Сости амэ сытювас анда лэ Иисусостирэ чудеса?

1. Росԥэнэн, андэ сави ситуацыя о Иисусо стердя пэстири пэрво чуда.

АКАНА давайте уӷанаса, со сас андо 29 бэрш нашей эры. Осень. О Иисусо начинает пэстири служэния. Прожал найбут время и лэстиря да, ла Мария, ай кадяжэ лэс и дэсавэ учениконэн ақарэн по ябьяв. О ябьяв прожал андо гав Кана каринг о северо лэ Иисусостирэ форостар, пэ саво ԥэнэн Назарето. И Мария дружый лэ тэрнэстирэ и ла тэрнятирэ ереса, и дицол, кай вой поможыяс тэ заботинпэ пала ӷостёря. Но кала жалас о ябьяв появисайля проблема, через сави и тэрнэ моӷут тэ попэрэн андэ нэловко ситуацыя, — кончисайля о виноb. Возможно и ӷостёря авелэ май бут, чем трэбуй. И Мария сразу взвийпэ каринг о шаво и ԥэнэн: «Лэндэ нинай вино» (Иоан. 2:1—3). Со терэл о Иисусо? Варисо па чачимастэ удивительно: во терэл анда паи — «лашо вино», када сас чуда (Иоан. 2:9, 10).

2, 3. a) Савэ чудеса терэлас о Иисусо? б) Васо амэнди авэла полезно тэ подас дума пала лэ Иисусостирэ чудеса?

² Кала о Иисусо служыяс пэ ԥув во стердя и авэр бут чудесаc. Во отдэлас пэско зор, кай тэ поможый фартэ бутэ манушэнди. Например, еқвар о Иисусо правардя 5 000 муршэн, ай ӷэт май интя инке 4 000 муршэн. Можэт, важ кадэла дуй случаёря о Иисусо правардя варикай май бут, чем 27 000 манушэн, када, если тэ адиносарас вмести лэ жувлянца и лэ бэятонэнца (Матф. 14:15—21; 15:32—38). Андэ кадэва и андэ авэр случаё о Иисусо кадяжэ исцэлияс бутэ насвалэ манушэн (Матф. 14:14; 15:30, 31). Прецтавьте, сар и мануша удивинаспэ, кала о Иисусо праварэлас и исцэлияс лэ мирос!

³ Лэ Иисусостирэ чудеса важ амэндэ фартэ куч. Вонэ моӷут тэ стерэн амари вера май састи. Андэ кадэя статья амэ роздиқаса, сости амэ сытювас анда кадэла чудеса. Кадяжэ амэ подаса дума, сар тэ шаспэ по Иисусо, кай тэ на авас ӷорди и тэ жалуисарас анда вся оди.

СО АМЭ УӶАНАС ПАЛА ИЕГОВА И ПАЛА ИИСУСО?

4. Со амэ уӷанас пала Иегова, кала адиносарас пала лэ Иисусостирэ чудеса?

⁴ Через лэ Иисусостирэ чудеса амэ инке май фартэ лас тэ патяс най кати андэр лэстэ, но и андэ лэско Дад. Важ кода кай имено лэ Иеговастар о Иисусо терэлас всаворэ кадэла чудеса. Андэ Дила 10:38 ԥэнэнпэ: «О Дэл витидя свынтонэ духоса лэ Иисусос анда Назаре́то и дя лэсти зор и кай кадэва Иисусо ԥирэлас па кадэла краёря, терэлас лашымос и исцэлияс кодэлэн, касти на дэлас жуимос о Бэнг. О Иисусо вся када терэлас, важ кода кай лэса сас о Дэл». Кадяжэ на бистрэн: вся, со дэлас дума и терэлас о Иисусо, ай кадяжэ и чудеса, на 100 процэнтов сыкавэнас, саво гиндо и со по ди кай лэско Дад (Иоан. 14:9). Подам дума, сости амэн моӷут тэ сытярэн лэ Иисусостирэ чудеса. Роздиқаса трин маменторя.

5. Васо о Иисусо камэлас тэ терэл чудеса? (Матфеё 20:30—34).

