Сыкавэс ту примеро андэ дума?

1. Катар кай и мануша способность тэ дэн дума?

АМАРО любящё Дэл дя амэнди райкано подарко — амари дума. Кала о Иегова создал лэ Адамос, во дя лэсти способность тэ пэрэдэл пэстирэ гиндоря алавэнца. О Адамо моӷ тэ дэл дума пэстирэ небеснонэ Дадэса. Инке во моӷ тэ сытёл нэвэ алава. Блаӷодаря кадэлэсти лэстэ вижыля тэ дэл и названии лэ жывотнонэнди (Быт. 2:19). Ай прецтавьте, со лэстэ сас по ди, кала во пэрво разо задя дума ла шукарня манушняса, ла Еваса, сави потом ашэля лэстири хулаи! (Быт. 2:22, 23).

2. Сар нэправильно линэ тэ используют и дума андэ дэлмутни время и акана?

² Но ӥто кадэва подарко линэ тэ используют нэправильно. О Сатана обхохадя ла Ева, и через када всаворэ мануша ашэлэ нэсовершэни (Быт. 3:1—4). О Адамо пэстиря шыбаса дошалярдя ла Ева и дажэ лэ Иеговас пала пэстирэ ошыбки (Быт. 3:12). О Каино ԥэндя хохаимос лэ Иеговасти, кала умардя пэстирэ ԥралэс лэ Авелёс (Быт. 4:9). Ай лэ Каиноско потомко о Ламехо, пистросардя о стихо, андэ саво дицолас пэскати дэ жэстоки сас и мануша андэ кодэя время (Быт. 4:23, 24). Ай сави ситуацыя адес? Амэ диқас, кай и барэ мануша андэ политика на лажан тэ страминпэ англа миро. Фартэ найвушэро тэ виарақас хоть ек кино, андэ саво нинай акушимос. И бэяцэ ашунэн кацави дума андэ школа, ай и взросли – пэ бути. И мануша присытелэ кадя тэ дэн дума и на диқэн андэ када нисо вэрыто. Вся када сыкавэл, кай адес и люма ашэля фартэ найлащи.

3. Сави опасность можэт тэ авэл и пала со амэ подаса дума андэ кадэя статья?

³ Если тэ на авас осторожни, амэ можэм кадя тэ присытювас каринг и найлашэ алава, кай екжэнэ ласа лэн тэ используем. Сар христианоря, амэ на трэбуй тэ домэкас, кай кацавэ алава тэ зажан андэ амари дума. Амэ камас тэ радосарас амарэ небеснонэ Дадэс, лэ Иеговас. Важ када, кай тэ прославляем лэс, фартэ важно правильно тэ используем лэско подарко — и дума. Андэ кадэя статья амэ роздиқаса, сар амэ можэм када тэ терас: 1) андэ служэния, 2) пэ собрания и 3) андэ жызня. Но спэрва давайте уӷанаса, васо лэ Иеговасти най всаек, сар амэ дас дума.

ЛЭ ИЕГОВАСТИ НАЙ ВСАЕК, САР АМЭ ДАС ДУМА

4. Васо лэ Иеговасти най всаек, сар амэ дас дума, сар пистромэ андэ Малахии 3:16?

⁴ Проадинон Малахии 3:16. Сар ту гиндос, васо андэ лэ Иеговастири памятно книӷа запистромэ и алава кодэлэндирэ, ко дарал лэстар и розмышляет пала лэско алав? Амари дума сыкавэл, со амэндэ андо ди. О Иисусо ԥэндя: «Со кай о мануш андо ди, пала кода во и дэл дума» (Матф. 12:34). Па амари дума дицол, пэскати амэ любисарас лэ Иеговас. Ай о Иегова блаӷословия кодэлэн, ко лэс любий, и вонэ лэна вечно тэ жувэн андо раё пэ ԥув.

5. а) Сар нащи тэ дэн дума лэ Иеговастирэ служытеля? б) Со амэ трэбуй тэ сэрас пала пэстири дума, сар дицол пэ картинка?

