«Ӷанав, кай ущела, кала о Дэл лэла тэ рий каринг и жизня кодэлэн, ко муля»
«Амаро друго о Лазарё засутя, но мэ жав, кай тэ жунгавав лэс» (ИОАН. 11:11).
1. Андэр со и Марфа фартэ патялас? (Диқэн и картинка англа статья.)
И МАРФА сас умарди бидаса. Лако чачо ԥрал о Лазарё муля. Со могло тэ поможый, кай лати тэ авэл фэдэр? О Иисусо дя алав: «Тиро ԥрал ущела». Кадэла алава нэ могли тэ улэн вся лако ԥаримос па оди. Но всаек вой ԥэндя: «Ӷанав, кай ущела, кала о Дэл лэла тэ рий каринг и жизня кодэлэн, ко муля» (Иоан. 11:20—24). И Марфа фартэ патялас, кай англэ када авэла. Тоди о Иисусо стердя чуда. Во рисардя каринг и жизня лэ Лазарёс. Андэ кодэва же дес о Лазарё упалэ сас жундо и зорало.
2. Васо амэнди всаворэнди трэбуй тэ патяс кадя же, сар патялас и Марфа, кай о Дэл рия каринг и жизня кодэлэн, ко муля?
2 Амэ на аштярас, кай адес о Иегова и о Иисусо стерэна важ амэндэ кадя же. Ай тутэ исин кацави вера, сави сас кай и Марфа? Ту патяс, кай англэ амэ упалэ диқаса амарэ чачен, савэ мулинэ? Может варикастэ муля о хулай или хулаи, или и родителя, или баба, или о папо. Ай дэко может хасардя лэ бэятос. Тумэ фартэ аштярэн, кала упалэ облэна, дэна дума или ашунэна, сар асан кодэла, кас тумэ хасардэ. Драго, кай амэндэ исин кода, васо амэ можем тэ ԥэнас кадя же, сар и Марфа: «Мэ ӷанав, кай мэрно чачо мануш упалэ лэла тэ жувэл!» Но кажно христианино трэбуй тэ погиндой, васо во патял, кай о Дэл рия каринг и жизня кодэлэн, ко муля.
3, 4. Сар лэ Иисусостирэ чудеса стердэ ла Марфати вера май састи андэ кода, кай о Дэл рия каринг и жизня кодэлэн, ко муля?
3 И Марфа жувэлас найдур лэ Иерусалимостар, важ кода вой может и на диқля, сар о Иисусо рисардя каринг и жизня ла ԥивлятирэ шавэс. Во када стердя паша форо Наино, саво андэ Галилея. Но вой могла тэ ашунэл пала када. Вой кадяжэ могла тэ ашунэл пала кода, кала о Иисусо рисардя каринг и жизня лэ Иаиростиря щя. И мануша, савэ сас андэ кодэла бэятако цэр «ӷанэнас, кай вой муля». Но о Иисусо ля лако вас и ԥэндя: «Щеёры, ущи!» И акэ вой жунделя (Луки 7:11—17; 8:41, 42, 49—55). И Марфа и латири ԥэй и Мария ӷанэнас, кай о Иисусо может тэ исцелий лэ насвалэн манушэн. Вонэ кадяжэ гиндонас, кай тэ авелоп о Иисусо котэ, тоди о Лазарё на мулиноп. Но о Лазарё муля. Ай со сас май англэ? Сэрэн, и Марфа патялас, кай о Лазарё рияпэ каринг и жизня англэ, «андо послиднё дес»? Васо вой фартэ патялас андэ када? И васо амэ можем тэ патяс, кай англэ о Дэл рия кодэлэн, ко муля, и машкар кадэла мануша авэна, ко важ амэндэ куч?
4 Амэндэ исин вся, васо амэ можем фартэ тэ патяс. Давайте подаса дума пала када. Может тумэ уӷанэна, кай дэсавэ алава анда Библия, савэ тумэ уже ӷанэн, кадяжэ сыкавэн, кай авэла время и о Дэл рия каринг и жизня кодэлэн, ко муля.
КОДА, СО САС ДЭЛМУТ, ПОМОЖЫЙ ТЭ АШТЯРАС О ЛАШИМОС, САВО АВЭЛА АНГЛЭ!