⁵ Пэрво. О Иисусо и лэско Дад фартэ амэн любин. Лэ Иисусостири любовь каринг и мануша дицолас андэ кода, сар во использовал лэ Дэвлэско зор. Во терэлас када, кай тэ поможый лэ манушэнди тэ пэрэандярэн о ԥаримос. Еқвар дуй корэ мануша фартэ мангэнас лэстар помощь. (Проадинон Матфеё 20:30—34.) Шон сама, кай лэ Иисусости лэн ашэля жалко и во лэн исцэлисардя. О ӷреческо алав, саво пэрэандярдо, сар «ашэля лэн жалко» пэрэдэл о гиндо пала бари пэрэжывания, сави фартэ дур андо ди и латар жал кацави боль, сар кабута дуқал и тила. Через кацави бари пэрэжывания дицол лэ Иисусостири любовь. Имено через латэ во закамля тэ праварэл лэ боқалэн и тэ исцэлий лэ манушэс, савэстэ сас проказа (Матф. 15:32; Мар. 1:41). Амэ можэм тэ авас уверени, кай о Иегова — Дэл, саво жалуий анда вся оди — и лэско Шаво амэн фартэ любин. Лэнди фартэ ԥарэс тэ диқэн, кала амэ страдаем лэ ԥаримастар (Луки 1:78; 1 Пет. 5:7). Вонэ фартэ аштярэн кодэя время, кала улэна лэ манушэндар о ԥаримос и бида!

6. Саво зор о Дэл дя лэ Иисусости?

⁶ Дуйто. О Дэл дя лэ Иисусости зор, кай во тэ ришый всаворэ лэ манушэндирэ проблемы. Кала о Иисусо терэлас чудеса, во доԥэндя, кай можэт тэ ришый всаворэ проблемы, савэ амэ екжэнэ никала на уласа. Например, лэстэ исин зор тэ улэл лэ манушэндар само бари бида, када о бэзэх, саво амэнди пэрэдяпэ, ай кадяжэ о насвалимос и смэрть (Матф. 9:1—6; Рим. 5:12, 18, 19). Лэ Иисусостирэ чудеса доԥэндэ, кай во можэт тэ исцэлий лэ манушэн разнонэ насвалимастар и дажэ тэ рий лэ мулэн каринг и жызня (Матф. 4:23; Иоан. 11:43, 44). Инке во можэт тэ улэл и фартэ барэ ураӷаноря и тэ видаравэл анда мануша лэ найвужэн (Мар. 4:37—39; Луки 8:2). Сар жэ драго тэ ӷанас, кай о Иегова дя пэстирэ Шавэсти кацаво зор!

7, 8. а) Сави увереность амэндэ исин, через кода кай о Иисусо терэлас чудеса? б) Сави чуда ту аштярэс андо раё пэ ԥув?

⁷ Трито. Амэ можэм тэ авас уверени, кай всаворэ лэ Дэвлэстирэ обещянии исполняца, кала лэла тэ правий лэско Царство. Лэ Иисусостирэ чудеса сыкавэн, со во стерэла, сар царё андо небесно Царство. Погиндон, со амэн аштярэл англэ, кала во лэла тэ правий. Амэндэ авэла идиально зор. Важ кода кай во улэла вся о насвалимос, саво исин адес кай и мануша (Ис. 33:24; 35:5, 6; Отк. 21:3, 4). Амэ никала на аваса боқалэ и никала на попэраса андэ природно бида (Ис. 25:6; Мар. 4:41). Амэ фартэ ласа тэ лошавас, кала ласа тэ встречаем амарэ чачен, савэ мулинэ (Иоан. 5:28, 29). Ай сави чуда ту аштярэс андо раё пэ ԥув?

⁸ Кала о Иисусо терэлас чудеса, во сыкавэлас пэскати во дэ найӷордо и сар во жалуий лэ манушэн. Кадэлэсти важно тэ сытювас и амэ. Давайте роздиқаса дуй случаёря. Заласа спэрва лэ ябьявэстар, саво сас андэ Кана.

СЫТЮВАС ТЭ НА АВАС ӶОРДИ

9. Васо о Иисусо стердя чуда андэ Кана? (Иоанна 2:6—10).

⁹ Проадинон Иоанна 2:6—10. Кала по ябьяв кончисайля о вино, обязано сас о Иисусо варисо тэ терэл? Най. Андэ Библия нинай кацаво пророчество, кай о Христос трэбуй тэ стерэл варисави чуда анда вино. Но кати погиндон, со авелоп тумэндэ по ди, если пэ тумаро ябьяв тэ закончица о хамос? О Иисусо, наверно, полэлас, со можэт тэ авэл по ди кай о тэрно и тэрни. Во на камля, кай вонэ тэ авэн андэ нэловко ситуацыя. Важ када, сар ԥэнэнаспэ андэ кадэя статья, о Иисусо стердя чуда. Во стердя анда 390 литров паи райкано вино. Можэт во стердя кадя бут вино, кай во тэ ашэлпэ, и кай и тэрнэ моӷли потом тэ битинэн лэс. Кадя о Иисусо подритярдоп кадэлэ ерес ловэнца. Сар жэ, наверно, вушэро кадэлэстар ашэля лэ тэрнэнди!

10. Савэ важни подробности запистромэ андэ 2 ӷлава Иоанна? (Диқэн кадяжэ и картинка.)