⁵ Кодэлэстар, сар амэ дас дума, зависит, чалёла лэ Иеговасти амари поклонения чи най (Иак. 1:26). Дэсавэ мануша, савэ на любин лэ Дэвлэс, дэн дума холяса, ӷрубо и сыкавэн, кай вонэ май лашэ аврэндар (2 Тим. 3:1—5). Канешно, амэ на камас тэ шаспэ пэр лэндэ. Амэ старысавас тэ радосарас лэ Иеговас. Но чалёла лэсти, если пэ собрания и андэ служэния амэ дас дума пативалэс и по доброму, ай цэрэ лэ ереса, пока нико на диқэл, дас дума ӷрубо? (1 Пет. 3:7).

6. Саво лашимос андя, кай и Катя драго дэлас дума?

⁶ Амари лащи дума сыкавэл, кай амэ лэ Иеговастирэ служытеля. Тоди и мануша диқэна «андэр со на шонпэ... ко служын лэ Дэвлэсти, ай ко най» (Мал. 3:18). Давайте подаса дума, со сас андэ жызня кай и ԥэй Катяb. Андэ школа ла стодэ тэ терэл ек проекто авря раклёраса. Кадэя рақлёры шутя сама, кай и Катя на дэл дума найдраго пала авэр мануша, всегда андярэл пэс по доброму и на акушэлпэ. Лати кадя када чалеля, кай вой закамля тэ изучает и Библия. Лэ Иеговасти фартэ приятно, кала через амари дума и мануша камэн тэ уӷанэн пала лэстэ.

7. Сар амэ камас тэ дас дума?

⁷ Канешно, амэ камас тэ дас дума кадя, кай тэ слависарас лэ Иеговас и тэ авас май пашэ каринг амарэ ԥрала и ԥэя. Акана давайте роздиқаса дэсавэ советоря, савэ поможына амэнди тэ сыкавас лашо примеро андэ дума.

АНДЭ СЛУЖЭНИЯ

8. Сости амэ можэм тэ сытювас кай о Иисусо анда кода, сар тэ дас дума андэ служэния?

⁸ Дэн дума по доброму и пативалэс, кала тумэн холярэн. Кала о Иисусо служыяс пэ ԥув, пала лэстэ дэнас дума, кай во матимари, бут хал, служый лэ Сатанасти, на ритярэл и суббота и дажэ ԥэнэн и найлашэ алава по Дэл (Матф. 11:19; 26:65; Луки 11:15; Иоан. 9:16). Но о Иисусо на рияс пала пэстэ и на дэлас дума ӷрубо. Амэ тожэ трэбуй тэ старысавас кадя пэс тэ андярас, дажэ кала пала амэндэ дэн дума найдраго (1 Пет. 2:21—23). Но када можэт тэ авэл найвушэро (Иак. 3:2). Со амэнди андэ када поможыя?

9. Со поможыя амэнди андэ служэния тэ зритярас пэстири шыб?

⁹ Старыинпэ тэ на шон сама, если андэ служэния о хулай лэ цэрэско андярэл пэс ӷрубо. О ԥрал Сэмо росԥэнэн: «Мэ старысавав тэ ритярав андо шэро, кай лэ манушэсти трэбуй тэ ашунэл и истина, и во можэт тэ парудёл». Дэкала о мануш можэт тэ авэл нэдовольно просто важ кода, кай амэ авелям най андэ кодэя время. Давайте тэ терас кадяжэ, сар и ԥэй Люсия. Кала андэ служэния попэрдёл холинако мануш, вой мангэлпэ, кай о Иегова тэ поможый лати тэ авэл спокойно и тэ на ԥэнэн нисо вэрыто.

10. Со амэ трэбуй тэ терас, сар ԥэнэнпэ андэ 1 Тимофею 4:13?

¹⁰ Ашэн май лашэ учителёря. О Тимофеё сас лашо проповеднико, но дажэ лэсти трэбуй сас тэ пристол зор, кай тэ сытярэл май драго. (Проадинон 1 Тимофею 4:13.) Со поможыя амэнди тэ авас май лашэ учителёря андэ служэния? Важно драго тэ ӷотовимся. Амэндэ исин бут разни инструменторя важ и служэния, савэ поможына май драго тэ сытярас лэ манушэн. Например, и брашура «Сытю май драго тэ адинос и тэ сытярэс» и о раздело андэ тетрадка «Сытювас май драго тэ росԥэнас важ о Дэл». Ай тумэ используете када? Если амэ драго ӷотовимся, када поможыя амэнди май набут тэ пэрэжываем и тэ авас май уверени андэ служэния.

