СТАТЬЯ ВАЖ И ИЗУЧЕНИЯ 16
«Тиро ԥрал ущела»!
«О Иисусо ԥэндя... [Марфо]: „Тиро ԥрал ущела“» (ИОАННА 11:23).
ДИЛИ 151 О Дэл ақарэла
ПАЛА СО И СТАТЬЯa
1. Сар ек бэято сыкадя пэстири вера, кай и мануша ринапэ каринг и жызня?
КАЙ ек бэято, савэс ақарэн Мэтью, сас ԥаро насвалимос, и лэсти стердэ бут операцыи. Кала лэсти сас семь лет, во лэ родителёнэнца диқэлас о Бродкастинго. В концэ андэ проӷрама сас музыкально видео пала кода, сар андо раё пэ ԥув амэ аваса встречать кодэлэн, ко рисайля каринг и жызняb. Кала о Бродкастинго закончился, о Мэтью поджыля каринг и родителя, ля лэн вастэндар и ԥэндя: «Мамо, дадэ, акэ диқэн: дажэ если мэ мэрава, мэ воскресну. Просто поаштярэн ман. Вся драго авэла». Кати погиндон, со сас по ди кай и родителя, кала вонэ диқлэ, сар дэ фартэ лэнго шаво патял, кай авэла воскресения!
2, 3. Васо авэла драго тэ розмышляем пала лэ Дэвлэстири обещяния, кай и мануша ринапэ каринг и жызня?
2 Амэнди всаворэнди авелоп драго тэ погиндосарас пала лэ Дэвлэстири обещяния, кай во воскресия лэ манушэн (Иоан. 5:28, 29). Васо? Важ кода кай андэ любо маменто амэ можэм фартэ тэ занасвавас или тэ хасарас варикас анда чаче (Эккл. 9:11; Иак. 4:13, 14). Кода, кай амэ патяс, кай и мануша ринапэ каринг и жызня, поможыя тэ виритярас кацаво ԥаримос (1 Фес. 4:13). Андэ Библия ԥэнэнпэ, кай о Иегова амэн драго ӷанэн и фартэ любий (Луки 12:7). Погиндон, пэскати дэ драго во трэбуй амэн тэ ӷанэн, кай тэ воскресий амэн кацавэнца, савэ амэ самас. И лэстири бари любовь драго дицол андэ кода, кай во дя амэнди возможность тэ жувас вечно! Дажэ если амэн на ашэла, о Иегова рия амэн каринг и жызня.
3 Андэ кадэя статья амэ спэрва подаса дума, васо амэ можэм тэ патяс, кай и мануша воскреснут. Инке амэ роздиқаса ек ситуацыя анда Библия, через сави амари вера ашэла май састи. Андэ кадэя ситуацыя о Иисусо ԥэндя кацавэ алава: «Тиро ԥрал ущела!» Кадэла алава линэ анда ӷлавно стихо андэ кадэя статья (Иоан. 11:23). И потом амэ уӷанаса, со инке трэбуй тэ терас, кай май фартэ тэ патяс, кай и мануша ринапэ каринг и жызня.
АМЭ МОЖЭМ ТЭ ПАТЯС АНДЭ ВОСКРЕСЕНИЯ
4. Андэр со амэ трэбуй тэ авас уверени, кай тэ патяс андэ лэ Дэвлэстири обещяния? Росԥэнэн примеро.
4 Кай тэ патяс андэ лэ Дэвлэстири обещяния, амэ трэбуй тэ авас уверени, кай во камэл тэ зритярэл пэско алав и лэстэ исин зор пэ када. Роздиқам примеро. Ԥэнаса через варисави ситуацыя тиро цэр розмарделя. Тутэ авэл о друӷо и ԥэнэн: «Нэ пэрэжывай, мэ поможысарава тути тэ стерас о цэр». Во ԥэнэн када анда вся оди, и ту патяс, кай во камэл тути тэ поможый. Если во опытно мастеро и лэстэ исин инструменторя, савэ трэбуй, ту ӷанэс, кай лэстэ вижала тэ стерэл када. Важ када ту доверяешь лэсти. Со тоди тэ ԥэнас пала лэ Дэвлэстири обещяния, кай во рия лэ манушэн каринг и жызня? Исин лэстэ жэлания и зор када тэ стерэл?
5, 6. Васо можэм тэ авас уверени, кай лэ Иеговастэ исин жэлания тэ воскресий лэ манушэн?
