Ай тумэнди вушэро тэ кандэн?

1. Васо амэнди найвушэро тэ кандас?

ԤАРЭС тумэнди тэ кандэн? Если да, тоди най кати тумэндэ кадя. Например, о царё Давидо фартэ любияс лэ Иеговас. Но дажэ лэсти сас найвушэро тэ кандэл. Важ када во мангэласпэ лэ Дэвлэсти: «Дэ манди зор тэ авав ӷотово тэ кандав тут» (Пс. 51:12). Васо лэ манушэнди кадя ԥарэс тэ кандэн? Пэрво, када пэрэдяпэ амэнди па наследство. Дуйто, о Сатана, саво вазгляпэ против Иегова, вся и время старыийпэ тэ ундярэл амэн пала пэстэ (2 Кор. 11:3). Трито, амэ жувас андэ люма, андэ сави и мануша вобще на камэн никас тэ кандэн (Эф. 2:2). Амэнди нащи тэ терас кадя, сар камэл амари ӷрешно тила, и тэ подаспэ лэ Сатанасти и лэстиря люмати. Амэ трэбуй анда вся зор тэ старысавас тэ кандас лэ Иеговас и кодэлэн, касти во дя власть.

2. Со сыкавэн и алава «тэ авас ӷотови тэ кандас»? (Иаково 3:17).

² Проадинон Иаково 3:17. О Иаково, кала пистрояс и гиндоря лэ Дэвлэстар, ԥэндя, кай и мудри мануша ӷотови тэ кандэн. Погиндон, со када сыкавэл. Амэ трэбуй анда вся оди тэ кандас кодэлэн, касти о Иегова дя власть. Канешно, о Дэл на аштярэл, кай амэ ласа тэ терас кадя, сар ԥэнэн и мануша, савэ камэн, кай амэ тэ на кандас лэ Дэвлэс (Дила 4:18—20).

3. Васо важ о Иегова важно, кай амэ тэ кандас кодэлэн, кастэ исин власть?

³ Канешно, тэ кандас лэ Иеговас май вушэро, чем лэ манушэн. Важ кода кай во совершэно, ай и мануша — най (Пс. 19:7). И всаек амаро небесно Дад дя дэсави власть лэ родителёнэнди, лэ властенди и лэ барэдэрэ ԥралэнди (Прит. 6:20; 1 Фес. 5:12; 1 Пёт. 2:13, 14). Кала амэ кандас лэн, амэ кандас лэ Иеговас. Диқаса, со поможыя тэ кандас лэн, дажэ если амэ када на камас или амэ нэ соӷласни кодэлэса, со вонэ ԥэнэн тэ терас.

КАНДЭН ЛЭ РОДИТЕЛЁНЭН

4. Васо бут бэяцэ на кандэн лэ родителёнэн?

⁴ Бут бэяцэ и подросткоря на кандэн лэ родителёнэн (2 Тим. 3:1, 2). Васо? Варико гиндой, кай и взросли мангэн лэ бэятонэндар кода, со на терэн екжэнэ. Авэр гиндон, кай и дада и дэя бут со на полэн или вонэ фартэ строӷи. Тэрнэ ԥрала и ԥэя, ай тумэндэ исин кацавэ гиндоря? Адес бутэнди ԥарэс тэ терэн кадя, сар ԥэнэн о Иегова: «Кандэн лэ дадэс и ла да, сар када камэл о Ӷосподо, важ кода кай када драго англа лэстэ» (Эф. 6:1). Но со поможыя тумэнди тэ кандэн?

5. Васо о Иисусо сыкадя со май лашо примеро, сар и тэрнэ ԥрала и ԥэя тэ кандэн? (Луки 2:46—52).