11. Со поможысардя дэсавэ христианонэнди тэ ашэн инке май лашэ учителёря?

¹¹ Амэндэ вижала тэ авас май лашэ учителёря, если амэ ласа тэ сытювас аврэндар. О ԥрал Сэмо шол сама, сар проповедуют авэр ԥрала и ԥэя и старыийпэ тэ сытёл лэндар. Ай и ԥэй Таня внимательно ашунэл и речи, савэ росԥэнэн и ԥрала. Када поможый лати тэ дэл атветоря пэ вопросоря, савэ задэн андэ служэния.

ПЭ СОБРАНИЯ

12. Сави трудность исин кай дэсавэ ԥрала и ԥэя?

¹² Амэ можэм тэ придас зор лэ ԥралэнди и лэ ԥэянди, кала пэ собрания анда вся оди дилабас и диля и дас лашэ каминтарии (Пс. 22:22). Но дэсавэ лажан тэ дилабэн англа авэр. Если и тутэ кацави трудность, тоди авелоп драго тэ роздиқэс, со поможый аврэнди тэ улэн пэстири дар.

13. Со можэт тэ поможый анда вся оди тэ дилабас пэ собрания?

¹³ Дилабэн анда вся оди. Кала амэ дилабас амарэ диля, само ӷлавно важ амэндэ — тэ прославляем лэ Иеговас. И ԥэй, савя ақарэн Сара, на гиндой, кай драго дилабэл. Но вой камэл тэ прославляет лэ Иеговас. Важ када, кала вой ӷотовица каринг и собрания, вой кадяжэ дилабэл и диля. Вой старыийпэ тэ шол сама, сар и алава анда дили поджан каринг и тема, сави авэла андэ статья. Вой ԥэнэн: «Када поможый манди тэ шав сама по гиндо анда дили, ай най пэ кода, сар мэ дилабав».

14. Со можэт тэ поможый тути тэ дэс каминтариё, если ту лажас?

¹⁴ Всегда дэн каминтарии. Важ дэсавэ ԥрала и ԥэя када можэт тэ авэл фартэ найвушэро. И ԥэй Таня росԥэнэн: «Хоть пар мандэ и на дицол, кала мэ дав каминтарии, мэ фартэ пэрэжываю, и када важ мандэ найвушэро». Но вой всаек на сдэлпэ. Кала и Таня ӷотовица каринг и собрания, вой сэрэл, кай пэрво атвето трэбуй тэ авэл скурто и ворта. Акэ со вой ԥэнэн: «Кала мэ дав найлунго и просто атвето, када драго. Имено кацаво атвето аштярэл о ԥрал, саво проандярэл и статья».

15. Пала со амэ трэбуй тэ сэрас, кала дас каминтарии?

¹⁵ Дажэ если о христианино на лажал тэ дэл каминтарии, важ лэстэ када можэт тэ авэл всаек найвушэро. Васо? Ек ԥэй, савя ақарэн Джулиет, росԥэнэн: «Дэкала мэ на ваздав о вас, важ кода кай гиндосарав, кай мэрно атвето фартэ просто, и андэр лэстэ нинай нисо интересно». Но на бистрэн: важ о Иегова ӷлавно, кай амэ тэ отдас лэсти со май лашо, со па амаро зорc. Лэсти фартэ приятно, кала во диқэл, кай амэ камас тэ прославляем лэс и на домэкас, кай и дар тэ тердярэл амэн.

АНДЭ ЖЫЗНЯ

16. Сави дума амэндэ на трэбуй тэ авэл?

