О Иегова освободий амэн

1, 2. а) Саво бэрш сас особенно важ израильтяноря? (Диқэн и рамка «Пэр со варикала андо Израилё ԥэнэнас о особенно бэрш?» б) Савэ алава ԥэндя о Иисусо, сар пистромэ андэ Луки 4:16—18?

АНДЭ дэсавэ страны о пятидесято бэрш полэн, сар баро празнико, и важ лэндэ када особенно празнико. Вонэ лэс справин най кадя, сар всаворэ. Вонэ моӷут лэс тэ справин най ек дес, курко чи дажэ май бут. Но кала кадэва празнико прожал, прожал и радость, сави сас лэ празникостар.

² Варикала андо Израилё кажно пятидесято бэрш, сас особенно бэрш. Кадэва бэрш сас фартэ радосно важ израильтяноря, важ кода кай лэнди дэнас свобода. Ай соса во можэт тэ авэл интересно важ амэндэ? Через кода, кай андэ кадэва особенно бэрш варикала андо Израилё освободинаспэ анда рабство. Када на дэл тэ бистрас, со стердя важ амэндэ о Иегова, кай амэндэ тэ авэл свобода пэ вся и вечность, пала сави ԥэнэнас о Иисус Христос. (Адиносар Луки 4:16—18b.)

3. Со, сар пистромэ андэ Левит 25:8—12, анэнас лэ израильтянонэнди о особенно бэрш?

³ Кай май драго тэ полас лэ Иисусостирэ алава пала свобода, давай май англал подаса дума пала особенно бэрш, саво о Дэл ԥэндя пэстирэ народости варикала андо Израилё, кай вонэ лэс тэ справин. О Иегова ԥэндя лэ израильтянонэнди: «О пятидесято бэрш тэ авэл свынто важ тумэндэ и росԥэнэн всаворэнди, ко котэ жувэл, кай вонэ авэна свободни. Во авэла важ тумэндэ особенно бэрш. Мэк кажно, ко най цэрэ рийпэ пэ пэстири ԥув и кай пэско ери». (Адиносар Левит 25:8—12c.) Андэ статья, сави сас май англал, амэ дям дума, васо лэ израильтянонэнди трэбуй сас тэ ритярэн и суббота. Ай со лэнди анэнас кадэва особенно бэрш? Ԥэнаса, о израильтянино сас трэбуй важ о вужылимос тэ битинэл пэстири ԥув. Ай андэ кадэва особенно бэрш кадэя ԥув рияспэ лэ хуласти. Кадя во моӷ тэ рийпэ «пэ пэстири ԥув» и тэ пэрэдэл и ԥув пэстирэ бэятонэнди. Или ԥэнаса, варисавэ манушэстэ сас фартэ баро вужылимос, кай лэсти прижыляпэ тэ битинэл андо рабство пэс чи пэстирэ бэятос. Андэ кадэва особенно бэрш лэ рабос трэбуй сас тэ освободин и тэ рин андо ери. Када сыкавэл, кай нико на ашэлапэ рабоса пэ вся и жызня и на авэла кадя, кай о рабо тэ на аштярэл лашимос! О Иегова па чачимастэ заботийпэ пала пэско народо.

4, 5. Васо амэнди трэбуй тэ ӷанас пала особенно бэрш?

⁴ Васо инке трэбуй сас кадэва особенно бэрш? О Иегова росԥэндя: «Машкар тумэндэ на трэбуй тэ авэн чорорэ, важ кода кай о Иегова блаӷословия тумэн пэ ԥув, сави тумаро Дэл о Иегова дэл тумэнди, кай вой тэ авэл тумари» (Второзаконие 15:4). Сар када на шолпэ пэ кода, со терэлпэ акана андэ люма, андэ сави и барвалэ барвадён, ай и чорорэ ашэн инке май чорорэ!

⁵ О особенно бэрш, када, кала тэ освободин лэ рабонэн, простин о вужылимос, и рин лэндирэ ԥувья. Лэ христианонэнди на трэбуй тэ ритярэн кадэва лэ Моисеёско законо, и важ када каринг амэндэ на поджан и алава важ о особенно бэрш (Римлянам 7:4; 10:4; Эфесянам 2:15). Но всаек на трэбуй тэ гиндосарас, кай по законо важ о особенно бэрш на трэбуй тэ на шас сама. Васо? Важ кода кай амэндэ кадяжэ, сар лэ израильтянонэндэ варикала, можэт тэ авэл свобода.