5 Исин кай о Иегова жэлания тэ рий лэ манушэн каринг и жызня? Канешно исин! Во дя о свынто духо дэсавэ манушэнди, кай тэ запистрон пала кадэя обещяния андэ Библия (Ис. 26:19; Ос. 13:14; Отк. 20:11—13). Ай кала о Иегова дэл алав, тоди во всегда лэс зритярэл (Иис. Н. 23:14). О Иегова фартэ камэл тэ рий лэ манушэн каринг и жызня. Васо амэ можэм кадя тэ ԥэнас?
6 Сэрэн со ԥэндясас о Иово? Во сас уверено, кай дажэ если мэрэла, о Иегова лэла тэ скучий пала лэстэ и закамэла тэ рий лэс каринг и жызня (Иов 14:14, 15). Точно кадяжэ о Иегова камэл, кай всаворэ лэстирэ служытеля, савэ мулинэ, упалэ тэ жувэн и тэ авэн зоралэ и бахталэ. Ай со можно тэ ԥэнас пала милиардоря мануша, савэ мулинэ и савэндэ на сас возможность тэ уӷанэн пала Иегова? Амаро любящё Дэл камэл тэ рий каринг и жызня и лэн (Дила 24:15). Во камэл, кай лэндэ тэ авэл возможность, тэ ашэн лэстирэ друӷоря и тэ жувэн вечно пэ ԥув (Иоан. 3:16). Драго дицол, кай о Иегова камэл тэ воскресий лэ манушэн.
7, 8. Васо амэ можэм тэ авас уверени, кай лэ Иеговастэ исин зор тэ воскресий лэ манушэн?
7 Ай исин лэ Иеговастэ зор тэ рий лэ манушэн каринг и жызня? Канешно! Важ кода кай во «Всемоӷущё Дэл» (Отк. 1:8). Лэстэ хутилэла зор тэ победий любонэ вороӷос, дажэ и смэрть (1 Кор. 15:26). Кай амэ када ӷанас, придэл амэнди зор и подритярэл. Акэ со сас кай и Эмма Арно́льд. Латэ и кай лако ери сас бут ԥаримос, кала жалас и дуйто мирово война. Кай тэ подритярэл пэстиря щя посли кода, сар хасардэ пэстирэ чачен андо концлаӷерё, и Эмма ԥэндя: «Если бы и смэрть авелоп вечно, тоди вижылоп, кай вой май зорали чем о Дэл, чачеж?» Но нисо и нико нэ можэт тэ авэл май зорало, чем о Иегова! О Всемоӷущё Дэл, саво создал и жызня, канешно, можэт и тэ рий ла.
8 Но исин и авэр причина, васо амэ патяс, кай о Дэл можэт тэ рий лэ манушэн каринг жызня. Лэстэ фартэ лащи память. Всаворэ звёзды во ақарэл па алавэстэ (Ис. 40:26). Кадяжэ во сэрэл кодэлэн, ко муля (Иов 14:13; Луки 20:37, 38). Во вушэро вспомнит вся пала кодэла, кас рия каринг и жызня. Савэ вонэ сас пар пэстэ, савэ вонэ сас мануша, лэнго опыто и лэндирэ воспоминании.
9. Васо тумэ патян андэ лэ Иеговастири обещяния, кай во рия лэ манушэн каринг и жызня?
9 Да, амэ можэм тэ патяс андэ лэ Иеговастири обещяния, кай во рия лэ манушэн каринг и жызня. Важ кода кай ӷанас, во камэл када тэ стерэл и лэстэ исин зор пэ када. Ай акэ исин инке ек причина, васо амэ можэм тэ патяс андэ лэстирэ обещянии: о Иегова ужэ рияс лэ манушэн каринг и жызня. Андэ библейско время во дэлас зор када тэ терэн дэсавэ муршэнди, савэ лэс кандэнас, кадяжэ и лэ Иисусости. Давайте роздиқаса ек случаё, андэ саво о Иисусо рисардя лэ манушэс каринг и жызня. Пала када запистромэ андэ 11 ӷлава Иоанна.
НА АШЭЛЯ ЛЭ ИИСУСОСКО ПАШУТНО ДРУӶО
10. Со терэлпэ андэ Вифания, кала о Иисусо проповедует пэ авэр лэ Иарданостири риг и со во терэл?
