Васо адес фартэ трэбуй тэ подритярас ек аврэс?

1. Васо о апостоло Павло ԥэндя лэ христианонэнди анда евреёря тэ подритярэн ек аврэс инке май фартэ?

АМЭ всаворэ трэбуй тэ терас вся, кай тэ подритярас ек аврэс. Васо? Лэ христианонэнди, савэ слинэ евреёря, о апостоло Павло пистросардя: «Ай инке ласа тэ шас сама ек аврэс, кай через када авэр тэ закамэн тэ любин и тэ терэн лашимос. И тэ на промэкас и собрания, сар дэко уже присытеля каринг када, ай тэ подритярас ек аврэс. И тэ терас када инке май фартэ, важ кода кай диқас, кай пашол кодэва дес» (Евр. 10:24, 25). Сар прожылэ панч бэрша и христианоря анда евреёря, савэ жувэнас андо Иерусалимо полинэ, кай пашол «лэ Иеговаско дес» и кай лэнди трэбуй тэ прастэн анда форо, сар ԥэндя лэнди о Иисусо (Деян. 2:19, 20; Луки 21:20—22). Лэ Иеговаско дес авеля андо 70 бэрш лэ И. Х, кала и римляноря розмардэ о Иерусалимо.

2. Васо амэнди трэбуй май бут тэ стас зор, кай тэ подритярас ек аврэс?

² Адес амэ кадяжэ патяс, кай пашол баро лэ Иеговаско дес, савэстар и мануша пэрэдарана (Иоиль 2:11). О пророко Софония ԥэндя: «Лэ Иеговаско баро дес пашэ. Во пашэ и во фартэ йто пашол» (Соф. 1:14). Во ԥэндя када каринг всаворэ мануша. Важ када амэнди трэбуй тэ приашундювас кадэлэ алавэндэ: «Ласа тэ шас сама ек аврэс, кай через када авэр тэ закамэн тэ любин и тэ терэн лашимос» (Евр. 10:24). Амэнди трэбуй инке май фартэ тэ шас сама амарэ ԥралэн и ԥэян. Васо? Кай тэ подритярас лэн кажно разо, кала када трэбуй.

КАС ТРЭБУЙ ТЭ ПОДРИТЯРАС?

3. Трэбуй тэ подритярас. Со пала када пистросардя о апостоло Павло? (Диқэн и картинка англа статья.)

³ Андэ Притчи 12:25 ԥэнэнпэ: «Кала о мануш фартэ загиндойпэ, лэсти по ди ашэл ԥарэс. Ай о лашо алав подритярэл лэс». Дэкала амэнди всаворэнди трэбуй, кай амэн тэ подритярэн лашэ алавэнца. О Павло ԥэндя, кай лэ ԥралэн, савэ диқэн пала собрания и трэбуй тэ подритярэн аврэн, лэн кадяжэ трэбуй тэ подритярэн. О Павло пистросардя лэ христианонэнди андо Римо: «Мэ фартэ камав тэ диқав тумэн, кай тэ пэрэдав тумэнди дэсаво лашимос лэ Дэвлэстар, кай кадэлэстар тумэ тэ авэн май састэ чи, кай через пэстири вера тумэ тэ подритярэн амэн, ай амэ через амари вера тэ подритярас тумэн» (Рим. 1:11, 12). Даже лэ Павлости, саво всаворэн подритярэлас, трэбуй сас, кай лэс кадяжэ тэ подритярэн. (Адиносар Римлянам 15:30—32a).

4, 5. Кас трэбуй тэ хвалисарас и тэ подритярас и васо?

⁴ Адес лэ Дэвлэстирэ служителя бут со терэн важ о Дэл и, важ када лэн трэбуй тэ хвалисарас. Кадяжэ трэбуй тэ хвалисарас лэ ԥралэн и лэ ԥэян, савэ росԥэнэн важ о Дэл андэ авэр страна, лэ районнонэ надзирателёнэн и лэндирэ хулаян, ай кадяжэ кодэлэн, ко служий андэ филиалоря и андэ дурутнэ ҭана, кай пэрэандярэн и литература. Вонэ всаворэ парудэ пэстири жизня, кай май бут тэ терэн дила важ о Дэл. Трэбуй тэ хвалисарас лэн важ када. Кадяжэ трэбуй тэ хвалисарас кодэлэн, ко и май дур камэл тэ служий пионероса, но через варисо лэнди прижалпэ тэ ашавэн кадэя служения.

