О чачимос пала лэ Дэвлэско Царство
Кала о Иисусо сытярэлас пэстирэ учениконэн тэ мангэнпэ, во ԥэндя: «Амаро Дад по нэбо, мэк тиро алав авэл свынто. Мэк авэл тиро царство. Мэк тири воля авэла и пэ ԥув, сар по нэбо» (Матфея 6:9, 10). Со када лэ Дэвлэско Царство? Со во терэл? Васо амэнди трэбуй тэ мангаспэ важ лэстэ?
О Иисусо Царё андэ лэ Дэвлэско Царство.
Луки 1:31—33: «Ту... [дэса лэсти алав] Иисус. Во авэла ашунгло и пэр лэстэ ԥэнэна, кай во лэ Всевышнёнэско Шаво. О Иегова дэла лэсти царство, лэстирэ дадэско лэ Давидоско. Во авэла тэ правий... вечно и лэстири правления на парашэла никала».
И весть важ о Царство сас кай о Иисусо пэ пэрво ҭан.
Матфея 9:35: «О Иисусо жыля па всаворэ фороря и гава, кай тэ сытярэл лэн андэ лэндирэ синагоги, тэ росԥэнэн и лащи весть пала царство и тэ улэл вся о насвалимос и вся и дук».
О Иисусо росԥэндя, сар тэ полэс, кай о Царство йто авэла.
Матфея 24:7: «Народо жала пэ авэр народо, и царство пэ авэр царство, андэ ек ҭан и андэ авэр ҭана лэла тэ тинойпэ и ԥув и авэла боқалимос».
Андэ амари время лэ Иисусостирэ ученикоря росԥэнэн важ о Царство па вся и ԥув.
Матфея 24:14: «Кадэя лащи весть пала царство росԥэнэна па вся и ԥув, кай тэ уӷанэн всаворэ народоря, и тоди авэла конец».