«Лэ Дэвлэско Алав... парувэл и жизня»
«Лэ Дэвлэско Алав жундо и парувэл и жизня» (ЕВР. 4:12).
1. Васо тумэ патян, кай лэ Дэвлэско Алав парувэл и жизня? (Диқэн и картинка англа статья.)
ЛЭ ИЕГОВАСТИРЭ служителя фартэ патян, кай лэ Дэвлэско Алав, лэско пи́сьмо лэ манушэнди «жундо и парувэл и жизня» (Евр. 4:12). Бут, ко андар мэндэ доԥэндэ пэстиря жизняса, кай и Библия может тэ парувэл лэ манушэстири жизня. Дэсавэ амарэ ԥрала варикала чорэнас, прилэнас драб и андярэнас пэс билажавардэс. Варико андар лэндэ ашэля барвало или ашунгло. Но всаек вонэ полэнас, кай лэнди варисо на хутилэл (Эккл. 2:3—11). Исин бут мануша, савэ варикала на ӷанэнас, васо жувэн. Но акана вонэ уӷанглэ. Сар? Через лэ Дэвлэско Алав, саво дя помощь тэ тердён по дром, саво андярэл каринг и жизня. Амэнди чалёл тэ адиносарас пала кацавэ случаи анда статьи, пэ савэ ԥэнэн «Библия меняет жизнь». Но, даже, сар и мануша ашэлэ христианоря, вонэ через лэско Алав на парашэн тэ терэн вся, кай тэ авэн другоря лэ Дэвлэса.
2. Росԥэнэн, сар лэ Дэвлэско Алав парудя лэ манушэндири жизня андэ пэрво вико?
2 Андэ амари время бут мануша, савэ сытён анда Библия, парудэ пэстири жизня. Када шолпэ пэ кода, со сас лэ пэрвонэ христианонэнца, савэ аштярэнас тэ жувэн по нэбо. (Адиносар 1 Коринфянам 6:9—11a). Кала о апостоло Павло пистросардя, савэ мануша на лэна тэ жувэн андэ лэ Дэвлэско Царство, во ԥэндя: «Кацавэ сас дэко тумэндар». Но через и Библия и лэ Дэвлэско свято духо вонэ могли тэ парудён. Дэсавэ андар лэндэ стердэ баро бэзэх после кода, сар ашэлэ христианоря и лэнди упалэ прижыляпэ тэ терэн вся, кай тэ авэн другоря лэ Дэвлэса. Кадя андэ Библия росԥэнэнпэ, кай андэ пэрво вико ек христианино, саво аштярэлас тэ жувэл по нэбо парашэля тэ авэл лэ Иеговаско свидетелё. Но прожыля время и во рисайля андэ собрания (1 Кор. 5:1—5; 2 Кор. 2:5—8). Амэ фартэ ради, кай через лэ Дэвлэско Алав амарэ ԥрала и ԥэя парудэ пэстири жизня.
3. Со амэ уӷанаса анда кадэя статья?
3 О Иегова подарисардя амэнди пэско Алав и во может фартэ тэ парувэл амари жизня. И важ када амэ камас тэ прилас кода, со ԥэнэнпэ андэр латэ (2 Тим. 2:15). Давайте диқаса, сар када можно тэ прилас 1) андэ пэсти жизня, 2) кала росԥэнас важ о Дэл и 3) кала сытярас па сцена. Кадэя статья поможыя тэ сыкавас пэстири любовь и благодарность амарэ небеснонэ Дадэсти, саво сытярэл кодэлэсти, со важ амэндэ авэла драго (Ис. 48:17).
АНДЭ ПЭСТИ ЖИЗНЯ
4. а) Со трэбуй тэ терас, кай лэ Дэвлэско Алав тэ парувэл амари жизня? б) Сар тумэ виарақэн время, кай тэ адинон и Библия?
