О Иегова благословий кодэлэн, ко лэс кандэл

МЭ АРАҚАДЕЛЭМПЭ андэ 1923 бэрш андо форо Хемсуэрт (графство Йоркшир, Англия). Андо ери амэн сас дуй. Мэ и мэрно барэдэр ԥрал Боб. Кала манди сас варикай 9 бэрш лэ дадэсти динэ книги и вонэ лэсти фартэ чалелэ. Андэр лэндэ росԥэнэнаспэ, сар и найчачунэ религии хохавэн. Мэрно дад нащи диқэлас, кала и мануша кати терэн муй, кай ритярэн лэ Дэвлэско законо, ай па чачимастэ най. Прожылэ бэрша каринг амэндэ цэрэ авеля о мануш, савэс ақаранэс Боб Аткинсон. Во стодя амэнди о патифоно, кай тэ ашунас и речь, сави росԥэндя о ԥрал Рутерфорд. Амэ полям, кай и речь росԥэнэн о мануш анда кодэя организация, сави вимэкля кадэла книги. И родителя ԥэндэ лэ ԥралэсти лэ Аткинсоности, кай во тэ авэл кажно вэчэро амэндэ тэ хал и тэ росԥэнэн кода, пала со амэ бут камас тэ уӷанас анда Библия. Амэн ақардэ тэ авас пэ собрания кай о ԥрал цэрэ, саво жувэлас найдур. Амэ сразу лям тэ ԥирас пэ собрания, и после када андо форо Хемсуэрт стидяпэ найбари собрания. Времяса, и зональни служителя (кадя тоди ԥэнэнас пэ районни надзирателя), ашэнаспэ амэндэ цэрэ пэ время. Ай инке амэ ақарасас, кай амэндэ тэ авэн тэ хан лэ пионеронэн, савэ жувэнас найдур. Кода, кай амэ проандярасас лэнца время, фартэ парудя мэрни жизня.

Амэндэ сас пэско бизнессо. Амэ кати лям тэ терас кадэя дила. Но о дад ԥэндя мэрнэ ԥралэсти: «Если камэс тэ авэс пионероса, амэнди када трэбуй тэ ашавас». И о Боб ашадя кадэя дила. Кала лэсти сас 21 бэрш, во ля тэ жувэл най лэ родителёнэнца, ай екжэно и тэ служий пионероса. Сар прожылэ дуй бэрш, кала манди сас 16, мэ кадяжэ лэм тэ служисарав пионероса. Мэ росԥэнавас важ о Дэл ла карточкаса важ и служения и лэ патефоноса. Май бут мэ када теравас екжэни, ай андэ выходни мэ жавас тэ росԥэнав важ о Дэл варикаса. О Иегова ман благословисардя. Мэ лэм еқа манушня тэ сытярав па Библия и вой йто болделя. После када бут лако родо кадяжэ ашэлэ лэ Иеговастирэ свидетеля. Пэ авэр бэрш ман стодэ тэ авав специально пионеро. Манца ля тэ служий и Мэри Хеншалл. Амэн бишалдэ тэ служисарасас андо Чешир, кай инке на росԥэнэнас важ о Иегова.

Кала жалас дуйто мирово война и жувля трэбуй сас тэ терэн и бути, кай тэ авэл кода, со трэбуй важ и война. И мануша, савэ служинас андэ авэр религии кадэя бути на терэнас. И амэ, сар специальни пионероря, гиндосардям, кай кадя и амэнца авэла. Но о сындо стердя па аврятэ и ман стодэ андо бар пэ шонэстэ. Пэ авэр бэрш, кала манди ашэля 19, мэ ԥэндэм лэ барэ манушэнди, кай мэ на лава тэ поможысарав андэ кода, кай тэ жал и война. Васо? Важ кода кай мэрно ди на мэкэлас ман када тэ терав. И манди прижыляпэ тэ авав андо сындо. Но дуй разоря вонэ ԥандавэнас и дила. Вся кодэя время мэ полавас, кай о Иегова дэлас манди свято духо и на ашавэлас ман, кабута ритярэлас ман вастэстар (Ис. 41:10, 13).