¹⁰ Шон сама пэ важни подробности андэ 2 ӷлава Иоанна. Тумэ шутэ сама, кай о Иисусо на ԥэрдя и кувшыноря лэ паеса екжэно? Во мангля, кай када тэ стерэн и слуӷоря (6 и 7 стихо). Васо? О Иисусо на камэлас тэ шол сама пэр пэстэ. И посли кода, сар во анда паи стердя вино, во най екжэно андярдя лэс лэ манушэсти, саво диқэлас пала ябьяв. Упалэ о Иисусо ԥэндя, кай када тэ стерэн и слуӷоря (8 стихо). Нэвозможно прецтавить, кай о Иисусо машкар миро тэ лэл андэ вас и чашка и тэ ԥэнэн: «Зумавэн о вино, саво мэ кати щяс стердэм!»

11. Сости амэн сытярэл и чуда, сави о Иисусо стердя андэ Кана?

¹¹ Сости амэ сытювас анда лэ Иисусостири чуда? Кодэлэсти, кай тэ на авас ӷорди. О Иисусо на абурояс, кай анда паи стердя вино. Па чачимастэ, во, вобще, никала на абурояс пэстиря диласа. Наоборот, во сас найӷордо и всегда отдэлас вся и слава и патив пэстирэ Дадэсти (Иоан. 5:19, 30; 8:28). Если амэ сытювас лэ Иисусостар тэ авас найӷорди, амэ на ласа тэ абуросарас пэстиря диласа. Со бы амэ тэ на терас андэ служэния лэ Иеговасти, давайте тэ абуросарас най андэр пэстэ, ай кай амэнди випэля бари бах тэ служысарас кацавэ лашэ Дэвлэсти (Иер. 9:23, 24). Давайте тэ отдас и патив, сави па чачимастэ прижал кати лэсти. Хэба амэ можэм тэ домардювас варисости би лэ Иеговастирэ зорэско? (1 Кор. 1:26—31).

12. Сар инке амэ можэм тэ сытювас лэ Иисусостар тэ на авас ӷорди? Росԥэнэн примеро.

¹² Ай андэр со инке амэ можэм тэ сытювас лэ Иисусостар тэ авас найӷорди? Прецтавьте кацави ситуацыя. Кай ек барэдэр ԥрал андэ собрания жыля бут время, кай тэ поможый лэ тэрнэ помошникости андэ собрания тэ стерэл и 30 минутно речь. Потом кадэва тэрно ԥрал драго росԥэндя и речь. Всаворэ́ ԥралэнди и ԥэянди чалеля. Посли собрания варико поджал каринг кадэва барэдэр ԥрал и ԥэнэн: «Кай о ԥрал кадя драго вижыля тэ росԥэнэн и речь! Чачеж?» Ԥэнэна кадэва ԥрал: «Да, ай ӷанэс скати мандэ жыля время, кай тэ поможысарав лэсти?» Или во найӷордо ԥэнэна: «Чаче, во молодец. Мэ кадя пала лэстэ лошало!» Если амэ найӷорди, амэ на ласа тэ аштярас, кай каринг амэндэ тэ авэл варисави особо патив, кай терас варисо важ авэр. Амэ довольни кодэлэса, кай о Иегова диқэл и цэний амари дила. (Сыстон Матфеё 6:2—4; Евр. 13:16.) Чаче, амэ радосарас лэ Иеговас, кала сытювас лэ Иисусостар тэ на авас ӷорди (1 Пет. 5:6).

СЫТЮВАС ТЭ ЖАЛУИСАРАС

13. Со о Иисусо додиқля паша форо Наино и со во стердя? (Луки 7:11—15).

¹³ Проадинон Луки 7:11—15. Давайте подаса дума пала ек случаё, саво сас андэ лэ Иисусостири служэния. О Иисусо жал андо галилейско форо Наино, саво найдур лэ Шунемостар. Котэ варикай 900 лет палпалэ о пророко Елисеё жундярдя еқа жувлятирэ шавэс (2 Цар. 4:32—37). Кала о Иисусо ля тэ поджал каринг лэ форостирэ вороты, во додиқля, кай андярэн лэ манушэс тэ притидэн. Када сас единцтвено ла ԥивляко шаво. Ласа анда форо жал фартэ бут миро. О Иисусо тердярэл лэ манушэн и терэл чуда важ кадэя манушни — рий латирэ шавэс каринг и жызня! Када пэрво анда трин случаёря, савэ запистромэ андэ Евангелия, кала о Иисусо рисардя лэ манушэс каринг и жызня.

14. Савэ важни подробности исин андэ 7 ӷлава Луки? (Диқэн кадяжэ и картинка.)

