СТАТЬЯ, КАЙ ТЭ СЫТЮВАС 41
На парашэн тэ кандэн лэ Дэвлэс, кала авэла и «само бари бида»
«Любин лэ Иеговас, всаворэ, ко кандэн лэс! О Иегова фэрий кодэлэн, ко на парашэл тэ кандэл лэс» (ПСАЛОМ 31:23).
ДИЛИ 129 Мы будем стойкими
ПАЛА СО УӶАНАСА АНДА СТАТЬЯ?a
1, 2. а) Со йто ԥэнэна всаворэ народоря? б) Пэ савэ вопросоря трэбуй тэ виарақас атветоря?
ПОГИНДОН, кай всаворэ страны ԥэндэ пала кода, со фартэ долӷо аштярэнас, кай ашэля «Мирно и безопасно». Файма, вонэ путён андэ кода, кай пэ ԥув кадя дэ мирно инке никала сас. И барэдэра анда политика камэн, кай амэ тэ патяс, кай вонэ диқэн пала вся. Ай па чачимастэ лэнди на дицола, со авэла сразу посли када! Важ кода, сар пистромэ андо библейско пророчество, тоди «пэр лэндэ дэла и бида» и вонэ «нисар на спасынапэ» (1 Фессалоникийцам 5:3).
2 Исин дэсавэ важни вопросоря, пэ савэ трэбуй тэ виарақас атветоря, када, со лэла тэ терэлпэ, кала авэла и «само бари бида»? Со аштярэла амэндар о Иегова? И сар амэнди ужэ акана тэ авас ӷотови, кай тэ на парашас тэ кандас лэ Дэвлэс, кала авэла и «само бари бида»? (Матфея 24:21).
СО ЛЭЛА ТЭ ТЕРЭЛПЭ, КАЛА АВЭЛА И «САМО БАРИ БИДА?»
3. Сар о Дэл розмарэла о Вавилоно Велико, сар пистромэ андэ Откровение 17:5, 15—18?
3 Адиносар Откровение 17:5b, 15—18c. «О Вавилоно Велико» авэла розмардо! Сар ужэ сас ԥэндо, кай и народоря на вижала тэ стерэн варисо кодэлэса, со лэла тэ терэлпэ андэ кодэя время. Васо? Важ кода кай лэ Дэвлэстар авеля «лэнди по ди гиндо, кай вонэ тэ стерэн кода, со во загиндосардя». Со када за гиндо? Када, кай тэ розмарэл и хохавнэ веры па вся и ԥув. Кардэ ужан и христиански верыd. О Дэл стола кадэва гиндо андо ди лэ «дэшэ роӷонэнди» лэ «лолэ зверёсти». Дэш роӷоря сыкавэн вся о зор, саво исин кай и политика, савэ подритярэн лэ «зверёс», када и ООН (Откровение 17:3, 11—13; 18:8). Кода, кай вонэ дэна пэ хохавнэ веры сыкавэла, кай залэлпэ и само бари бида. Кадэя бида на обжала ни еқэс манушэс пэ ԥув.
4. а) Васо и народоря дэна по Вавилоно Велико? б) Сар лэна тэ андярэн пэс и мануша, савэ сас андэ хохавнэ веры?
4 Амэ на ӷанас, васо и народоря дэна по Вавилоно Велико. Можэт када авэла через кода, кай и веры па вся и ԥув на дэна лэнди, кай вонэ тэ стерэн тэ авэл мирно и вся и время ӷаминапэ андэ политика. Или, через кода, кай андэ ҭана, кай тэлён лэ хохавнэ дэвлэнди, вонэ стидэ фартэ бут барвалимос (Откровение 18:3, 7). Када на сыкавэла, кай поумарэна всаворэ манушэн, ко андэ хохавнэ веры. Май йто и народоря розмарэна и ҭана, кай тэлён лэ хохавнэ дэвлэнди. Кала кадэла ҭана будэр на авэна, кодэла, ко кордэ ԥирэнас, полэна, кай барэ мануша анда веры обхохадэ лэн, и кода, со вонэ аштярэнас, нинай. И мануша, савэ ԥирэнас кордэ, файма, притерэнапэ, кай на ӷанэн кадэла хохавнэ веры.
5. Саво алав дя о Иегова, кала авэла и само бари бида и васо?
