Сар тэ улас и пэрэжывании

ДЭКАЛА через и пэрэжывании можэт тэ авэл, ԥэнэса, бар по ди (Прит. 12:25). Сас кацаво, кай тути вся вихаля оди и ту нащи виарақэс пэсти ҭан? Тоди ӷан, кай ту най екжэно. Бутэндэ андар мэндэ найвушэро ситуацыя. Можэт, варикасти прижалпэ тэ диқэл пала насвало мануш андо ери. Дэко хасардя варикас анда пэстирэ чаче. Ай авэр пэрэандярдэ и бида андэ природа. Кадэлэстар фартэ ԥарэс, и дажэ можэт тэ римойпэ о зор. Но со поможыя амэнди тэ улас пэстар и пэрэжывании?a

Амэ можэм бут сости тэ сытювас кай о царё Давидо. Лэстэ сас фартэ бут трудности андэ жызня, и лэс дажэ камэнас тэ умарэн (1 Сам. 17:34, 35; 18:10, 11). Со лэсти поможысардя вся када тэ виритярэл? Сости амэ можэм андэ када тэ сытювас лэ Давидостар?

СО О ДАВИДО ТЕРЭЛАС, КАЙ ТЭ НА ПЭРЭЖЫВАЕТ

Дэкала кай о Давидо андэ жызня сас бида пала бидатэ. Давайте уӷанаса, со сас, кала во гарадёлас лэ Саулостар. Кала о Давидо и лэстирэ мануша авелэ па война, вонэ додиқлэ, кай и вороӷоря обчордэ лэн, сԥабардэ лэндирэ цэра и залинэ лэ ерен андо плено. Сар андярдя пэс о Давидо? Лэсти и лэстирэ манушэнди сас кадя ԥарэс, кай «вонэ линэ фартэ тэ ровэн и на парашэнас тэ ровэн, пока лэндэ на ашэляпэ зор, кай тэ ровэн». Инке лэстирэ воиноря камэнас тэ умарэн лэс (1 Сам. 30:1—6). Вижал, кай о Давидо сас сразу трин биды: лэстирэ ерес залинэ андо плено, и друӷоря камэнас лэс тэ умарэн, ай кадяжэ о царё Сауло ӷонияспэ пала лэстэ. Кати погиндон, пэскати дэ ԥарэс сас лэ Давидости!

Со ля тэ терэл о Давидо? Во мангэласпэ и розмышлял, сар о Иегова ужэ поможыяс лэсти. Блаӷодаря кадэлэсти во ля зор (1 Сам. 17:37; Пс. 18:2, 6). О Давидо на надеияспэ пэр пэстэ, ай родэлас руковоцтво кай о Дэл. Кала о Иегова лэсти подԥэндя, во лэ одеса када приля и сразу ля тэ терэл кадя. Важ када о Иегова блаӷословисардя лэ Давидос и лэстирэ воинонэн, и вонэ рисардэ лэ ерен цэрэ и залинэ о хабэ палпалэ (1 Сам. 30:7—9, 18, 19). Тумэ шутэ сама, со стердя о Давидо? Во мангля помощь кай о Иегова, розмышлял, со о Дэл ужэ стердя важ лэстэ, и сразу ля тэ терэл кадя, сар ԥэндя о Иегова. Сости амэ можэм тэ сытювас кай о Давидо? Роздиқаса трин маменторя.

СЫТЁН ЛЭ ДАВИДОСТАР, КАЛА ТУМЭНДЭ ИСИН ПЭРЭЖЫВАНИИ

1. Мангэнпэ. Кала тумэ пала варисо фартэ пэрэжываете, мангэнпэ, кай о Иегова тэ дэл мудрость и тэ поможый. Амэ можэм пала вся тэ росԥэнас лэ Иеговасти андэ молитва и тоди амэндэ, ԥэнэса, па ди бар пэрэла. Если нинай возможность долӷо тэ мангэнпэ лэ Иеговасти, тумэ можэте тэ ԥэнэн лэсти хоть ек дуй алава. О Давидо дилабэлас: «О Иегова — мэрни скала, мэрно састо форо и Кодэва, ко спасый ман. Мэрно Дэл — мэрни скала, пэр лэстэ мэ надеисавав» (Пс. 18:2). Кала амэ росԥэнас лэ Иеговасти, со амэндэ по ди, амэ сыкавас, кай доверяем лэсти. Но чаче и молитва можэт тэ поможый? Ек ԥэй пианерка, савя ақарэн Калия, ԥэнэн: «Кала мэ мангавпэ лэ Иеговасти, манди ашэл по ди май спокойно. И молитва поможый манди тэ диқав пэ вся кадя, сар диқэл о Иегова, и май фартэ тэ доверяю лэсти». Чаче, через и молитва о Иегова дэл амэнди зор тэ улас пэстар и пэрэжывании.

2. Розмышляйте. Погиндон, савэ трудности тумэндэ ужэ сас андэ жызня и сар о Иегова поможыяс тумэнди вся тэ пэрэандярэн. Кала амэ гиндосарас, сар о Иегова подритярэлас амэн, ай кадяжэ пэстирэ служытелёнэн андэ дэлмутни время, кадэлэстар ашэл май вушэро по ди, и амэ лас май фартэ тэ патяс лэсти (Пс. 18:17—19). О старейшына о Джошуа ԥэнэн: «Мэ вспоминаю, сар о Иегова атвечал пэ мэрнэ молитвы. Када поможый манди тэ на бистрав, пала со мэ мангавас лэ Иеговас и сар во дэлас манди имено кода, со манди сас трэбуй». Чаче, кала амэ розмышляем, сар о Иегова ужэ амэнди поможыяс, када придэл зор тэ улас и пэрэжывании.

3. Терэн кадя, сар ԥэнэн о Иегова. Кала амэнди трэбуй тэ прилас варисави ришэния, авелоп драго тэ родас совето андэ Библия (Пс. 19:7, 11). Бут ԥрала и ԥэя иследуют варисаво стихо, кай май драго тэ полэн, сар лэс тэ прилэн андэ пэстири жызня. О старейшына о Джарродо ԥэнэн: «Кала мэ иследую варисаво стихо, мэ диқав пэр лэстэ разнонэ ригэндар и старысавав тэ полав, со камэл тэ ԥэнэн манди о Иегова. Вся, со мэ уӷанав, ашэлпэ мандэ андо ди, и када поможый манди тэ прилав лэ Иеговаско совето. Если амэ родас руковоцтво андэ Библия и терас кадя, сар котэ пистромэ, када поможыя амэнди тэ улас пэстар и пэрэжывании.

ЛЭ ИЕГОВАСТИРЭ ЗОРЭСА ТУТЭ ВСЯ ВИЖАЛА

О Давидо полэлас, кай лэсти трэбуй помощь лэ Иеговастар, кай тэ улэл и пэрэжывании. Во сас фартэ блаӷодарно лэ Иеговасти, важ када ԥэндя кацавэ алава: «Мэрнэ Дэвлэса ваздавапэ пэ стина. О чачуно Дэл придэл манди зор» (Пс. 18:29, 32). Дэкала амэндэ кацавэ барэ проблемы, кай здэлпэ, амэ андар лэндэ никала на виӷуляса. Но лэ Иеговастирэ зорэса амэндэ вижала вся тэ виритярас. Кала амэ мангас лэстар помощь, розмышляем, сар во ужэ поможыяс, и терас кадя, сар во ԥэнэн, тоди амэндэ авэла мудрость и зор, кай тэ виритярас любо ԥаримос!