4 Кай лэ Дэвлэско Алав тэ парувэл амари жизня трэбуй кажно дес тэ адиносарас и Библия (Иис. Н. 1:8). Чаче, бутэндэ андар мэндэ адес фартэ бут бути. Но всаек нащи тэ домэкас, кай када тэ ритярэл амэн тэ на адиносарас и Библия кажно дес. (Адиносар Эфесянам 5:15, 16b). Бут лэ Иеговастирэ служителя витидэн время, кала тэ адинон и Библия. Вонэ када терэн тэсара, вэчэром или андэ епаш дес. Лэндэ кода же по ди, со сас по ди кай о мануш, саво пистросардя Псалом: «Сар мэ любисарав тиро законо! Вся о дес гиндосарав пала лэстэ» (Пс. 119:97).
5, 6. а) Васо трэбуй тэ гиндосарас пала кода, со адиносардям? б) Со поможыя амэнди тэ терэс кадя, кай май драго тэ полас и тэ гиндосарас, пала кода со адиносардям? в) Со лашо тути дэл, кала ту адинос лэ Дэвлэско Алав и гиндос, со котэ ԥэнэнпэ?
5 Амэнди трэбуй най кати тэ адиносарас и Библия, но и тэ гиндосарас пала кода, со адиносардям (Пс. 1:1—3). Кати кадя амэ можем тэ прилас андэ пэстири жизня кода, со андэр латэ ԥэнэнпэ, хоть када и дэлмут сас запистромэ. Всаек, сар амэ адиносарас и Библия, када может тэ авэл андо планшето, телефоно или напечатано. Амэ камас, кай алава анда Библия тэ дожан ворта андо ди.
6 Кала адинос и Библия, сар тэ терэс кадя, кай май драго тэ полэс и тэ гиндос, со котэ ԥэнэнпэ? Бут христианоря, кала адинон притердён, кай тэ погиндон пала кацавэ вопросоря 1) со мэ уӷанглэм пала Иегова? 2) вижал мандэ тэ прилав андэ пэсти жизня кода, со адиносарав? 3) со манди инке трэбуй тэ терав? Если амэ гиндосарас пала кода, со котэ ԥэнэнпэ и мангаспэ, тоди закамаса тэ прилас кода, со ԥэнэнпэ. Тоди амэ поласа, сар лэ Дэвлэско Алав может тэ парувэл амари жизня (2 Кор. 10:4, 5).
КАЛА РОСԤЭНЭН ВАЖ О ДЭЛ
7. Со трэбуй тэ терас ла Библияса андэ служения?
7 Амэнди трэбуй май часто тэ ԥэрнавас и Библия андэ служения и кала сытярас лэ манушэн па Библия. Ек ԥрал ԥэндя: «Если тумэ тэ жан лэ Иеговаса андэ служения па цэра, тумэ камлоп кати екжэнэ тэ дэн дума или камлоп, кай када тэ терэл о Иегова?» И чаче, сар амэ заадиносарас стихо анда Библия, кадя амэ дас лэ Иеговасти тэ дэл дума лэ манушэнца. Кала амэ витидас стихо, саво поджал, када май драго, чем кала амэ варисо ԥэнас (1 Фес. 2:13). Пуш пэстар: «Кала мэ росԥэнав лащи весть, часто мэ адиносарав анда лэ Дэвлэско Алав?»
8. Васо лэ манушэсти нисо на дэла, если кати тэ проадиносарас библейско стихо?
8 Лэ манушэсти нисо на дэла, если кати тэ проадиносарас библейско стихо. Васо? Важ кода кай, сар и андэ пэрво вико, адес бутэ манушэнди ԥарэс тэ полэн и Библия, ай дэко нисо на полэн андар латэ (Рим. 10:2). На трэбуй тэ гиндосарас, кай о мануш полэла, со ԥэнэнпэ андо стихо, кати важ кода кай амэ лэс проадиносардям. Трэбуй тэ сыкавас, со главно андо стихо. Можно инке еқвар тэ проадиносарас главни алава и тэ росԥэнас, сар лэн тэ полэн. Терэн кадя, если тумэ камэн, кай и весть анда лэ Дэвлэско Алав тэ полэн и кай вой тэ дожал каринг оди кодэлэнди, касти амэ росԥэнас пала Дэл. (Адиносар Луки 24:32c).
9. Савэ алава амэ ԥэнаса, кала камас тэ заадиносарас библейско стихо, кай о мануш тэ цений и Библия?