5 Андэ Библия най пистромэ, скати время лэна тэ розмарэн о Вавилоно Велико, но амэ точно ӷанас, кай када авэла найдолӷо (Откровение 18:10, 21). О Иегова дя алав, кай стерэла май скурти и деса, кала авэла и само бари бида, кай тэ спасый кодэлэн, кас во витидя и важ и чачуни вера (Марка 13:19, 20). Но со аштярэла амэндар о Иегова андэ кодэя время машкар кода, сар залэлапэ и само бари бида и война Армагеддоно?
САСТЭС РИТЯРДЁН ПАЛА ЧАЧУНИ ВЕРА
6. Васо амэнди трэбуй найпросто тэ мэкас вся, со ужал андэ хохавнэ веры?
6 Сар росԥэнэнаспэ андэ статья, сави сас май англал, о Иегова камэл, кай лэстирэ служытеля тэ мэкэн вся, со ужал андо Вавилоно Велико. Када най кати просто нисо амэндэ тэ на авэл, со исин андэ хохавнэ веры. Но амэнди инке трэбуй тэ тердювас пэ Иеговастири риг и састэс тэ ритярдювас андэ чачуни вера. Роздиқам дуй маменторя, сар амэ можэм када тэ стерас?
Никала на ашавам амарэ собрании, дажэ андэ ԥари время! (Диқэн о абзацо 7.)a
7. а) Со када тэ ритярас лэ Иеговаско вужо законо, кай тэ на авэл билажавардимос? б) Васо, сар пистромэ андэ Евреям 10:24, 25, и собрании фартэ трэбуй, ай май фартэ андэ амари время?
7 Пэрво, када трэбуй састэс тэ ритярас лэ Иеговаско вужо законо, кай тэ на авэл билажавардимос. Амэнди нащи тэ пэрэлас кода, сар гиндон и со цэнин андэ люма, савяса правий о Сатана. Например, амэнди на чалёл и амэ никала на подритяраса любо билажавардимос. Кардэ ужал, кала жэнинпэ мурш муршэса, жувли жувляса и кадяжэ, ко андярэл пэс кадя, сар кадэла мануша (Матфея 19:4, 5; Римлянам 1:26, 27). Дуйто, када трэбуй и май дур тэ тэлювас лэ Иеговасти еқэҭанэ лэ ԥралэнца и лэ ԥэянца, и амэнди всаек, кай прожан и собрании, андо зало, кай тидэнпэ лэ Иеговастирэ свидетеля, чи па цэра, чи инке варикай чоралэс. Со бы тэ на терэлпэ, амэ на парашаса тэ стидаспэ еқэҭанэ, кай тэ тэлювас амарэ Дэвлэсти. Кадэла собрании куч важ амэндэ «важ кода кай диқас, кай пашол кодэва дес». (Адиносар Евреям 10:24, 25e.)
8. Сар можэт тэ парудёл амари весть май англэ?
8 Андэ кодэя время, сар авэла и само бари бида, амэ ласа тэ росԥэнас ужэ авэр весть. Акана амэ росԥэнас лащи весть пала лэ Дэвлэско Царство и родас нэвэ учениконэн. Но тоди ласа тэ росԥэнас и весть, савятар авэла найдраго, сар лэ ӷрадостар (Откровение 16:21). Файма, амэ ласа тэ росԥэнас, кай точно авэла конец кодэлэсти, соса правий о Сатана. Прожала время и амэ поласа, пала со авэла кадэя весть и сар амэ ласа ла тэ росԥэнас. Ласа амэ и май англэ тэ росԥэнас весть кадя, сар росԥэнасас ужэ май бут чем шэл бэрш чи най? Или ласа тэ росԥэнас па аврятэ? Поаштярам и диқаса. Со бы тэ на авэл, амэ всаек ласа смило тэ росԥэнас пала лэ Иеговаско сындо! (Иезекииль 2:3—5).
9. Сар андярэла пэс о народо, кала амэ ласа тэ росԥэнас кадэя весть? Андэр со амэ можэм тэ патяс?
9 Амари весть можэт тэ холярэл лэ народос. Вонэ лэна тэ тасавэн пар мэндэ, кай амэ будэр никала тэ на росԥэнас кадэя весть. Амэ и акана нэ моӷли бы тэ служысарас би лэ Иеговастирэ зорэско. Кадяжэ и андэ кодэя время амэ на обжасапэ би лэстирэ зорэско. Амэ патяс, кай амаро Дэл, дэла амэнди зор тэ стерас кода, со во камэл (Михей 3:8).