⁵ Пэрво со май лашо примеро, сар тэ кандэн, — када о Иисусо. Тумэ можэте тэ сытён лэстар (1 Пёт. 2:21—24). Во сас совершэно мануш, савэс барярэнас и нэсовершэни родителя. Но о Иисусо столас пэр лэндэ патив, дажэ кала вонэ шылинаспэ или на полэнас лэс (Исх. 20:12). Вспомните, со тердяпэ, кала лэсти сас 12 бэрш. (Проадинон Луки 2:46—52.) Кала о Иосифо и Мария ринаспэ анда Иерусалимо, вонэ шутэ сама, кай лэ Иисусос лэнца нинай. Вонэ, сар родителя, трэбуй сас тэ следин, кай лэндирэ бэяцэ тэ авэн паша лэндэ. Но кала вонэ виарақлэ лэ Иисусос, и Мария ля тэ ԥэнэн, кай через лэстэ вонэ бут пэрэжывали. Но о Иисусо дя дума ласа просто и пативалэс. Хоть о Иосифо и Мария «на полинэ лэстирэ алава», во на парашэлас «тэ кандэл лэн».

6, 7. Со поможыя лэ бэятонэнди и лэ подростконэнди тэ кандэн лэ родителёнэн?

⁶ Амарэ кучутнэ бэяцэ и подросткоря, ай тумэнди ԥарэс тэ кандэн лэ родителёнэн, особено кала вонэ шылинпэ или кала тумэ на дополэн ек еқэс? Со тумэнди поможыя? Пэрво, гиндон, со по ди кай о Иегова. Андэ Библия ԥэнэнпэ, кай, кала тумэ кандэн лэ родителёнэн, «када чалёл лэ Дэвлэсти» (Кол. 3:20). О Иегова диқэл, кала и взросли тумэн на полэн или кала вонэ стон правила, савэ здэнпэ най справедливи. Но если тумэ всаек лэн кандэн, о Иегова кадэлэсти фартэ радуийпэ.

⁷ Дуйто, гиндон, со по ди кай и родителя. Если тумэ лэн кандэн, тоди лэна тэ радуин лэн и затерэна лэндири доверия (Прит. 23:22—25). Ай инке, май ӥто всаворэстар, тумэ ашэна май пашэ каринг ек еқэстэ. О Алекса́ндро анда Бельгия ԥэнэн: «Кала мэ лэм май часто тэ терав кода, со ԥэнэн и родителя, амарэ отношэнии ашэлэ май лашэ, ай андо ери ашэля май татэс и май радосно»b. Трито, гиндон пала кода, сар тумари послушания поможыя тумэнди англэ. О Па́улу анда Бразилия ԥэнэн: «Кода, кай мэ кандавас лэ родителёнэн, сас важ мандэ лащи подӷотовка. Када сытярдя ман тэ кандав лэ Иеговас и кодэлэн, кастэ исин власть». Андэ лэ Дэвлэско Алав ԥэнэнпэ пала важно причина, васо трэбуй тэ кандэн лэ родителёнэн. Котэ пистромэ: «„Полэ лэ дадэс и ла да“, када пэрво законо, андэ саво исин обещяния: „Кай тути тэ авэл драго и ту долӷо тэ жувэс пэ ԥув“» (Эф. 6:2, 3).

8. Васо бут тэрнэ мануша ришыли тэ кандэн лэ родителёнэн?

⁸ Бут тэрнэ мануша пар пэстэ полинэ, кай тэ кандэн — када со май лашо выборо. И Луи́за анда Бразилия спэрва на полэлас, васо лати на тинэн телефоно. Машкар латирэ ровэсникоря, можно тэ ԥэнэс, кати латэ на сас телефоно. Но потом вой поля, кай кадя и родителя камлэ ла тэ фэрин. Вой ԥэнэн: «Важ мандэ и правила, савэ стон о дадэ и мама, — када сар и кущик андэ машына, сави можэт тэ фэрий манди и жызня». И Эли́забет, тэрни ԥэй анда США, дэкала нэ соӷласно лэ родителёнэнца. Вой росԥэнэн, со тоди лати поможый: «Если мэ на дополав, васо вонэ стон варисаво правило, тоди мэ старысавав тэ вспоминаю случаёря, кала кода, со вонэ ԥэнэнас, андя манди лашымос». Ай и Мо́ника анда Армения поля: кала вой терэл кадя, сар ԥэнэн и родителя, вся вижал пэ бутэстэ май драго, чем кала вой терэл па пэстирятэ.

КАНДЭН КОДЭЛЭН, «КАСТЭ ИСИН ВЛАСТЬ»

9. Сар бут мануша диқэн пэ законоря андэ страна?