5. Васо и Марфа фартэ патялас, кай о Дэл рия каринг и жизня лэ Лазарёс?
5 Вспомним ла Марфатирэ алава. Вой на ԥэндя «Может мэрно ԥрал ущела», ай ԥэндя «Ӷанав, кай во ущела». Васо и Марфа кадя фартэ патялас? Важ кода кай ӷанэнас пала чудеса, савэ слинэ дэлмут, сар инке о Иисусо на заляпэ пэстиря служенияса. Может вой ашундя пала када, сар сас инке бэята или пэстэ цэрэ или андэ синагога, када цэр, кай прожалас и собрания. Акана давайте май драго уӷанаса, со запистромэ андэ лэ Дэвлэско Алав важ и мануша, савэн о Дэл уже рисардя каринг и жизня и савэн может ӷанэнас и Марфа. Пала када андэ Билия росԥэнэнпэ трин разоря.
6. Пала сави чуда ӷанэнас и Марфа?
6 Пэрво разо када сас, кала жувэлас о пророко Илья. О Дэл дя лэсти зор, савэса во мог тэ терэл чуда. Андо финикийско форо, пэ саво ԥэнэнас Сарепта, жувэлас чороры ԥивли, сави фартэ драго приля лэ пророкос пэстэ. О Дэл стердя чуда. Кай кадэя ԥивли на парашэлас тэ авэл о яро и о вулей и важ када вой и лако шаво ашэлэпэ жундэ (1 Цар. 17:8—16). Прожыля время и лако шаво занасвайля и муля. Но о Илья авеля лати тэ поможый. Во ляпэ каринг лэ бэятости тила и мангляпэ лэ Иеговасти: «Иегова, мангав тут, мэк лэ бэятостири жизня рияпэ каринг лэстэ». Кадя и стердяпэ. О Дэл ашундя лэ Ильяс, и каринг о бэято рисайля и жизня. Када пэрво разо, кала андэ Библия росԥэнэнпэ важ о мануш, савэс о Дэл рисардя каринг и жизня. (Адиносар 1 Царей 17:17—24a). И Марфа ӷанэнас важ кадэя чуда.
7, 8. а) Росԥэнэн, состар ла жувляти анда Сунемо ашэля май вушэро? б) Со сыкавэл пала Иегова и чуда, саво стердя о Елисеё?
7 Дуйто разо андэ Библия росԥэнэнпэ, кай о Дэл рисардя каринг и жизня манушэс через о пророко Елисеё. Андо Сунемо жувэлас жувли, сави фартэ драго шутя сама лэ Елисеёс. О Дэл дя лашимос кадэла жувляти и латирэ ԥурэ хуласти. Лэндэ арақаделяпэ бэято. Прожылэ бэрша и кадэва бэято муля. Саво када сас ԥаримос! Вой пушляпэ кай пэско хулай и жыля пала 30 километров каринг о плай Кармило, кай тэ диқэлпэ лэ Елисеёса. О пророко бишалдя пэстирэ слугос лэ Гиезияс андо Сунемо, ай екжэно жыля май палал. Кай о Гиезия на вижыля тэ рий лэ бэятос каринг и жизня. Тоди андо Сунемо авеля лэ бэятостири дэй, савяти сас фартэ ԥарэс и ласа авеля о Елисеё (2 Цар. 4:8—31).
О Дэл сыкадя, кай лэстэ исин зор тэ рий каринг и жизня кодэлэн, ко муля
8 О Елисеё поджыля каринг о бэято, саво муля и ля тэ мангэлпэ. И акэ стердяпэ чуда. О бэято жунделя! Сар же дэ радо сас лэсти дэй! (Адиносар 2 Царей 4:32—37b). Может вой вспомнила ла Аннатирэ алава, савятэ на слинэ бэятцэ, ай потом арақаделяпэ шаво Самуило, савэс вой отдя тэ служий андэ лэ Дэвлэстири катуна. И Анна мангэласпэ: «О Иегова... тэлярэл андэ могила и ваздэл» (1 Сам. 2:6). Можно тэ ԥэнэс, кай о Иегова вазгля лэ бэятос анда могила, и сыкадя, кай во может тэ рий лэ манушэсти жизня.