10 Проадинон Иоанна 11:1—3. Представьте, со терэлпэ андэ Вифания в концэ андо 32 бэрш нашый эры. Андэ кадэва гав жувэн лэ Иисусостирэ друӷоря: о Лазарё и лэстирэ дуй ԥэя и Мария и Марфа (Луки 10:38—42). О Лазарё занасвавэл и лэстирэ ԥэя фартэ пэрэжывают. Вонэ бишалэн тэ ԥэнэн пала када лэ Иисусости, саво находийпэ пэ авэр лэ Иарданостири риг. Тэ жал каринг и Вифания лэсти трэбуй сас дуй дес (Иоан. 10:40). Но каринг кодэва маменто, сар о мануш тэ авэл каринг о Иисусо, о Лазарё муля. И хоть о Иисусо ӷанэнас, кай лэско друӷо кати муля, во всаек ашэляпэ котэ пэ дуй дес и кати потом жыля андэ Вифания. Ай значит пока о Иисусо авеля, о Лазарё сас муло ужэ штар дес. О Иисусо камэл тэ стерэл варисо, со подритярэла лэстирэ друӷонэн и прославия лэ Дэвлэс (Иоан. 11:4, 6, 11, 17).
11. Со анда кадэя библейско ситуацыя амэ уӷанас пала дружба?
11 Катэ амэ диқас лашо примеро пала чачуни дружба. Погиндон: и Мария и Марфа на манглэ лэ Иисусос тэ авэл андэ Вифания. Вонэ просто ԥэндэ лэсти, кай лэско пашутно друӷо занасвайля (Иоан. 11:3). И кала о Лазарё муля, о Иисусо моӷ тэ воскресий лэс, хоть во сас и дур. Но во всаек авеля андэ Вифания, кай тэ подритярэл ла Мария и ла Марфа. Исин тумэндэ кацаво друӷо, саво ӷотово тэ поможый, дажэ если тумэ лэс пала када на манглэ? Пэ кацаво друӷо «можно тэ надеиспэ андэ бида» (Прит. 17:17). Давайте и амэ аваса важ авэр кацавэ друӷоря, сар о Иисусо! Со сас андэ Вифания дальшэ? Рисаваса каринг кадэва случаё.
12. Сави обещяния о Иисусо дэл ла Марфати, и васо лэстирэ алавэнди можно тэ патяс? (Иоанна 11:23—26).
12 Проадинон Иоанна 11:23—26. Кала и Марфа уӷанэн, кай о Иисусо ужэ паша Вифания, вой сразу жал каринг лэстэ и ԥэнэн: «Ӷосподо, тэ авелоп ту катэ, мэрно ԥрал на мулиноп» (Иоан. 11:21). Чаче, о Иисусо моӷ тэ исцэлий лэ Лазарёс. Но во камэлас тэ стерэл варисо май удивительно. Во дэл обещяния: «Тиро ԥрал ущела». Кай и Марфа исин инке ек причина тэ патял лэсти. Во ԥэнэн лати: «Мэ воскресение и жызня». Да, о Дэл дя лэсти власть пэ жызня и пэ смэрть. Май раньшэ о Иисусо ужэ рисардясас ла бэята, сави кати мулясас, ай кадяжэ лэ шаворэс, возможно, андэ кодэва жэ дес кала лэс на ашэля (Луки 7:11—15; 8:49—55). Но сможэт во тэ воскресий лэ манушэс, саво муло ужэ штар дес, и лэстири тила ля ужэ тэ тернёл?
«ЛАЗАРЁ, ВИЖА!»
О Иисусо анда вся оди жалуияс пэстирэ друӷонэн, савэ хасардэ пэстирэ пашутнэ манушэс (Диқэн и абзацоря 13, 14.)
13. Сар андярэл пэс о Иисусо, сар запистромэ андэ Иоанна 11:32—35, кала диқэл, кай и Мария и авэр мануша ровэн? (Диқэн кадяжэ и картинка.)
13 Проадинон Иоанна 11:32—35. Со терэлпэ дальшэ? И Мария, авэр ԥэй лэ Лазарёстири, тожэ жал каринг о Иисусо. Вой ԥэнэн кодэла жэ алава, савэ ԥэндя латири ԥэй: «Ӷосподо, тэ авелоп ту катэ, мэрно ԥрал на мулиноп». Вонэ и всаворэ, ко лэнца авелэ, сас умардэ бидаса. Кала о Иисусо диқэл, сар вонэ ровэн, лэсти ашэл ԥарэс. Лэсти ашэл фартэ жалко лэстирэ друӷоря, и во лэл тэ ровэл. О Иисусо полэл, сар дэ ԥарэс лэ манушэнди, кала лэндэ варико мэрэл анда чаче. Во фартэ камэл, кай кадэла мануша будэр никала тэ на ровэн!