МЭ УӶАНГЛЭМ КОДЭЛЭС, КАСА МЭ ЛЭМ ТЭ СЛУЖИСАРАВ

Андо 1946 бэрш мэ уӷанглэм лэ Артурос Маттьюзос. Во кати вижыля анда бар. Котэ во сас трин шон. Лэс стодэ важ кода, кай во на жыля тэ служий андэ армия. Сар лэс вимэклэ, во авеля андо форо Хемсуэрт кай пэско ԥрал кай о Деннис, саво служияс котэ, сар специально пионеро. Вонэ уӷанглэ пала Иегова пэстирэ дадэстар, сар сас инке бэятцэ, и болделэ андэ тэрнэ бэрша. Прожыля найбут время и лэ Деннисос бишалдэ тэ служий андэ Ирландия. Важ када о Артур ашэляпэ тэ служий екжэно. Мэрнэ родителёнэнди фартэ чалеля кода, сар кадэлэ тэрнэ манушэстэ ԥабол оди важ и служения. Тоди вонэ ԥэндэ лэсти, кай во может тэ жувэл лэндэ. Кала мэ ававас кай и родителя, амэ лэ Артуроса халавасас и посуда. И акэ, амэ лям тэ пистросарас ек еқэсти письморя. Андэ 1948 бэрш лэ Артурос упалэ стодэ андо бар пэ трин шон. Андо январё 1949 бэрш амэ женисайлям и закамлям, пока амэ можем и май дур вся пэстири время тэ отдас лэ Иеговасти. Амэ терасас вся, кай тэ жувас скромно, и кай набут тэ подзатерас, кала сас отпуско, амэ стидасас фрукты. О Иегова благословияс амэн и амэ могли и май дур тэ ашаспэ пионеронэнца.

Прожыля май бут бэршэстар, амэн манглэ тэ пэрэладас андэ Северно Ирландия. Спэрва тэ пэрэладас андо форо Арма, ай тоди андо Ньюр, кай май бут жувэнас и католикоря. Котэ и мануша найдраго андярэнас пэс кодэлэнца, кастэ сас авэр вера. Важ када амэнди трэбуй сас фартэ тэ фэрисавас, кала росԥэнасас важ о Дэл. И собрания прожанас андо цэр кай ек ери. Када сас 16 километров амэндар. Кордэ авэнас восемь манушэн. Дэкала амэ котэ рятярасас, совасас па поло, ай тэсара драго хасас. Сар же мэ радо, кай адес андэ кадэла ҭана бут свидетеля!

«АМЭ ГОТОВИ!»

Мэрно ԥрал и лэстири хулаи Лотти служинас, сар специальни пионероря андэ Северно Ирландия. И андэ 1952 бэрш амэ, штар мануша, лаглям андо Белфаст по областно конгрессо. Ек ԥрал ақардя амэн пэстэ цэрэ, кадяжэ и лэ ԥралэс, савэс ақарэнас Прайс Хьюз. Во андэ кодэя время служияс андо британско филиало. Еқвар вэчэром амэ дасас дума пала нэви брошюра «Путь Божий — любовь», сави вимэклэ кати важ Ирландия. О ԥрал Хьюз росԥэнэнас пала кода, сар ԥарэс тэ росԥэнэс пала Дэл лэ католиконэнди, савэ жувэн андэ Ирландия. Лэ Иеговастирэ свидетелёнэн видаравэнас па квартира. И рашая подтерэнас, кай и мануша тэ жан против амарэ ԥрала. О Прайс ԥэндя: «Кай тэ роздэс кадэла брошюры па вся страна, амэнди трэбуй еря, савэндэ исин машины»a. Тоди амэ и ԥэндям алава, савэ пистромэ май упрэ: «Амэ готови!»

Амэ авелям андо Дублин и ашэлямпэ кай и ԥэй Ратленд, сави важ всаворэ сас, сар дэй. Вой бут бэрша служияс лэ Иеговасти и сас радо тэ прилэл пэстэ цэрэ лэ пионеронэн. После када, сар амэ битиндям дэсо анда пэстирэ вещи, амэ, штар мануша, бэшлям по мотоцикло ла люлькаса, саво сас лэ Бобоско и лаглям тэ родас машина. Амэ виарақлям и машина, сави амэнди поджал. Вой на сас нэви. Важ кода кай нико амэндар на ӷанэнас тэ ездий, амэ манглям кодэлэс, ко битиндя и машина, кай во тэ доандярэл ла амэндэ цэрэ. Вся кодэва вэчэро о Артур пробэшля пэ кровать и терэлас кадя, кабута во пэрэключий и передачи андэ машина. Пэ авэр тэсара, кала во камэлас тэ видаравэл и машина анда гаражо, каринг амэндэ авеля Милдред Уиллетт (миссионерка, сави через и время вижыля пала Джон Барр). Вой ӷанэнас тэ ездий пэ машина! И Милдред сытярдя лэ Артурос тэ ездий. И акэ, амэ самас готови тэ ладас андо дром.

