҭан, кай мэ фэрисавав, мэрно спасителё, мэрно щито. Лэстэ мэ виарақлэм ҭан, кай тэ гарадював» (Пс. 59:17; 144:2). Васо о Давидо пистросардя, кай лэ Иеговастири предано любовь шолпэ по састо форо и по ҭан, кай фэринпэ? О Дэл лэла тэ терэл вся, кай тэ фэрий амари дружба лэса. И кай бы амэ тэ на авас, само ӷлавно, кай амэ на парашас тэ служысарас лэсти. Кацаво жэ гиндо пистромэ андо 91 Псалом, саво, можэт, пистросардя о Моисеё: «Ту мэрно ҭан, кай мэ фэрисавав и мэрно састо форо» (Пс. 91:1—3, 9, 14). О гиндо пала ҭан, кай фэринпэ, исин и андо 90 Псалом (Пс. 90:1, сноска). Ай англа пэстири смэрть о Моисеё инке май бут ԥэндя пала лэ Иеговастири предано любовь: «Анда дэлмутни время о Дэл када ҭан, кай фэринпэ, лэстирэ вечни вас подритярэн тут» (Втор. 33:27). И алава «лэстирэ вечни вас подритярэн тут» сыкавэн инке, сави лэ Иеговасти предано любовь.

16. Сар амэнди поможый о Иегова? (Псалом 136:23).

¹⁶ Если о Иегова важ амэндэ ҭан, кай амэ фэрисавас, када придэл амэнди зор. Но дэкала амэнди кадя ԥарэс, кай нисо на камэлпэ тэ терас. Со терэл о Иегова, кала диқэл, кай амэнди по ди найдраго? (Адиносар Псалом 136:23.) Во процырдэл каринг амэндэ пэстирэ вас, кай тэ подритярэл амэн, ваздэл и поможый тэ тердювас пэ пэрнэ (Пс. 28:9; 94:18). Саво лашимос амэнди кадэлэстар? Амэ ӷанас, кай о Дэл всегда амэн подритярэла. Кай бы амэ тэ на авас, амэндэ всегда исин ҭан, кай тэ фэрисавас. Ай кадяжэ амаро любящё небесно Дад заботийпэ пала амэндэ.

ПАТЯН, КАЙ О ИЕГОВА ПРЕДАНО ЛЮБИЙ ТУМЭН

17. Андэр со амэ патяс через лэ Дэвлэстири предано любовь? (Псалом 33:18—22).

¹⁷ Сар амэ уӷанглям анда кадэя статья, саво бы ԥаримос амэндэ тэ на авэл, амэ можэм патяс, кай о Иегова авэла паша амэндэ и поможыя амэнди тэ на парашас лэс тэ кандас (2 Кор. 4:7—9). О пророко Иеремия ԥэндя: «Блаӷодаря кодэлэсти, кай о Иегова предано любий, амэ на хасардям и жызня. Важ кода кай во на парашэл тэ полэл и тэ жалуий» (Плач 3:22). Амэ ӷанас, кай о Иегова всегда авэла предано тэ любий амэн, важ кода кай, сар ԥэндя о псалмопевцо, во «шол сама пэ кодэла, ко дарал лэстар и стол патив, пэ кодэла, ко надеийпэ пэ лэстири предано любовь». (Адиносар Псалом 33:18—22.)

18, 19. а) Пала со важно тэ сэрас? б) Пала со амэ подаса дума андэ авэр статья?

¹⁸ Пала со важно тэ сэрас? Инке сар амэ на ашэлям лэ Иеговастирэ служытеля, во любияс амэн кадя жэ, сар и всаворэ́ манушэн. Но, кала амэ лям тэ служысарас лэсти, амэ пар пэстэ диқлям лэстири предано любовь. Через латэ, во кабута ля амэн пэ вас. Во никала амэн на ашавэла, всегда лэла тэ фэрий амэн и зритярэла всаворэ пэстирэ обещянии. Во камэл, кай амари дружба лэса тэ авэл вечно! (Пс. 46:1, 2, 7). Важ када, саво бы ԥаримос амэндэ тэ на авэл, о Иегова дэла амэнди зор, кай амэ тэ ашаспэ лэсти предани.

¹⁹ Амэ уӷанглям, сар о Иегова сыкавэл предано любовь каринг пэстирэ служытеля. Но во кадяжэ аштярэл, кай амэ ласа предано тэ любисарас ек еқэс. Андэ авэр статья амэ подаса дума, сар када тэ терас.