О Иегова простий. Со када сыкавэл важ тутэ?

1. Васо и алава «Мэ тут простисарав» найвушэро тэ полэс?

«МЭ ТУТ ПРОСТИСАРАВ». Прецтавь, кай кодэва, каса ту найдраго обжылянпэ, ԥэнэн тути кадэла алава. Наверно, тутэ бар спэрэла па ди. Но со о мануш камэл тэ ԥэнэн кадэлэ алавэнца? Сыкавэл када, кай тумэ поладисардэ? Или во просто на камэл упалэ тэ ваздэл кадэя дума? Сар дицол, кала дэлпэ дума пала кода, сар простин и мануша, найвушэро сразу тэ полэс, со кадэлэса вонэ камэн тэ ԥэнэн.

2. Васо кода, сар простий о Иегова, нисоса на сыстояпэ? (Кадяжэ диқэн и сноска.)

² Ек мануш ԥэндя пала Иегова: «Ту Дэл, саво простийa, кай и мануша тэ стон бари патив пэр тутэ» (Пс. 130:4). Нисо на сыстояпэ кодэлэса, сар о Иегова простий лэ найидеальнонэ манушэн. Нико на простий кадя, сар во. Кала и дума жал пала кода, сар простий о Дэл, андэ Библия дэкала пистромэ еврейско алав, саво никала на ԥэнэнпэ, кала простин и мануша.

3. Васо на сыстоса кода, сар простий о Иегова, кодэлэса, сар простин и мануша? (Исайя 55:6, 7).

³ Кала о Иегова простий, во стрий лэ манушэско бэзэх, и вонэ упалэ лэн тэ ладин. Амэ фартэ блаӷодарни лэ Иеговасти важ кода, кай во полностью амэн простий. И во на цыёл тэ терэл када упалэ и упалэ. (Проадинон Исайя 55:6, 7.)

4. Сар о Иегова поможый амэнди тэ полас, со када тэ простис па чачимастэ?

⁴ Если о Иегова простий совсем най кадя, сар простин и мануша, тоди можэм амэ вобще тэ полас, со када па чачимастэ тэ простис? Да, када возможно. О Иегова поможый амэнди када тэ полас через интересни примероря. Вонэ сыкавэн, сар о Иегова най еқвар доԥэнэн амэнди, кай простий амэн. Амэ диқаса, сар во вилэл о бэзэх и примирийпэ амэнца. Кала амэ розласа кадэла примероря, амэ аваса инке май блаӷодарни амарэ одялэ небеснонэ Дадэсти.

О ИЕГОВА ВИЛЭЛ ПА ЯҚА О БЭЗЭХ

5. Со терэлпэ, кала о Иегова простий амаро бэзэх?

⁵ Андэ Библия часто о бэзэх сыстойпэ барэ ԥаримаса. Акэ со сас по ди кай о царё Давидо: «Май вучес мэрнэ шэрэстар вазгляпэ мэрно бэзэх; во сар... [ԥаримос, саво манди най па зор], фартэ ԥаро важ мандэ» (Пс. 38:4). Но о Иегова простий о бэзэх кодэлэнди, ко каийпэ (Пс. 25:18; 32:5). Пэрво, со сыкавэл о еврейско алав, саво пэрэандярдо андэ кадэла стихоря сар «тэ простис», или «тэ злэс и дош», — када «тэ ваздэс» или «тэ андярэс». Амэ можэм прецтавить, сар о Иегова злэл па амарэ ԥиқэ о ԥаримос лэ бэзэхэстар и ундярэл лэс.

6. Пэскати дэ дур о Иегова ундярэл амарэ бэзэха?

