Родителя, поможын пэстирэ бэятонэнди, кай лэндэ тэ авэл и мудрость, сави лэн спасыя

1, 2. Васо и родителя могут тэ пэрэживают, кала лэндирэ бэятцэ камэн тэ дэн алав тэ жувэн важ о Дэл и тэ болдён?

КАЖНО бэрш тысячи мануша, савэ сытён па Библия, дэн алав тэ жувэн важ о Дэл и болдён. Машкар лэндэ бут тэрнэ мануша, савэ вибарелэ андэ еря, савэ лэ Иеговастирэ свидетеля. Вонэ витидэ само лашо дром андэ жизня (Пс. 1:1—3). Если тумэндэ исин бэятцэ, тумэ фартэ аштярэн кодэва дес, кала вонэ болдёна. (Диқэн 3 Иоанна 4.)

² Может тумэ ӷанэн лэ христианонэн, савэ болделэ андэ тэрнэ бэрша, но прожыля время и вонэ линэ тэ гиндон. Пала со? Трэбуй тэ жувэн кадя, сар камэл о Дэл чи най? Ай дэсавэ даже парашэлэ тэ авэн лэ Иеговастирэ свидетеля. Через када тумэ может пэрэживаете. Ай инке на авэла кадя и амарэ бэятонэнца, кала вонэ лэна тэ служин лэ Иеговасти, ай тоди пэрэгиндона и на лэна тэ любин о чачимос анда Библия кадя, сар спэрва. Или лэ бэятонэндэ может тэ авэл кадяжэ, сар сас кай и христианоря, савэ жувэнас андо Эфесо, пала савэ о Иисусо ԥэндя: «Ту парашэлян тэ любис кадя, сар любисас спэрва»? (Отк. 2:4). Со можно тэ терэс, кай лэ бэятонэндири любовь тэ авэл бари? Сар тэ поможыс лэ бэятонэнди, кай вонэ тэ спасынпэ? (1 Пет. 2:2). Амэ можем бутэстэ тэ сытювас, кала ласа тэ роздиқас пала лэ Тимофеёстири жизня.

«ТУ ЖЫ БЭЯТОСА ӶАНЭС И СВЯЩЕННИ ПИСАНИИ»

3. а) Сар о Тимофеё ашэля христианино и со во закамля тэ терэл после кода, со уӷангля? б) Пэ савэ трин моменторя о Павло ԥэндя, кай о Тимофеё тэ шол сама?

³ О Тимофеё может уӷангля важ о Иисусо андэ 47 бэрш лэ И. Х. тоди, кала о апостоло Павло пэрво разо авеля андо форо Листра. Хоть андэ кодэя время о Тимофеё сас тэрно, во терэлас кода, со уӷанэнас. Сар прожыля дуй бэрш, во ля тэ ԥирэл лэ Павлоса, кай тэ росԥэнэн важ о Дэл. Варикай через 16 бэрш после када, о Павло пистросардя лэ Тимофеёсти: «Но ту тер кода, сости сытелян и андэр со патяян, важ кода кай ӷанэс, ко тут сытярдя и кода, кай ту жы бэятоса ӷанэс и священни Писании [Еврейски Писании], савэ могут тэ дэн тути и мудрость, кай тэ спасыспэ, важ кода кай патяс андо Иисус Христос» (2 Тим. 3:14, 15). Шон сама пэ кода, со о Павло ԥэнэн, кай тэ ӷанэн и священни Писании, кай тэ патял и кай тэ авэл и мудрость, кай тэ спасыйпэ, важ кода кай патял андо Иисус Христос.

4. Со чалёл тумэнди анда кода, со дэл лэ Иеговастири организация, кай тумэ тэ сытярэн пэстирэ бэятонэн па Библия? (Диқэн и картинка англа статья.)

