СТАТЬЯ, КАЙ ТЭ СЫТЮВАС 33
О Дэл спасый кодэлэн, ко ашунэн тумэн
«Вся и время дик пала пэстэ и пала кода, сар ту сытярэс. На параш када тэ терэс. Кала кадя терэса, фэриса и пэс, и кодэлэн, ко тут ашунэн» (1 ТИМОФЕЮ 4:16).
ДИЛИ 67 «Проповедуй слово»
ПАЛА СО УӶАНАСА АНДА СТАТЬЯ?a
1. Со амэ камас важ пэско ери?
АКЭ СО ԥэнэн и ԥэй, савя ақарэн Полинb: «Кала мэ уӷанглэм о чачимос, мэ закамлэм, кай всаворэ мэрнэ чаче тэ жувэн манца андо раё пэ ԥув. Но май фартэ мэ камавас тэ служысарав лэ Иеговасти пэстирэ хуласа лэ Уэйномоса и мэрнэ шавэса». Ай тумэндэ исин андо ери, ко инке на ӷанэн лэ Иеговас? Файма, тумэндэ кадяжэ по ди, сар кай и Полин.
2. Пала со амэ подаса дума андэ кадэя статья?
2 Амэ камас, кай амаро ери тэ прилэл и лащи весть, но тэ застависарас лэн, када най андэ амаро зор. Но амэ можэм лэнди тэ поможысарас тэ погиндон пала кода, со пистромэ андэ Библия. Кадя вонэ можэт закамэна тэ прилэн о чачимос андэ пэско ди (2 Тимофею 3:14, 15). Васо амэ трэбуй тэ росԥэнас важ о Дэл лэ ерести? Васо трэбуй тэ шас сама пэ кода, со лэндэ по ди? Сар тэ поможысарас лэнди тэ полюбин лэ Иеговас кадя, сар амэ любисарас лэс? И сави помощь можэт тэ дэл и собрания?
ВАСО ТРЭБУЙ ТЭ РОСԤЭНАС ВАЖ О ДЭЛ ЛЭ ЕРЕСТИ?
3. Васо, сар пистромэ андэ 2 Петра 3:9, амэнди трэбуй тэ росԥэнас важ о Дэл лэ ерести?
3 Йто о Иегова улэла кадэва найлашо миро. Пэ ԥув ашэнапэ кати кодэла, «кас цырдэлас каринг о чачимос, саво дэл вечно жызня» (Деяния 13:48). Амэ отдас бут время и о зор, кай и мануша, савэн амэ на ӷанас, тэ уӷанэн лэ Иеговас. Но май фартэ амэ камас, кай о чачимос тэ прилэл амаро ери. О любящё небесно Дад о Иегова «на камэл, кай варико тэ мэрэл, но камэл, кай всаворэ тэ каинпэ пала кода, со най кадя стердэ». (Адиносар 2 Петра 3:9c.)
4. Пала со амэ дэкала бистрас?
4 Трэбуй тэ сэрас, кай исин, сар трэбуй тэ росԥэнас и весть, ай сар на трэбуй. Лэ манушэнца, савэн амэ на ӷанас, амэ андярас пэс пативалэс. Ай лэ ереса амэ бистрас тэ дас дума пативалэс и дас дума ворта.
5. Пала со трэбуй тэ сэрас англа кода, сар тэ дас дума лэ ереса пала чачимос?
5 Бут ко андэр мэндэ жалуий пала кода, сар во май англал дэлас дума лэ ереса пала чачимос. Акана амэ стердоп совсем па аврятэ. О апостоло Павло пистросардя лэ христианонэнди: «Сар о хамос вкусно лонэса, мэк и дума тумари вся и время авэла приятно, кай тумэ тэ ӷанэн, сар тэ дэн дума кажнонэса» (Колоссянам 4:5, 6). На ласа тэ бистрас пала кадэла алава, кала росԥэнас лэ ерести важ о Дэл. Тоди амэндэ вижала кадя тэ росԥэнас о чачимос, кай вонэ закамэна тэ уӷанэн, ай най тэ одмарас лэ чачимастар.