¹⁴ Шон сама пэ важни подробности, савэ запистромэ андэ 7 ӷлава Луки. Тумэ шутэ сама, кай, «кала о Ӷосподо додиқля», сар ровэл лэ шаворэстири дэй, «лэсти ашэля ла жалко»? (13 стихо). Со стердя о Иисусо? Можэт, во додиқля, сар вой ровэл, кала жалас тэ гаравэл пэстирэ шавэс. Лэсти анда вся оди ашэля ла жалко. Лэ Иисусостэ сас кадэя жалость най кати андо ди, во ла сыкадя пэ дила. Анда вся оди во ԥэндя лати «на ров». Потом во рисардя лэ шавэс каринг и жызня и «отдя лэс лэстиря дати» (14 и 15 стихо).

15. Сости амэ сытювас анда лэ Иисусостири чуда, сави во стердя паша Наино?

¹⁵ Сости амэ сытювас анда кадэя чуда, сави стердя о Иисусо? Важно тэ жалуисарас кодэлэн, кастэ тердяпэ бида. Канешно, амэ нэ можэм тэ рисарас лэ манушэн каринг и жызня, сар када терэлас о Иисусо. Но амэ можэм тэ сытювас лэстар тэ жалуисарас кодэлэн, ко хасардя пэстирэ чачен. Важ када трэбуй тэ авас внимательни. Важно най кати тэ полас лэн, но и тэ поможысарас и тэ подритярас лэн (Прит. 17:17; 2 Кор. 1:3, 4; 1 Пет. 3:8)d. Дажэ прости алава и найбари дила можэт фартэ лэн тэ подритярэл.

16. Сар дицол пэ картинка, сости тумэ сытён анда кода, со ԥэндя и ԥэй, савятэ муля и бэята?

¹⁶ Акэ ек случаё. Дэсавэ бэрша палпалэ, кала пэ собрания дилабэнас дили, ек ԥэй шутя сама, кай авэр ԥэй, сави тердёл найдур латар, ровэл. Андэ дили сас алава пала надежда, кай и мануша ринапэ каринг и жызня, ай кодэя ԥэй найдэлмут хасардя пэстиря цынёня бэята. И ԥэй, сави ӷанэнас пала латири бида, поджыля каринг латэ, обля ла и вонэ вмести до дилабае и дили. Кодэя ԥэй потом вспоминает: «Мэ чуствовала бари любовь лэ ԥралэндар и лэ ԥэяндар». Вой фартэ сас лошали, кай авеля пэ кодэя собрания. Инке вой ԥэндя: «Акэ кай амэ можэм тэ лас зор, — катэ, андо Зало Царства». Амэ можэм тэ авас уверени, кай о Иегова шол сама и цэний, кала амэ терас дажэ найбари дила, кай тэ жалуисарас кодэлэн, кастэ тердяпэ бида и касти ԥарэс (Пс. 34:18).

УӶАНЭН МАЙ БУТ ПАЛА ЛЭ ИИСУСОСТИРЭ ЧУДЕСА

17. Со амэ уӷанглям анда кадэя статья?

¹⁷ Кала амэ май бут уӷанас пала лэ Иисусостирэ чудеса, пала савэ запистромэ андэ Евангелии, амари вера можэт тэ ашэл май састи. Кадэла чудеса сытярэн, кай о Иегова и о Иисусо фартэ амэн любин и кай лэ Иисусостэ исин зор тэ улэл всаворэ лэ манушэндирэ проблемы. Амэ можэм тэ авас уверени, кай лэ Дэвлэстирэ обещянии ӥто исполняца. Кала тумэ розмышляете пала кадэла чудеса, погиндон, сости тумэ можэте тэ сытён лэ Иисусостар. Ай можэте тумэ май драго тэ уӷанэн пала лэстирэ чудеса пэ лично изучения или пэ семейно поклонения? Чаче, тумэ виарақэна бут розлашэ гиндоря. Росԥэнэн пала када аврэнди. Кати погиндон, сави када дэ райкани дума авэла и сар вой придэла зор кодэлэнди, ко тумэн ашунэна! (Рим. 1:11, 12).

18. Пала со амэ подаса дума андэ авэр статья?

¹⁸ Андэ Библия росԥэнэнпэ пала трин случаёря, кала о Иисусо рисардя лэ манушэн каринг и жызня. Трито случаё сас тоди кала заканчивалась лэ Иисусостири служэния пэ ԥув. Кадэва случаё на шолпэ пэ авэр, важ кода кай о Иисусо рисардя каринг и жызня пэстирэ пашутнэ друӷос, савэс ужэ на сас штар дес. Сости амэн сытярэл кадэя чуда, сави запистромэ андэ Евангелия? И сар через када амэ ласа инке май фартэ тэ патяс, кай и мануша ринапэ каринг и жызня? Андэ авэр статья авэна атветоря пэ кадэла вопросоря.