⁴ Родителя, тумэ фартэ камэн, кай тумарэ бэятцэ тэ ӷанэн и священни Писании, савэ адес када Еврейски и Христиански Гречески Писании. Даже само цынёне бэятцэ могут тэ сэрэн, со сас андэ библейско время и тэ уӷанэн пала мануша, важ савэ ԥэнэнпэ андэ Библия. Лэ Иеговастири организация дя бут книжки, брошюры и видео, савэнца и родителя могут тэ сытярэн пэстирэ бэятонэн. Со анда када исин пэ тумари шыб? Сэрэн, кай кала тумарэ бэятцэ на ӷанэн, со ԥэнэнпэ андэ Библия, вонэ на авэна лэ Иеговастирэ другоря.

«НО ТУ ТЕР КОДА... АНДЭР СО ПАТЯЯН»

5. а) Со када, тэ патяс андэ варисо? б) Катар амэ ӷанас, кай о Тимофеё фартэ патялас андо чачимос анда Библия пала о Иисусо?

⁵ Тэ ӷанэс, со ԥэнэнпэ андэ Библия, фартэ важно. Но када на хутилэл, кати тэ уӷанэс анда Библия пала мануша и пала кода, со сас. О Тимофеё терэлас кода «андэр со патяя». Пэ древнегреческо шыб алав «патяян» пэрэдэл гиндо, кай о мануш фартэ патял андэ варисо, кай кати када чачимос. О Тимофеё жы бэятоса ӷанэнас и Еврейски Писании. Прожыля время и во патяя, кай о Иисусо, када Христос. Аврэ алавэнца, во ля най кати тэ ӷанэн, но и тэ патял, кай када чачимос. Через када, кай во фартэ патялас андо чачимос, саво анда Библия, во закамля тэ болдёл, ай тоди во ля тэ ԥирэл лэ Павлоса, кай тэ росԥэнэн важ о Дэл.

6. Сар и родителя могут тэ поможын лэ бэятонэнди, кай вонэ тэ патян андэ кода, со уӷанэн анда Библия?

⁶ Сар тэ поможыс пэстирэ бэятонэнди, кай вонэ кадяжэ фартэ тэ патян, сар патялас о Тимофеё? Май англал всаворэстар на грабинпэ тэ холявэн. Тумарэ бэятцэ на лэна тэ патян андэ кода, со ԥэнэнпэ андэ Библия, кати важ кода, кай тумэ патян кадэлэсти. Кай и бэятцэ тэ патян андэ кода, со ԥэнэнпэ андэ Библия, лэнди трэбуй екжэнэнди тэ погиндон. (Адиносар Римлянам 12:1a). Родителя, тумэ можете бут со тэ терэн, кай тэ поможын пэстирэ бэятонэнди, кай вонэ фартэ тэ патян кодэлэсти, со ԥэнэнпэ андэ Библия. Давайте роздиқаса, со стердя ек дад важ пэско бэято.

7, 8. а) Сар ек христианино на грабийпэ тэ холявэл, кала сытярэл пэстиря бэята? б) Сар па тумарятэ, кала на трэбуй тэ грабинпэ тэ холявэн?

⁷ Еқэ ԥралэстэ, савэс ақарэн Томас, барёл бэята, савяти 11 бэрш. Во росԥэнэн: «Мэрни бэята дэкала может тэ пушэл: „Кала о Иегова вся терэлас, мог во тэ терэл кадя, кай вся тэ лэлпэ корко пэстар?“ или „Васо найдраго тэ ԥирэс кадэлэ мироса пэ выборы? Если када тэ терас, тоди андо миро может тэ авэл май фэдэр!“ Дэкала трэбуй тэ ритярэс пэс андэ вас, кай тэ на ԥэнэс, кай вой даже нащи тэ гиндой пала када. Кай о мануш тэ патял, лэсти на хутилэла, кай тэ ӷанэн набут, во трэбуй бут со тэ уӷанэн».

⁸ О Томасо драго ӷанэн, кай кала сытярэс лэ бэятонэн, трэбуй тэ на грабиспэ тэ холявэс. И када важно важ всаворэ христианоря (Кол. 3:12). Во полэл, кай прижалпэ бут разоря тэ ринпэ каринг и дума, сави сас. Трэбуй тэ прожал время, кала лэстири бэята лэла фартэ тэ патял. Инке трэбуй ласа тэ дэл дума пала кода, со ԥэнэнпэ андэ Библия. О Томасо росԥэнэн: «Пэ важни вопросоря амэ ла хулаяса шас май бут сама, кай тэ ӷанас, амари бэята па чачимастэ патял андэ кода, со уӷанэн, и полэл, кай када годявэрнэс. Если вой варисо пушэл, када фартэ драго! Чаче тэ ԥэнав, мэ линоп тэ пэрэживаю, если вой тэ ԥэнэн, кай всаворэсти патял».