САР ТЭ ПОМОЖЫСАРАС ПЭСТИРЭ ЕРЕСТИ?
Кода, сар тумэ пэс андярэн, и сар тумэ шон сама, со по ди кай о ери, сыкавэл, касти тумэ служын (Диқэн и абзацоря 6—8.)h
6, 7. Со сыкавэл, кай амэ трэбуй тэ полас, со по ди кодэлэндэ андо ери, ко на служый лэ Иеговасти? Росԥэнэн пала ԥэй.
6 Полэн, со лэндэ по ди. И Полин, пала сави сас пистромэ май упрэ, росԥэнэн: «Спэрва мэ пэстирэ хуласа камавас тэ дав дума кати ек пала Дэл. Ай пала кода, со трэбуй важ и жызня, амэ на дасас дума». Но лако хулай о Уэйно най фартэ ӷанэнас и Библия и на полэлас, со вой камэлас лэсти тэ ԥэнэн. Лэсти здэласпэ, кай ла Полинати нисо на трэбуй, кроме латири вера. Во дажэ гиндояс, кай вой попэля андэ опасно секта и лати замарэн о шэро.
7 И Полин росԥэнэн, кай вэчэронэнца и пэ выходни вой май бут проандярэлас и время лэ Дэвлэстирэ народоса. Вой авэлас лэндэ тэ побэшэл, ԥирэлас пэ собрания и росԥэнэнас важ о Дэл. Инке вой ԥэнэн, кай дэкала сас кацаво, кай о Уэйно авэлас цэрэ, ай лэс нико на аштярэлас. Во гиндояс, кай никасти на трэбуй. Канешно, лэ Уэйности камэласпэ, кай и хулаи и о шаво тэ авэн паша лэстэ. Но во на ӷанэнас, каса вонэ проандярэн и время. Акана лэсти здэласпэ, кай нэвэ друӷоря ашэлэ важ лэстири хулаи май куч, чем во. О Уэйно ԥэнэнас, кай розжалапэ ласа. Сар тумэ гиндон, со трэбуй сас тэ терэл и Полин, кай тэ полэл, со по ди кай о Уэйно?
8. Со, сар пистромэ андэ 1 Петра 3:1, 2, май фартэ чалёла амарэ ерести?
8 На бистрэн, тумари дила май бут сыкавэла, чем и алава. Май часто о ери шол сама най пэ кода, сар амэ дас дума, ай пэ кода, сар амэ пэс андярас. (Адиносар 1 Петра 3:1, 2d.) Када поля и Полин. Вой росԥэнэн: «Мэ ӷанавас, кай о Уэйно амэн любий и па чачимастэ на камэл тэ розжалпэ. Но кода, кай во ля тэ дэл дума, кай розжалапэ манца, поможысардя манди тэ полав, кай трэбуй тэ терав кадя, сар ԥэнэн о Иегова. Ӷлавно сас най тэ росԥэнав лэ хуласти важ о Дэл, ай тэ андярав пэс правильно». И Полин будэр на домардёлас, кай тэ дэл дума пала Библия. Ай акана дэлас дума лэ Уэйноса пала кода, со трэбуй важ о ери. О Уэйно шутя сама, кай и хулаи ашэля май спокойно, ай о шаво ашэля май кандино (Притчи 31:18, 27, 28). О Уэйно додиқля, сар дэ драго вонэ паруделэ через и советоря анда Библия, и ля тэ приашундёл каринг и Библия (1 Коринфянам 7:12—14, 16).
9. Васо на трэбуй тэ умэкас и вас?