ТЭ АВАС ӶОТОВИ, КАЙ ЙТО ПАР МЭНДЭ ДЭНА БИДАСА
10. Сар лэна тэ андярэн пэс и мануша, сар запистромэ андэ Луки 21:25—28, кала авэла и само бари бида?
10 Адиносар Луки 21:25—28f. Кала авэла и само бари бида, о миро фартэ пэрэдарала. Вонэ лэна тэ диқэн, сар кода, пэр со вонэ надеинаспэ и гиндонас, кай авэла вечно, лэла тэ росԥэрэлпэ. Вонэ лэна тэ мучинпэ и тэ даран важ пэсти жызня, важ кода кай авэл и само ԥари время важ и мануша (Софония 1:14, 15). Андэ кадэя время авэла ԥарэс дажэ кодэлэнди, ко служый лэ Иеговасти. Важ кода кай амэ никала на терасас кадя, сар терэнас и мануша андэ люма, савяса правий о Сатана, амэнди можэт тэ авэл ԥарэс. Файма, амэндэ на авэла дажэ кода, со трэбуй важ и жызня.
11. а) Васо всаворэ лэна тэ шон сама ек пэ Иеговастирэ свидетеля? б) Васо амэнди на трэбуй тэ дарас ла само баря бидатар?
11 Андо ек маменто и мануша лэна тэ холявэн, важ кода кай диқэна, кай лэ Иеговастирэ свидетеля на парашэн тэ служын лэ Дэвлэсти, ай лэндирэ веры будэр нинай. Кати представьте, сар вонэ лэна тэ холявэн и лэна када тэ ԥэнэн андо интэрнэто и па телевизоро. О народо и лэнго правителё о Сатана, вэрыцына амэн пала кода, кай амэ, лэ Иеговастирэ свидетеля, на парашас тэ служысарас лэ Дэвлэсти. Вонэ полэна, кай на домарделэ кода, со камлэ, када кай пэ ԥув тэ на авэл ни ек вера. Важ када вонэ всаворэ шона и сама ек пар мэндэ. Тоди, андэ кодэя время, и народоря ашэна Гого анда Магогоg. Вонэ стидэнапэ, кай анда вся холи и анда вся зор тэ дэн по Иеговаско народо (Иезекииль 38:2, 14—16). Канешно, сар кати ласа пала када тэ гиндосарас, амэ ласа пэрэжывать, важ кода кай на ӷанас, сар вся када авэла. Но амэ ӷанас ек, кай на трэбуй тэ дарас ла само баря бидатар. О Иегова ԥэнэна амэнди, со тэ терас, кай тэ спасысавас (Псалом 34:19). Амэ сможэм тэ тердювас ворта и тэ ваздас и шэрэ, «важ кода кай пашол... [амари] спасения»h.
12. Сар «о кандино и годявэрно рабо» сытярэл амэн каринг кода, со авэла англэ?
12 «О кандино и годявэрно рабо» сытярэл амэн, со тэ терас, кай тэ на парашас тэ кандас лэ Иеговас андэ само бари бида (Матфея 24:45). Важ када амэндэ бут со исин. Но сар примеро диқам, со сас пэ региональни канӷрэсоря, савэ сас андэ кодэя время, кала трэбуй и савэ прожанас андэ 2016 жы кай 2018 бэрша. И речи и видео пэ кадэла канӷрэсоря сытярдэ, кай тэ авэн амэндэ май бут лашэ качестворя, савэ авэна трэбуй амэнди англа лэ Иеговаско дес. Подам дума набут пала кадэла качестворя.
ТЕРЭН ВСЯ, КАЙ ТЭ НА ПАРАШЭН ТЭ КАНДЭН ЛЭ ДЭВЛЭС, ТЭ ВИРИТЯРЭН О ԤАРИМОС И ТЭ НА ДАРАН
Кай тэ пэрэжувас и «само бари бида», амэнди трэбуй тэ ӷотовимся ужэ акана (Диқэн и абзацоря 13—16.)b
13. Со тэ терас, кай никала тэ на парашас тэ кандас лэ Иеговас и васо када трэбуй ужэ акана?