9. Сар тэ стерэн кадя, кай лэ Дэвлэско Алав тэ авэл андо ди кай тумарэ бэятцэ?

⁹ Кода, сар и родителя на грабинпэ тэ холявэн, кала сытярэн пэстирэ бэятонэн, и бэятцэ по набут полэн, со када «о буӷлимос, о лунгимос, о вучимос и пэ скати ӷлыбо́ко» и вера (Эф. 3:18). Трэбуй лэ бэятонэнца тэ дэн дума пала кода, со поджал каринг лэндирэ бэрша. Инке, кай вонэ тэ полэн пала со амэ дас дума. Времяса, вонэ полэна, кай кода, андэр со вонэ патян, када чачимос и тердёна пала пэстири вера англа кодэла, каса вонэ сытён андэ школа и англа авэр мануша (1 Пет. 3:15). Могут тумарэ бэятцэ тэ росԥэнэн па Библия, со терэлпэ лэ манушэса, кала во мэрэл? Гиндон вонэ, кай кода, со ԥэнэнпэ андэ Библия, када годявэрнэс? Кай лэ Дэвлэско Алав тэ авэл андо ди кай тумарэ бэятцэ, трэбуй тэ на грабинпэ тэ холявэн и када ашэл, кай тэ стон пэ када скати зор! (Втор. 6:6, 7).

10. Со инке фартэ трэбуй, кала сытярэн лэ бэятонэн?

¹⁰ Родителя, кода, сар тумэ пэс андярэн фартэ важно. Через када тумарэ бэятцэ лэна икне май фартэ тэ патян андэ кода, со ӷанэн. Еқа ԥэятэ, савя ақарэн Стефани, исин трин щея. Вой росԥэнэн: «Кала мэрнэ щея слинэ инке цынёне, мэ лэм тэ пушав пэстар: „Ԥэнав мэ мэрнэ щеянди, васо мэ патяв, кай о Иегова исин, кай во любий амэн, и лэско дром, правильно? Диқэн мэрнэ щея, кай мэ па чачимастэ любисарав лэ Иеговас?“ Мэ нэ могу тэ аштярав, кай мэрнэ бэятонэндэ тэ авэл састи вера, если ла нинай мандэ».

ТЕР КАДЯ, КАЙ ТЭ АВЭЛ И МУДРОСТЬ, КАЙ ТЭ СПАСЫСПЭ

11, 12. Со када мудрость и васо вой может тэ авэл лэ манушэстэ най кати тоди, кала во андэ бэршэндэ?

¹¹ Амэ уӷанглям, кай лэ Тимофеёстэ сас 1) кода, кай во ӷанэнас и священни Писании и 2) кай во фартэ патялас, кай кати када чачимос. Но сар тэ полас лэ Павлостирэ алава, кай и священни Писании могли тэ дэн и «мудрость... [лэ Тимофеёсти], кай тэ спасыспэ»?

¹² Андэ книжка «Понимание Писания» ԥэнэнпэ: «...и мудрость поможый тэ терэс кода, со ӷанэс и полэс, кай тэ на авэн проблемы, тэ фэриспэ кодэлэстар, со может тэ анэн варисо вэрыто или тэ терэс кадя, кай вонэ тэ на авэн, тэ терэс кода, со загиндосардян, кадяжэ тэ поможыс андэ када аврэнди. О мудро мануш най кацаво, сар кодэва, ко най годявэрно...» Сар ԥэнэнпэ андэ Библия, «дилимос приԥанделя каринг лэ шаворэско ди» (Прит. 22:15). Вижал, кала о мануш мудро, во най сар кодэва, ко найгодявэрно. Кала лэ манушэстэ исин и мудрость, када сыкавэл, кай лэстэ исин бари дружба лэ Иеговаса. Лэ манушэстэ и бари дружба лэ Иеговаса лэлпэ най кодэлэстар, скати лэсти бэрш, ай кодэлэстар, пэ скати о мануш дарал тэ терэл варисо най кадя англа Дэл и пэ скати камэл тэ терэл, сар ԥэнэнпэ андэ лэ Иеговаско законо. (Адиносар Псалом 111:10b).

