Васо и мануша ԥурён и мэрэн?

О Дэл ԥэндя лэ Адамости: «Кала ту хаса пар латэ, мэрэса» (Бытие 2:17). Кадэла алава авелоп евья, если о Адамо всаек трэбуй сас тэ ԥурёл и тэ мэрэл. И о Адамо полэлас, кай во мэрэла, кати если хала и плодоря па кадэя витка.

Андо Эдэмско садо барёнас бут витки, па савэ о Адамо и Ева моӷли тэ хан, кай тэ жувэн. Лэнди на трэбуй сас тэ хан и плодоря именно па кадэя витка (Бытие 2:9). Тэ канглоп и тэ на халоп па кадэя витка, и мануша моӷли бы тэ доԥэнэн, кай кандэн кодэлэс, ко дя лэнди и жызня. Кадяжэ, кода, кай вонэ канглоп, сыкадоп, кай вонэ прижанэн лэ Дэвлэско право тэ ԥэнэн лэнди, сар тэ жувэн.

ВАСО О АДАМО И ЕВА МУЛИНЭ

Кай тэ уӷанас, васо о Адамо и Ева мулинэ, трэбуй тэ полас ек дума, сави парудя и жызня всаворэ манушэнди. О Сатана Бэнг ԥэндя баро хохаимос через о сап. Андэ Библия ԥэнэнпэ: «О сап сас само хытро анда всаворэ зверёря, савэ жувэн пэ мал, савэн создал о Дэл Иегова. О сап задя дума ла жувляса и пушля латар: „Чаче о Дэл ԥэндя, кай тумэнди нащи тэ хан па всаворэ витки андо садо?“» (Бытие 3:1).

И Ева ԥэндя лэ сапэсти: «И плодоря па витки андо садо амэнди можно тэ хас. Но пала плодоря па витка, сави машкар садо, о Дэл ԥэндя: „На хан пар латэ, на лэнпэ каринг латэ, кай тумэ тэ на мэрэн“». Тоди о сап ԥэндя: «Най, тумэ на мэрэна. Ай инке о Дэл ӷанэн, кай андэ кодэва дес, кала тумэ хана пар латэ, тумарэ яқа ԥэрнадёнапэ и тумэ ашэна сар о Дэл, и лэна тэ ӷанэн, со лашимос, ай со найлашимос». Кадя о Сатана ԥэндя, кай о Иегова хохавнимари, саво на камэл, кай лэ манушэндэ тэ авэл варисаво лашимос (Бытие 3:2—5).

И Ева патяя лэ Сатанасти и шутя сама пэ витка. Лати чалёлас тэ диқэл пэ кадэя витка! И Ева процырдя о вас, сшындя о плодо па витка и ля тэ хал. Андэ Библия ԥэнэнпэ, кай потом вой дя о плодо лэ Адамости и во кадяжэ халя лэс (Бытие 3:6).

Сар дэ найдраго по ди сас кай о Дэл кодэлэстар, кай лэстирэ любими бэятцэ екжэнэ отԥэнделэ лэс тэ кандэн! Со стердя о Иегова? Во ԥэндя лэ Адамости: «[Ту] рисапэ андэ ԥув, важ кода кай ту андар латэ... Ту сан анда прахо, андо прахо и рисапэ» (Бытие 3:17—19). Кадя и вижыля. О Адамо «прожудя 930 бэрш и муля» (Бытие 5:5). О Адамо на попэля по нэбо и на ужыля пэ авэр люма. Сар о Иегова инке нэ создал лэ Адамос анда ԥув, лэс никай на сас. Важ када, кала о Адамо муля, во ашэля кацаво жэ, сар и ԥув, анда сави о Дэл лэс создал. Во парашэля тэ жувэл. Сар дэ жалко!

ХАСАРДЭ И СОВЕРШЭНО ЖЫЗНЯ

О Адамо и Ева екжэнэ витидэ тэ на кандэн лэ Дэвлэс и важ када хасардэ и совершэно и вечно жызня. Вонэ паруделэ и ашэлэ найсовершэни и ӷрешни. Кода, кай вонэ на канглэ, сас о бэзэх, и во андя о найлашимос най кати лэнди. О Адамо и Ева пэрэдинэ о бэзэх всаворэ манушэнди. Андэ Римлянам 5:12 пистромэ: «Через о ек мануш [Адамо] о бэзэх авеля андо миро, ай через о бэзэх авеля и смэрть, и кадя и смэрть пэрэжыля пэ всаворэ мануша, важ кода кай всаворэ стердэ бэзэх».

Андэ Библия ԥэнэнпэ, кай о бэзэх и смэрть, сар «покрывало, саво ушаравэл всаворэ народоря» (Исаия 25:7). Када сыкавэл, кай и мануша екжэнэ нэ моӷут тэ победин о бэзэх и смэрть. Чаче, «через о Адамо всаворэ мэрэн» (1 Коринфянам 15:22). Можэт, тутэ исин кацаво жэ вопросо, саво сас кай о апостоло Павло: «Ко улэла мандар мэрни тила, сави анэн и смэрть?» (Римлянам 7:24). И чаче, ко?