13 На парашэн тэ кандэн. По канӷрэсо андо 2016 бэрш ԥэнэнас: «На парашэн тэ кандэн лэ Иеговас!». Пэ кадэва канӷрэсо амэ уӷанглям, кай тэ на парашас тэ кандас лэ Иеговас, амэндэ трэбуй лэса тэ авэл лащи дружба. Амэнди инке еқвар ԥэндэ, кай тэ пашувас каринг о Иегова поможыя молитва анда оди и драго тэ сытювас па Библия. Вся када дэл амэнди зор, кай тэ пэрэандярас дажэ само баро ԥаримос. Конец кодэлэсти, со исин андэ лэ Сатанастири люма пашол, важ када амэнди авэла май ԥарэс тэ на парашас тэ кандас лэ Дэвлэс и кода, сости сытярэл лэско Царство. Файма, амэндар на парашэна тэ асанпэ (2 Петра 3:3, 4). Можэт тэ авэл инке май ԥарэс через кода, кай трэбуй авэла тэ на залас никастири риг андэ политика. Кай тэ на парашас тэ кандас лэ Дэвлэс андэ само бари бида, амэнди трэбуй ужэ акана тэ терас вся, кай кадэва качество тэ авэл амэндэ вся и время.
14. а) Со парудёла кай и ԥрала, савэ диқэн пала лэ Дэвлэско народо? б) Васо андэ кодэя время амэ трэбуй тэ на парашас тэ кандас?
14 Кала авэла само бари бида, лэ ԥралэндэ, савэ диқэн пала лэ Дэвлэско народо, и жызня фартэ парудёла. Андэ ек маменто, всаворэ памазаникоря, савэ инке жувэн пэ ԥув, ужана по нэбо, кай тэ марэнпэ андэ война Армагеддоно (Матфея 24:31; Откровение 2:26, 27). Када сыкавэл, кай Руководящё совето ужэ на авэла амэнца пэ ԥув. И всаек, амэндэ андэ собрания авэла порядко. Тэ диқэн пала народо лэна и ԥрала, савэ драго када ӷанэн тэ терэн. Вонэ анда авэр бакрорэ. Амэ сыкаваса, кай подритярас лэ ԥралэн, кала кандаса лэн, и терас кода, со ԥэнэн лэнди о Дэл. Кадэлэстар дицола, жуваса амэ чи най.
15. Со тэ терас, кай май драго тэ виритярас о ԥаримос и васо када трэбуй тэ терас ужэ акана?
15 Виритярэн о ԥаримос. По канӷрэсо андо 2017 бэрш ԥэнэнас: «На сдэнпэ!». Котэ амэ сытювасас кодэлэсти, сар тэ виритярас о ԥаримос. Амэ уӷанглям, кай о ԥаримос трэбуй тэ виритярэн най кати андэ лащи время. Кай тэ виритярас о ԥаримос трэбуй анда вся тэ патяс лэ Иеговасти (Римлянам 12:12). На бистрам и алава, савэ дясас о Иисусо: «Ко виритярэла вся до конца, кодэва спасыяпэ» (Матфея 24:13). Анда лэстирэ алава дицол, кай амэнди трэбуй тэ на парашас тэ кандас лэ Дэвлэс, дажэ кала исин бут ԥаримос. Кала виритярас о ԥаримос акана, кадэлэса амэ сытювас каринг кодэя время, кала авэла и само бари бида.
16. Васо амэ можэм тэ на дарас и со тэ терас акана, кай тэ авас май смили?
16 На даран. По канӷрэсо андэ 2018 бэрш ԥэнэнас: «Авэн смили!». Во дя тэ сэрас, кай и смилость най кодэлэстар, скати о мануш ӷанэн. О мануш па чачимастэ авэла смило и виритярэла о ԥаримос тоди, кала анда вся патял лэ Иеговасти. Со дэла зор амэнди инке май фартэ тэ патяс лэ Иеговасти? Кажно дес тэ адиносарас и Библия и тэ гиндосарас пала кода, сар о Иегова спасыяс пэско народо андэ дэлмутни время (Псалом 68:20; 2 Петра 2:9). Андэ само бари бида, кала дэна по Дэвлэско народо, трэбуй авэла сар никала тэ патяс лэ Иеговасти и тэ на дарас (Псалом 112:7, 8; Евреям 13:6). Если амэ патяс лэ Иеговасти ужэ акана, тоди амэ на дараса, и виритяраса, кала дэла пар мэндэ о Гогоi.
ЛОШАВЭН, КАЙ ТУМЭ СПАСЫНАПЭ
Йто о Иисусо и лэско небесно армия лэна тэ зашонпэ пала лэ Дэвлэстирэ мануша андэ война Армагеддоно, кай тэ умарэн лэ Дэвлэстирэ вороӷонэн. (Диқэн о абзацо 17.)
17. Васо амэнди на трэбуй тэ дарас лэ Армагеддоностар? (Диқэн и картинка пэ обложка.)