9. Росԥэнэн важ о трито разо анда Библия, кала о Дэл рисардя каринг и жизня лэ манушэс, саво муля?
9 Када сас най послиднё разо, кала о Дэл рисардя лэ манушэс каринг и жизня. О Елисеё служияс пророкоса май бут чем 50 бэрш, ай тоди фартэ занасвайля и муля. Еқвар кордэ, кай сас гарадо о Елисеё, авелэ израильтяноря тэ гаравэн лэ мулэ манушэс. Котэ вонэ додиқлэ лэ манушэн, савэ чорэнас и важ када могли тэ умарэн. И кай тэ фэринпэ лэндар, израильтяноря линэ тэ нашэнтар и шутэ лэ мулэ манушэс андэ могила чи склепо, кай сас о Елисеё (жы кай кодэя время лэ пророкостиря тилатар ашэлэпэ ек и кокаля). Андэ Библия ԥэнэнпэ: «Сар кати лэ манушэсти тила ляпэ каринг лэ Елисеёстирэ кокаля, кадэва мануш жунделя и терделя пэ пэрнэ» (2 Цар. 13:14, 20, 21). Погиндон, сар же дэ куч сас важ и Марфа, кай вой ӷанэнас пала мануша, савэ мулинэ и савэн о Дэл рисардя каринг и жизня. Вой патялас, кай лэ Дэвлэстэ исин зор тэ улэл и смэрть. Вонэ кадяжэ терэн и тумари вера май састи андэ кода, кай лэ Иеговастэ исин фартэ баро зор.
О ДЭЛ РИСАРДЯ КАРИНГ И ЖИЗНЯ ЛЭ МАНУШЭН, КАЛА ЖУВЭНАС И АПОСТОЛОРЯ
10. Со стердяпэ еқа христианкаса, савя ақарэнас Тавифа и со стердя о Пётро?
10 Андэ Христиански Гречески Писания кадяжэ росԥэнэнпэ, сар лэ Иеговастирэ служителя, савэ на парашэнас тэ кандэн, рисарэнас каринг и жизня кодэлэн, ко муля. Амэ уже подям дума, сар о Иисусо рисардя каринг и жизня лэ Иаиростиря щя и ла ԥивлятирэ шавэс, саво анда Наино. Кадяжэ о Пётро рисардя каринг и жизня еқа манушня, савя ақарэнас Дорка или Тавифа. О Пётро авеля интя, кай сас латири тила и ля тэ мангэлпэ. После када во ԥэндя: «Тавифа, ущи!» И акэ вой жунделя. Тоди о Пётро ақардя аврэ христианонэн тэ сыкавэл лэнди, кай вой жунди. После када «бут линэ тэ патян андо Господо». Кадэла нэвэ ученикоря могли тэ росԥэнэн аврэнди и лащи весть важ о Христос, ай кадяжэ тэ росԥэнэн, кай лэ Иеговастэ исин фартэ баро зор тэ рий лэ манушэсти жизня (Деян. 9:36—42).
11. Со о врачо о Лука ԥэндя пала тэрно мануш? Со сас по ди кай и мануша, савэ диқлэ кода, со стердяпэ?
11 Авэр разо, кала о Дэл рисардя каринг и жизня лэ манушэс, саво муля, сас андо форо Троада. Кадэва форо акана по северо западо кай и Турция. Андэ ек цэр, андэ упруни комната, прожалас собрания, пэ сави стидэпэ найбут христианоря. Котэ о апостоло Павло росԥэнэнас и речь и росԥэнэнас ла жы рятятэ. Машкар кодэла, ко лэс ашунэнас, сас ек тэрно мануш, саво бэшэлас пэ фэлястра. Лэс ақарэнас Евтих. Во засутя и пэля па трито этажо. Может каринг о Евтихо пэрво поднашля о Лука, саво сас врачо. Во обдиқля лэс и ԥэндя, кай о Евтихо най кати дяпэдап, но во муля! О Павло змэкляпэ тэлэ и обля лэ Евтихос. Тоди о Павло ԥэндя кода, со и мануша на аштярэнас. Во ԥэндя, кай о Евтихо жундо. Када фартэ ля лэ одестар лэ манушэн, савэ када диқлэ. Пэ лэндирэ яқа о Евтихо муля, ай потом ашэля жундо. Вонэ сас фартэ ради! (Деян. 20:7—12).
