«Нэ пэрэжывай, важ кода кай мэ тиро Дэл»

1. Сар и алава анда Исаия 41:10 подритярдэ ла ԥэя, савя ақарэн Ёсико?

И ХРИСТИАНКА Ёсико, сави на парашэлас тэ кандэл лэ Дэвлэс, ашундя найлащи новость лэ врачостар. Вой ашундя, кай лати ашэляпэ тэ жувэл набут шона. И сар вой андярдя пэс? Вой вспомнила пэско любимо библейско стихо Исаия 41:10. (Адиносарb.) И тоди и Ёсико спокойно ԥэндя лэ врачости, кай нисостар на дарал, важ кода кай о Иегова ритярэл ла вастэстарc. И алава анда кадэва стихо подритярдэ ла и поможысардэ амаря ԥэяти тэ патял лэ Иеговасти андэ вся. Кадэва жэ стихо поможыя и амэнди тэ на пэрэжываем фартэ, кала андэ жызня баро ԥаримос. Кай тэ полас када подам дума, васо о Иегова ԥэндя, кай о Исаия тэ запистрой кадэла алава.

2. Важ кастэ сас запистромэ и алава анда Исаия 41:10?

² О Дэл камля тэ подритярэл кадэлэ алавэнца лэ иудеёнэн, савэн сас трэбуй тэ залэн андо вавилонско плено. Но и алава анда Исаия 41:10 сас най кати важ лэндэ, ай важ всаворэ лэстирэ служытеля, сар важ кодэла, ко жувэнас андэ дэлмутни время, кадя и важ кодэла, ко жувэл акана (Исаия 40:8; Римлянам 15:4). Амэ жувас андэ «фартэ ԥари время», и амэнди, сар никала, трэбуй, кай и амэн тэ подритярэн. И амэ можэм тэ виарақас кода, со амэн подритярэла андэ книӷа Исаия (2 Тимофею 3:1).

3. а) Андэр со дэн тэ патяс и алава анда стихо Исаия 41:10, савэс витидэ важ 2019 бэрш? б) Васо амэнди трэбуй тэ ӷанас пала кадэла обещянии?

³ Андэ кадэя статья амэ подаса дума пала трин лэ Иеговастирэ обещянииd анда Исаия 41:10, савэндар амари вера ашэл май састи. Пэрво, када, кай о Иегова авэла амэнца. Дуйто, во амаро Дэл. Трито, во поможыя амэнди. Амэнди трэбуй тэ ӷанас кадэла обещянии, важ кода кай амэндэ, сар кай и Ёсико, бут ԥаримос андэ жызня. Кадяжэ амэнди прижалпэ тэ виритярас о ԥаримос, саво терэлпэ андэ кадэя люма. Дэкас андар мэндэ дажэ ӷонин важ и вера и барэ мануша андэ страна. Акана подам дума пала кажно анда кадэла обещянии.

«МЭ ТУСА»

4. а) Пала сави лэ Иеговастири обещяния амэ подаса дума спэрва? (Диқэн кадяжэ и сноска.) б) Сар о Иегова сыкавэл, со лэстэ андо ди каринг амэндэ? в) Со тутэ андо ди, кала ту ӷанэс, сар о Дэл диқэл пала тутэ?

⁴ Спэрва о Иегова дя амэнди кацави обещяния: «На дар, важ кода кай мэ туса»e. Сар о Иегова сыкавэл, кай во амэнца? Во фартэ любий и шол бари сама пар мэндэ. Сар дицол анда Исаия 43:4, во жалуий амэн анда оди. О Дэл ԥэнэн: «Ту куч андэ мэрнэ яқа, ту ашэс, кай мэ тэ став патив пэр тутэ, и мэ тут любисарав» (Исаия 43:4). Нисаво зор пэ люма на заставия лэ Иеговас, кай во будэр тэ на любий кодэлэн, ко лэсти служый. Нисо на стерэла кадя, кай во тэ ашавэл амэн (Исаия 54:10). Ай лэстири любовь и дружба дэл амэнди зор, кай нисостар тэ на дарас. Во фэрий амэн адес, сар варикала фэрияс пэстирэ друӷос лэ Аврамос (Авраамос). О Иегова ԥэндя лэсти: «На дар, Аврам. Мэ щито важ тутэ» (Бытие 15:1).

5, 6. а) Катар амэ ӷанас, кай о Иегова камэл тэ дэл амэнди зор, кала амэндэ ԥаримос? б) Сости амэ сытювас кай и Ёсико?