17 Сар ужэ сас пистромэ андэ статья, сави сас май англал, бутэнди андар мэндэ прижыляпэ тэ жувас андэ кадэла послидни деса. Но амэ кадяжэ можэм тэ на мэрас и тэ пэрэжувас и само бари бида. Вся, со исин андэ лэ Сатанастири люма, фартэ страшно кончияпэ андэ война Армагеддоно. Но амэнди най состар тэ дарас, важ кода кай када авэла лэ Иеговастири война (Притчи 1:33; Иезекииль 38:18—20; Захария 14:3). Сар кати о Иегова ԥэнэна, о Иисус Христос лэ небеснонэ войскоса залэла тэ марэлпэ. Лэса еқэҭанэ лэна тэ марэнпэ и памазаникоря, савэ рисайлэ каринг и жызня и фартэ бут милионоря анӷелоря. Вонэ всаворэ лэна тэ марэнпэ лэ Сатанаса и лэ бэнгэнца и лэ халавдэнца, савэ пэ ԥув (Даниил 12:1; Откровение 6:2; 17:14).
18. а) Саво алав дэл о Иегова? б) Сар кода, со пистромэ андэ Откровение 7:9, 13—17, дэл амэнди тэ патяс андо лашимос, саво авэла англэ?
18 О Иегова дэл алав: «Ни ек оружыя, сави стердэ против тутэ, на вицэлэла» (Исаия 54:17). «И фартэ бут мануша» пэрэжувэна и «само бари бида». Кадэла служытеля, савэ на парашэна тэ кандэн лэ Иеговас, кадя и лэна тэ служын. (Адиносар Откровение 7:9j, 13—17k.) И Библия дэл амэнди тэ патяс андо лашимос, саво авэла англэ! Амэ ӷанас, кай «о Иегова фэрий кодэлэн, ко на парашэл лэс тэ кандэл» (Псалом 31:23). Всаворэ, ко любин и прославляют лэ Иеговас, лэна фартэ тэ радуинпэ, кала во стерэла, кай лэско свынто алав тэ авэл вужо лэ хохаимастар (Иезекииль 38:23).
19. Саво лашимос йто авэла?
19 Погиндон, сар авелоп пистромэ андэ 2 Тимофею 3:2—5, если тэ пистросардоп пала мануша, савэ лэна тэ жувэн андо раё пэ ԥув и пэр лэндэ на лэла тэ тасавэл о Сатана. (Диқэн и рамка «Савэ ашэна и мануша?».) О ԥрал о Джорджо Гангасоl, саво служыяс андо Руководящё совето, пистросардя пала када кадя: «Сави жэ лащи авэла и люма, кала всаворэ авэна ек еқэсти ԥрала и ԥэя! Йто тумэнди випэрэла кацави бах тэ жувэн андо раё пэ ԥув. Тумэ лэна тэ жувэн скати, скати жувэл о Иегова. Амэ жуваса вечно». Саво лашимос тоди амэндэ авэла, чаче?
ДИЛИ 122 Трэбуй састэ тэ авас!
a Амэ ӷанас, кай йто пэ всаворэ мануша дэла «само бари бида». Со када авэла важ амэндэ? Со амэндар аштярэла о Иегова? Савэ качестворя амэндэ трэбуй тэ авэн ужэ акана, кай тэ на парашас тэ кандас лэ Дэвлэс андэ кодэя ԥари время. Атветоря амэ виарақаса андэ кадэя статья.
b Откровение 17:5: «По чикат латэ сас пистромэ о алав, тайна, о Вавилоно Велико, дэй лэ роспутнонэ манушнянди и всаворэ гряцымасти пэ ԥув».
c Откровение 17:15—18: «Кадяжэ во ԥэндя манди: „О паи, саво ту диқлян, пэ саво бэшэл и роспутно манушни, сыкавэл, бут народоря, нацыи и разни шыба. И дэш роӷоря, савэ ту диқлян, и о зверё вэрыцына ла роспутнона манушня, вся латар одлэна и злэна пар латэ вся и йда. Вонэ схана пар латэ о мас и сԥабарэна ла андэ яг. Важ кода кай лэ Дэвлэстар авеля лэнди по ди гиндо, кай вонэ тэ стерэн кода, со во загиндосардя. Аврэ алавэса тэ стерэн кода, со вонэ загиндосардэ, када тэ отдэн пэско царство лэ зверёсти, пока на авэла кадя, сар ԥэндя о Дэл. И жувли, савя ту диқлян, када баро форо, саво хулаий пэ всаворэ царёря пэ ԥув“».