⁹ Кала андэ Библия ԥэнэнпэ пала кодэла, кастэ исин власть, када сыкавэл и манушыкани власть андэ страна (Рим. 13:1). Бут мануша прижанэн, кай би лэнго нисар, и кай трэбуй тэ ритярэн хоть дэсавэ законоря андэ страна. Но кадэла жэ мануша на грабинпэ тэ ритярэн кодэла законоря, савэ сдэнпэ лэнди найсправедливи или фартэ ԥарэ. Например, о законо, кай тэ потинэн и налоӷоря. Акэ со сыкадя о опросо, саво стердэ андэ ек европейско страна. Штарто часть анда кодэла, кастар пушлэ, ԥэндэ, кай можно тэ на потинэс и налоӷоря, если полэс, кай вонэ найсправедливи. Най удивительно, кай андэ кадэя страна на хутилэл трито часть анда налоӷоря.

10. Васо амэ ритярас дажэ кодэла законоря, савэ амэнди на чалён?

¹⁰ Андэ Библия ԥэнэнпэ, кай и манушыканэ правительства анэн ԥаримос, кай вонэ кандэн лэ Сатанас и ӥто авэна уничтожэни (Пс. 110:5, 6; Эккл. 8:9; Луки 4:5, 6). Но андэр латэ кадяжэ пистромэ, кай «кодэва, ко жал против власть, кадяжэ жал против о Дэл». О Иегова домэкля, кай и власти дэсави время тэ правин, и во аштярэл, кай амэ ласа тэ кандас лэн. Важ када амэ трэбуй тэ отдас «кажнонэсти кода, со лэсти прижалпэ», андэ када ужан и налоӷоря, и патив и послушания (Рим. 13:1—7). Амэнди можэт тэ здэлпэ, кай варисаво законо нэудобно, найсправедливо или кай тэ ритярас лэс фартэ куч. Но амэ кандас лэ Иеговас, ай во ԥэнэн тэ кандас лэ властен, если кода, со вонэ ԥэнэн, на жал против лэско законо (Дила 5:29).

11, 12. Со терэнас о Иосифо и Мария, кай тэ кандэн о законо, и каринг со када андя? (Луки 2:1—6). (Диқэн кадяжэ и картинка.)

¹¹ О Иосифо и Мария — када райкано примеро, сар тэ кандас лэ властен, дажэ если када нэудобно. (Проадинон Луки 2:1—6.) Кала и Мария ԥирэлас ужэ девято шон, лэнди лэ Иосифоса прижыляпэ тэ прилэн найвушэро ришэния. О Императоро Авӷусто вимэкля указо пала кода, кай всаворэ андэ Римско империя трэбуй тэ прожан перепись. О Иосифо и Мария трэбуй сас тэ жан андо Вифлеемо. Ай када варикай 150 километроря па буӷроря! На ԥэнэса, кай кадэва дром сас удобно. И Мария и лако хулай моӷли тэ пэрэжывают, на авэла када опасно важ латэ и важ лако бэято? Ай со, если прижалапэ тэ анэн лэ бэятос ворта андо дром? И дума жэ жалас пала лэ Христостири жызня! Погиндона вонэ, кай кадэла маменторя дэн лэнди право тэ на кандэн лэ властен?

¹² Дажэ если кай о Иосифо и кай и Мария и сас пэрэжывании, вонэ всаек стердэ па законо. О Иегова блаӷословисардя лэн важ лэндири послушания. О Иосифо и Мария блаӷополучно дожылэ андо Вифлеемо. Вой андя зоралэ шаворэс и поможысардя, кай тэ исполница о библейско пророчество (Мих. 5:2).

13. Сар кода, кай амэ кандас, можэт тэ поможый лэ ԥралэнди и лэ ԥэянди?