⁶ Авэр интересно примеро сыкавэл, пэскати дэ дур о Иегова ундярэл амарэ бэзэха. Андо Псалом 103:12 ԥэнэнпэ: «Сар дур ек еқэстар о востоко и о западо, кадя дэ дур во одындярдя амэндар амарэ [бэзэха]». О востоко и о западо находинпэ ек еқэстар фартэ дур и никала не моӷут тэ очутинпэ андэ ек ҭан. Аврэ алавэнца, о Дэл ундярэл амарэ бэзэха кадя дур, кай май дур ужэ най каринг. Кадя о Иегова сыкавэл: кала во простий, во простий амэн полностью.

7. Со о Иегова терэл амарэ бэзэхэнца? (Михей 7:18, 19).

⁷ Амэ полям, кай о Иегова ундярэл амарэ бэзэха. Но со во терэл лэнца посли када? Гаравэл во лэн варикай? Най! О царё Езэки́я пистросардя пала Иегова: «Ту шутян пала пэстирэ думэ мэрнэ бэзэха». Или, аврэ алавэнца, «вилян всаворэ мэрнэ бэзэха, кай тэ на диқэс лэн» (Ис. 38:9, 17). Сави картинка стидэлпэ андэ амаро шэро? Если о мануш каийпэ, о Иегова лэл лэско бэзэх, вишол и будэр на камэл тэ диқэл пэ кадэва бэзэх. Акэ сар инке можно тэ пэрэандярэс кадэлэ алава: «Ту стердян кадя, ԥэнэса мэрнэ бэзэха и на сас». Кацаво жэ гиндо запистромэ андо Михей 7:18, 19 (проадинон). Андэ кадэва стихо ԥэнэнпэ, кай о Иегова шол амарэ бэзэха андэ моря. Андэ дэлмутни время, если варисо тасыля андэ моря, тэ дорэсэс када сас невозможно.

8. Со амэ уӷанглям анда пэрво часть андэ кадэя статья?

⁸ Всаворэ кадэла примероря сытярэн амэн: кала о Иегова простий, во полностью вилэл па яқа амарэ бэзэха, кай амэн будэр тэ на хал и дош. О Давидо ԥэндя: «Бахталэ кодэла, кастири найлащи дила простисарди и ко ашэля вужо пэстирэ бэзэхэстар, бахтало о мануш, каско бэзэх о Иегова на шол пэ яқа» (Римо 4:7, 8). Акадя трэбуй тэ простис па чачимастэ!

О ИЕГОВА СТРИЙ О БЭЗЭХ

9. Саво примеро поможый амэнди тэ полас, кай о Иегова простий амэн полностью?

⁹ Андэ Библия исин и авэр примероря, савэ сыкавэн, сар через и особо цэмин о Иегова стрий лэ манушэндирэ бэзэха. Во ԥэнэса схалавэл па мануш лэско бэзэх и терэл кадя, кай кацаво мануш ашэл вужо (Пс. 51:7; Ис. 4:4; Иер. 33:8). Акэ со терэлпэ кодэлэса, кас простий о Иегова: «Хоть акана тумарэ ӷрехоря сар лоли материя, вонэ ашэна парнэ, сар ӥв. И хоть вонэ, сар лоли материя, ашэна сар парни шэрсть» (Ис. 1:18). Фартэ ԥарэс тэ вихалавэс и ӥда, если вой вимақли андэ варисо лоло. И всаек о Иегова ԥэнэн амэнди, кай во схалавэла пар мэндэ и бэзэха, и лэндар на ашэлапэ и слидо.

10. Призындяр инке ек примеро анда Библия, саво сыкавэл, кай о Иегова простий анда вся оди.

¹⁰ Андэ кодэя статья амэ адиносардям, кай амарэ бэзэха кадяжэ сыстонпэ лэ вужылимаса (Матф. 6:12; Лука 11:4). Амэ арақаделям барэ вужылимаса. И кажно разо, кала амэ терас бэзэх, амэ завужылисавас инке май фартэ. Но кала о Иегова амэн простий, во на мангэл о вужылимос палпалэ. Во на аштярэл, кай амэ тэ роспотиндювас важ и бэзэха, савэ во ужэ простисардя. Кала лэ манушэсти простин о вужылимос, лэсти по ди ашэл драго и вушэро. Кацаво жэ по ди и амэндэ, кала амэ ӷанас, кай о Иегова амэн простисардя!