14. Со амэ уӷанас пала Иегова анда кода, сар андярдя пэс о Иисусо, кала и Мария ровэлас?
14 Па кода, сар андярдя пэс о Иисусо, кала диқля ла Мариятирэ ясва, амэ полас, саво о Иегова. Во — Дэл, саво фартэ жалуий лэ манушэн. Васо можно кадя тэ ԥэнас? Анда пэрво статья амэ уӷанглям, кай о Иисусо на 100 процэнтов сыкавэлас, саво гиндо и со по ди кай лэско Дад (Иоан. 12:45). Лэ Иисусости ашэля кадя жалко лэстирэ друӷоря, савэ ровэнас, кай дажэ екжэно заровдя. Ай значит лэ Иеговастэ тожэ дуқал оди, кала во диқэл, кай амэ ровас (Пс. 56:8). Хэба тумэ на камэн инке май пашэ тэ авэн каринг кацаво Дэл, саво жалуий амэн?
О Иисусо драго сыкадя пэстири власть пэ смэрть (Диқэн и абзацоря 15, 16.)
15. Росԥэнэн, со тердяпэ паша лэ Лазарёстири моӷилка (Иоанна 11:41—44). (Диқэн кадяжэ и картинка.)
15 Проадинон Иоанна 11:41—44. Кала о Иисусо поджал каринг и моӷилка, во мангэл тэ вилэн о бар, саво ла ԥандавэл. И Марфа ԥэндя: «И тила, наверно, ужэ қандэл». О Иисусо ԥэндя лати: «Хэба мэ на ԥэндэмас, кай, если лэса тэ патяс, диқэса лэ Дэвлэстири слава?» (Иоан. 11:39, 40). Потом о Иисусо вазгля каринг о нэбо и яқа и вслух мангляпэ. Во камля, кай вся и патив пала кода, со терэлапэ, тэ прижал кати лэ Иеговасти. Потом о Иисусо ԥэнэн: «Лазарё, вижа!» И о Лазарё вижал анда моӷилка. О Иисусо стердя кода, со дэсавэнди моӷло тэ здэлпэ, кай када нэ возможноc.
16. Сар 11 ӷлава Иоанна поможый инке май фартэ тэ патяс, кай о Дэл воскресия лэ манушэн?
16 Через кода, со запистромэ андэ 11 ӷлава Иоанна, амэ лас инке май фартэ тэ патяс, кай и мануша ринапэ каринг и жызня. Сар када? Вспомни, со о Иисусо обещял ла Марфати. Во ԥэндя: «Тиро ԥрал ущела» (Иоан. 11:23). Кадя жэ сар лэ Иеговастэ, кай о Иисусо исин жэлания и зор тэ стерэл кода, пала со дя алав. Лэ Иисусостирэ ясва драго сыкавэн, кай во фартэ камэл тэ улэл и смэрть и вся о ԥаримос, саво вой анэн. Кала о Лазарё, вижыля анда моӷилка, о Иисусо инке еқварэс доԥэндя, кай лэстэ исин зор тэ рий лэ манушэн каринг и жызня. Инке погиндон, со ԥэндя о Иисусо ла Марфати: «Хэба мэ на ԥэндэмас, кай, если лэса тэ патяс, диқэса лэ Дэвлэстири слава?» (Иоан. 11:40). Амэндэ исин вся, кай тэ патяс, кай о Дэл обязательно воскресия лэ манушэн. Но со амэ инке можэм тэ терас, кай май фартэ тэ патяс, кай кацаво авэла?
СО ИНКЕ ТЭ ТЕРАС, КАЙ МАЙ ФАРТЭ ТЭ ПАТЯС АНДЭ ВОСКРЕСЕНИЯ
17. Пала со важно тэ гиндосарас, кала адиносарас андэ Библия пала мануша, савэ рисайлэ каринг и жызня?
17 Адинон и гиндон пала случаёря, кала лэ манушэн ринас каринг и жызня андэ дэлмутни время. Андэ Библия росԥэнэнпэ пала 8 случаёря, кала лэ манушэн воскресинас каринг и жызня пэ ԥувd. Авелоп драго, если тумэ май бут уӷанэна пала кажно анда кадэла случаёря? Кала тумэ лэна тэ адинон пала лэндэ, сэрэн, кай и дума жала пала чачунэ мануша: мурша, жувля и бэяцэ. Старыинпэ варисости тэ сытён анда када. Гиндон, сар кажно примеро сыкавэл, кай лэ Дэвлэстэ исин жэлания и зор тэ воскресий лэ манушэн. И особено гиндон пала само важно воскресения, када, кала о Иисусо рисайля каринг и жызня. Сэрэн, кай када доԥэндэ фартэ бут мануша, савэ када диқлэ пэстирэ яқэнца. Через кадэва чачимос амари вера ашэл май састи, кай англэ милиардоря мануша упалэ лэна тэ жувэн (1 Кор. 15:3—6, 20—22).