¹³ Кала амэ кандас лэ властен, када анэн лашымос и амэнди, и аврэнди. Погиндон екжэнэ: если амэ ритярас и законоря, тоди амэнди на прижалапэ тэ андярас наказания (Рим. 13:4). Кадяжэ, если кажно андар мэндэ кандэл лэ властен, тоди вонэ диқэн, кай лэ Иеговастирэ свидетеля — кандино народо. Акэ случаё, саво сас бут бэрша палпалэ андэ Ниге́рия. Еқвар пэ собрания андо Зало Царства авелэ халавдэ. Вонэ родэнас кодэлэн, через кастэ сас барэ беспорядкоря против кода, кай тэ потинэн и налоӷоря. Но кала о начальнико уӷангля, кай катэ стидэпэ лэ Иеговастирэ свидетеля, во ԥэндя лэ халавдэнди тэ ужан. Во ԥэндя: «Лэ Иеговастирэ свидетеля всегда потинэн и налоӷоря». Кажно разо, кала тумэ ритярэн и законоря, тумэ терэн кадя, кай пала лэ Иеговаско народо тэ жал лашо алав. И англэ када можэт тэ фэрий тумарэ ԥралэн и ԥэян (Матф. 5:16).

14. Со поможысардя еқа ԥьяти тэ кандэл кодэлэн, кастэ исин власть?

¹⁴ Дэкала ла годяса амэ полас, кай трэбуй тэ кандас, ай лэ одеса — най. И Джоа́нна анда США ԥэнэн: «Манди трэбуй сас тэ став бут зор, кай тэ кандав лэ властен. Сас время, кала мэрнэ чачендэ сас бут ԥаримос через лэндэ». Но и Джоанна терэлас вся, кай тэ парудёл. Пэрво, вой парашэля тэ диқэл андэ соцсети и новости, савэ терэнас кадя, кай вой найдраго тэ гиндой пала правительство (Прит. 20:3). Дуйто, вой мангэласпэ лэ Иеговасти, кай во тэ поможый лати тэ полэл, кай вся парувэла во, ай най и мануша (Пс. 9:9, 10). И трито, вой адинояс андэ амарэ публикацыи и статьи пала кода, кай тэ на залас никастири риг андэ политика (Иоан 17:16). И Джоанна ԥэнэн, кай, кала вой сытеля тэ стол патив пэ власти, лати ашэля фартэ спокойно и драго.

КАНДЭН И УКАЗАНИИ, САВЭ ДЭЛ ЛЭ ИЕГОВАСТИРИ АРӶАНИЗАЦЫЯ

15. Васо дэкала найвушэро тэ кандас и указании, савэ дэл лэ Иеговастири арӷанизацыя?

¹⁵ О Иегова мангэл амэн: «Приашундёнпэ каринг кодэла, ко руководий машкар тумэндэ, и кандэн лэн» (Евр. 13:17). Амаро Ӷосподино, о Иисус Христос, — совершэно. Ай кодэла, через кастэ во руководий, — обычни, найсовершэни мануша. Амэнди можэт тэ авэл найвушэро лэн тэ кандас, особено если вонэ мангэн тэ стерас кода, со амэнди най фартэ чалёл. Андэ кацави ситуацыя еқварэс сас о апостало Пётро. О анӷело ԥэндя, кай во тэ хал лэ жывотнонэн, савэ па лэ Моисеёско законо сас найвужэ. О Пётро отԥэнделя — и най еқвар, ай тривар! (Дила 10:9—16). Васо? Во гиндояс, кай кадэя нэви указания сас нэправильно. Во вся и жызня жувэлас па аврятэ. Лэ Петрости сас ԥарэс тэ стерэл кадя, сар ԥэнэн о совершэно анӷело. Пэ скати жэ важ амэндэ можэт тэ авэл май ԥарэс тэ кандас кода, со ԥэнэн и найсовершэни мануша!

16. Сар андярдя пэс о апостало Павло, кала лэс манглэ тэ стерэл кода, со во на трэбуй сас тэ терэл? (Дила 21:23, 24, 26).