9 На умэкэн и вас. Амэнди трэбуй тэ сытювас лэ Иеговастар. Во «упалэ и упалэ» дэл лэ манушэнди тэ прилэн и лащи весть и тэ аштярэн и вечно жызня пэ ԥув (2 Летопись 36:15). О апостоло Павло ԥэнэнас лэ Тимофеёсти, кай во тэ на умэкэл и вас, кай тэ поможый лэ манушэнди. Васо? Важ кода кай, кала во кадя терэла, во фэрия и пэс, и кодэлэн, ко лэс ашунэна (1 Тимофею 4:16). Амэ любисарас амарэ ерес, важ када камас, кай вонэ тэ уӷанэн о чачимос анда Библия. Прожыля время и ла Полинатирэ алава и кода, сар вой пэс андярэлас, андэ́ лашимос. Акана, вой фартэ лошали тэ служый лэ Иеговасти пэстирэ хуласа. Вонэ лэдуй пианероря, ай инке о Уэйно ашэля старейшына.
10. Васо амэнди трэбуй тэ ӷанас тэ аштярас?
10 Ӷанэн тэ аштярэн. Лэ ерести можэт тэ авэл ԥарэс тэ присытён, кай амэ акана жувас па лэ Дэвлэско законо. Май йто вонэ шон сама пэ кода, кай амэ будэр на терас празникоря и на ӷуляс андэ политика. Дэко анда ери моӷут дажэ тэ холявэн пар мэндэ (Матфея 10:35, 36). Но амэ трэбуй тэ патяс, кай вонэ полэна. Если амэ парашаса тэ росԥэнас, андэр со амэ патяс, вижал амэ виандярас лэнди о приӷоворо, кай вонэ на ашэн тэ жувэн вечно. Но о Иегова на стодя, кай амэ тэ авас сындомаря. Во отдя кадэва сындо андэ лэ Иисусостирэ вас (Иоанна 5:22). Если амэ ӷанас тэ аштярас, амаро ери, файма, закамэна тэ ашунэн и весть анда Библия. (Диқэн и рамка «На бистрэн пала амаро сайто».)
11—13. Сости амэ можэм тэ сытювас кай и Элис?
11 На холявэн, и на домэкэн, кай тумаро ери тэ парувэл тумарэ гиндоря (Притчи 15:2). Акэ со сас ла Элисаса. Вой уӷангля важ о Иегова, кала жувэлас дур лэ дадэстар и ла датар. Андэ кодэя время лако дад и дэй фартэ бут залэнаспэ ла политикаса, и на патянас андо Дэл. И Элис полэлас, кай лати со май йто трэбуй тэ росԥэнэн пэстирэ родителёнэнди пала чачимос, саво вой уӷангля анда Библия. И Элис ԥэнэн: «Если тэ цырдэс и время и тэ на росԥэнэс сразу, пала кода со ту уӷанглян нэво, тоди инке май ԥарэс авэла лэ ерести». Вой пистрояс лэ родителёнэнди письморя, андэ савэ вой пистрояс пала кода, со лэнди авэла интересно, например «Со када любовь?» (1 Коринфянам 13:1—13). И Элис андэ письморя блаӷодарияс лэ дадэс и ла да, важ кода кай драго диқэнас пала латэ и драго ла вибарярдэ, ай инке бишалдя лэнди подаркоря. Кала вой авэлас кай пэстирэ родителя, вой поможыяс тэ прилэл па цэр. Спэрва лэ родителёнэнди на чалёлас кода, андэр со вой акана патял и со росԥэн.
12 Кала и Элис авэлас кай пэстирэ родителя, вой на промэкэлас тэ адиной и Библия, сар присытеля. И Элис ԥэнэн: «Через када мэрни дэй поля, сар дэ куч важ мандэ кадэя книӷа». Тоди лако дад закамля май бут тэ уӷанэн важ и Библия, кай тэ полэл, васо лэсти щей ля тэ гиндой па аврятэ, ай кадяжэ, кай тэ арақэл андэ Библия ошыбки. Ай инке и Элис ԥэнэн: «Мэ подарисардэм лэсти Библия и пистросардэм андэр латэ лэсти лашэ алава». Со анда када вижыля? О дад на виарақля андэ Библия ни ек ошыбка, ай кода, со во проадиносардя, ля лэс лэ одестар.