11. Сар тэ полас, кай амаро бэзэх можэт «тэ стрийпэ»? (Дила 3:19, сноска).

¹¹ Проадинон Дила 3:19. Анда сноска каринг кадэва стихо дицол, кай о греческо алав, саво пэрэандярдо сар «простийпэ», ворта сыкавэл «стрийпэ». О Иегова най просто простий о вужылимос, или о бэзэх, — во лэс стрий. Прецтавь, кай о мануш, савэсти ту завужылисайлян, лэл и зачеркний андэ лила тиро вужылимос. Но и цыфры всаек инке дицон. Ай акэ кала варисо стрин, када ужэ совсем авэр дила. Сэрэс, андар со дэлмут терэнас и чернила? Анда сажа ла смоласа и лэ паеса. Важ када можно сас тэ лэс тинди ӷубка и тэ стрис и цыфры. Посли када нико не моӷ тэ диқэл, со сас пистромэ май данглал. Если кадя стринас о вужылимос, во парашэлас тэ дицол, ԥэнэса лэс никала и на сас. Точно кадя жэ о Иегова най кати простий амарэ бэзэха, но и полностью лэн стрий. Сар дэ вушэро ашэл по ди кадэлэстар! (Пс. 51:9).

12. Сости сытярэл амэн о Иегова, кала ԥэнэн пала барэ тучи?

¹² О Иегова призындярэл инке ек примеро, кай тэ сыкавэл, сар во стрий амарэ бэзэха. Во ԥэнэн: «Мэ стрисарава тирэ бэзэха, мэ кабута ушаравава лэн тучаса и стерава, кай через и барэ тучи тэ на дицон тирэ бэзэха» (Ис. 44:22). Кала о Иегова простий, во ԥэнэса барэ тученца ушаравэл амарэ бэзэха, кай вонэ тэ на дицон ни амэнди, ни лэсти.

13. Со тутэ по ди, кала о Иегова простий амэн?

¹³ Если о Иегова амэн простисардя, амэн будэр на трэбуй тэ хал и дош, — о бэзэх на ашэлапэ пар мэндэ сар чик, сави на схаладёл. Через лэ Исусоско рат простийпэ вся амаро вужылимос. Пала лэстэ дажэ никай най запистромэ. Акэ сар простий о Иегова, кала амэ каисавас.

О ИЕГОВА ПРИМИРИЙПЭ АМЭНЦА И ЛЭЛ ТЭ ЛАДИЙ

14. Васо амэ можэм тэ патяс, кай, если о Иегова простий, во простий полностью? (Кадяжэ диқэн и картинки.)

¹⁴ О Иегова амэн простий и важ када амэ можэм тэ авас лэстирэ друӷоря. Кала во простий амэн, амаро ди парашэл тэ дошалярэл амэн. Амэнди на трэбуй тэ дарас, кай о Дэл инке холявэл пар мэндэ и просто аштярэл, кай тэ спушэл амэндар. О Иегова вобще най кацаво! Кала во ԥэнэн, кай простий, амэ можэм кадэлэсти тэ патяс. О Ереми́я пэрэдя лэ Дэвлэстирэ алава: «Мэ простисарава лэндири найлащи дила и пала лэндирэ бэзэха будэр [на згиндосарава]» (Иер. 31:34). Кадэва жэ гиндо ԥэндя о апостало Павло андэ Евреёря 8:12. Но сар тэ полас, кай о Иегова «на згиндоя»?

15. Сар тэ полас, кай о Иегова на згиндой амарэ бэзэха?