¹⁶ Старыинпэ тэ на ԥэнэн ни ек вэрыто алав (Эф. 4:31). Лэ христианонэнди на прижал тэ используют и найлашэ алава андэ дума. Но дэкала най сразу полэса, кай о мануш дэл дума найдраго. Например, трэбуй тэ авас осторожни, кай тэ на подасаспэ лэ манушэндар, савэндэ авэр нацыя или культура. Кадяжэ амэ на камас тэ подпусавас андэ дума аврэн, кай лэнди тэ авэл больно. Ек ԥрал росԥэнэн: «Дэкала мэ подасаваспэ аврэндар и гиндосаравас, кай андэ када нинай ни́со, но па чачимастэ лэнди сас больно кадэлэстар. Мэрни хулаи поможыяс манди тэ полав, кай мэрнэ алава обижают аврэн. Если мэ пэстиря думаса теравас больно лати или аврэнди, потом вой манди пала када ԥэнэнас, кала амэ ашасаспэ екжэнэ».

17. Сар амэ можэм тэ подритярас аврэн, сар ԥэнэнпэ андэ Эфесянам 4:29?

¹⁷ Мэк тумари дума подритярэл аврэн. Старыинпэ тэ на сындон аврэн, ай хвалин лэн. (Проадинон Эфесянам 4:29.) Кай и израильтяноря сас бут причины тэ авэн блаӷодарни лэ Иеговасти, но вонэ всаек сас нэдовольни. Кацаво настроё можэт тэ повлияет пэ авэр. Тумэ, наверно, сэрэн, кай и дэш разведчикоря змардэ всаворэ народос, кай и «израильтяноря линэ тэ холявэн по Моисеё» (Чис. 13:31—14:4). Но если амэ хвалисарас аврэн, када фартэ подритярэл. Вспомним пала щей, сави сас кай о Иеффаё. Кала латирэ подружки хвалинас ла, када придэлас лати зор тэ на парашэл тэ служый лэ Иеговасти (Суд. 11:40). И ԥэй Сара ԥэнэн: «Кала амэ хвалисарас лэ манушэс, амэ сыкавас, кай о Иегова лэс любий, и кай во куч андэ лэ Дэвлэско народо». Важ када пристон зор, кай тэ хвалин аврэн.

18. Васо амэ трэбуй тэ пэнас кати о чачимос и со андэ када ужал? (Псалом 15:1, 2).

¹⁸ Ԥэнэн ек о чачимос. Амэ нэ можэм тэ уӷодисарас лэ Иеговасти, если хохавас. О Иегова «вэрыцый... хохавни шыб» (Прит. 6:16, 17). Хоть адес бут мануша гиндон, кай если «на хохавэса — на прожувэса», важ амэндэ важно, сар пэ када диқэл о Иегова. (Проадинон Псалом 15:1, 2.) Канешно, амэ никас на дилярас, но кадяжэ трэбуй тэ авас внимательни, кай тэ на прихохавас дажэ андэ мелочь и тэ на притераспэ.

19. Пала со амэнди важно тэ сэрас?

¹⁹ На розындярэн и сплетни (Прит. 25:23; 2 Фес. 3:11). И ԥэй Джулиет росԥэнэн: «Кала мэ ашунав сплетни, кадэлэстар манди ашэл ԥарэс, и мэ парашав тэ доверяю кадэлэ манушэсти. Катар мэ ӷанав, можэт кадэва мануш щяс дэл дума пала варикастэ, ай тэся лэла тэ розындярэл и сплетни пала мандэ?» Если ту диқэс, кай залэнпэ сплетни, пэрэшув и дума и подэн дума пала варисо лашо (Кол. 4:6).

20. Сави амэндэ трэбуй тэ авэл дума?

²⁰ Хоть амэ жувас андо миро, кай и мануша дэн дума найдраго, амэ камас тэ пристас вся пэско зор, кай пэстирэ алавэнца тэ радосарас лэ Дэвлэс. На бистрэн: амари дума — када подарко лэ Иеговастар, и лэсти най всаек, сар амэ используем лэс. Если амэ пристас вся пэско зор, кай тэ прославляем лэ Иеговас андэ служэния, пэ собрания и андэ жызня, во амэнди поможыя. Кала кадэя люма будэр на лэла пар мэндэ тэ влияет, амэнди авэла май вушэро када тэ терас (Иуды 15). Ай акана давайте ласа тэ терас вся, кай амари дума тэ чалёл лэ Иеговасти (Пс. 19:14).