13 Амэнди трэбуй тэ на холявас и тэ на домэкас, кай амаро ери тэ парувэл амарэ гиндоря, кала амэндэ ԥаримос (1 Коринфянам 4:12б). Например, и дэй холявэлас пэ Элис. Вой росԥэнэн: «Кала мэ болделэм и дэй ԥэндя пэр мандэ, кай мэ найлащи щей». Со тердя и Элис? Вой ԥэнэн: «Мэ на парашэлэм тэ дав дума пала када ласа, ай пативалэс росԥэндэм, кай мэ витидэм важ пэстэ тэ авав лэ Иеговаско свидетелё и на камав када тэ ашавав. Мэ старысававас тэ сыкавав ла дати, кай фартэ ла любисарав. Амэ лэдуй розровдямпэ, и мэ гитосардэм лати лашо хамос. Кодэла времятар мэрни дэй ля тэ полэл, кай и Библия поможый манди тэ авав май лащи».
14. Васо трэбуй тэ на помэкэспэ, кала тасавэл о ери?
14 Трэбуй тэ прожал время, кай о ери тэ полэл, сар дэ куч важ амэндэ тэ служысарас лэ Иеговасти. Кала и Элис витидя тэ ашэл пианеро и отԥэнделя ла бутятар, через сави вой моӷла тэ авэл барвали, лати дэй упалэ ля тэ ровэл. Но и Элис на парудя пэстирэ гиндоря. Вой ԥэнэн: «Если ту еқвар помэкэсапэ, тоди тиро ери лэла тэ тасавэл пэр тутэ и андэ авэр варисо. Кала ту тердёс пэ пэско и андэ кодэя жэ время обжаспэ лэнца драго, варико андар лэндэ можэт тут тэ виашунэл». Кай и Элис кадя и вижыля. Акана латирэ родителя служын пианеронэнца, ай лако дад инке и старейшына.
СОСА МОЖЭТ ТЭ ПОМОЖЫЙ И СОБРАНИЯ?
Сар и собрания можэт тэ поможый кодэлэнди, ко на служый лэ Иеговасти анда амаро ери? (Диқэн и абзацоря 15, 16.)i
15. Сар и лашэ дилы, савэ терэн и мануша андэ собрания, сар пистромэ андэ Матфея 5:14—16 и 1 Петра 2:12, поможына амарэ ерести?
15 О Иегова терэл кадя, кай лэ манушэн тэ цырдэл каринг лэстэ через и лашэ дилы, савэ терэн и мануша андэ христианско собрания. (Адиносар Матфея 5:14—16e; 1 Петра 2:12f.) Если тиро хулай чи хулаи на служын лэ Иеговасти, ӷанэн вонэ варикас андэ тумари собрания чи най? И Полин, пала сави сас пистромэ май англал, ақарэлас пэстэ тэ побэшэн лэ манушэн анда собрания, кай тэ уӷанэн латирэ хулас. О Уэйно росԥэнэн, сар ек ԥрал поможысардя лэсти тэ улэл и вэрыти гиндоря пала лэ Иеговастирэ свидетеля. Во росԥэнэн: «Кадэва ԥрал ля пэ бути выходно, кай тэ диқэл манца о футболо. И мэ погиндосардэм пала лэстэ: „Ай во муршари!“».
16. Васо трэбуй тэ ақарэс лэ ерес пэса пэ собрании?
16 Инке, сар тэ поможысарас амарэ ерести, када тэ ақарас лэн амэнца пэ собрания (1 Коринфянам 14:24, 25). Пэрво разо, кала о Уэйно жыля пэ собрания, када сас о Вэчэро, кай сэрэн пала лэ Иисусостири смэрть. Во жыля, важ кода кай и собрания прожалас вэчэром, кала лэстэ ужэ на сас бути и вой жалас найдолӷо. О Уэйно росԥэнэн: «Мэ на полэм, пала со котэ дэнас дума, но манди чалелэ и мануша. Вонэ поджанас каринг мандэ, доровкыинаспэ вастэстар и пушэнас, сар ман ақарэн. Дицолас андэ вся, кай вонэ када терэн анда оди и вонэ лашэ мануша». Ек ери фартэ драго обжаласпэ ла Полинаса. Кадэла ԥрал и ԥэй поможынас лати и латирэ шавэсти пэ собрании и андэ служэнии. Важ када, кала о Уэйно закамля май драго тэ уӷанэн, андэр со патял и Полин, во мангля, кай кати кадэва ԥрал тэ сытярэл лэс па Библия.