КОДА, СО ВОНЭ ӶАНЭНАС, ПОМОЖЫЯС ЛЭНДИ ТЭ АШТЯРЭН ЛАШИМОС, САВО АВЭЛА АНГЛЭ
12, 13. Со амэ можем тэ пушас пэстар после кода, пала со подям дума?
12 Вся кода, пала со амэ подям дума, поможый амэнди тэ аштярас о лашимос, саво авэла англэ кадя же, сар аштярэлас и Марфа. Амэ фартэ патяс, кай амарэ Дэвлэстэ, саво вся создал, исин зор тэ рий лэ манушэсти жизня, кай во упалэ тэ жувэл. Кажно разо, кала о Иегова терэлас кацави чуда, котэ сас ек анда служителя, савэ кандэнас лэс. Када сас о Илья, о Иисусо или о Пётро. Ай со можно тэ ԥэнэс пала мануша, савэ мулинэ, сар инке о Дэл на рияс каринг и жизня? Но со можно тэ ԥэнэс пала время, кала на сас кацавэ чудеса? Могли тэ аштярэн лэ Дэвлэстирэ служителя, савэ жувэнас дэлмут, кай англэ о Дэл рия каринг и жизня кодэлэн, ко муля? Патянас вонэ кадя же, сар и Марфа, сави ԥэндя: «Ӷанав, кай [мэрно ԥрал] ущела андо послиднё дес, кала о Дэл лэла тэ рий кодэлэн, ко муля»? Васо вой андэ када патялас и васо амэ можем тэ патяс, кадя же, сар вой?
13 Андэ лэ Дэвлэско Алав исин бут алава, савэ сыкавэн, кай лэ Иеговастирэ мануша вся время ӷанэнас, кай англэ во рия каринг и жизня кодэлэн, ко муля. Давайте роздиқаса дэсавэ кадэла стихоря.
14. Со амэ уӷанас анда кода, со сас лэ Авраамоса, кай о Дэл рия каринг и жизня кодэлэн, ко муля?
14 Вспомним, со о Иегова мангля лэ Авраамостар, кай во тэ стерэл пэстирэ шавэса лэ Исаакоса. О Иегова ԥэндя: «Мангав тут, лэ тирэ шавэс, саво тутэ ек, савэс ту фартэ любис, лэ Исаакос... и ан лэс... андэ жертва» (Быт. 22:2). Погиндон, со сас кай о Авраамо по ди, кала во ашундя кадэла алава. О Иегова дя алав, кай через кодэва, ко жала лэ Авраамостар, во дэла лашимос всаворэ манушэнди (Быт. 13:14—16; 18:18; Рим. 4:17, 18). Кадяжэ о Иегова ԥэндя, кай када авэла «через о Исаако» (Быт. 21:12). Но сар, если о Авраамо сас трэбуй тэ отдэл лэ Исаакос андэ жертва? О Павло ԥэндя лэ Дэвлэстирэ алава, кай о Авраамо патялас, кай о Дэл может тэ рий каринг и жизня лэ Исаакос. (Адиносар Евреям 11:17—19c). Но андэ Библия на ԥэнэнпэ, кай о Авраамо аштярэлас, кай о Дэл рия каринг и жизня лэстирэ шавэс через набут часоря, деса или курте после кода, сар мэрэла. О Авраамо на ӷанэнас, кала о Дэл рия каринг и жизня лэстирэ шавэс. Но во патялас, кай о Иегова када стерэла.
15. Со аштярэлас о Иово?
15 О Иово, саво кандэлас лэ Иеговас, кадяжэ аштярэлас, кай англэ о Дэл рия каринг и жизня кодэлэн, ко муля. Во полэлас, кай если и витка сшынди, латар всаек может тэ барёл нэви витка. Но лэ манушэса вся па аврятэ (Иов 14:7—12; 19:25—27). Кала о мануш муля, во нэ может тэ рийпэ каринг и жизня, кай упалэ тэ жувэл (2 Сам. 12:23; Пс. 89:48). Но када на сыкавэл, кай о Дэл нэ может тэ рий лэ манушэсти жизня. О Иово патялас, кай о Иегова вспомнит пала лэстэ тоди, кала поджала и время. (Адиносар Иов 14:13—15d). О Иово на ӷанэнас, кала када авэла. Но во патялас, кай лэ Создателёстэ, саво дя всаворэнди и жизня, исин зор тэ рий кодэлэн, ко муля. И во када стерэла.
