Пэрви алава каринг 6 часть

Кала израильтяноря авелэ андэ ԥув, пала сави о Иегова ԥэндя, кай авэла лэнди, и бари свынто катуна, ашэля само ӷлавно ҭан, кай сас и чачуни вера. И рашая сытярэнас кодэлэсти, со ԥэнэнаспэ андо законо, ай сындомаря диқэнас, кай и мануша тэ ритярэн кадэла законоря. Андэ кадэя часть росԥэнэнпэ, сар андярэл пэс ек мануш и кода, со во витидэл, парувэл и жизня аврэ манушэнди. Кажно мануш трэбуй тэ на парашэл тэ кандэл лэ Иеговас и вся время тэ авэл пэстирэ народоса. Шон сама, сар парудя и жизня аврэ манушэнди, сар андярэнас пэс и Девора, и Ноеминь, и Анна, о Иисусо Навино, о Самуило и лэ Иеффаёстири щей. Шон сама, кай даже дэсавэ мануша, савэ на сас израильтяноря, кацавэ сар и Раав, и Руфь, и Иаиль и гаваонитяноря витидэ о народо Израилё. Васо? Важ кода кай диқэнас, кай лэнца о Дэл.