СО ԤЭНЭНПЭ АНДЭ БИБЛИЯ?

Моӷут амарэ ӷрехоря тэ простинпэ?

Андэ Библия пистромэ, кай всаворэ мануша ӷрешни. Амэ ашэлям ӷрешни через о пэрво мануш, о Адамо. Важ када амэ дэкала терас кода, пала со потом ласа жалеть. Лэ Дэвлэско Шаво, о Иисус Христос, отдя пэстири жызня пала амарэ ӷрехоря. Блаӷодаря кодэлэсти, кай во амэн витиндя, амарэ ӷрехоря моӷут тэ простинпэ. Када подарко лэ Дэвлэстар. (Адиносар Римлянам 3:23, 24.)

Дэсавэ мануша андэ пэстири жызня стердэ барэ ӷрехоря и акана пушэн: «Сможэт о Дэл варикала лэн тэ простий?» Андэ лэ Дэвлэско Алав ԥэнэнпэ: «Лэ Иисусоско рат... терэл, кай амэ тэ авас вужэ всаворэ ӷрехонэндар» (1 Иоанна 1:7). О Иегова ӷотово тэ простий дажэ само баро бэзэх, кати если о мануш каийпэ анда вся оди. (Адиносар Исаия 1:18.)

Со тэ терас, кай амарэ ӷрехоря тэ простин?

Кай о Иегова тэ простий, трэбуй тэ полас лэско гиндо, лэстирэ советоря и лэско законо (Иоанна 17:3). О Иегова анда вся оди простий кодэлэн, ко каийпэ, кай стердя ӷрехо, и старыийпэ тэ парудёл. (Адиносар Деяния 3:19.)

Кай о Дэл амэн тэ простий трэбуй найбут. О Иегова полэл, кай амэ можэм тэ шылисавас. Во терэл лашимос и жалуий анда вся оди. Хэба через лэ Дэвлэстири любовь тумэ на камэн май бут тэ уӷанэн пала кода, сар пэстиря диласа тэ радуин лэс? (Адиносар Псалом 103:13, 14.)