Амэнди трэбуй сас тэ виарақас, кай тэ жувас. Амэ лям тэ родас цэр, но кай во тэ на авэл цэроро по ротэ. Важ кода кай, сар амэнди ԥэндэ, о найбаро цэроро пэ ротэ могли тэ сԥабарэн кодэла, ко на любияс амэн. Но амэ нисаво цэр на виарақлям. Андэ кодэя рят амэнди, штарэ манушэнди, прижыляпэ тэ совас андэ машина. Пэ авэр дес амэ виарақлям кати найбаро цэроро, саво и мануша екжэнэ стердэ. Во сас пэ ротэ и андэр лэстэ сас двухъярусно кровать. Во и ашэля амарэ цэрэса. Удивительно, но фермероря мэкэнас амэн тэ ашавас лэндэ пэско цэроро! Амэ росԥэнасас пала Дэл лэ манушэнди, савэ жувэнас 15—25 километров лэ ҭанэстар, кай амэ ашавасас амаро цэрэро. Тоди амэ пэрэладасас пэ авэр ҭан и росԥэнасас пала Дэл котэ, кай ашадям амаро цэроро.

Кала амэ самас по юго-востоко Ирландии, амэндэ на сас бари проблема тэ обжас и цэра и тэ роздас май бут, чем 20 000 брошюры. Кода, со ԥэнэнас и мануша, савэ приашунделэпэ каринг о чачимос анда Библия, амэ пэрэдям андо филиало, саво андэ Великобритания. Сар же радостно тэ ӷанэс, кай адес котэ жувэн фартэ бут лэ Иеговастирэ свидетеля!

ПАЛПАЛЭ АНДЭ АНГЛИЯ, АЙ ТОДИ АНДЭ ШОТЛАНДИЯ

Через и время амэн бишалдэ тэ служисарас по юго андо Лондон. Прожылэ курте и лэ Артурости позвонисардя о ԥрал анда британско филиало. Во мангля лэ Артурос, кай во уже тэсутнэ десэстар тэ лэл тэ служий, сар о районно надзирателё! После кода, сар курко сытелям, амэ лаглям тэ служисарас андэ Шотландия. Кай о Артур на сас бут время, кай тэ терэл и речи. Но манди фартэ чалёлас кода, кай во вся время сас готово варисо тэ терэл важ и служения, даже кала када сас ԥарэс. Амэнди фартэ чалёлас тэ служисарас, сар районни. Найбут бэрша амэ росԥэнасас пала Дэл котэ, кай инке на росԥэнэнас важ о Дэл. Ай акана котэ ашэлэ бут ԥрала и ԥэя и када сас фартэ бари благословения лэ Иеговастар!

Андэ 1962 бэрш лэ Артурос ақардэ тэ сытёл андэ Школа Галаад пэ дэш шон. Амэнди прижыляпэ тэ витидас, хоть амэнди када сас ԥарэс. Хоть амэ авелоп долго дур ек аврэстар, амэ погиндосардям, кай о Артур трэбуй тэ ладэл, важ кода кай када бари честь. Кадя, сар мэ ашэлэмпэ тэ служисарав екжэни, ман бишалдэ тэ служисарав, сар специально пионеро андо пэско чачо форо Хемсуэрт. Через бэршэстэ о Артур авеля и лэс стодэ, сар областно надзирателё. Амэ служисарасас андэ Шотландия, по северо Англии и андэ Северно Ирландия.

ДИНЭ НЭВО, СО ТЭ ТЕРАС, АНДЭ ИРЛАНДИЯ

Андо 1964 бэрш лэ Артурос ақардэ тэ служий андо ирландско филиало. Амэнди фартэ чалёлас разъездно служения, важ кода мэ спэрва фартэ пэрэживала. Но акана мэ фартэ радо, кай амэнди динэ кадэя бари честь тэ служисарас андо филиало. Мэ полэм, кала прилэс варисо нэво лэ Иеговастар даже тоди, кала када тути най фартэ чалёл, о Иегова важ када тут благословия. Мэ теравас бути андо офисо, стидавас и литература андэ ящикоря, тававас тэ хан и диқавас пала вужимос. Дэкала амэ служисарасас андэ областно служения и подритярасас лэ ԥралэн и лэ ԥэян па вся страна. Кадяжэ драго тэ диқэс, сар и вера ашэл май састи кодэлэндэ, кас амэ сытярасас па Библия. Через када амэ ашэлям, сар ек баро ери андэ Ирландия! Када па чачимастэ баро подарко лэ Иеговастар!

