2 ӶЛАВА

Андэ Библия пистромэ, кай англэ авэла со май бахтали жызня

Изображэния

Всаворэ манушэндэ исин ԥаримос и кадэлэстар исин пэрэжывании, умэкэнпэ и вас и найдраго по ди. Тумэндэ сас кацаво андэ жызня? Можэт варико занасвайля, ай дэко хасардя манушэс, саво лэсти куч. И ту пушэс: «Авэла андэ жызня варисаво лашимос?» Кода, со пистромэ андэ Библия пала када, дэл зор.

1. Пала саво лашимос пистромэ андэ Библия?

Андэ Библия росԥэнэнпэ, васо кадя бут ԥаримос. Кадяжэ андэр латэ ԥэнэнпэ, кай о ԥаримос най пэ вся и время, и во ӥто на авэла. Андэ Библия пистромэ, пала «лашимос», саво авэла англэ. (Адиносар Иеремия 29:11, 12.) Кадэла алава подритярэн амэн и анэн радость.

2. Со андэ Библия пистромэ пала кода, со авэла англэ?

Андэ Библия исин кацавэ алава: «И смэрть будэр на авэла, нисави бида, ни дук будэр на авэла». (Адиносар Откровение 21:4.) Будэр на авэна тэ насвавэн и на лэна тэ мэрэн и мануша. На авэла чорымос. Лэ манушэнца парашэна тэ обжанпэ кадя, сар вонэ на затердэ. Андэ Библия пистромэ, кай и мануша смоӷут тэ жувэн андо раё пэ ԥув.

3. Со тэ терэс, кай тэ патяс кодэлэсти, со запистромэ андэ Библия?

И мануша камэн, кай тэ авэл варисо май драго, но лэнди на патялпэ, кай кацаво авэла. Ай кодэлэсти, со запистромэ андэ Библия, можно тэ патяс. Но со тэ стерэс, кай тэ патяс ла Библияти? Трэбуй тэ пристос о зор, кай тэ уӷанэс, «со пистромэ андэ Писания [андэ Библия]» (Деяния 17:11). Сар лэса май бут тэ уӷанэс пала Библия, ту розлэсапэ, тэ патяс кадэлэсти, чи най.

УӶАНАМ МАЙ БУТ

Анда кадэя ӷлава амэ уӷанаса, со запистромэ андэ Библия пала кода, сар и мануша жувэна андо раё пэ ԥув. Кадяжэ амэ уӷанаса, сар поможый лэ манушэнди акана о лашимос, саво авэла англэ.

Коллаж, картинки, пэ савэ дицол, сар жувэн акана и сар жувэна, кала авэла раё пэ ԥув. Кадэла жэ картинки инке авэна май тэлэ.

4. Андэ Библия пистромэ, кай амэ жуваса андо лашимос вечно, андо раё пэ ԥув

Подам дума пала обещянии анда Библия, савэ запистромэ май тэлэ. Сави обещяния тути чалёл со май фартэ и васо?

Адиносарам и стихоря анда Библия, андэ савэ ԥэнэнпэ пала кадэла обещянии и погиндосарам пала лэндэ.

Саво лашимос дэл тути кода, кай ту уӷанглян, сави дэ райкани жызня авэла? Сар ту гиндос, кала тиро ери и тирэ друӷоря уӷанэна анда Библия пала лашимос, саво авэла англэ, лэна вонэ тэ патян андэ када чи най?

Представь пэсти кацави жызня

НА АВЭЛА КАЦАВО ԤАРИМОС	АВЭЛА КАЦАВО ЛАШИМОС
о мануш на лэла тэ ԥурёл, лэстэ нисо на дуқала и смэрть будэр на авэла (Исаия 25:8).	радуинапэ, кай диқэна пэстирэ чачен, савэн хасардэсас, но савэ акана рисайлэ каринг и жызня (Иоанна 5:28, 29).
о мануш на лэла тэ насвавэл и на авэла нисаво насвалимос (Исаия 33:24; 35:5, 6).	авэла инке май лашо зор, чем сас лэндэ андэ тэрнэ бэрша (Иов 33:25).
лэ манушэнца на лэна тэ обжанпэ найсправедливо (Исаия 32:16, 17).	хана лашо хамос, жувэна андэ лашэ цэра и лэна тэ терэн бути радостяса (Псалом 72:16; Исаия 65:21, 22).
андэ люма на авэна войны (Псалом 46:9).	авэла мирно жызня (Псалом 37:11).
на авэла ԥарэс по ди через кода, кай загиндонпэ или кай сэрэн пала пэско ԥаримос (Исаия 65:17).	жувэна вечно лащя жызняса (Псалом 37:29).

