Амэ создани, кай тэ жувас

Хэба лэ манушэнди када на камэлпэ? Канешно, камэлпэ! Андэ Библия ԥэнэнпэ, кай о Дэл создал лэ манушэн кадя, кай вонэ тэ камэн тэ жувэн вечно (Экклезиаст 3:11). Кадяжэ котэ пистромэ: «О Дэл исин любовь» (1 Иоанна 4:8). Хэба годявэрнэс тэ гиндосарас, кай о любящё Дэл создал амэн, кай амэ тэ камас тэ жувас вечно, но на дя пэ када возможность?

Амэ всаворэ полас, кай и смэрть, када амаро враӷо. И андэ Библия ворта пала када ԥэнэнпэ (1 Коринфянам 15:26). Дэсавэ мэрэн андэ тэрнэ бэрша, ай авэр жувэн долӷо. Но сар бы тэ на авэл, мэрэн всаворэ. О гиндо пала смэрть никасти на чалёл, бутэн во дажэ даравэл. Можэм амэ тэ патяс, кай кадэлэ враӷос победина?

ВАСО АМЭ АШТЯРАС АНГЛЭ О ЛАШИМОС

Удивисапэ ту, кала уӷанэса, кай о Дэл на загиндосардясас и смэрть важ и мануша? Во камэлас, кай и мануша тэ жувэн пэ ԥув вечно. И андэ Библия, андэ пэрво книӷа Бытие, пистромэ пала када. Андэ Библия ԥэнэнпэ, кай о Дэл Иеговаa погиндосардя важ и мануша и бут со стердя пэ ԥув, кай вонэ пэр латэ тэ жувэн. Тоди о Дэл создал пэрвонэ манушэс, лэ Адамос, и дя лэсти тэ жувэл андо раё, андо Эдэмско садо. Посли када «о Дэл диқля пэ вся, со во создал, и додиқля, кай вся када фартэ драго» (Бытие 1:26, 31).

О Адамо сас совершэно, сар и вся, со создал о Дэл (Второзаконие 32:4). Кай лэ Адамостири хулаи кадяжэ сас совершэно годи и тила. О Иегова ԥэндя лэнди: «Авэн тумэ ерялэ, мэк авэн тумэндэ бут бэятцэ па вся и ԥув, залэнпэ ла ԥувьяса и авэн тумэ хулая пэ маще, пэ птицы, савэ вурян по нэбо, и пэ вся жундо, со ԥирэл па ԥув» (Бытие 1:28).

Трэбуй сас время, кай па вся и ԥув тэ авэн мануша. Спэрва бэятцэ трэбуй сас тэ арақадёнпэ кай и Ева, потом тэ арақадёнпэ кай латирэ бэятцэ, и кадя май дур, пока па вся и ԥув на авелоп мануша, сар када камэлас о Дэл (Исаия 45:18). Хэба о Иегова диноп лэ Адамости и ла Евати кацави райкани жызня, если вонэ трэбуй сас тэ диқэн кати пэстирэ бэятонэн и внуконэн и тэ на дожувэн жы кай и время, кала во стерэла вся, со загиндосардя?

Погиндосар кадяжэ пала кода, кай и мануша трэбуй сас тэ диқэн пала жывотни. О Адамо трэбуй сас тэ приԥэнэн и названия кажнонэ жывотнонэсти, и важ када трэбуй сас дэсави время (Бытие 2:19). Но кай о Адамо тэ авэл хулай пэ жывотни, лэсти трэбуй сас тэ полэл, сар вонэ пэс андярэн, и тэ ӷанэн, сар пала лэндэ тэ диқэл. Ай важ када трэбуй сас инке май бут время.

Вижал, кода, кай о Дэл ԥэндя лэ манушэнди, кай лэндэ тэ авэн бут бэятцэ и кай вонэ тэ авэн хула́я пэ жывотни, доԥэнэн, кай и пэрви мануша трэбуй сас тэ жувэн долӷо. И о Адамо чаче жудя фартэ долӷо.

И МАНУША, САВЭ ДОЛӶО ЖУДЭ

Андэ Библия ԥэнэнпэ, кай варикала и мануша жувэнас пэ бутэстэ май долӷо, чем амэ. Андэр латэ пистромэ: «О Адамо прожудя 930 бэрш». Кадяжэ андэр латэ ԥэнэнпэ пала шов мануша, савэ жудэ май бут чем 900 бэрш. Када о Сифо, о Еносо, о Каинано, о Иаредо, о Мафусало и о Ноё. Всаворэ вонэ жувэнас жы кай о Потопо, саво сас андэ лэ Ноёстирэ деса. Ай кала сас о Потопо лэ Ноёсти сас 600 бэрш (Бытие 5:5—27; 7:6; 9:29). Васо вонэ кадя долӷо жувэнас?

Всаворэ вонэ жувэнас май пашэ каринг и время, кала и мануша слинэ совершэни. Можэт, важ када вонэ кадя долӷо и жудэ. Но сар через о совершэнство можэт тэ авэл долӷо жызня? И сар победина и смэрть? Кай тэ виарақас атветоря пэ кадэла вопросоря, трэбуй тэ полас, васо и мануша ԥурён и мэрэн.