⁵ Амэ ӷанас, кай о Иегова камэл тэ дэл амэнди зор, кала амэндэ ԥаримос. Во дэл алав пэстирэ народости: «Кала ту прожаса через и пая, мэ авава туса, кала лэса тэ пэрэжас и лэна, вонэ на затасавэна тут. Кала жаса через и яг, вой на ԥабарэла тут, и пламя на опсмалия тут» (Исаия 43:2). Со сыкавэн кадэла алава?

⁶ О Иегова на ԥэнэн, кай улэла вся о ԥаримос, саво исин андэ амари жызня. Но во и на домэкэла, кай о ԥаримос тэ затасавэл амэн, сар о баро паи. Во на домэкэла, кай амэ тэ хасарас и вечно жызня через о ԥаримос, саво, сар яг. О Иегова дэл алав, кай во авэла амэнца, кала амэнди прижалапэ тэ пэрэжувас о ԥаримос. Во поможыя амэнди тэ улас и дар, кай амэ тэ на ашавас лэс, дажэ англа смэрть (Исаия 41:13). И Ёсико пэ пэстири жызня диқля, кай када чачимос. Акэ, со росԥэнэн латири щей: «Амэ фартэ дасас наздив, пэ скати дэ спокойно сас амари дэй. Дицолас, кай о Иегова терэлас, кай лати по ди тэ авэл вушэро. И мама жы кай пэстири смэрть росԥэнэнас всаворэнди андэ больница пала Иегова и пала лэстирэ обещянии». Сости амэ сытювас кай и Ёсико? Амэндэ вижала тэ авас смили и зоралэ андо ԥаримос, если амэ патяс, кай о Иегова амэнца.

«МЭ ТИРО ДЭЛ»

7, 8. а) Сави дуйто обещяния ԥэндя о Иегова и сар ла тэ полас? б) Васо о Иегова ԥэндя лэ евреёнэнди, савэ трэбуй сас тэ попэрэн андо плено, кай вонэ тэ на пэрэжывают? в) Савэ алавэндар анда Исаия 46:3, 4 кай лэ Дэвлэско народо по ди ашэля май вушэро?

⁷ Андо 2013 бэрш и ԥрала пэрэдиқлэ и «Библия. Нэвэ мироско переводо» пэ английско шыб и важ када о стихо анда Исаия 41:10 пэрэандярдэ кадя: «Нэ пэрэжывай, важ кода кай мэ тиро Дэл». Но пэ шыб, пэ сави сас пэрво разо пистромэ кадэла алава, сас пистромэ кадя: «На дик па рига даратар, важ кода кай мэ тиро Дэл». Подаса дума пала кадэва алав, саво дя о Иегова. Сар тэ полас кадэва алав? И алава «тэ диқэс па рига» сыкавэн, кай о мануш «обдиқэлпэ па рига, важ кода кай дарал тэ на терэлпэ лэса бида» чи «кала попэля андэ бида и даратар обдиқэлпэ па рига, важ кода кай на ӷанэн, со тэ терэл».

⁸ Васо о Иегова ԥэндя лэ евреёнэнди, савэнди прижалапэ тэ авэн андо плено, андо Вавилоно, кай вонэ тэ на пэрэжывают? Важ кода кай во ӷанэнас, кодэла, ко жувэнас андо Вавилоно, лэна тэ даран. Состар вонэ дарана? Сар прожана и 70 бэрш, кала и евреёря авэна андо вавилонско плено, по форо Вавилоно сас трэбуй тэ дэн зоралэ мидо-персидски воиноря. О Иегова через лэндэ камэлас тэ освободий лэ евреёнэн анда плено (Исаия 41:2—4). И со линэ тэ терэн и вавилоняноря, ай кадяжэ и мануша анда авэр народоря, кала уӷанглэ, кай кадэва войско ужэ пашэ? Вонэ линэ тэ подритярэн ек аврэс кацавэ алавэнца: «Ритярдю». Кадяжэ вонэ линэ тэ терэн инке май бут идолонэн, кай гиндонас вонэ лэн фэрина (Исаия 41:5—7). Но и евреёря, савэ сас андо плено, андэ кадэя жэ время, сас спокойни. Васо? Вонэ сэрэнас пала лэ Иеговастирэ алава: «Ай ту Израилё, [най сар и сосидни народоря], ту мэрно служытелё... [...] На дик па рига даратар, важ кода кай мэ тиро Дэл» (Исаия 41:8—10). Лэ алавэнца «Мэ тиро Дэл» о Иегова камля тэ подритярэл пэстирэ служытелёнэн, савэ на парашэнас лэс тэ кандэн. Во камля тэ ԥэнэн, кай во на бистэрдя лэн. Во жы кай кодэя время сас лэнго Дэл, ай вонэ лэстирэ народоса. О Иегова ԥэндя лэнди: «Лава тэ ԥиравав тумэн... и тэ фэрисарав». Кадэлэ алавэндар и евреёря, савэ сас андо плено, линэ зор. (Адиносар Исаия 46:3, 4f.)