17. Андэр со на трэбуй пэс тэ дошалярэс и васо на трэбуй тэ умэкэс и вас?
17 Амэ надеисавас, кай вся амаро ери кадяжэ лэна тэ служын лэ Иеговасти. Но сар амэ тэ на старысавас, вонэ моӷут и тэ на прилэн о чачимос. Если кацаво авэла, на дошалярэн пэс. На вижала тэ заставис лэ манушэс тэ патял андэ кода, андэр со патяс и амэ. И всаек амэнди на трэбуй тэ умэкас и вас, ай трэбуй тэ сыкавас, кай вонэ тэ диқэн, савэ амэ бахталэ, кай служысарас лэ Иеговасти. Мангэнпэ важ лэндэ. Дэн дума лэнца анда оди. На умэкэн и вас! (Деяния 20:20). Патян, кай о Иегова блаӷословия тумэн, кай стон зор. Ай если тумаро ери закамэла тумэн тэ ашунэл, тоди о Дэл лэн спасыя!
ДИЛИ 57 Проповедуем людям всякого рода
a Амэ камас, кай амаро ери тэ уӷанэн лэ Иеговас. Но када трэбуй тэ авэл лэндири ришэния. Андэ кадэя статья амэ подаса дума, со тэ терас, кай лэнди тэ авэл май вушэро тэ прилэн о чачимос.
b Дэсавэн манушэн на ақарэн кадя, сар катэ пистромэ.
c 2 Петра 3:9: «О Иегова на цырдэл и время, кай тэ стерэл кода, пала со дя алав, сар дэсавэ гиндон. Во аштярэл тумэн, важ кода кай на камэл, кай варико тэ мэрэл, но камэл, кай всаворэ тэ каинпэ пала кода, со най кадя стердэ».
d 1 Петра 3:1, 2: «Кадяжэ тумэ, жувля, кандэн пэстирэ хулан, кай кодэла, ко на терэн па лэ Дэвлэско алав, би алавэнго тэ патян андэр лэстэ, через кода, кай тумэ драго андярэн пэс и кандэн лэн».
e Матфея 5:14—16: «Тумэ свето андо миро. О форо, саво тердёл по плай, лэс на гаравэса. Кала дэн яг и лампа, ла стон най тала корзина, ай пэ подставка, и вой светий андэ вся цэр. Кадя и тумаро свето мэк светий англа мануша, кай вонэ тэ диқэн тумарэ лашэ делоря и тэ терэн кадя, кай тумаро Дад, саво жувэл по нэбо, тэ авэл ашунгло».
f 1 Петра 2:12: «На парашэн тэ андярэн пэс драго машкар авэр народоря. И кала тумэн лэна тэ дошалярэн андо найлашимос, вонэ диқэна тумари лащи дила, и прославина лэ Дэвлэс андо дес, кала во сындоя».
g Пэ картинка. Тэрно ԥрал поможый пэстирэ дадэсти тэ терэл и машына. Андо удобно маменто о шаво сыкавэл видео па сайто jw.org®.
h Пэ картинки. И ԥэй драго виашунэл пэстирэ хулас, саво росԥэнэн, сар прожыля о дес пэ бути. Потом вой драго проандярэл о вэчэро лэ хуласа и лэ шавэса.
i Пэ картинки. И ԥэй ақардя цэрэ лэ манушэн анда пэстири собрания. Вонэ камэн май драго тэ уӷанэн латирэ хулас. Посли када во авэл ла хулаяса по Вэчэро, кай сэрэн пала лэ Иисусостири смэрть.