¹⁵ Андэ Библия о алав «згиндос» най вся и время сыкавэл, кай ту «гиндос пала кода, со сас варикала». Во можэт тэ поджал каринг кода, со терэлпэ. Например, о чордэӷари, саво сас амбладо паша Исусо, мангля лэс: «Исусо, на́ бистэр [или «згиндосар»] пала мандэ, кала авэса андэ пэско Царство» (Лука 23:42, 43). Во мангля лэ Исусос варисо важ лэстэ тэ стерэл, ай най просто пала лэстэ тэ погиндой. Пэ када о Исусо дя алав тэ жундярэл кадэлэ манушэс. Кочай, кала о Иегова ԥэнэн, кай будэр на сэрэл амарэ бэзэха, када сыкавэл, кай во амэн простисардя. Во на лэла тэ спушэл амэндар пала лэндэ ни акана, ни англэ.

16. Со амэндэ исин через кода, кай амэн простий о Иегова?

¹⁶ Роздиқаса инке ек интересно примеро. Во поможыя инке май фартэ тэ цэнисарас, кай можэм тэ ашас свободни через кода, кай о Иегова простий. Амэ найидеальни, кочай андэ Библия пар мэндэ ԥэндо «лэ бэзэхэстирэ раборя». Но о Иегова простисардя амэн, и амэ парашэлям тэ авас кацавэ раборя (Римо 6:17, 22; Тайна 1:5). По ди амэндэ кацаво жэ, сар кай о мануш, савэс вимэклэ анда баруно через фартэ бут бэрша.

17. Сар о Иегова исцэлий амэн, кала простий? (Исайя 53:5).

¹⁷ Проадинон Исайя 53:5. Андэ Библия ԥэнэнпэ, кай амэ насвавас лэ бэзэхэса, савэстар нико не можэт тэ вилечийпэ. Но через лэ Исусостири жэртва амэ исцэлисайлям (1 Пёт. 2:24). О бэзэх дурярэл амэн лэ Иеговастар, ай и особо цэмин, сави сас потинди, дэл амэнди возможность упалэ тэ ашас май пашэ каринг лэстэ. Кала о мануш вилечийпэ посли ԥаро насвалимос, во фартэ лошавэл — ԥэнэса арақаделя упалэ. Точно кадя жэ и амэндэ оди ашэл май баро, кала амэ пашувас каринг о Иегова и диқас, кай уӷодисарас лэсти.

ЦЭНИСАР КОДА, КАЙ О ИЕГОВА ПРОСТИЙ

18. Со амэ уӷанглям анда разни библейски примероря пала кода, сар простий о Иегова? (Кадяжэ диқэн и рамка «Сар простий о Иегова».)

¹⁸ Со амэ уӷанглям анда примероря пала кода, сар простий о Иегова? Кала во простий амарэ бэзэха, во простий лэн полностью. И амэ можэм тэ патяс, кай во на спушэла амэндар пала лэндэ англэ. Важ када амэ можэм тэ ладисарас амарэ небеснонэ Дадэса. Но амэ на трэбуй тэ бистрас: кода, кай о Иегова простий, — када лэско подарко. Во стердя лэс амэнди най важ кода, кай амэ затердям, ай важ кода, кай во любий амэн и здиқэл пар мэндэ па пэско баро ковло ди (Римо 3:24).

19. а) Важ со ту блаӷодарно лэ Иеговасти? (Римо 4:8). б) Со амэ уӷанаса анда авэр статья?

¹⁹ Проадинон Римо 4:8. Амэ кадя блаӷодарни лэ Иеговасти важ кода, кай во амэн простий! (Пс. 130:4). Но о Иегова на простий всаворэн просто кадя. Амэ трэбуй тэ терас кадя, сар ԥэндя о Исусо: «Если тумэ на простин кодэлэн, ко стердя бэзэх против тумэндэ, тоди и тумаро небесно Дад на простия тумэн важ тумаро бэзэх» (Матф. 6:14, 15). Важ када фартэ важно тэ сытювас лэ Иеговастар и тэ простисарас аврэн. Анда авэр статья амэ уӷанаса, со амэнди андэ када поможыя.