9, 10. Васо амэнди на трэбуй тэ дарас? Росԥэнэн пала Пава и пала Артуро.

⁹ Адес, сар никала, и мануша пэрэжывают, важ кода кай андэ люма ашэл май ԥарэс. Кадяжэ и амэндэ исин кацаво ԥаримос. Но амэнди на трэбуй тэ дарас, важ кода кай о Иегова ԥэнэн: «Мэ тиро Дэл». Васо кадэлэ алавэндар амэ ашаспэ спокойни?

¹⁰ Подаса дума пала Пава и пала Артуро, савэ вурян по самолёто. Анда динамико ашундёл о ӷолосо: «Мангас тумэн, шон и ремнёря пэр пэстэ. Амаро самолёто провурял и зона турбулентности (када, кай стидэнпэ фартэ калэ тучи). О Пава лэл тэ нервичий. И катэ анда динамико упалэ ашундёл о ӷолосо: «Ԥэнэн о командиро лэ самолётоско. Вся драго, мишто. Мангав тумэн, на даран!». Но о Пава ԥэнэн: «Вушэро тэ ԥэнэс!». Лэ алавэндар, савэ ԥэндя о пилото, лэ Павасти на ашэля май спокойно. О Пава шутя сама, кай о Артуро ни пала со нэ пэрэжывает и пушэл лэстар: «Ту со, на дарас?». О Артуро дя тэ асал и ԥэндя: «Най, важ кода кай мэрно дад командиро андо самолёто. Кала ту уӷанэса, саво во опытно пилото, ту кадяжэ парашэса тэ дарас».

11. Сости амэ сытювас кодэлэстар, со сас лэ Паваса и лэ Артуроса?

¹¹ Сости амэ катар сытювас? Сар и о Артуро, амэ на подаспэ ла дарати, важ кода кай амэ драго ӷанас амарэ небеснонэ дадэс, лэ Иеговас. Амэ патяс, кай во поможыя амэнди тэ прожас через о ԥаримос, сар через и фартэ калэ тучи. О ԥаримос кадэва, важ кода кай амэ жувас андэ послидни деса (Исаия 35:4). Кала амэ патяс лэ Иеговасти, амэ ашаспэ спокойни. Но андэ кадэя жэ время и мануша, савэ на ӷанэн лэ Иеговас, фартэ даран (Исаия 30:15). Андэр со амэ инке шаспэ по Артуро? Амэ росԥэнас лэ манушэнди, васо вонэ моӷут тэ патян лэ Дэвлэсти и кадяжэ тэ патян, кай о Иегова поможыя лэнди андэ любо бида.

«МЭ ДАВА ТУТИ ЗОР, ПОМОЖЫСАРАВА ТУТИ»

12. а) Пала сави обещяния амэ акана подаса дума? б) Пала со дэн тэ сэрас и алава «лэ Иеговаско вас»?

¹² Акана подаса дума пала трито лэ Иеговастири обещяния, сави запистросардя о Исаия: «Мэ дава тути зор, поможысарава тути». Май англал, андэ пэстири книӷа, о Исаия пистросардя, сар о Иегова дэла зор пэстирэ народости: «О Иегова зорало, и пэстирэ вастэса во лэла тэ правий кадя, сар во камэл» (Исаия 40:10). Кала андэ Библия пистромэ пала вас, када сыкавэл о зор. Важ када и алава «пэстирэ вастэса во лэла тэ правий» дэл тэ сэрас, кай о Иегова фартэ зорало царё. Важ кода кай лэстэ исин кацаво зор, во подритярэлас и поможыяс пэстирэ служытелёнэнди андэ дэлмутни время. Кадяжэ во и адес фэрий и дэл зор кодэлэнди, ко лэсти патял (Второзаконие 1:30, 31; Исаия 43:10).

13. а) Кала о Иегова инке май фартэ камэл тэ дэл зор амэнди? б) Савэ лэ Иеговастирэ алава дэн амэнди зор май бут тэ патяс?

¹³ О Иегова дэл амэнди зор май бут, кала амэн ӷонин важ и вера. Андэ дэсавэ страны амарэ вороӷоря жан пэ вся, кай амэ тэ парашас тэ росԥэнас важ о Дэл и кай тэ заԥандавэн амари арӷанизацыя андэ пэстири страна. Но амэ на дарас, важ кода кай екжэно о Иегова ԥэндя: «Ни ек оружыя, сави стердэ против тутэ, на вицэлэла» (Исаия 54:17). Кадэла алава дэн амэнди зор и дэн инке май фартэ тэ патяс лэ Иеговасти. Кадяжэ анда кадэла алава амэ можэм тэ полас трин важни маменторя.