¹⁶ О апостало Павло сас ӷотово тэ кандэл, дажэ кала лэс манглэ тэ стерэл кода, со во на трэбуй сас тэ терэл. Каринг и христианоря, савэ сас евреёря, дожыля дума, кай во сытярэл тэ на ритярэн лэ Маисеёско законо (Дила 21:21). И барэдэр ԥрала андо Иерусалимо ԥэндэ лэсти тэ жал андо храмо вмести штарэ муршэнца и тэ вихаладёл лэнца, сар када трэбуй па обрядо. Тоди всаворэ диқлоп, кай о Павло ритярэл о законо. Но во ӷанэнас, кай и христианоря будэр на ритярэн лэ Маисеёско законо, и кай нисо нэправильно во на терэлас. И всаек о апостало на ля тэ спорий. «Пэ авэр дес о Павло вмести кодэлэ муршэнца вихаладеля, сар трэбуй па обрядо». (Проадинон Дила 21:23, 24, 26.) Во кангля лэ барэдэрэ ԥралэн и кадя стердя, кай машкар ԥрала тэ авэл единство (Рим. 14:19, 21).

17. Сости тумэ сытён кай и Стефани?

¹⁷ Важ и ԥэй, савя ақарэн Сте́фани, сас ԥарэс тэ прилэл лэ филиалостири ришэния. Лэнди лэ хуласа фартэ чалёлас тэ служын андэ ӷрупа, сави дэл дума пэ авэр шыб. Но потом о филиало приля ришэния, кай лэндири ӷрупа будэр на авэла, ай и Стефани лэ хуласа назначени андэ собрания пэ лэндири чачи шыб. И Стефани ԥэнэн: «Мэ фартэ ростроилась. По ди мандэ сас, кай, ԥэнэса, андэ собрания пэ мэрни чачи шыб помощь на трэбуй». Но вой ришыла тэ кандэл кодэва руковоцтво. И Стефани росԥэнэн: «Через дэсави время мэ полэм, пэ скати дэ мудро сас лэ филиалостири ришэния. Амэ лэ хуласа ашэлям духовни родителя важ дэсавэ ԥрала и ԥэя, савэндэ андэ истина нинай нико анда родо. Акана мэ изучаю ла ԥьяса, сави найдэлмут рисайля андэ собрания. Ай инке мандэ появисайля май бут время важ и лично изучения». Кадяжэ вой ԥэнэн: «Мэ моӷу тэ служысарав лэ Иеговасти вужэ одеса и тэ ӷанав, кай стердэм вся, кай тэ авав кандини».

18. Васо важно тэ кандас?

¹⁸ Тэ кандас можно тэ сытювас. О Иисусо «сытеля тэ кандэл» най важ кода, кай находияспэ андэ идеальни условии, ай важ кода, кай во прожыля «через о ԥаримос» (Евр. 5:8). Часто амэ тожэ сытювас тэ кандас имено тоди, кала попэрас андэ ԥари ситуацыя. Например, сэрэн, кай кала заляпэ и пандэмия КОВИДО-19, амэнди ԥэндэ тэ на стидаспэ андэ Залоря Царства и тэ на росԥэнас важ о Дэл па цэра? Вушэро тумэнди сас тэ стерэн кадя, сар ԥэндэ? Дажэ если най, тумэ всаек канглэ. И када фэрисардя тумэн, стердя, кай тэ авэл единство машкар ԥрала и ԥэя, и андя лош лэ Иеговасти. Ай инке, када сас лащи подӷотовка каринг кода, со авэла англэ. Блаӷодаря кадэлэсти, амэнди авэла пэ бутэстэ май вушэро тэ кандас и указании, савэ амэнди дэна, кала авэла и бари бида. Ай через амари послушания дицола, спасысаваса амэ чи най! (Иов 36:11).

19. Сави исин ӷлавно причина, кай тэ кандас?

¹⁹ Сар амэ диқлям, кала амэ кандас, када анэн ек о лашымос. Но само ӷлавно, васо амэ кандас лэ Иеговас, — када важ кода, кай амэ любисарас лэс и камас тэ радосарас лэс (1 Иоан. 5:3). Амэ никала нэ сможэм тэ отблаӷодарисарас лэ Иеговас важ вся о лашымос, саво во терэл важ амэндэ (Пс. 116:12). Но амэ можэм тэ кандас лэс и кодэлэн, касти во дя власть. Кала амэ кадя терас, амэ сыкавас и мудрость и кадэлэса радосарас лэ Иеговас (Прит. 27:11).