d РОСԤЭНЭНПЭ, САР ТЭ ПОЛАС О АЛАВ. И христиански веры, када кодэла веры, савэ ԥэнэн, кай вонэ полэн лэ Христос, но на сытярэн лэ манушэн тэ тэлён лэ Иеговасти кадя, сар во камэл.
e Евреям 10:24, 25: «Ай инке ласа тэ шас сама ек аврэс, кай через када авэр тэ закамэн тэ любин и тэ терэн лашимос. И тэ на промэкас и собрании, сар дэко ужэ присытеля каринг када, ай тэ подритярас ек аврэс. И тэ терас када инке май бут, важ кода кай диқас, кай пашол кодэва дес».
f Луки 21:25—28: «По қам, по шон и пэ черӷая авэна знакоря, ай пэ ԥув и народоря лэна тэ мучинпэ, и на ӷанэна каринг тэ жан, важ кода кай авэна фартэ барэ волны и моря лэла тэ рэвий. И мануша лэна тэ замэрэн даратар и кодэлэстар, со йто авэла пэ ԥув, важ кода кай дажэ кода, со по нэбо лэла тэ тинойпэ. И тоди вонэ додиқэна лэ манушыканэс Шавэс, саво жал андэ туча, зорало и ашунгло. Кала када лэла тэ терэлпэ, вивортонпэ, ваздэн и шэрэ, важ кода кай пашол тумари спасения».
g РОСԤЭНЭНПЭ, САР ТЭ ПОЛАС О АЛАВ. О Гого анда Магого (май скурто Гого), када коалицыя нацый, сави дэла пэ Иеговастирэ служытеля андэ само бари бида.
h Кай май драго тэ полэн, со авэла англа война Армагеддоно, проадинон и 21 ӷлава андэ книжка «Царство Бога правит!». Ай пала кода, кай дэла бидаса о Гого и пала кода, сар Иегова фэрия пэско народо андо Армагеддоно, можно тэ проадинон андэ ӷлавы 17 и 18 андэ книжка «Чистое поклонение Иегове восстановлено!» (англ.), ай кадяжэ андэ «Сторожэво башня» лэ 15 июлёстар 2015 бэршэстар, страницы 14—19.
i О канӷрэсо андо 2019 бэрш «Любовь никала на прожала» сытярэл амэн инке еқвар, кай о Иегова амэн вся и время фэрия (1 Коринфянам 13:8).
j Откровение 7:9: «Важ када мэ диқлэм и додиқлэм фартэ бутэ манушэн, савэн нико нэ моӷ тэ пэрэадиной. Кадэла мануша слинэ анда всаворэ нацыи, народоря, и шыба и тердёнас англа престоло и англа Бакроро. Вонэ слинэ андэ лунго парни йда, и андэ лэндирэ вас слинэ пальмови виточки».
k Откровение 7:13—17: «Тоди ек анда старейшыноря пушля мандар: „Кадэла мануша, савэ утидэ андэ лунго парни йда, ко вонэ и катар авелэ“. Мэ катэ жэ ԥэндэм лэсти: „Мэрно ӷосподино, ту екжэно када ӷанэс“. Во ԥэндя манди: „Када кодэла, ко вижан анда само бари бида. Вонэ вихаладэ пэстири йда и стердэ ла парни андэ лэ Бакрорэско рат. Важ када вонэ тердён англа лэ Дэвлэско престоло и о дес и рят терэн дила андэ свынто служэния андэ лэско храмо. И Кодэва, ко бэшэл по престоло, росшола понад лэндэ пэстири катуна. Вонэ будэр на авэна боқалэ и би паестирэ, вонэ на диқэна и жара и о қам на ԥабарэла лэн, важ кода кай о Бакроро, саво по машкар престоло, лэла тэ пасый лэн и тэ андярэл кордэ, катар жал ла жызняко паи. И о Дэл виқосэла всаворэ ясва па лэндирэ яқа“».
l Диқэн и статья «Дела его идут вслед за ним» андэ «Сторожэво башня» лэ 1 декабрёстар 1994 бэрш.
a Пэ картинка. Андэ само бари бида набут лэ Иеговастирэ свидетеля, савэ смили, проандярэн и собрания андо вэш.
b Пэ картинка. И бут мануша, савэ на парашэн тэ кандэн лэ Иеговас, фартэ радуинпэ, кай пэрэжудэ и само бари бида!