⁵ Кас инке трэбуй тэ подритярас? Лэ ԥралэн, савэ на женинпэ и лэ ԥэян, савэ на жан миростэ. Важ кода кай вонэ ритярэн лэ Дэвлэско законо тэ женинпэ «кати андо Ӷосподо» (1 Кор. 7:39). Ай сар дэ драго лэ хулаянди, савэн лэндирэ хулая хвалин важ лэндири бути! (Прит. 31:28, 31). Исин кодэла, кас тасавэн важ и вера чи, ко насвало. Но вонэ всаек на парашэн тэ кандэн лэ Дэвлэс. Лэнди кадяжэ трэбуй тэ ԥэнэн алава, савэ лэн подритярэна (2 Фес. 1:3—5). О Иегова и о Христос кадяжэ терэн вся, кай тэ авэл май вушэро по ди кай кадэла мануша, савэ на парашэн лэн тэ кандэн. (Адиносар 2 Фессалоникийцам 2:16, 17b).

И СТАРЕЙШИНОРЯ ТРЭБУЙ ТЭ ПОДРИТЯРЭН АВРЭН

6. Со, сар пистромэ андэ Исаия 32:1, 2, трэбуй тэ терэн и старейшиноря?

⁶ Адиносар Исаия 32:1, 2c. Амэ жувас андэ ԥари время и дэкала через када амэнди ашэл ԥарэс и амэ умэкас и вас. Важ када о Иисусо подритярэл амэн через «и князёря», када и помазанникоря, савэ на парашэн тэ кандэн лэ Дэвлэс и через и старейшиноря анда «авэр бакрорэ». И старейшиноря най хулая пэ амари вера. Вонэ еқэҭанэ амэнца терэн ек дила и терэн вся, кай амэ тэ авас лошалэ (2 Кор. 1:24).

7, 8. Сар и старейшиноря тэ подритярэн кодэлэн, ко андэ собрания?

⁷ И старейшиноря трэбуй тэ сытён кай о апостоло Павло. Акэ, со во пистросардя лэ христианонэнди андэ Фессалоники, савэн тасавэнас важ и вера: «И важ кода кай фартэ любисарас тумэн, амэ самас фартэ лошалэ най кати тэ пэрэдас тумэнди лэ Дэвлэстири лащи весть. Но и тэ отдас тумэнди амарэ жизни, важ кода кай амэ лям тэ любисарас тумэн» (1 Фес. 2:8).

⁸ И алава, савэ ԥэнэн и старейшиноря, подритярэн. Но дэкала, када на хутилэл. О Павло пистросардя лэ старейшинонэнди андо Эфессо: «Тумэ трэбуй тэ дэн зор кодэлэнди, касти во трэбуй и тэ сэрэн лэ Ӷосподостирэ лэ Иисусостирэ алава: „Май бари бах, кала дас, чем кала лас“» (Деян. 20:35). О Павло терэлас вся, кай най кати тэ подритярэл лэ ԥралэн и лэ ԥэян, во ԥэндя важ пэстэ: «Мэ авава лошало тэ отдав пэс тумэнди и тэ отдав пэс важ тумэндэ андэ вся» (2 Кор. 12:15). И старейшиноря трэбуй тэ сытён кай о Павло, най кати тэ подритярэн лашэ алавэнца и тэ терэн май вушэро по ди, ай и тэ поможын пэ дила (1 Кор. 14:3).

9. Сар и старейшиноря ԥэнэн ворта лэ ԥралэнди и лэ ԥэянди и кадэлэса подритярэн лэн?

⁹ И старейшиноря дэкала лэ ԥралэнди и лэ ԥэянди ворта ԥэнэн. Но вонэ трэбуй тэ терэн када кадя, кай тэ подритярэн. Сар када тэ терэн, и старейшиноря сытён анда Библия кай о Иисус Христос. Кала о Иисусо рисайля каринг и жизня, во ворта ԥэндя лэ ԥралэнди и лэ ԥэянди андэ собрании андэ Мало Азия. Сар во када стердя? Англа кода, сар о Иисусо ворта тэ ԥэнэн лэ ԥралэнди и лэ ԥэянди андэ собрании андо Эфесо, Пергамо и Фиатиро, во спэрва анда вся оди похвалисардя лэн (Отк. 2:1—5, 12, 13, 18, 19). Андэ собрания андэ Лаодикия во ԥэндя: «Мэ сытярав и спушав всаворэндар, ко манди куч. Важ када тер анда вся оди и каисав» (Отк. 3:19). Драго авелоп, кай и старейшиноря тэ сытён кай о Иисусо.