18. Со тумэ можэте тэ терэн, кай и диля пала воскресения тэ подритярэн тумэн?
18 Дилабэн и ашунэн амарэ диля, андэ савэ ԥэнэнпэ, кай и мануша ринапэ каринг и жызня (Эф. 5:19)e. Блаӷодаря лэнди амэ можэм май драго прецтавить пэсти, сар када авэла. Вонэ састярэн амари вера андэ кадэя лащи обещяния. Ашунэн и диля, дилабэн лэн. Подэн дума пала алава, савэ исин андэ дили, пэ семейно изучения. Висытён лэн наизусть, кай вонэ тэ ашэнпэ андо шэро и андо ди. Тоди, если тумэндэ авэла варисаво ԥаримос или тумэ хасарэна варикас анда чаче, лэ Иеговаско свынто духо поможыя тумэнди вспомнить кадэла диля, и вонэ тумэн подритярэна и придэна зор.
19. Со можно пэсти прецтавлять, кала розмышляем пала воскресения? (Диқэн и рамка «Пала со ту лэндар пушлоп?».)
19 Прецтавляйте пэсти. О Иегова дя амэнди розлащи возможность тэ прецтавляем пэс андо раё пэ ԥув. Ек ԥэй ԥэнэн: «Мэ кадя часто прецтавляю пэс андо раё пэ ԥув, кай манди здэлпэ, кай мэ ужэ чуствую, сар қандэн и розы, савэ котэ барён». Погиндон пала кода, сар тумэ додиқэна лэ Дэвлэстирэ служытелёнэн анда библейско время, савэ лэс кандэнас. Кас тумэ камлоп тэ диқэн? Со тумэ пушлоп лэстар или латар? Прецтавляйте кадяжэ, сар тумэ встретите пэстирэ пашутнэ манушэн, и най када просто прецтавляйте, ай имено подробно диқэн пэрво тумари встреча, пэрви алава, сар тумэ лэн облэн, сар тумэ ровэн радостятар.
20. Со амэ камас тэ терас?
20 Сар амэ блаӷодарни лэ Иеговасти, кай во дя алав, кай и мануша ринапэ каринг и жызня! Амэ можэм тэ патяс, кай во обязательно када стерэла, важ кода кай лэ Иеговастэ исин жэлания и зор пэ када. Давайте жэ ласа бут со тэ терас, кай амари вера андэ воскресения тэ авэл май састи. Када поможыя амэнди инке май пашэ тэ авас каринг амаро Дэл, саво обещяет кажнонэсти андар мэндэ: «Тирэ пашутнэ ринапэ каринг и жызня!»
ДИЛИ 147 О Дэл дя алав, кай авэла вечно жызня
a Если тумэндэ варикас анда чаче на ашэля, лэ Иеговастири обещяния, кай во рия лэ манушэн каринг и жызня, фартэ тумэн подритярэл. Но сар тэ росԥэнэн аврэнди, васо тумэ патян андэ кадэя обещяния? И сар тумэ можэте инке май фартэ тэ аштярэн и воскресения? Кадэя статья поможыя амэнди, инке май фартэ тэ патяс, кай о Дэл рия лэ манушэн каринг и жызня.
b Кадэва музыкально видео называеца: «Этот день очень близко!», лэс сыкадэсас андо JW Бродкастинго андо ноябрё 2016 бэрш.
c Диқэн и статья «Почему Иисус пришёл к склепу Лазаря только через четыре дня?» анда рубрика «Ай тумэ ӷанэн?» андэ «Сторожэво башня» лэ 1 январёстар 2008 бэрш, страница 31.
d Диқэн и рамка «Восемь случаев воскресения, описанных в Библии» андэ «Сторожэво башня» лэ 1 авӷустостар 2015 бэрш, страница 4.
e Диқэн андо песенико «Дилабэн анда оди лэ Иеговасти» кадэла диля: «Представь ту пэс андо раё пэ ԥув» (дили 139), «Держи взор на награде!» (дили 144), «О Дэл ақарэла» (дили 151). Кадяжэ диқэн и диля «Этот день очень близко!», «О Раё аштярас» и «Мир любви и гармонии» по сайто jw.org.