9 Амэ камас, кай о мануш тэ цений и Библия. Важ кода фартэ важно, савэ алава амэ ԥэнаса, кала камас тэ заадиносарас библейско стихо. Можно тэ ԥэнас: «Давай диқаса, со пала када ԥэнэн амаро Создателё». Ай лэ манушэсти, савэстэ най христианско вера, можно тэ ԥэнас: «Шу сама, со ԥэнэнпэ андэ Священно Книга». Если амэ дас дума манушэса, савэсти всаек любо вера, можно тэ пушас: «Ту варикала ашундян, кацавэ годявэрнэ алава?» Амэ полас, кай всаворэ мануша разни, и важ када гиндосарас, сар тэ дас дума кажнонэса (1 Кор. 9:22, 23).
10. а) Со сас кай ек ԥрал андэ служения? б) Росԥэнэн, со тумэ стердэ, кай алава анда стихо тэ дожан каринг лэ манушэско ди?
10 Бут прала и ԥэя анда собрания диқлэ, кай алава анда Библия фартэ чалён лэ манушэнди. Акэ, со сас. Амаро ԥрал зажыля кай ек ԥуро мануш, саво най ек бэрш адинояс амарэ журналоря. О ԥрал закамля най кати тэ ашавэл и Сторожево башня, ай инке тэ проадиной о стихо каринг лэ журналости тема. Во проадиносардя 2 Коринфянам 1:3, 4, котэ ԥэнэнпэ: «О Дэл, саво подритярэл андэ вся... подритярэл амэн андэ всаворэ амарэ биды». Лэ ԥурэ манушэсти кадя чалелэ кадэла алава, кай во мангля лэн инке еқвар тэ проадиной. Во росԥэндя, кай андэ кодэя время лэсти и лэстиря хулаяти фартэ трэбуй сас, кай варико тэ подритярэл лэн. Во закамля май бут тэ уӷанэн, со ԥэнэнпэ андэ Библия. Дицол, кай лэ Дэвлэско алав поможый, кала амэ адиносарас лэс андэ служения (Деян. 19:20).
КАЛА СЫТЯРЭС ПА СЦЕНА
11. Пала со спушэла о Иегова лэ ԥралэндар, савэ сытярэн па сцена?
11 Амэнди всаворэнди фартэ чалёл тэ авас пэ собрании и пэ конгрессоря. Котэ амэ тэлювас лэ Иеговасти. Кадяжэ, котэ амэ уӷанас пала Дэл и када анэн лашимос. И ԥрала, савэ сытярэн па сцена, полэн, кай када важ лэндэ бари честь. Но кадяжэ вонэ трэбуй тэ полэн, кай лэндар о Иегова спушэла пала кода, сар и сости вонэ сытярэн (Иак. 3:1). Лэ ԥралэнди трэбуй тэ диқэн кай вся, сости вонэ сытярэн, тэ авэл кати па Библия. Если тути динэ тэ сытярэс па сцена, сар ту можешь тэ сыкавэс, кай сытярэс па Библия?
12. Сар о докладчико может тэ полэл, кай и Библия, када главно андэ лэстири речь?
12 Ту трэбуй тэ диқэс, кай и Библия, када главно андэ тири речь (Иоан. 7:16). Сар када тэ стерэс? Тер кадя, кай кодэла, ко ашунэн, тэ шон сама май бут пэ стихоря, ай най пэ кода, савэ примероря ту росԥэнэс и сар дэс дума. Кадяжэ сэр, кай тэ заадинос и стихоря анда Библия и тэ сытярэс пар латэ, када най ек. И чаче, если тэ заадинос фартэ бут стихоря, тоди авэла фартэ ԥарэс тэ запомнишь, хоть ек андар лэндэ. Важ када драго погиндосар, савэ стихоря тэ витидэс, тэ проадинос, тэ росԥэнэс кадя, кай вонэ тэ полэн лэн. Инке погиндосар кадяжэ пала примеро, саво поджал каринг о стихо и сыкав, сар тэ прилэс лэс андэ жизня (Неем. 8:8). Если и речь терэс па плано, сави дя и организация, драго полэ кадэва плано и библейски стихоря, савэ андэр лэстэ. Полэ, сар машкар пэстэ связани и пункторя анда плано и библейски стихоря. Тоди витидэ стихоря, савэ сыкавэна май драго, со ԥэнэнпэ андэ пункторя. Но спэрва мангпэ лэ Иеговасти, кай во тэ поможый тути тэ росԥэнэс алава анда Библия, савэ сар сомнак. (Адиносар Ездры 7:10d; Притчи 3:13, 14e).