ВАЖНО СОБЫТИЯ ВАЖ ЛЭ ИЕГОВАСТИРЭ СВИДЕТЕЛЯ АНДЭ ИРЛАНДИЯ

Андо 1965 бэрш андо Дублин сас пэрво международно конгрессо андэ страна Ирландияb. Даже кода, кай и мануша терэнас вся, кай о когрессо тэ на прожал, о конгрессо прожыля фартэ драго. По конгрессо слинэ 3 948 манушэн, 65 андар лэндэ болделэ. 3 500 мануша, савэ авелэ анда авэр страны ашэлэпэ андо Дублин кай амарэ ԥрала и ԥэя. Всаворэнди, ко прилинэ лэн пэстэ цэрэ, динэ благодарственни письморя. Кодэла, ко прилэнас пэстэ цэрэ, ԥэнэнас, кай кодэла, ко лэндэ жувэнас, фартэ драго пэс андярэнас. Када сас важно события андэ Ирландия.

Андо 1966 бэрш ԥэндэ, кай пала проповедь андэ северно и южно Ирландия трэбуй сас тэ диқэл о дублинско филиало. Андэ кодэя время андэ Ирландия и мануша машкар пэстэ на сас дружни через и политика и религия. Ай кай лэ Иеговастирэ свидетеля сас па аврятэ. Амэ сас фартэ ради тэ диқас, кай бут католикоря ашэнас лэ Иеговастирэ свидетеля и служинас лэ ԥралэнца, савэ май англал сас протестанторя.

И УПАЛЭ ВАРИСО ПАРУДЁЛЯПЭ

Андо 2011 бэрш амари жизня фартэ паруделяпэ. О британско и о ирландско филиало ԥэндэ тэ стидэн андэ ек, ай амэн бишалдэ андо лондонско Вефилё. Андэ кодэя время мэ фартэ пэрэживала пала лэ Артуроско зор. Лэстэ виарақлэ насвалимос Паркинсона. 20 мая андо 2015 бэрш о Артур, савэса мэ прожудэм 66 бэрш, муля.

Мандэ и акана дуқал оди пала Артур, и мэ часто гиндосарав пала лэстэ. Варикала о Артур вся время сас паша мандэ! Сар же мэ пала лэстэ скучисарав! Но через кода, кала исин кацаво ԥаримос, ашэс май пашэ лэ Иеговаско друго. Манди фартэ драго по ди кодэлэстар, кай и ԥрала и ԥэя фартэ любинас лэ Артурос. Манди авэн бут письморя амарэ другонэндар анда Ирландия, Великобритания и даже анда Соединённи Штаты. На пэрэдэса алавэнца, сар мэ благодарно важ кадэла письморя и пала кода, кай ман подритярэлас лэ Артуроско ԥрал о Деннис, и лэсти хулаи Мейвис, ай кадяжэ мэрнэ плиминицы и Рута и Джуди.

Ман подритярэн алава анда Исаия 30:18: «О Иегова аштярэла, кай тэ поможый тумэнди, важ када во ваздэлапэ, кай тэ жалуий тумэн. Важ кода кай о Иегова, када Дэл, саво сындой па чачимастэ. Бахталэ всаворэ кодэла, ко аштярэн лэс». Ман фартэ подритярэл кода, кай о Иегова аштярэл и время, кала сможет тэ улэл вся амаро ԥаримос и тэ дэл амэнди андо нэво миро тэ терас кода, со чалёла.

Кала мэ гиндосарав, со сас мандэ андэ жизня, мэ драго полав, кай о Иегова диқэл, кай пала лэстэ тэ росԥэнэнпэ андэ Ирландия и кай во благословий кадэя дила! Мэ фартэ радо, кай мандэ сас кацави честь тэ росԥэнав важ о Дэл андэ кадэя страна. Мэ екжэни диқлэм, кай о Иегова вся время благословий кодэлэн, ко лэс кандэл.