16. Савэ алавэнца о ангело подритярдя лэ Даниилос, саво сас пророкоса?
16 Инке ек лэ Иеговаско служителё, саво лэс кандэлас, сас о Даниило. Пала лэстэ амэ уӷанас анда Еврейски Писания. Во бут бэрша на парашэлас тэ служий лэ Дэвлэсти, и о Иегова поможыяс лэсти. Еқвар о ангело ԥэндя лэ Даниилости, кай во важ о Иегова фартэ куч, ай инке лэсти ԥэндя: «Миро тути. Састо ав, састо» (Дан. 9:22, 23; 10:11, 18, 19).
17, 18. Саво алав о Иегова дя лэ Даниилости?
17 Но о Даниило, савэсти сас варикай 100 бэрш, андэ послидни пэстирэ деса пэрэживал, со аштярэл лэс англэ. Рияпэ во каринг и жизня чи най? Да! Андэ Библия андэ послидни главы кай лэ Даниилости книга запистромэ алава, савэ о Дэл ԥэндя лэ пророкости: «Ту же аштяр и деса, кала тут на авэла. Ту лэса тэ отцыёс» (Дан. 12:13). О ԥуро Даниило ӷанэнас, кай кодэла, ко муля кабута отцыён, важ кода кай, кала о мануш мэрэл, во на гиндой пала кода, со камэл тэ терэл англэ, нисо на ӷанэн и лэстэ нинай мудрость (Эккл. 9:10). Йто о Даниило сас трэбуй тэ мэрэл. Но када на сыкавэлас, кай во на лэла упалэ тэ жувэл. О Дэл дя алав, кай лэс англэ када аштярэл.
18 Лэ Даниилости сас ԥэндо: «Ту... ущеса андэ послидни деса, кай тэ лэс пэстири пай». О Дэл на ԥэндя, кала када авэла. О Даниило полэлас, кай во мэрэла и лэла тэ «отцыёл» андэ могила. Ай кода, кай во трэбуй сас тэ «ущел, кай тэ лэл пэстири пай», када сыкавэлас, кай англэ «андэ послидни деса» во трэбуй сас тэ рийпэ каринг и жизня, кай упалэ тэ жувэл. Важ сави время катэ ԥэнэнпэ? Андо Заокско переводо лэ ангелостирэ алава пистромэ кадя: «Ту ущеса, кала парашэна и деса кадэлэ мирости».
Тумэ кадя же, сар и Марфа патян, кай о Дэл рия каринг и жизня кодэлэн, ко муля? (Диқэн и абзацоря 19, 20.)
19, 20. а) Сар кода, со амэ уӷанглям, сыкавэл, васо и Марфа патялас, кай о Дэл рия лэ Лазарёс каринг и жизня? б) Пала со амэ подаса дума андэ авэр статья?
19 Ла Марфатири вера сас састи, важ кода кай вой драго полэлас, васо патял. Вой патялас, кай лако ԥрал о Лазарё «ущела андо послиднё дес, кала о Дэл лэла тэ рий кодэлэн, ко муля». О алав, саво о Иегова дя лэ Даниилости, ай кадяжэ ла Марфатири састи вера, поможын и амэнди тэ патяс, кай о Дэл рия каринг и жизня кодэлэн, ко муля.
