Родителя, сытярэн пэстирэ бэятонэн кодэлэсти, со вонэ трэбуй тэ ӷанэн!

Амэ жувас андэ люма, андэ сави вся пэрэшуто упрэ пэрнэнца. По лашимос ԥэнэн, кай када найлашимос, ай по найлашимос ԥэнэн, кай када лашимос (Иса 5:20). И мануша терэн кода, со гряца лэ Иеговасти. Например, дэсавэ муршэнди чалён и мурш, ай дэсавэ жувлянди и жувля. Амарэ бэяцэ моӷут тэ закамэн тэ андярэн пэс кадя, сар лэндирэ ровэсникоря или тэ шонпэ пэ ашунглэ мануша. Родителя, сар тумэ можэте тэ поможын пэстирэ бэятонэнди тэ боринпэ кодэлэса, кай тэ на андярэн пэс кадя жэ, сар и мануша андэ кадэя люма?

Объяснин лэ бэятонэнди, со чалёл лэ Иеговасти, ай со най (Лв 18:3). Росԥэнэн лэнди, со андэ Библия пистромэ пала отнашения машкар мурш и жувли и сар о Дэл диқэл пэ када. И кала сытярэн, на бистрэн, со вонэ моӷут тэ полэн па пэско возрасто (Вт 6:7). Пушэн пэстар: «Ӷанэн ли мэрно бэято, сар правильно тэ проявляет пэстирэ чуства? Полэл ли во, васо лэсти важно тэ утидэлпэ сэжо? Ӷанэн ли во, кай аврэ манушэндэ нинай право тэ лэнпэ кай лэстири тила, кала во совэл, наёл или пэрэлэл пэр пэстэ йда? Ӷанэн ли мэрно бэято, сар тэ андярэл пэс, если варико сыкавэл лэсти порнография или мангэл лэс тэ стерэл кода, со на чалёл лэ Иеговасти?» Если тумэ сытярэна кадэлэсти тумарэ бэятос, када фэрия лэс лэ найлашимастар (Пр 27:12; Эк 7:12). Сэрэн, кай и бэяцэ, када подарко лэ Иеговастар. Кала тумэ лэн сытярэн, тумэ сыкавэн, кай цэнин кадэва подарко (Пс 127:3).

ДИК ВИДЕО «ВАЗДЭН О ЦЭР, САВО НА ПЭРЭЛА. ФЭРИН ЛЭ БЭЯТОНЭН ЛЭ НАЙЛАШИМАСТАР» И ДЭ АТВЕТОРЯ ПЭ КАДЭЛА ВОПРОСОРЯ.

• 

  Васо дэсавэ родителя лажан тэ дэн дума пэстирэ бэятонэнца пала отнашения машкар мурш и жувли?

• 

  Васо и родителя трэбуй тэ сытярэн пэстирэ бэятонэн и тэ дэн лэнди годи «кадя, сар ԥэнэн о Иегова»? (Эф 6:4).

• 

  Со дэл лэ Иеговастири арӷанизацыя, кай тэ поможый лэ родителёнэнди тэ дэн дума пэстирэ бэятонэнца пала отнашения машкар мурш и жувли? (w19.05 12, рамка).

• Васо важно, кай андо ери и родителя и бэяцэ тэ на лажан тэ дэн дума ек еқэса?