Парудэ варисо андэ Библия?

Най. Кала сыстосардэ и дэлмутнэ рукописи, тоди додиқлэ, кай андэ адесутни Библия, почти нисо на паруделяпэ, хоть кода пэр со пистронас долӷо на ритярдёлас.

И мануша на терэнас и ошыбки, кала пэрэпистронас и Библия?

Виарақлэ бут дэлмутнэ чачунэ рукописи и сыстосардэ лэн кодэлэса, со сас пистромэ андэ Писания. И учони полинэ, кай кала пэрэпистронас и рукописи, и ӷлавни гиндоря ашэлэпэ, хоть и стердэ найбарэ ошыбки. Но инке полинэ, кай дэкала и мануша спецыально камэнас тэ парувэн дэсавэ ӷлавни гиндоря анда Писания. Роздиқам пала када дуй примероря.

1. Андэ дэсавэ ла Библиятирэ переводоря андэ 1 Иоанна 5:7 исин кацавэ алава: «по нэбо исин о Дад, о Алав и Свынто духо, када вся ек». Андэ дэлмутнэ Библии савэнди и мануша май бут патян, кацавэ алава нинай, лэн допистросардэ потомa. Васо ԥэнэн, кай допистросардэ потом? Важ кода кай андэ дэлмутнэ чачунэ свиткоря кацавэ алава тожэ нинай. Именно важ када андэ адесутнэ авторитетни Библии, кацавэ алава кадяжэ нинай.

2. Андэ дэлмутнэ рукописи, лэ Дэвлэско алав пистромэ май бут чем тысячи разоря, ай андэ бут разни ла Библиятирэ переводоря вместо лэ Дэвлэско алав тердёл титуло, кацаво, сар Дэл или Ӷосподо.

Ошыбки, савэ домэклэ, кала пэрэпистронас и рукописи, инке родэн. Но катар амэ ӷанас, кай лэн ашэляпэ набут?

Адес и учони виарақлэ бут свиткоря, и важ када май вушэро тэ полэн, кай исин ошыбка, ай кай ла нинайb. Кала сыстосардэ кодэла свиткоря, тоди полинэ, пэ скати дэ точно и Библия адес.

• Пала Еврейски Писании, када кадяжэ о «Ветхо Завето», о учоно о Уильямо Грин ԥэндя: «Ни ек переводо на сас кадя дэ точно, сар кадэва».

• Ай пала Христиански Ӷречески Писании, када «Нэво Завето», о учоно библеисто Фредерико Брюс ԥэндя: «Исин май бут кода, со доԥэнэн, кай о «Нэво Завето» май точно, чем книжки, савэ пистронас и ашунглэ мануша (када и мануша, пала савэ адес сытярэн андэ школы)».

• Ек баро мануш, савэс ақарэн Фредерик Кеньон, саво драго розлэлпэ андэ разни Библии, во поля и ԥэндя кацавэ алава: «Акана о христианино, кастэ исин и Библия, можэт точно тэ ӷанэн, кай лэстэ лэ Дэвлэско алав, саво дожыля жы каринг амари время, андэ саво почти нисо на паруделяпэ.

Со инке доԥэнэн, кай и Библия пэрэандярдэ точно?

• Евреёря и христианоря, савэ пэрэпистронас библейски рукописи, ашадэ вся кадя, сар котэ росԥэнэнаспэ. Например, сар лэ Дэвлэстирэ мануша терэнас баро бэзэхc (Числа 20:12; 2 Самуила 11:2—4; Галатам 2:11—14). Андэ тексторя пэрэпистросардэ вся. Сар о Иегова вэрыцый кода, сар и иудеёря на кандэнас, и кай лэ Дэвлэстирэ мануша ԥэнэнас кодэлэнди, ко сытярэлас хохаимасти, кай кадя нащи тэ терэн (Осия 4:2; Малахия 2:8, 9; Матфея 23:8, 9; 1 Иоанна 5:21). Через кода, кай точно пэрэпистросардэ вся сар сас, дицэля, кай кодэла мануша стонас бари патив пэ Писания и кай лэнди можно тэ патяс.

• Если вся Писания лэ Дэвлэстар, тоди хэба во на диқэла пала кода, кай андэр латэ тэ авэл вся точно?d (Исаия 40:8; 1 Петра 1:24, 25). О Дэл дя и Библия важ и мануша, савэ жувэнас андэ дэлмутни время и кодэлэнди, ко жувэн андэ амари время. Всаворэ мануша моӷут тэ лэн зор и тэ сытён кодэлэстар, со котэ пистромэ (1 Коринфянам 10:11). Андэ Библия ԥэнэнпэ: «Вся, со сас пистромэ, сас пистромэ, кай амэ тэ сытювас. Через кода, кай амэ виритярас о ԥаримос и кай амэн подритярэн алавэнца анда Писании, амэ тэ аштярас англэ о лашимос» (Римлянам 15:4).

• О Иисусо и лэстирэ ученикоря сытярэнас лэ манушэн па тексторя, савэ сас пэрэпистромэ па Еврейски Писании, и вонэ никала на ԥэнэнас, кай о тексто най точно (Луки 4:16—21; Деяния 17:1—3).