О ИИСУСО ԤЭНДЯ, КАЙ АВЭЛА СВОБОДА

6. Сави свобода трэбуй лэ манушэнди?

⁶ Амэнди всаворэнди трэбуй свобода, важ кода кай амэ раборя лэ бэзэхэстирэ, ай о бэзэх фартэ жэстоко хулай. Важ када амэ насвавас, ԥурювас и мэрас. Бутэнди андар мэндэ када дицол, кала диқаспэ андэ юнглинда или кала авас кай о врачо. Амэнди кадяжэ ԥарэс, кала амэ терас варисаво бэзэх. О апостоло Павло ԥэндя пэр пэстэ, кай во рабо «лэ бэзэхэстирэ законости, саво исин андэ [лэстири] тила» и инке ԥэндя: «Бибахтало мэ мануш! Ко улэла мандар мэрни тила, сави анэн и смэрть?» (Римлянам 7:23, 24).

7. Со ԥэндя о Исаия пала свобода?

⁷ Амэ бахталэ, важ кода кай о Иегова позаботисайля пала кода, кай тэ улэл амэндар лэ бэзэхэстири власть. Ӷлавно, ко вся када улэл, када о Иисус Христос. Май бут чем 700 бэрш жы каринг кода, сар арақаделяпэ о Иисус Христос, о пророко Исаия ԥэндя, кай май англэ кай и мануша авэла май бут свобода, чем кодэя, сави сас кай израильтяноря, андо особенно бэрш. О Исаия ԥэндя: «О духо кодэлэско, ко Хулай пэ вся, лэ Ӷосподоско лэ Иеговаско пэр мандэ, важ кода кай о Иегова помазал ман тэ росԥэнав и лащи весть кодэлэнди, кастэ ковло ди. Во бишалдя ман тэ исцылисарав кодэлэн, касти ԥарэс по ди, тэ росԥэнав, кай, ко андо плено, авэна свободни» (Исаия 61:1). Касти поджал кадэва пророчество?

8. Ко стердя тэ исполнийпэ о пророчество, саво пистросардя о Исаия важ и свобода?

⁸ Кадэва важно пророчество важ и свобода ля исполняца посли кода, сар о Иисусо ля тэ служый. Кала о Иисусо авеля андэ синагога андэ пэско форо Назарето, во проадиносардя лэ иудеёнэнди, савэ котэ стидэпэ, и алава, савэ пистросардя о Исаия. О Иисусо приля каринг пэстэ кадэла алава и ԥэндя: «Лэ Иеговаско духо пэр мандэ, важ кода кай во стодя ман тэ росԥэнав лащи весть лэ чорорэнди. Во бишалдя ман тэ росԥэнав, кай одмэкэла анда плено и лэна тэ диқэн и корэ, и тэ одмэкэл анда рабство кодэлэн, касти фартэ ԥарэс по ди, тэ росԥэнав пала бэрш, андэ саво о лашимос лэ Иеговастар» (Луки 4:16—19). Сар о Иисусо исполнисайля кадэва пророчество?

ПЭРВИ, КАС ОСВОБОДИСАРДЭ

9. Сави свобода аштярэнас бут мануша андэ лэ Иисусостирэ деса?

⁹ И свобода, пала сави ԥэндясас о Исаия и пала сави проадиносардя о Иисусо, заляпэ кай и мануша андэ пэрво вико. О Иисусо ԥэндя када кацавэ алавэнца: «Адес ашэля кода, со пистромэ андэ Писания, кода, со тумэ акана кати ашундэ» (Луки 4:21). Бут анда кодэла, ко ашунэнас, сар о Иисусо адинояс о пророчество, саво пистросардя о Исаия, файма, аштярэнас варисо тэ парудёл андэ политика, када, кай тэ освободинпэ ла властятар, сави сас андо Римо. Файма, лэ Христостирэ ученикоря кадяжэ када аштярэнас, и важ када дуй андар лэндэ ԥэндэ важ о Иисусо: «Амэ аштярасас англэ о лашимос, кай во кодэва, ко трэбуй тэ одмэкэл о Израилё анда рабство» (Луки 24:13, 21). Но амэ ӷанас, кай о Иисусо на ԥэнэнас пэстирэ учениконэнди, кай тэ жан против Римско власть. Во сытярэлас лэн тэ отдэн «лэ цезарёско лэ цезарёсти» (Матфея 22:21). Сар о Иисусо дя лэ манушэнди свобода?