13. Сар и тэрнэ мануша могут тэ сыкавэн, кай лэндэ исин мудрость, сави спасый?

¹³ И тэрнэ мануша, савэндэ уже исин бари дружба лэ Иеговаса, на шонпэ пэ «бэятцэ, савэн, сар и волны андэ моря, шон андэ разни рига» (Эф. 4:14). Вонэ на терэн кода, со кати лэнди камэлпэ и на подэнпэ, сар тасавэн пэр лэндэ лэндирэ ровэсникоря. Кай кацавэ тэрнэ мануша вижал када тэ терэн, важ кода кай вонэ сытён «тэ полэн со лашо, ай со най» (Евр. 5:14). Кода, сар вонэ годявэрнэс пэс андярэн даже тоди, кала лэн на диқэн лэндирэ родителя и авэр мануша сыкавэл, кай вонэ терэн вся, кай лэндэ тэ авэл бари дружба лэ Иеговаса (Флп. 2:12). Када и исин мудрость, сави фартэ трэбуй, кай о мануш тэ спасыйпэ. (Адиносар Притчи 24:14c). Родителя, сар тумэ можете тэ поможын пэстирэ бэятонэнди, кай лэндэ тэ авэл кацави же мудрость? Май англал росԥэнэн лэ бэятонэнди пала кода, пэр со ритярдёлпэ о чачимос анда Библия. Пэстирэ алавэнца и пэстиря диласа сыкавэн, кай тумэнди фартэ куч лэ Иеговаско законо (Рим. 2:21—23).

14, 15. а) Пала со трэбуй тэ погиндон и тэрнэ мануша, савэ камэн тэ болдён? б) Сар тумэ можете тэ поможын пэстирэ бэятости, кай во тэ погиндой, васо лэ Дэвлэско законо анэн кати о лашимос?

¹⁴ Но када на хутилэл, кай кати тэ ԥэнэс лэ бэятонэнди, со правильно, ай со най. Трэбуй тэ поможын лэнди, кай вонэ тэ погиндон пала када: «Васо андэ Библия ԥэнэнпэ, кай дэкала нащи тэ терас кода, со камэлпэ? Васо мэ фартэ патяв, кай кода, со ԥэнэнпэ андэ Библия вся время анэн манди кати о лашимос?» (Ис. 48:17, 18).

¹⁵ Если тумаро бэято камэл тэ болдёл, лэса трэбуй тэ подэн дума акэ пала со. Гиндой во пала кода, со о Иегова лэла тэ аштярэл лэстар, кала во болдёла? Саво лашимос када анэна? Саво ԥаримос када анэна? Васо о лашимос май бут, чем о ԥаримос? (Мар. 10:29, 30). Пала када о бэято трэбуй тэ погиндой, сар инке на болделя. Поможын лэ бэятости тэ погиндой, саво лашимос анэн, кала о мануш кандэл лэ Иеговас и каринг со анэн, кала о мануш на кандэл лэс. Тоди о бэято екжэно полэла, кала о мануш жувэл кадя, сар ԥэнэнпэ андэ лэ Дэвлэско законо, када вся время анэн кати о лашимос (Втор. 30:19, 20).

ЕСЛИ АВЭЛА ԤАРИМОС ПОСЛЕ КОДА, САР БОЛДЕЛЯ

16. Пала со трэбуй тэ сэрэн и родителя, савэ христианоря, кала лэнго бэято, саво болделя, ля тэ гиндой правильно во стердя чи най?