14. Васо амэ на дас наздив, кай и вороӷоря жан пар мэндэ?

¹⁴ Пэрво, со амэ полас. Амэ, сар лэ Христостирэ ученикоря, полас, кай амэн лэна тэ нэнавидят (Матфея 10:22). О Иисусо ԥэндя, кай андэ послидни деса лэстирэ учениконэн лэна фартэ тэ ӷонин (Матфея 24:9; Иоанна 15:20). Дуйто, со амэ полас. Андо пророчество, саво пистросардя о Исаия, ԥэнэнпэ, кай амарэ вороӷоря най просто лэна амэн тэ нэнавитят. Но лэндэ авэла против амэндэ разно «оружыя». Када, кала амарэ вороӷоря хохавэн пар мэндэ, терэн кадя, кай всаворэ мануша тэ гиндон пала амэндэ вэрыто чи кала холяса ӷонин амэн (Матфея 5:11). О Иегова на лэла тэ тердярэл амарэ вороӷонэн, кай вонэ кадэла «оружыяса» тэ жан войнаса против амэндэ (Эфесянам 6:12; Откровение 12:17). Но амэнди на трэбуй тэ дарас. Васо?

15, 16. а) Сави трито обещяния амэ трэбуй тэ сэрас и сар пала када пистромэ андэ Исаия 25:4, 5? б) Со авэла кодэлэнца, ко жал против амэндэ, сар пистромэ андэ Исаия 41:11, 12?

¹⁵ Трито, со амэ полас. О Иегова ԥэндя, кай «нисави оружыя» против амэндэ, «на вицэлэла». Сар и стина фэрий амэн лэ барэ брышындэстар ла балваляса, кадя о Иегова фэрий амэн лэ вороӷонэндар. (Адиносар Исаия 25:4, 5g.) Важ када амарэ вороӷонэндэ на вижала тэ стерэн кадя, кай амэндэ тэ на авэл вечно жызня (Исаия 65:17).

¹⁶ Со о Иегова инке терэл, кай амэ май фартэ тэ лас лэсти тэ патяс? Во драго росԥэндя, со авэла кодэлэнца, ко холявэн пар мэндэ. (Адиносар Исаия 41:11, 12h.) Со бы тэ на терэн амарэ вороӷоря против амэндэ, всаек всаворэ лэ Дэвлэстирэ народостирэ вороӷоря «хындёна и лэндар нисо на ашэлапэ».

СО ТЭ ТЕРАС, КАЙ МАЙ ФАРТЭ ТЭ ПАТЯС ЛЭ ИЕГОВАСТИ?

17, 18. а) Сар кода, кай амэ адиносарас и Библия, поможый амэнди инке май фартэ тэ патяс лэ Иеговасти? Росԥэнэн пала пастухо. б) Васо авелоп драго тэ гиндосарас пала стихо по 2019 бэрш?

¹⁷ Кай андэ вся тэ патяс лэ Иеговасти, трэбуй май драго пала лэстэ тэ уӷанас. Ай важ када трэбуй тэ адиносарас и Библия, тэ полас, со адиносарас и тэ гиндосарас пала када. Андэ Библия пистромэ, сар о Иегова фэрияс пэстирэ народос андэ дэлмутни время. Через када амэ лас инке май фартэ тэ патяс, кай о Иегова заботияпэ и пала амэндэ.

¹⁸ О Исаия пистрой кадя, ԥэнэса, рисуий и картинка. Во росԥэнэн, сар о Иегова амэн фэрий. Во ԥэнэн, кай о Иегова, сар о пастухо, ай лэстирэ служытеля, сар бакрорэ. О пророко ԥэнэн пала Иегова: «Во екжэно лэла тэ стидэл лэ бакрорэн и тэ ԥиравэл лэн пэ пэско колин» (Исаия 40:11). Кала амэ адиносарас, кай о Иегова ритярэл амэн андэ пэстирэ састэ вас, амэ полас, кай во амэн фэрий и улэл и дар. О верно и блаӷоразумно рабо камэл, кай амэ тэ на дарас, хоть амэндэ и бут ԥаримос. Важ када во витидя по 2019 бэрш и алава анда Исаия 41:10: «Нэ пэрэжывай, важ кода кай мэ тиро Дэл». Гиндон пала кадэла алава. Вонэ подритярэна тумэн и дэна зор, кала тумэндэ авэла ԥаримос.