10. Каринг сави свобода о Иисусо ԥэрнадя о дром?

¹⁰ Лэ Дэвлэско Шаво авеля пэ ԥув, кай тэ поможый лэ манушэнди, кай лэндэ тэ авэл свобода. Пэрво, када, во ԥэрнадя о дром лэ манушэнди, кай тэ освободинпэ лэ хохаимастар, саво росԥэнэн и барэ мануша анда хохавнэ веры. Бут иудеёря андэ кодэя время, сас андо рабство кай традицыи и кай хохавнэ веры (Матфея 5:31—37; 15:1—11). Кодэла, ко камэнас тэ авэн барэ манушэнца андэ веры, кай тэ диқэн пала аврэндэ, па чачимастэ сас, сар корэ. Вонэ отԥэндёлэ лэ Христостар и кодэлэстар, сости во сытярэлас, и важ када вонэ ашэлэпэ андэ тэмнота и андэ лэ бэзэхэстири власть (Иоанна 9:1, 14—16, 35—41). Кала о Иисусо сытярэлас лэ чачимасти и сытярэлас кодэлэса, сар во пэс андярэлас, кадэлэса во поможыяс кодэлэнди, кастэ ковло ди, кай тэ авэн свободни лэ хохаимастар (Марка 1:22; 2:23—3:5).

11. Сави инке лащи возможность дя лэ манушэнди о Иисусо?

¹¹ Дуйто, кай о Иисусо вижала тэ одмэкэл лэ манушэн анда лэ бэзэхэско рабство, саво пэрэдяпэ лэнди лэ Адамостар. Через кода, кай о Иисусо отдя пэстири жызня важ всаворэ мануша, о Дэл можэт тэ простий бэзэх кодэлэнди, ко патял андэ кода, кай о Иисусо амэн витиндя и сыкавэл када пэстиря диласа (Евреям 10:12—18). О Иисусо ԥэндя: «Сар о Шаво одмэкэла тумэн, во тумэн па чачимастэ одмэкэла» (Иоанна 8:36). Кадэя свобода сас пэ бутэстэ май лащи, чем кодэя, сави моӷла тэ авэл кай израильтяноря варикала. Важ кода кай о мануш, савэс освободинас андо особенно бэрш, моӷ упалэ тэ попэрэл андо рабство. И дажэ, если кацаво на авелоп, во всаек варикала мулиноп.

12. Касти пэрвонэсти динэ и свобода, пала сави ԥэндясас о Иисусо?

¹² Андэ Пятидесятница андо 33 бэрш лэ И. Х. о Иегова помазал лэ свынтонэ духоса лэ апостолонэн и аврэ муршэн и жувлян, савэ на парашэнас лэс тэ кандэн. Во приля лэн, сар пэстирэ бэятонэн. Васо? Кай май англэ, кала вонэ мэрэна, вонэ тэ ринпэ каринг и жызня, кай тэ жувэн по нэбо и тэ правин еқэҭанэ лэ Иисусоса (Римлянам 8:2, 15—17). Кадэла христианоря сас пэрви, касти динэ свобода, пала сави росԥэндясас о Иисусо андэ синагога андо Назарето. Вонэ парашэлэ тэ авэн рабонэнца лэ традицыенди, савэ против и Библия, и кодэлэсти, сости сытярэнас и барэ мануша анда иудейски хохавнэ веры. Англа лэ Дэвлэстирэ яқа вонэ ашэлэ свободни лэ бэзэхэстиря властятар, сави андярэл каринг и смэрть. Важ и христианоря бэрш, андэ саво о Иегова дэл свобода, заляпэ андо 33 бэрш, кала во помазал лэ Христостирэ учениконэн, и кончияпэ, кала о Иисусо парашэла тэ правий и Тысяча бэрш. Со инке амэ трэбуй тэ аштярас андэ кадэва особенно бэрш?

МИЛИОНОРЯ МАНУША АШЭНА СВОБОДНИ

13, 14. Кастэ инке, кроме памазаникоря, можэт тэ авэл свобода, пала сави ԥэндясас о Иисусо?