13. а) Сар еқа ԥэяти дя помощь и библейски стихоря, савэ вой ашундя пэ собрания? б) Сар и библейски стихоря, савэ ту ашундян пэ собрания или по конгрессо, динэ тути помощь?
13 Еқа ԥэяти анда Австралия фартэ чалелэ библейски стихоря, савэ ԥэндэ пэ собрания. Сар вой сас бэята, вой пэрэжудя барэ биды. Кала вой ашундя, со ԥэнэнпэ андэ Библия, вой закамля тэ терэл кадя и важ када болделя. Но всаек, вой на патялас, кай о Иегова ла любий. Но прожыля время, и вой парашэля кадя тэ гиндой. Со лати дя помощь? Еқвар пэ собрания дэнас дума пала библейски стихоря, важ савэ и ԥэй ля тэ гиндой. Вой диқля пала када авэр стихоря анда Библияf. Ай сас тутэ кацаво, кай тути фартэ чалелэ алава анда Библия, савэ ту ашундян пэ собрания или по конргессо? (Неем. 8:12).
14. Сар тэ сыкавас, кай амэ благодарни пала лэ Иеговаско Алав?
14 Сар же амэ благодарни лэ Иеговасти важ лэско Алав, важ и Библия! Во най кати дя лэ манушэнди ла, но и зритярдя пэско алав, кай вой авэла вечно (1 Пет. 1:24, 25). Амэнди трэбуй кажно дес тэ адиносарас лэ Дэвлэско Алав, тэ терас кадя, сар котэ ԥэнэнпэ, и через и Библия тэ поможысарас аврэнди. Кадя амэ сыкаваса, кай любисарас лэ Дэвлэско Алав, саво сар сомнак. И, со само важно, сыкаваса пэстири любовь и благодарность лэ Иеговасти.
a 1 Коринфянам 6:9—11: «Или на ӷанэн, кай кодэла, савэ терэн бэзэх, на жувэна андо лэ Дэвлэско царство? На хохавэн корко пэс. Ни блудникоря, ни кодэла, ко телён аврэ дэвлэнди, ни кодэла, ко совэл най пэстирэ ромэса или ромняса, ни кодэла мурша или жувля, кастэ билажавардэ отношения машкар дуй мурша или дуй жувля, ни кодэла, ко чорэн, ни жадни, ни матимаря, ни кодэла, ко хохавэл пэ авэр, вимарэн и ловэ, на жувэна андо лэ Дэвлэско царство. И кацавэ слинэ дэсавэ андар тумэндэ. Но через лэ Дэвлэско духо и через о Иисус Христос ашэлэ вужэ, освящёни и о Дэл ԥэндя пэр лэндэ, кай вонэ лашэ англа лэстэ».
b Эфесянам 5:15, 16: «Драго диқэн, кай тумэ тэ андярэн пэс най сар дилэ мануша, ай сар годявэрнэ. Витинэн важ пэстэ время, важ кода кай андэ кадэла деса бут найлашимос».
c Луки 24:32: «Вонэ ԥэндэ ек аврэсти: „Хэба, на ԥаболас амаро ди, кала по дром во дэлас дума амэнца и росԥэнэнас, сар тэ полас и Писания?“»
d Ездры 7:10 «О Ездра стердя кадя, кай лэско ди тэ камэл тэ сытёл и тэ ритярэл лэ Иеговаско законо, ай кадяжэ тэ сытярэл лэ манушэн андо Израилё лэ законости и кодэлэсти, со исин чачимос».
e Притчи 3:13, 14 «Бахтало кодэва мануш, саво арақля и мудрость, и о мануш, саво сытёл, кай бут со тэ полэл, важ кода кай, кала о мануш сытёл, кай тэ авэл мудро, фэдэр, чем тэ родэл и руп и ла мудростятар лэстэ авэла май бут, чем лэ сомнакастар».
f Диқэн рамка «Када парудя латирэ гиндоря»