¹⁶ Со тэ терэн и родителя, кала лэнго бэято болделя, ай тоди ля тэ гиндой, правильно во стердя чи най? Ԥэнаса тумэ диқэн, кай тумарэ бэятости чалёл кода, со исин андэ лэ Сатанаско миро. Или во уже най кадя патял андэ кода, кай тэ жувэс кадя, сар ԥэнэнпэ андэ Библия, када само драго (Пс. 73:1—3, 12, 13). Родителя, сэрэн, сар тумэ пэс андярэн андэ кадэя время, кадэлэстар может тэ дицол, лэла тумаро бэято и май англэ тэ служий лэ Иеговасти чи най. Скати тэ на авэл бэрш тумарэ бэятости, нащи тэ холявэн и тэ жан против лэстэ. Мэк тумарэ бэятцэ ӷанэн, кай тумэ лэн любин и камэн лэнди тэ поможын.

17, 18. Сар и родителя могут тэ поможын лэ бэятости, саво ля тэ гиндой, правильно, кай во болделя чи най?

¹⁷ Если о бэято болделя, када сыкавэл, кай во дя алав лэ Иеговасти тэ жувэл важ лэстэ. Во дя алав лэ Иеговасти, кай во лэс любия и кай важ лэстэ авэла само важно андэ жизня тэ терэл кода, со о Дэл камэл. (Адиносар Марка 12:30d). Важ о Иегова фартэ важно, кала о мануш дэл лэсти алав и амэнди пэ када кадяжэ трэбуй тэ диқас (Эккл. 5:4, 5). Най еқвар ԥэн пала када пэстирэ бэятонэнди. Но май англал, сар када тэ ԥэнэн, родителя, адинон кода, со дэл лэ Иеговастири организация, кай тэ стерэн када май драго. Кадя тумэ май драго ӷанэна, со тэ ԥэнэн лэ бэятости пала кода, со о Иегова аштярэл лэ манушэстар, саво болделя, и саво лашимос исин кодэлэ манушэстэ, саво дя алав тэ жувэл важ о Иегова.

¹⁸ Тумэ можете тэ виарақэн кода, со тумэнди драго подԥэнэна андэ книга «Ответы на твои вопросы» андэ пэрво книжка. Котэ кадяжэ исин «Вопросы родителей», котэ ԥэнэнпэ: «На грабинпэ тэ гиндон, кай тумаро бэято на камэл тэ служий лэ Иеговасти. Может лэстэ авэр варисаво ԥаримос». Может пэр лэстэ тасавэн лэстирэ ровэсникоря или лэсти здэлпэ, кай во екжэно и никасти на трэбуй. Или может во гиндой, кай во най кадя бут служий лэ Иеговасти, сар авэр тэрнэ христианоря. Кадяжэ май англэ котэ ԥэнэнпэ, кай если о бэято кадя гиндой, када на сыкавэл, кай во на камэл тэ служий лэ Иеговасти. Када сыкавэл, кай лэстэ исин ԥаримос, через саво во нэ может тэ терэл кадя, сар ԥэнэнпэ андэ Библия. Кадяжэ андэ книжка ԥэнэнпэ, сар май драго тэ поможысарас лэ бэятости, саво болделя, ай тоди ля тэ гиндой, правильно во стердя чи най.

19. Сар и родителя могу тэ поможын лэ бэятонэнди, кай лэндэ тэ авэл и мудрость, кай тэ спасынпэ?

¹⁹ О Иегова ԥэнэн, кай и родителя, трэбуй тэ сытярэн лэ бэятонэн и тэ дэн лэнди годи. Када бари честь! И родителя трэбуй тэ сэрэн и тэ терэн кадя, сар аштярэл о Иегова (Эф. 6:4). Сар амэ додиқлям, и бэятцэ трэбуй най кати тэ ӷанэн и Библия, но и тэ патян андэ кода, со котэ ԥэнэнпэ. Кала лэндири вера ашэла састи, тоди вонэ закамэна тэ дэн алав тэ жувэн важ о Дэл и тэ служин лэсти анда вся оди. Родителя, на умэкэн и вас, кала сытярэн пэстирэ бэятонэн! Мэк о Иегова и лэско духо поможын тумарэ бэятонэнди, кай лэндэ тэ авэл и мудрость, кай тэ спасынпэ!