20 Амэ уӷанглям, кай лэ манушэн, савэ мулинэ, о Дэл чаче рия каринг и жизня! И мануша, савэ мулинэ, чаче упалэ лэна тэ жувэн! И мурша и жувля, савэ андэ дэлмутни время служинас лэ Дэвлэсти патянас андэ када. Но кала када авэла? Исин тутэ кода, васо ту патяс, кай о Дэл рия каринг и жизня кодэлэн, ко муля, даже если пала када сас фартэ дэлмут ԥэндо? Если исин, тоди ту лэса тэ аштярэс кадя же, сар и Марфа, кай англэ о Дэл рия каринг и жизня кодэлэн, ко муля. Пала када амэ подаса дума андэ авэр статья.
a 1 Царей 17:17—24: «После када занасвайля ла жувляко шаво, сави сас хулаи кадэлэ цэрэско, занасвайля кадя фартэ, кай парашэля тэ ԥурдэл. Тоди вой ԥэндя лэ Ильясти: „Лэ чачунэ Дэвлэско мануш, со тутэ исин против мандэ? Ту авелян каринг мандэ, кай тэ ԥэнэс пала мэрно бэзэх и тэ умарэс мэрнэ шавэс?“ Но во ԥэндя лати: „Дэ манди тирэ шавэс“. И, кала ля латар лэс па вас, во андярдя лэс андэ упруни комната, андэ сави во жувэлас, и стодя лэс по ҭан. Во мангля лэ Иеговас и ԥэндя: „Мэрно Дэл Иегова, чаче, и ла ԥивляти, савятэ мэ жував, сар мануш, саво авеля анда чужо ԥув, ту стерэса найлашимос, умарэса латирэ шавэс?“ Тоди во трин разоря процырдяпэ понад бэято и, мангля лэ Иеговас: „Мэрно Дэл Иегова, мангав тут, мэк лэ бэятостири жизня рияпэ каринг лэстэ“. О Иегова ашундя лэ Ильяско голосо, и лэ бэятостири жизня рисайля каринг лэстэ, и во жунделя. Тоди о Илья ля лэ бэятос, андярдя лэс анда упруни комната андо цэр и, кала отдя лэс лэстиря дати, ԥэндя: „Дик, тиро шаво жундо“. И жувли ԥэндя лэ Ильясти: „Акана мэ ӷанав, кай ту лэ Дэвлэско мануш и кай ту ԥэнэс лэ Иеговаско чачимос“».
b 2 Царей 4:32—37: «Кала о Елисеё авеля цэрэ, о бэято пашлёлас муло пэр лэско ҭан. Во зажыля, ԥандадя пала пэстэ двэри и ля тэ мангэлпэ лэ Иеговасти. Тоди во вазгляпэ по ҭан, пэля по бэято и стодя пэстирэ вуш каринг лэстирэ, пэстирэ яқа каринг лэстирэ, пэстирэ палма каринг лэстирэ. Во процырдяпэ понад лэстэ, и лэ бэятости тила ҭателя. Во упалэ прожыляпэ па цэр интя и кардэ, тоди вазгляпэ по ҭан и процырдяпэ понад бэято. Кодэва, дя здров семь разоря и ԥэрнадя и яқа. Во ақардя лэ Гиезияс и ԥэндя: „Ақар ла сунамитянка“, и кодэва ақардя ла. Кала вой авеля, во ԥэндя: „Лэ пэстирэ шавэс“. Вой зажыля, припэля каринг лэстирэ пэрнэ и тэлеля жы кай и ԥув. Тоди вой ля пэстирэ шавэс и вижыля».
c Евреям 11:17—19: «Важ кода кай о Авраамо патялас, во андя андэ жертва лэ Исаакос андэ время, кала о Дэл диқэлас, сави лэстэ вера. Да, кодэва, ко сас радо, кала о Дэл дя лэсти алав, сас готово тэ анэн андэ жертва пэстирэ еқэ шавэс, хоть лэсти сас ԥэндо: „Кодэва, пала кастэ мэ дэм алав, кай „жала тутар“, авэла через о Исаако“. Но во погиндосардя, кай лэ Дэвлэстэ исин зор даже тэ рий лэ шавэс каринг и жизня ла смэртятар, катар лэсти во и отдя лэс, и через када сытювас».
d Иов 14:13—15: «Если ту тэ гарадоп ман андэ могила и тэ гарадоп, пока на прожала тири холи, тэ стодоп манди сроко и вспомнил пала мандэ! Если мэрэла о мануш, авэла во тэ жувэл упалэ? Всаворэ деса мэ, сар о рабо, авава тэ аштярав, кала ман вимэкэна. Ту ақарэса, и мэ на ашава мулком. Ту упалэ всаворэ одеса закамэса тэ диқэс пэ кода, со стердэ тирэ вас».