¹³ Андэ Библия пистромэ инке пала мануша, пэ савэ ԥэнэн «авэр бакрорэ» (Иоанна 10:16). Адес лэн милионоря мануша анда разни народоря. О Дэл на дя лэнди, кай тэ правин лэ Иисусоса по нэбо. Но лэндэ исин надежда, пала сави пистромэ андэ Библия, кай тэ жувэн вечно пэ ԥув.

¹⁴ Если тумэ анда кадэла мануша, тоди тумэ ужэ акана можэте тэ лошавэн кодэлэсти, со исин кай и памазаникоря. Со када? Када если тумэ патян, кай о Иисусо тумэн витиндя анда бэзэх, тумэ можэте тэ мангэн лэ Иеговас тэ простий тумаро бэзэх. Через када о Иегова тумэн хвалия и тумэндэ авэла вужи совесть (Эфесянам 1:7; Откровение 7:14, 15). Погиндон, саво лашимос тумэндэ исин, кай тумэ свободни лэ хохаимастар, савэсти сытярэн андэ хохавнэ веры. О Иисусо ԥэндя: «Тумэ уӷанэна о чачимос и о чачимос дэла тумэнди свобода» (Иоанна 8:32). Скати лашимос анэн кацави свобода!

15. Сави свобода амэндэ йто авэла и со амэн аштярэл?

¹⁵ Май англэ амэндэ инке май бут авэла свобода. Ужэ фартэ йто о Иисусо розмарэла и хохавнэ веры и найлашэ лэ манушэндирэ правлении. О Дэл фэрия пэстирэ служытелёнэн, пэр кастэ ԥэнэн и «фартэ бут мануша» и дэла лэнди лащи наӷрада, када тэ жувэн андо раё пэ ԥув (Откровение 7:9, 14). О Дэл рия каринг и жызня бутэн манушэн. Вонэ ужэ авэна свободни лэ бэзэхэстар, саво пэрэдяпэ лэ Адамостар (Деяния 24:15).

16. Сави лащи свобода авэла кай и мануша англэ?

¹⁶ Андэ кодэя время, кала о Иисусо и памазаникоря правина Тысяча бэрш, вонэ поможына всаворэ манушэнди тэ авэн зоралэ и тэ авэл лэндэ лащи дружба лэ Дэвлэса. Сар лэ израильтянонэнди дэнас свобода андо особенно бэрш, кадяжэ всаворэ лэ Иеговастирэ служытеля пэ ԥув, савэ на парашэн лэс тэ кандэн, освободинапэ лэ бэзэхэстар и авэна совершэни.

17. Сави жызня, сар пистромэ андэ Исаия 65:21—23, аштярэл лэ Дэвлэстирэ народос? (Диқэн и картинка пэ обложка.)

¹⁷ О пророчество пала кода, сави жызня авэла андо раё пэ ԥув, можно тэ проадинос андэ Исаия 65:21—23d (адиносар). Андо раё на лэна вся и время ек кати тэ отцыён. Андэ Библия пистромэ, кай андэ кодэя время лэ Дэвлэско народо лэла тэ терэл бут лащи дила, савятар авэла радость и вушэро по ди. Амэ патяс, кала кончияпэ и тысяча бэрш «кай и тварения одмэкэна анда рабство, андэ саво тернён, и лати дэна райкани свобода, андэ сави нинай рабство, сави исин кай лэ Дэвлэстирэ бэятцэ» (Римлянам 8:21).

18. Васо амэ патяс, кай амэн англэ аштярэл о лашимос?

¹⁸ Андэ дэлмутни время о Иегова заботияспэ пала кода, кай и израильтяноря годявэрнэс тэ диқэн пэ бути и пэ кода, сар тэ отцыён. Кадяжэ во стерэла важ пэско народо и андэ кодэя время, кала о Христос правия Тысяча бэрш. Амэ адес бахталэ, важ кода кай тэлювас лэ Дэвлэсти, и кадяжэ авэла андэ кодэя время, кала авэла о раё пэ ԥув. Кати погиндон, скати лашимос амэнди анэна, кала о Христос лэла тэ правий Тысяча бэрш. Ай скати лашимос амэ сможэм тэ стерас андэ лэ Иеговастири дила!