О бэято сас насвало, ай акана во здорово и облэл пэстя да.

О мурш ԥуреля, ай акана во тэрно мануш. Пэ картинка во ла тачкаса, кай бут хамос.

5. Алава анда Библия парувэн и жызня

Бутэ манушэнди на чалёл и вонэ дажэ холявэн, кала диқэн, скати ԥаримос андэ люма. Дэко отдэн вся пэстири жызня, кай тэ улэн кадэва ԥаримос. Диқам о ВИДЕО и подам дума пала кадэла вопросоря.

ВИДЕО: «Мэ домардювавас, кай тэ авэл справедливо» (4:07)

Дэсо анда видео «Мэ камавас, кай тэ авэл справедливость». 1. И бэята, савя ақарэн Рафика, стидэл о хлопко еқэҭанэ манушэнца анда пэстири нацыя. 2. И Рафика пэрво разо по канӷрэсо кай лэ Иеговастирэ свидетеля и удивийпэ, кай и мануша анда разни нацыи ладин ек еқэса.

Со сас нэсправедливо андэ жызня кай и Рафика?
Сар кода, со пистромэ андэ Библия, поможысардя лати, хоть нэсправедливость и ашэляпэ?

Кала патяс андо лашимос, пала саво запистромэ андэ Библия, када поможый тэ пэрэандярас о ԥаримос и тэ на умэкас и вас. Адиносарам Притчи 17:22 и Римлянам 12:12 и подам дума пала вопросоря.

Можэт тири жызня тэ авэл май бахтали через о лашимос, саво авэла англэ? Васо ту кадя гиндос?

ТУТИ ВАРИКО МОЖЭТ ТЭ ԤЭНЭН: «Кацаво никала на авэла».

Васо андэ када тути трэбуй тэ розлэспэ?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай андэ Библия пистромэ, кай авэла бахтали жызня. И када дэл амэнди зор акана тэ пэрэандярас о ԥаримос.

Сар ту гиндос?

Васо лэ манушэнди трэбуй тэ ӷанэн пала лашимос, саво авэла англэ?
Со андэ Библия пистромэ пала кода, со авэла?
Сар кода, кай ту ӷанэс, кай англэ авэла о лашимос, поможыя тути акана?

Дес, кала проадиносардям кадэя ӷлава

Стер када

Кай май драго тэ уӷанэс пала лашимос, саво авэла англэ, инке еқвар проадиносар и стихоря анда Библия, савэ исин андэ кадэя ӷлава.

Пистросар кардэ, со инке камэс тэ стерэс

ДИК ИНКЕ

Уӷан май бут, сар о лашимос, пала саво пистромэ андэ Библия, дэла помощь, кала тутэ исин ԥаримос.

«Если надеисаваспэ, када подритярэл. Чаче када кадя?» («Прошонпэ!» пала 22 апреля 2004 бэрш)

Адиносар, сар о лашимос, саво авэла англэ, поможыя кодэлэнди, кастэ исин о насвалимос, саво на прожал.

«Поможый и Библия лэ манушэнди, савэндэ исин насвалимос, саво на прожал?» (статья по сайто)

Кала диқэса кадэва видео и ашунэса и дили, прецтавь пэс и лэ ерес андо раё пэ ԥув, пала саво пистромэ андэ Библия.

«Представь, кадя и авэла» (3:37)

Адиносар, сар паруделяпэ и жызня еқэ манушэсти, саво поможыяс лэ манушэнди, савэ чорорэ и фэрияс лэ жывотнонэн. Во паруделяпэ, кала уӷангля анда Библия пала лашимос, саво авэла англэ.

«Акана мэ ужэ на гиндосарав, кай трэбуй тэ парував и люма» («Сторожэво башня» пала 1 июля 2013 бэрш)