ТЭ ПОДРИТЯРЭН ТРЭБУЙ НАЙ КАТИ И СТАРЕЙШИНОРЯ

10. Со тэ терас, кай тэ подритярас ек аврэс?

¹⁰ Тэ подритярэн лэ ԥралэн и лэ ԥэян трэбуй най кати и старейшиноря. О Павло ԥэндя всаворэ христианонэнди, кай вонэ тэ ԥэнэн аврэнди: «Кати кода, со анэн лашимос, кай тэ авэн састэ. Терэн кадя, кала када трэбуй, кай када тэ анэн лашимос кодэлэнди, ко ашунэн» (Эф. 4:29). Амэнди кажнонэсти трэбуй тэ диқас, со трэбуй важ авэр. Андо письмо лэ евреёнэнди о Павло пистросардя: «Дэн зор лэ вастэнди, савэ умэклэ и лэ чангэнди, андэ савэ нинай зор и стерэн дрома, кай ворта тэ авэн важ тумарэ пэрнэ, кай кода, со лангал тэ на ԥадёл, ай упалэ тэ ашэл зорало» (Евр. 12:12, 13). Всаворэнди амэнди, даже лэ тэрнэ манушэнди, драго авелоп тэ подритярас ек аврэс лашэ алавэнца.

11. Сар дя зор ек ԥэй ла Ӷрузинати, савятэ сас депрессия?

¹¹ Акэ, со пистросардя ек ԥэй, савя ақарэн Ӷрузинаd, савятэ сас депрессия: «Еқварэс мэ мангаваспэ, кай ман варико тэ подритярэл. Андэ кодэва же дес, мэ диқлэм ла ԥэя, сави сас андэ бэршэндэ. Вой драго дя дума манца и жалуисардя ман. Манди када фартэ трэбуй сас. Инке вой ԥэндя, кай екжэни пэрэжудя кода, со манца. После када сар мэ ласа подэм дума, мандэ ужыля па оди гиндо, кай мэ екжэни». Файма, кадэя ԥэй и на ӷангля, сар латирэ алава динэ зор ла Ӷрузинати.

12, 13. Сар амэ тэ терас кадя, сар пистромэ андэ Филиппийцам 2:1—4?

¹² О Павло ԥэндя всаворэ христианонэнди, савэ жувэнас андэ Филиппы: «Сар исин тумэндэ варисо, со подритярэл тумэн андо Христос, сар исин любовь, савятар май вушэро по ди, сар исин и друӷоря, савэнца патян андо ек Дэл, сар исин любовь андо ди и тумэ полэн и жалуин. Тоди стерэн, кай мэрни радость тэ авэл инке май бари. Фэрин кода, кай тумарэ гиндоря тэ сжанпэ, тэ авэл кодэя же любовь, тэ авэн еқэ одеса, тэ гиндон еқэндар. На терэн нисо, кала тумэ холинатирэ, чи кала гиндон пала пэстэ бут. На гиндон, кай тумэ май лашэ аврэндар, ай гиндон, кай авэр май лашэ тумэндар. Терэн драго най кати важ пэстэ, ай и важ авэр» (Флп. 2:1—4).

¹³ Чаче, всаворэнди амэнди трэбуй тэ терас вся, кай тэ подритярас лэ ԥралэн и лэ ԥэян. Сар? Тэ ԥэнас лашэ алава, савэндар ашэла май вушэро по ди, тэ поможысарас анда оди и тэ полас и тэ жалуисарас.

СО ИНКЕ ПОДРИТЯРЭЛ?

14. Со подритярэла лэ Иеговастирэ служителёс?

¹⁴ Амэ фартэ лошалэ, кала уӷанас, кай кодэла, касти амэ поможысардям тэ ашэн лэ Иеговастирэ свидетеля, на парашэн тэ кандэн лэс. Кадяжэ сас по ди кай о апостоло Иоанно, во пистросардя: «Мандэ нинай пала со май бут тэ авав блаӷодарно, чем тэ ашунав, кай мэрнэ бэятцэ ԥирэн андо чачимос» (3 Иоан. 4). Бут пионероря ԥэнэн, кай лэн фартэ подритярэл кода, кала вонэ ашунэн, кай кодэла, кас вонэ дэлмут сытярэнас па Библия и доси на парашэн тэ терэн лэ Дэвлэстири дила, ай дэсавэ андар лэндэ служин пионеронэнца. Кала лэ пионерости, саво умэкэл и вас поможын тэ сэрэл, скати лащи дила во стердя важ авэр, када дэла лэсти зор.

15. Сар амэ тэ подритярас кодэлэн, ко на парашэл тэ служий лэ Дэвлэсти?

¹⁵ Бутэ районнонэ надзирателёнэнди и лэндирэ хулаянди чалёл, кала лэнди дарин открытки. Андэр лэндэ ԥрала и ԥэя пистрон лашэ алава и блаӷодарин лэн. Кацавэ алава кадяжэ чалён лэ старейшинонэнди, лэ пионеронэнди, лэ вефильцонэнди и лэ пионеронэнди, савэ росԥэнэн важ о Дэл андэ авэр страны.

ТЭ ПОДРИТЯРЭН ВИЖАЛА ВСАВОРЭНДЭ

16. Со тэ терэс, кай варикас тэ продритярэс?

¹⁶ На трэбуй тэ гиндос, кай ту никас на подритярэса, сар тути найвушэро тэ дэс дума аврэнца. Кай тэ подритярэс аврэс, бут на трэбуй. Сыкав, кай ту радо тэ диқэс лэ манушэс. Ай сар о мануш на терэл кадяжэ тути, тоди, файма, лэстэ варисо стердяпэ и во камэл када тэ росԥэнэн варикасти. Тути трэбуй лэс тэ виашунэс (Иак. 1:19).

17. Со дя зор лэ Ӷринясти, кала лэсти сас ԥарэс?

¹⁷ Тэрнэ ԥралэсти, савэс ақарэн Ӷриня, сас фартэ ԥарэс. Васо? Кай дэко анда лэско родо и лэско дад, саво сас старейшина, парашэлэ тэ служин лэ Иеговасти. Лэ Ӷринясти дя зор о районно надзирателё, саво ақардя лэс андэ кафе тэ пэн кофе. Во виашундя, со лэ Ӷринястэ по ди. О Ӷриня поля, кай тэ поможый пэстирэ родости тэ рисавэн кай о Иегова, во трэбуй екжэно тэ на парашэл тэ кандэл лэ Иеговас. Лэсти фартэ дэлас зор, кала во адинояс Софония 3:17, Марка 10:29, 30 и 46 Псалом.

18. а) Пэр со шутя сама о царё Соломоно? б) Со ԥэндя о апостоло Павло лэ христианонэнди?

¹⁸ Кода, со сас лэ Ӷриняса и ла Ӷрузинаса сыкавэл, кай тэ подритярас кацавэ ԥралэн и ԥэян, када па амаро зор. О царё Соломоно пистросардя: «Дэ лашо о алав, саво ԥэндо андэ пэстири время! Лашимос андо ди анэн радость. Лашэ алава терэн май састэ и кокаля» (Прит. 15:23, 30). Кай тэ дас зор кодэлэсти, ко умэкэл и вас, авелоп драго тэ адиносарас лэсти варисо анда амари литература. О Павло ԥэндя, сар инке тэ подритярас. Во пистросардя: «На парашэн тэ сытярэн и тэ подԥэнэн ек еқэсти, кала дилабэн и псалмы, дилабэн диля важ о Дэл, и кала блаӷодарин лэ Иеговас андэ пэстирэ одя» (Кол. 3:16; Деян. 16:25).

19. Васо амэнди инке май фартэ трэбуй тэ подритярас ек аврэс, и со важ када трэбуй тэ терас?

¹⁹ Важ кода кай пашол лэ Иеговаско дес, амэнди инке май фартэ трэбуй тэ подритярас ек аврэс (Евр. 10:25). Трэбуй тэ терас кода, со ԥэндя о Павло лэ христианонэнди: «Подритярэн ек аврэс и дэн зор ек аврэсти, сар тумэ и терэн» (1 Фес. 5:11).